ပိုက်ဆံကို goal အနေနဲ့ထားရင်

ပိုက်ဆံရလာရင်တောင် ပျော်ရမှာမဟုတ်ဘူး

တကယ့် goal က ရလာတဲ့ပိုက်ဆံနဲ့

ဘာတွေလုပ်မယ်ဆိုတဲ့ အပေါ်မှာထားရင်

သင်လုပ်နိုင်တဲ့အခါ ပျော်ရလိမ့်မယ် 🤗

အမြဲတမ်း နောက်မလှည့်ဘူးကွဆိုပြီး

အဝိုင်းကို ပတ်ပြေးနေရင်
ရှေ့မရောက်ဘူးနော် 😁

ပြောင်းလဲချင်တယ်ဆိုရင်
ဒီအချိုး ဒီလုပ်နည်း ဒီအကျင့်နဲ့တော့မရ

အဲ့ဒါတွေမပြောင်းလိုလဲ
ဒုံရင်းက ဒုံရင်းဖြစ်နေတာပါ

အဝိုင်းပတ်မပြေးပါနဲ့တော့
အကျင့်လေးတွေပြင်ပြီး တည့်တည့်ပြေးပါ

စိတ်နဲ့ ကိုယ်နဲ့ ကပ်ပြီးတော့

ဂရုတစိုက်နေထိုင်တဲ့အခါ

Detail လေးတွေကအစ

ကြည့်တတ်မြင်တတ်တဲ့

အလေ့အကျင့်ကိုရလာလိမ့်မယ်

အဲ့ဒါက အရေးကြီးတယ်

များသောအားဖြင့်

အတွေးထဲမှာနေတဲ့သူတွေက

အတိတ်နဲ့ အနာဂါတ်မှာနေနေတာများတယ်

လက်ရှိမှာနေနိုင်တဲ့ သူဖြစ်မှသာ

Detail လေးတွေမြင်နိုင်မယ်

နောက်တစ်ခုကတော့

အာရုံစူးစိုက်နိုင်စွမ်း ရှိရမယ်

လမ်းလျောက်ရင်း သီချင်းနားထောင်တာ

ထမင်းစားရင်း TV ကြည့်တာက

တစ်ပြိုင်တည်းလုပ်တယ်လိုထင်ရပေမယ့်

အရသာကို အာရုံရောက်ရင်

Tv ကအရုပ်ကို မြင်နေရရင်တောင်

သေချာသတိမမူမိဘူး

Tv ကိုသေချာကြည့်ရင် စားနေတဲ့

ထမင်းအရသာ သေချာမသိနိုင်ဘူး

အာရုံကိုတစ်နေရာတည်း

စုစည်းထားနိုင်တဲ့သူက အမြဲသာမှာပဲဗျ

ကြားဖူးတယ်မလား

"သတိမမူ ဂူမမြင်

သတိမူက မြူပင်မြင်၏" တဲ့

ဒီခေတ်မှာတော့ ဂူတွေရှာဖိုမလိုပေမယ့်

ဂွင်တွေရှာတတ်ဖိုတော့လိုတယ် မိတ်ဆွေ

( ဂွင် = opportunity )

စိတ်နဲ့ကိုယ်နဲ့ကပ်ပြီး

အာရုံစုစည်းနိုင်အောင်

လေ့ကျင့်သင်ယူ နေထိုင်ကြည့်ပါ

၆ လ လောက်ဆိုသိသာလာပါမယ်

ကိုယ့်ကိုယ်ကို ပိုသိတဲ့လူက

သူများထက်အမြဲသာတယ်

ဒါကြောင့် သူများထက်သာချင်ရင်

Self reflection လုပ်သင့်တယ်

Self reflection လုပ်ဖို question တွေက

အရေးကြီးတယ် google မှာရှာကြည့်ပါ

အများကြီးရှိတယ် အဲ့ထဲက ကျနော်ကြိုက်တဲ့

3 points Question ( ၃ ခုတွဲ မေးခွန်း ) ကတော့

⭐️ လွန်ခဲ့တဲ့ ၃ နှစ်က ငါအရမ်းလိုချင်ပါတယ်လို ဆုတွေတောင်းနေခဲ့ပြီး အခုတော့ ရလာခဲ့တာဘာရှိလဲ ?

