من يوم الـ رحَت
ما غَمضت عيني
ومدري شگد ذكرتك
وانـتَ ناسيني
وگت خَلاك صاير
وينك وويني
انه الحَافظ
اسرارك وانـتَ يم الناس
مو بس تنطي بيه
يجَوز تنطيني

والله لو يدري بحُبي له
كان تبكي عيونه مثل ما بكاني
كنت احسب إنه يزيح الهم ويشيله
ما كِنت احسبه يزيد هموم وجداني
ضحيت لأجله ولكِن ما بيدي حيله
خَلاني اشكي من الهجران واعاني
ويله من الله على اللي صار يا ويله
وشلون قلبه يطيعه ويتناساني؟

مَا هملتك من خنتني
جنت مَاليك اهتمام
وهسه جاي اكل بروحَي
گمت اشك بشكو مره
گتلي بيها نعسَان اريد انام

خايف اخَسرك چنت
وتمنيت خايف اضَل
ما ردت اصَير بشر
ما عنده شي يخسره

رغم كُلشي انتهى
وانباعت العَشره
ورغم گلبك القاسي
الـ ما يحَن ذره
وحق الخالقك
ما تلگه مثلي انسان
بي ضحكاتك
المو صادگه مغزره

حَتى من الله بعدوني
من قهرهم صَرت انام وما اصلي
وصَرت نفسيه بسببهم
مدري بسبب خَلي
مدري الف ضِيمي واموتن
مدري الف راسي واولي
سَاعه اگولن باقي لـ هَلي
وهمه الماذيني هَلي
عمُر خلص بالگهاوي
وبالدگاگين القديمه باقي شلي؟
مدري اگتل روحي واخلص
مدري احرك بيتي كله وما اخَلي
صَرت تايه بنص غُربتي
والغَريب يريد ادلي

من اولها گلبك مَو الي
عندك فراغ وجَيتني
تجَاملني چنت بعشرتك
مَو من صدك حَبيتني

كون بمكاني تصير لحَظه
انـتَ وضميرك ، گلي ترضى؟
محتاجلك بس انـتَ زعلان
ايامي تمَشي شلون ما چان
عفتك حلو .. شو هَسه حليان؟
مادري چَنت بحبي تعبان
كون بمكاني تصير ليَله
والله الحَچي مابيه حيله

بَحس بمعنى عمري مَعاك
بحب الدُنيا وانا وياك🤍🤍!

وحَدي ، والدنيا تعرفني
شگثر وحَدي
لا طَفيت بليل
وانمدتلي شَمعه
ولا نجَم منكم عبر
وتعده حَدي ..

تفز ومغورگه عَيونك
ومن كُثر البچي والخوف
اهلك مَا يعرفونك
لا ترمَش ولا جرة نفس تنشَاف
عدل ، لكن عَلى الموته يحسبونك

من اموت برودتك خليها على التابوت
وبيدك كون نعش جنازتي تطبگه
وخليلي دمعتك عالگبر نيشان
خاف بجفن گبري دموع ما تلگه
وخاف يمر وگت وتزورني من بعيد
تدليك بمكاني حرورة الشهگه