🤲 بسم اللە الرحمن الرحيم

♦️باسێک سەبارەت بە هەڵمەتی چل ڕۆژ بۆ غەززە.

🔖سوپاس و ستایش بۆ خوای گەورە کە کۆتایی هات بە ئەنجامدانی ئەم هەڵمەتەشمان بۆ برا و خوشکانمان لە غەززەی خۆراگر ، بە فەزڵ و منەتی خوای گەورە بۆ ئەم جارەش کۆمەڵێک برا و خوشکی زۆر بەرێز هاوکارییان پێشکەش کردووە و ئێمەیان کردووە بە وەکیلێک تا بیگەیەنینە کەسوکارمان لە غەززە.🔖

بە پێویستمان زانی چەند خاڵێک بە شێوەیەکی گشتی بنوسین وەکو ڕوونکردنەوەی کۆتایی بۆ هەڵمەتەکە:

🔖یەکەم : ئێمە کۆمەڵێک گەنجی سەربەخۆین وەکو جاری پێشوش باسکرا ، سێ کەناڵی سەرەکیمان هەیە بەناوەکانی منصور کوردی و جەنگی ڕاگەیاندن و خالید حەسەن عزیز ، بەشێکی زۆر لە دۆست و ئەزیزان دەمانناسن و بەشێکی دیکەش هێشتا بە خزمەتیان نەگەیشتووین.

🔖دووەم : جاری پێشوو وەکو ئاماژەمان پێی دا نزیکەی ١٠ دەفتەر دۆلار (یان ١٠٠ هەزار دۆلار) کۆکرایەوە و گەیەندرایە غەززە و هەشت پرۆژەی جوانمان جێبەجێ کرد سوپاس بۆخوا پاشان ئێوەی بەخشەر و دڵسۆز.

🔖سێیەم : بە فەزڵ منەتی خوای گەورە تەواوی ئەندامانی ئەم ستافەی هەلساون بە ئەنجامدانی کارەکان بەشی پێویستی ژیانیان هەیە و کەسیان موحتاجی هاوکارییەکان نین ، لە ١ دینارەوە تاکوو هەموو پارەکانتان ئامانەتن لە گەردنی ئێمەدا و لەدنیا و قیامەتیش بەرپرسین بەرامبەریان کە تەنها ١ دۆلار بەفیڕۆ نەچووە و یەک بەیەکی خراوەتە خزمەتی خەڵکی غەززەوە ، الحمدللە.

🔖چوارەم : تەواوی رێکخراو و کۆمەڵە خێرخوازییەکان شێواز و ستراتیجێکیان هەیە بۆ دابەشکردنی هاوکارییەکان ، هەریەک بەپێی تێگەیشتن و پێویستی ئەو حاڵەتانەی لەبەردەستیاندان هاوکارییەکان پێشکەش دەکەن ، جێی باسە ڕوونی بکەینەوە ئێمە چەند ئەوەلیاتێک لێک دەدەینەوە لەوانە:
ـ پرۆژەی گەورە و بە برشت ـ سودمەندبوونی زۆرترین رێژەی خەڵک بەبێ جیاوازی و بەشکردنیان زەرورترین پێداویستییەکانی خەڵکی لەو کاتەدا
لەبەرچاوگرتنی ئازارە بەردەوامەکان وەک برسێتی و دەستکورتی و سەرما و چەندین شتی تر بۆ نموونە: لەبری کڕینی ١٠٠ قتووی شیر ئێمە مادام دەتوانین کەواتە بۆچی ٢٠٠ یان زیاتر نەکڕین ؟ خۆ دەکرێت بەشێک لە معاناتی ٨,٥٠٠ منداڵی شیرەخۆری غەززە کەم بکەینەوە بەرێژەیەکی بەرچاو ، خۆ دەتوانین تەنها ١٠٠ منداڵ یان ٢٠٠ منداڵ بەش بدەین و ئەوەی تر بکەینە پرۆژەیەکی ترەوە بەڵام گرنگ بەلای ئێمەوە سودمەند بوونی ڕێژەیەکی زۆری خەڵکییە.

📌سەرنجێک لەسەر پرۆژەکانی جاری پێشوو

✔️ جاری پێشوو لەبری دابەشکردنی ٥٠ خێمە یان ٥٠ چادر ، زەروریاتی خەڵکی زۆر لەوە زیاتر بوون وە هاوکارییەکانی ئێوەش ما شا اللە زۆر بوون بۆیە بریارمان دا بە کڕینی ٢٥٠ چادر کە ئەمەش بڕێکی زۆر و تەکلیفێکی زۆری هەبوو بەڵام گرنگ ئەوەیە خەلکی ئەوێ سودمەند بن نەک رەزیلیان لەگەڵ بکەین ، یان بۆ نموونە ٥٠٠ عایلە پارەیان پێدرا و هەریەکی زیاد لە ٥٠ دۆلار.

📌سەبارەت بەم هەڵمەتە نوێیە بە پشتیوانی خوا تەنها ٦ یان ٧ پرۆژە ئەنجام دەدەین ، لەهیچیاندا خێمە و چادری تیا نییە چونکە بە نزیکەیی هەموو خەڵکی #غەززە ئەوەیان دەست کەوتووە جگە لە کەمینەیەکی کەم نەبێت ، بەڵام ئەوەی گرنگە جلوبەرگی مناڵەکانمان و نان و ئارد و خواردن و پارەی نەقدییە بۆیە بە لەبەرچاوگرتنی ئەو هاوکارییانەی ئەمجارە هاتوون و پێداویستی ئێستای خەڵکی غەززە بریار دەدرێت بە سەرفکردنی هاوکارییەکانتان.

👥 بیرتان نەچێت ئێمە کوردین ، میوان دۆستین ، یەکەم پرۆژەمان میوانداری خەڵکی غەززە دەبێت بە پشتیوانی خوای گەورە ئەمجارەیان جیاواز لە میوانداری جاری رابردوو کە تەنها مەعکەرۆنی بوو بەڵکوو حەتمەن جیاواز دەبێت بە پشتیوانی خوا.

💎🔔 جزاکم اللە خیر الجزاء ، چاوەڕوان بن بەم زووانە وەک یەکەم کۆمەڵە دوای ئاگربەست و نەمانی شەڕ دەست دەکەین بە ئەنجامدانی پرۆژەکان بە پشتیوانی خوای گەورە.

▫️ڕاگەیاندراوی دەستەی چل ڕۆژ بۆ غەززە

..
💎 @jangyragayandn1

ـ