⭐️ ဒီနေ့မှာရော ငါနောက် ၁၀ နှစ်အတွင်း အရမ်းလိုချင်ပါတယ်လို ဆုတောင်းချင်တဲ့အရာဘာရှိလဲ ?

⭐️ ငါသာဒီနေ့ သေကောင်ပေါင်းလဲဖြစ်နေရင် ငါ့မှာရှိနေတဲ့အရာတွေထဲက ဘယ်အရာကို အရင်ဆုံးတောင်းတ မလဲ ?

ဒီ ၃ ခုကို ၃ လ တစ်ကြိမ်လောက်

Reflect လုပ်ကြည့်သင့်တယ်

ဘာအကျိုးရှိသလဲဆိုတာတော့

ချရေးကြည့်ပြီးသိတဲ့အခါ

ပြန်လာပြောလှည့် 🫰🏻

“လူတွေက ခွဲခြားဆက်ဆံတာမဟုတ်ဘူး
သင့်ဘက်က skill လိုနေတာ”

တစ်ခါတလေ သင့်အနေနဲ့ ခွဲခြား ဆက်ဆံခံရသလို ခံစားဖူးမယ် ထင်ပါတယ်
လူတိုင်း အနည်းဆုံး တစ်ခါတော့ ခံစားဖူးကြမယ် ။

ကျောင်းမှာပဲဖြစ်ဖြစ် ၊ အလုပ်မှာပဲ ဖြစ်ဖြစ် ၊ အိမ်မှာတောင် ခံစားရနိုင်တယ်။

ဒီနေ့တော့ အလုပ်မှာ ဖြစ်တဲ့ ခွဲခြားဆက်ဆံရေးကို ပြောချင်တယ်

ကိုယ့်ရဲ့အလုပ်မှာ HR ကဖြစ်ဖြစ် ၊ မန်နေဂျာကဖြစ်ဖြစ် ဦးစားပေးတာခံရသူရှိလား
ရှိတယ်ဆိုရင် ဘာလို သူတို အဲလို ဦးစားပေးခံရတာလဲ
သူတို ကပ်ဖားရပ်စား လုပ်နေလိုလား

ကိုယ့်အမြင် နဲ့ တခြားသူ အမြင်မှာ အဲလိုဖြစ်နိုင်ပေမဲ့

သူတိုက သင်မသိတဲ့ အချိန်မှာ အထက်လူကြီးတွေကို “ ဆရာ စားပြီးပြီလား ၊ နေကောင်းလား ”
ခရီးပြန်လက်ဆောင်ပေးတာ အစရှိတဲ့ ဂရုစိုက်မှုလေးတွေ လုပ်ပေးတာလည်း ဖြစ်နိုင်ပါတယ် ။

ဒါကို ဖားတယ်လို မြင်ကြတဲ့သူ ရှိရင်ရှိမှာပဲ
ကျနော်ကတော့ ဒါကို လေးစားတာ ၊ အရေးပေးတာလို မြင်တယ် ။

အလုပ်က လူကြီးတစ်ယောက်သာမကပဲ
ဦးလေး ၊ ဆွေမျိုးတစ်ယောက်လို ဆက်ဆံတာ ဖြစ်တယ်လို ခံစားရစေတယ် ။

သူတိုက သင်မသိတဲ့ လုပ်ငန်းခွင် ပေါင်းသင်းဆက်ဆံရေးနည်းတွေ သိလိုဖြစ်တယ် ။

အဲ့လိုပုံစံမျိုး သင့်အနေနဲ့
အလုပ်မှာ နားရ‌က်တွေရတဲ့ ၊ အခွင့်အရေးတွေရတဲ့ လူကိုလည်း မြင်ဖူးမယ် ထင်ပါတယ် ။

နားရက်ယူတာကို ကြည်ကြည်ဖြူဖြူနဲ့ ပေးတဲ့အပြင် တခြားအခွင့်အရေးတွေမှာလည်း ထိပ်ဆုံးက ဖြစ်နေတဲ့ သူတွေ ၊
သူတိုက အကြီးတစ်ယောက်ရဲ့ ဆွေမျိုး မဟုတ်ရင် Company အတွက် တကယ် အမြတ်တွေ သယ်ဆောင်လာပေးတဲ့လူ ဖြစ်ပါလိမ့်မယ် ။

အဲတော့ သင့်အနေနဲ့ နားရက်လည်း အေးဆေးရ အခွင့်ထူးလည်းရတဲ့သူ ဖြစ်ချင်ရင်
အဲ့လိုလူတစ်ယောက်ဖြစ်လာရင် ရပါပြီ
အလုပ်မှာ ခွဲခြား ဆက်ဆံခံရတယ်ဆိုတာ skill တွေ လိုအပ်လိုပါ ။

လိုအပ်တဲ့ skill တွေကို လုပ်ငန်းခွင်အဌာရသမှာ ဖြည့်‌ပေးပါတယ် ။

သင့်အနေနဲ့ အလုပ်မှာ အခွင့်ထူးခံချင်တယ်ဆိုရင်
အလုပ်မှာ ပေါင်းသင်းဆက်ဆံရေးကောင်းဖိုနဲ့ သင်မရှိရင်မဖြစ်တဲ့ ဖြစ်တည်မှုကို တည်ဆောက်ထားဖို လိုအပ်တယ် ။

ဘယ်သူတွေကိုယ့်ထက်
ပိုသာနေလဲလိုက်ကြည့်နေလို
ဘာမှထူးမလာနိုင်ဘူး

ဒီနေ့ version ထက်
မနက်ဖြန် version က
ပိုသာနေဖိုပဲလိုတယ်

မနေ့ကထက် ပိုတော်
ပိုတတ် ပိုချမ်းသာ
ပိုအေးချမ်းလာဖိုအရေးကြီးတယ်

ကိုယ့်ကိုယ်ကို focus လုပ်ရင်
ကိုယ်တိုးတက်လာတာတွေ့မယ်

သူများပေါ် focus လုပ်ရင်
သူများပိုတိုးတက်လာတာတွေ့မယ်

Build yourself to be better !

8+8+8 စည်းမျဉ်းဆိုတာဘာလဲ❓
(ကိုယ့်ဘဝတစ်​နေ့တာကို တိုးတက်​ပြောင်းလဲချင်သူများဖတ်ပါ)❗️
8+8+8 စည်းမျဉ်းဆိုတာ တစ်နေ့တာကို အပိုင်းသုံးပိုင်း ခွဲခြားစီမံခြင်းဖြစ်ပြီး၊ သင့်ရဲ့ ဘဝအတွက် “လုပ်ငန်း၊ အိပ်စက်မှု၊ ကိုယ်ပိုင်စောင့်ရှောက်မှု” ဆိုတဲ့ တန်းတူအရေးကြီးတဲ့အရာသုံးခုကို ညှိနှိုင်းဖို့အတွက် တစ်နေ့လုံးကို တိတိကျကျ စီမံခွဲခြားပေးတာပါ။
ပြောရရင်……
၁။ ပထမပိုင်း (8 နာရီ) – အလုပ်ကို တက်ကြွစွာ လုပ်ဆောင်ခြင်း
ပထမဆုံး ၈ နာရီဟာ သင့်လုပ်ငန်း၊ အလုပ်၊ သင်ယူရေး၊ စီးပွားရေး အစီအစဉ်၊ စီမံခန့်ခွဲမှုတို့အတွက် သီးသန့်သတ်မှတ်ထားခြင်းဖြစ်ပါတယ်။
မနက်စောစောမှာ..စိတ်ပင်ပန်းမှုနဲ့ စိုးရိမ်မှုတွေ လျော့ပါးစေဖို့၊အလုပ်တိုးတက်မှုကို မြှင့်တင်ပေးဖို့၊
တစ်န့တာလုံးတက်ကြွစွာအလုပ်လုပ်နိုင်ရန်နဲ့အတွရည်မှန်းချက်တွေ ရှင်းလင်းစေရန် အရေးကြီးတဲ့ အချိန်ဖြစ်ပါတယ်။
ဒီ ၈ နာရီကတော့ တစ်နေ့တာ အလုပ်တာဝန်တွေကို စနစ်ကျစွာ ပြုလုပ်ဖို့ အထောက်အကူဖြစ်ပါတယ်။
၂။ ဒုတိယပိုင်း (8 နာရီ) – အိပ်စက်အနားယူခြင်း
အိပ်စက်ခြင်းဟာ..ခန္ဓာကိုယ်နဲ့ ဦးနှောက်အတွက် ပြန်လည်အင်အားသွင်းပေးတဲ့ အရေးကြီးဆုံး အချိန်ပါ။
• အနားယူမှုမှတဆင့် စိတ်ပင်ပန်းမှု၊ ခန္ဓာကိုယ်ပင်ပန်းမှုများပျောက်ကင်းစေရန်၊
• စိတ်ဖိစီးမှုနှင့် ကျန်းမာရေးအတွက် အဓိကအရေးပါတဲ့ အစိတ်အပိုင်းတစ်ခုပါ။ အိပ်စက်ချိန်လုံလောက်မှုမရှိရင် နေ့စဉ်တာဝန်တွေ မှာအကောင်အထည်မဖော်နိုင်ဘဲ စိတ်ညစ်စိတ်ပန်းဖြစ်နိုင်ပြီး၊ ကျန်းမာရေး ပြဿနာများလည်း ဖြစ်ပေါ်နိုင်ပါတယ်…….။
၃။ တတိယပိုင်း (8 နာရီ) – ကိုယ်ပိုင်ဘဝ/မိမိကိုယ်ကို စောင့်ရှောက်ခြင်း
ဒီအချိန်ကို သင့်ရဲ့ ကိုယ်ပိုင်ဘဝ၊ စိတ်ပိုင်းဆိုင်ရာနှင့် လူမှုဘဝအတွက် အသုံးပြုပါ။
ဒီပိုင်းကို 3Fs, 3Hs, 3Ss ဆိုတဲ့အပေါ်မှာ အခြေခံထားပါတယ်။
💙3Fs
• Family (မိသားစု): မိသားစုနဲ့အချိန်ဖြုန်းခြင်း၊ ဆက်ဆံရေးမြှင့်တင်ခြင်း
• Friends (မိတ်ဆွေများ): မိတ်ဆွေ၊ သူငယ်ချင်းများ နှင့် လူမှုဆက်ဆံရေးများ ထိန်းသိမ်းခြင်း
• Faith (ယုံကြည်ခြင်း): ဘာသာရေး၊ စိတ်ပိုင်းဆိုင်ရာယုံကြည်မှုများကို တိုးတက်စေခြင်း
💙3Hs
• Health (ကျန်းမာရေး): ကိုယ်ရေးကိုယ်တာ ကျန်းမာရေးစောင့်ရှောက်ခြင်း၊ အားကစားလုပ်ခြင်း
• Hygiene (သန့်ရှင်းမှု): ကိုယ်အဝတ်အစား၊ အိမ်သန့်ရှင်းရေး ပြုလုပ်ခြင်း
• Hobby (ဝါသနာ): ကိုယ်နှစ်သက်တဲ့ အလုပ်အကိုင်၊ အပန်းဖြေ လုပ်ငန်းများ
💙3Ss
• Soul (စိတ်): စိတ်ကြည်လင်ပြီး အေးချမ်းစွာ နေထိုင်ကာ၊ အတွေးတွေကို ထိရောက်စွာ စီမံပြီး စိတ်ချမ်းသာမှုနဲ့ တက်ကြွမှုကို ထိန်းသိမ်းခြင်း
• Service (လူမှုဝန်ဆောင်မှု): အခြားသူများအတွက် ကူညီပံ့ပိုးမှု
• Smile (အပြုံး): လူတွေကို အပြုံးနှင့် ဆက်ဆံခြင်း
စတာတွေဖြစ်ပါတယ်။‼️
⬅️ဒီမှာအရေးကြီးတာက
တနေ့ကို 8 နာရီအလုပ်၊ 8 နာရီအိပ်စက်ခြင်း၊ 8 နာရီကို ကိုယ်ပိုင်ဘဝအတွက် ခွဲခြားထားခြင်းက သင့်ဘဝမှာ လုပ်ငန်းပိုင်း၊ ကျန်းမာရေးနဲ့ စိတ်ပိုင်းဆိုင်ရာ အောင်မြင်မှုတွေကို တပြိုင်နက်တည်းတိုးမြှင့်ပေးနိုင်တယ်ဆိုတာကို သတိရပါ။
ဒီလို လုပ်ခြင်းဟာ အလုပ်ကိုစနစ်တကျစီမံခန့်ခွဲပြီးသားဖြစ်စေရုံသာမက လုံလောက်စွာအိပ်စက်ချိန်၊ ကိုယ်ပိုင်စောင့်ရှောက်မှုနဲ့ လူမှုဆက်ဆံရေးကိုပါကောင်းမွန်စေတဲ့ အခွင့်အရေးကို ဖန်တီးပေးပါတယ်။
တစ်နည်းပြောရရင်
“အလုပ်လုပ်ခြင်းနဲ့ အိပ်စက်ခြင်း၊ ကိုယ်ပိုင်ဘဝမှာ စိတ်ပျော်ရွှင်မှုရရှိဖို့အတွက် ချိန်ညှိပေးတဲ့ “ Balance စနစ်” ဖြစ်ပါတယ်။
ဒီအကြံပေးချက်ကို လက်တွေ့အသုံးချပြီး တစ်နေ့တာ အချိန်များကို မှန်ကန်စွာ စီမံခန့်ခွဲနိုင်မယ်ဆိုရင်၊ ကျန်းမာရေးကောင်းမွန်မှု၊ စိတ်ဖိစီးမှုလျော့ပါးမှု၊ လူမှုဆက်ဆံရေးတိုးတက်မှု စတဲ့ ဘဝတစ်ခုကို ရရှိနိုင်မှာပါ……။❗️
Edited ❗️
(နဂို 8-8-8 စည်းမျဉ်းက တန်းတူခွဲဖို့ရည်ရွယ်ပေမဲ့၊ lunch၊ သွားလာချိန်၊ အိမ်တွင်းတာဝန်တွေနဲ့ အလုပ်ပိုင်း ၁၁ နာရီ၊ ကိုယ်ပိုင်အချိန် ၄–၅ နာရီလောက်ဘဲ ကျန်နေတတ်တယ်။ ဒါကြောင့် လက်တွေ့မှာ 8-8-8 မရနိုင်ဘဲ 8-11-5 လို ပုံစံမျိုး ဖြစ်တတ်ပြီး၊ balance ရဖို့ အချိန်ခွဲညှိမှုကို ပြန်စဉ်းစားရမှာပါ။
အာရှမှာလူအများစုက အလုပ်နဲ့ ကိုယ်ပိုင်ဘဝရဲ့ balance မကောင်းတာကို သိပေမဲ့ “အဲဒါကဘဝ” လို့ ယူဆကြပါတယ်။ တချို့ကတော့ အလုပ်ကို အဓိကထားပြီး ကိုယ်ပိုင်အချိန်နည်းတာကိုသာမန်လို့ သဘောထားကြတယ်။
ဒါပေမဲ့ အနောက်နိုင်ငံမှာ လူအများစုက အလုပ်နဲ့ ကိုယ်ပိုင်ဘဝ balance ကို အရေးကြီးစွာ ထိန်းသိမ်းချင်တတ်တာကြောင့်၊ အလုပ်က အချိန်ပိုယူတာ (ဥပမာ 8 နာရီထက်ပို) ကို မူရင်း 8-8-8 principle ကို ချိုးဖောက်သလိုခံစားရလေ့ရှိကြပါတယ်)
ဒါ​ကြောင့် လက်​တွေ့ဘဝမှာ ဒါကို တိတိကျကျလိုက်နာဖို့က အခွင့်အလမ်းနည်းပါတယ်။ဒါ​ပေမဲ့ ဒီနည်းလမ်းကို အနီးကပ်ဆုံးplan တစ်ခုထားမယ်ဆိုရင် ကိုယ်​ရဲ့​နေ့စဉ်ဘဝဖြစ်တဲ့ အလုပ်+ အိပ်ချိန်+ self care
ကို Balance ဖြစ်​စေမှာပါ။ဒီစာဟာ အလုပ်ထဲမှာဘဲနစ်မွန်းပီး မိမိကိုယ်ကို ဂရုစိုက်ဖို့​မေ့​လျော့​နေသူများကို Reminding လုပ်​ပေးတာပါရှင်🥰
မေတ္တာဖြင့်…ပြန်လည်မျှဝေ

ဘယ်သူ့ကိုမှမလိမ်နဲ့
ကိုယ့်ကိုယ်ကိုလဲမလိမ်နဲ့

မသိရင်မသိဘူးမရှိရင်မရှိဘူး
မလုပ်ချင်ရင်မလုပ်ချင်ဘူး

စိတ်လှုပ်ရှားနေရင်စိတ်လှုပ်ရှားတယ်
အကုန် ပွင့်ပွင့်လင်းလင်းနေတာကောင်းတယ်

လိမ်လိုက်လိုအခွင့်အလမ်းတွေ
ရမယ်ဆိုတောင်တစ်ချိန်ပြန်ပေါ်မှာပဲ

Quick learner တော့ CV ထဲရေးပြီး
အလုပ်မှာကျ ၃ လသင်တာတောင်
မှားတုန်းဆိုဂွမ်းပြီ

အကြွေးတွေထဲမှာ
စိတ်ထဲမှာကိုယ်ဖြစ်နေတာကို
လိမ်လိုက်လို တင်နေတဲ့
အကြွေးကဆိုးတယ်

အကြွေးတင်မခံပါနဲ့ မိတ်ဆွေ🫰🏻

သက်သက်သာသာနေရဖို
မသက်မသာ အချိန်တွေကို
ဖြတ်သန်ရတာ ပုံမှန်ပါပဲ

ကောင်းတာကတော့
ငယ်တုန်းမှာ မသက်သာတဲ့
အနေအထားတွေကိုရင်ဆိုင်ထားရင်

ကြီးလာရင်သိပ်မပင်ပန်းတော့ဘူး

စာကျက်တာပင်ပန်းတယ်
စာကျက်လိုရလာတဲ့ result က
မပင်ပန်းပဲ အလုပ်လုပ်လိုရတဲ့ဘဝပဲ

ကြိုးစားရတာပင်ပန်းတယ်
ကြိုစားလိုရလာတဲ့ result က
စိတ်ပူပန်သောက နဲတဲ့ဘဝပဲ

ဘာအတွက် အပင်ပန်းခံမယ်ဆိုတာ
သေချာရွေးချယ်ပြီး သေချာအပင်ပန်းခံပါ

လုံလောက်တဲ့ပေးဆပ်မှုပြီးရင်
အသီးအပွင့်တွေလာပါလိမ့်မယ်

ပြောသင့်ပြောထိုက်တာကို
မပြောပဲနေလိုက်တာလဲ နစ်နာစေတယ်

ပြောမှသိမယ့် အမှန်တရားအချို
ပြောမှသတိထားမိမယ့် အမှားတွေ
ပြောမှပြင်မယ့် သူတွေအတွက်
ပြောသင့်တာကိုပြောပြဖိုလိုတယ်

မဟုတ်ရင် ကိုယ်လဲ ပြောခွင့်ရှိတဲ့
အခွင့်အရေးကိုဆုံးရှုးနစ်နာရသလို

ပြောမှသိမယ့်သူတွေအတွက်လဲ
သိခွင့်ရှိတဲ့ အခွင့်အရေးနစ်နာတယ်

အကောင်းဆုံးအဆောင်
→ ကိုယ်ချင်းစာစိတ်

အကောင်းဆုံးတရား
→ မေတ္တာတရား

အကောင်းဆုံးယတြာ
→ မိဘကိုလုပ်ကျွေး

အကောင်းဆုံး ဝင်ငွေ
→ ကိုယ်ကြိုက်တာကိုယ်လုပ်ရင်းရတဲ့ငွေ

အိမ်မက်ကြီးတွေရှိပေမယ့်
ဘယ်ဘက်က စရမလဲ မသိသေးရင်

👉ဒါတွေကို စဖတ်ကြည့်

💰 Money
→ Rich Dad Poor Dad by Robert Kiyosaki

🧠 Mindset
→ Mindset by Carol Dweck

🧘🏻 Mindfulness
→ The Miracle of Mindfulness by Thich Nhat Hanh

📈 Marketing
→ This is Marketing by Seth Godin

❤️ Mental Health
→ Atlas of the Heart by Brené Brown

👔 Management
→ The Effective Executive by Peter Drucker

🧩 Psychology
→ Thinking, Fast and Slow by Daniel Kahneman

✨ Spiritual
→ The Power of Now by Eckhart Tolle

🚀 Personal Development
→ Atomic Habits by James Clear

⏳ Time Management
→ Mind Management, Not Time Management by David Kadavy

🧠 Knowledge Management
→ Building a Second Brain by Tiago Forte

🏪 Small Business
→ The E-Myth Revisited by Michael Gerber

တစ်လတစ်အုပ်နဲ့ဆို
နောက်နှစ် ဒီအချိန်မှာ
အနေအထားတစ်ခု
ရောက်နေလောက်ပြီ

ပြဿနာတွေ ၊ stress တွေ မရှိရဘူးလို တွေးတာကိုက ပြဿနာပါ ။

ဒါက ကလေးဆန်တဲ့ စိတ်ကူးယဥ် fantasy ပါ ။

မိုးရာသီထဲ မိုးရွာမယ်လို ကြိုတွေးထားခြင်းက
အဆိုးမြင်ဝါဒ မဟုတ်ပါဘူး ။

ကြိုတွေးထားလို တကယ် ရွာတဲ့အခါလည်း
စိတ်ထိခိုက်စရာ မရှိတော့ပါဘူး ။

အဲ့လိုပဲ အလုပ်တွေ လုပ်တဲ့အခါ
လိုအပ်တဲ့ ပြဿနာလေးတွေ အခက်အခဲလေးတွေ
ရှိရင် ရှိလာမယ် ၊

ရှိလာရင် ရအောင် ဖြေရှင်းမယ် ၊ ဖြေရှင်းနိုင်တယ်လို ကြိုတွေးထားရင်

တကယ် ဖြစ်တဲ့အခါ အရမ်း တုန်လှုပ်စိတ်ညစ်တာတွေ
မဖြစ်တော့ပါဘူး ။

ပိုလိုလည်း တည်ငြိမ် အေးဆေးနေပါမယ် ။

Emotional intelligence
တကယ်မြင့်သွားရင်

အာရုံနောက်တာနဲ့
တန်း block လိုက်ရော 😁

ဘာမှကိုတွေးမနေတော့ဘူး

ငါအခုအဆင်သင်မဖြစ်သေးဘူး
အဆင်သင့်ဖြစ်မှစတော့မယ်

ဒီစကားတွေပြောဖူးကြ
ကြားဖူးကြမယ်ထင်ပါတယ်

တကယ်တော့အဆင်သင့်ဖြစ်တဲ့
အချိန်ဆိုတာ ကျနော်တိုစိတ်က
သတ်မှတ်လိုက်တဲ့အချိန်ပဲ

ဆုံးဖြတ်ချက်ချလိုဖိုပဲလိုတာ

မှားရင်သင်ခန်းစာ မှန်ရင်အမြတ်ပေါ့

အချိန်ဆွဲနေလိုဘာမှမထူးဘူး
ဘဝကထင်သလောက်မရှင်္ညဘူး
အချိန်နဲနဲပဲဆွဲ 😁

ဖုန်းတွေကိုပဲ update မလုပ်ပါနဲ့ 🤳🏻
ကိုယ့်ကိုယ်ကို လဲ update လုပ်ပါ

ကာယဗလ ( Physical OS ) ကို update လုပ်ဖို
- လေ့ကျင့်ခန်းလုပ်
- diet စား
- အိပ်ရေးဝအောင်အိပ်

ဉာဏဗလ ( Mental OS ) ကို update လုပ်ဖို
- စာအုပ်တွေဖတ်
- podcast တွေနားထောင်
- youtube video တွေကြည့်

မိတ္တဗလ ( Connection OS )ကို update လုပ်ဖို
- community တွေ join
- သင်တန်းတွေတက်
- စိတ်တူကိုယ်တူရှိသူတွေနဲ့ပေါင်း

ဘောဂဗလ ( Wealth OS ) ကို update လုပ်ဖို
- second income တည်ဆောက်
- skill အသစ်တွေသင်ယူ
- အချိန်ပိုထွက်လာစေမယ့်
tools တွေမှာ invest လုပ်

စာရိတ္တဗလ ( Habit OS )ကို update လုပ်ဖို
- အကျင့်ကောင်းတွေမွေးမြူ
- အချိန်စီမံမှုကောင်းအောင်လုပ်
- စိတ်နဲ့ ခန္ဓာကို control လုပ်နိုင်မယ့်
အကျင့်တွေကိုနေ့စဉ်အချိန်ပေး

Your better version is waiting for you

လုပ်ငန်းခွင်မှာ သိမ်ငယ်မှု မရှိအောင်

လုပ်ငန်းခွင်အတွင်းမှာ ကျွမ်းကျင်မှု မရှိသေးတဲ့အခါမှာဆိုရင် သိမ်ငယ်စိတ်ကို ဝင်စေတတ်ပါတယ်။

ကျနော်တိုအနေနဲ့ စစခြင်းမှာဆိုရင် အရာအားလုံးကို ကျွမ်းကျင်နေဖိုဆိုတာ မဖြစ်နိုင်ဘူး။

ဒါကြောင့် အခိုက်အတန့်တစ်ခု အနေနဲ့ကတော့ သိမ်ငယ်စိတ်ကို မဖြစ်မနေ ခံရပါတယ်။

ဒီစိတ်ကို ပျောက်ဖိုဆိုရင်
တကယ်ကျွမ်းကျင်လာအောင် အမြန်လုပ်ဖို လိုတယ်။

ကျွမ်းကျင်လာအောင် လုပ်ဖြစ်သွားဖို လုပ်နိုင်လာဖိုဆိုရင် Growth Mindset ရှိဖို လိုပါတယ်။

Growth Mindset ဆိုတာမျိုးက

အရာတစ်ခုနှင့် ကြုံလာတဲ့အခါ ၊
အခက်အခဲ တစ်ခု ကြုံလာတဲ့အခါ ၊
ကိုယ်ရဲ့ နယ်ပယ်မဟုတ်လို မသိတဲ့အခါ ၊
စစချင်း ကာလတွေမှာမလို မသိသေးတဲ့အခါ

ဒီလို ကိုယ့်ရဲ့ သက်သောင့်သက်သာ လုပ်နေကျတွေထက် ပိုပြီး အားထုတ်စရာတွေရှိလာတဲ့အခါ

ဒီအရာကို ငါတကယ်အချိန်ပေးမယ် ၊ energy တွေ ပေးမယ် လုပ်ဆောင်မယ်ဆိုရင် ကောင်းလာနိုင်တယ်လို ယုံကြည်တဲ့ စိတ်ထားကို ဆိုလိုပါတယ်။

မြင်လွယ်တဲ့ ဥပမာဆိုရင်
နွားနဲ့လှည်းကိုပဲ အမြဲမောင်းနေကျ တောက ဦးလေးကြီးတစ်ယောက်က

သူအနေနဲ့ ကားမောင်းစရာ ကိစ္စတွေ ပေါ်လာတဲ့အခါ

" ငါ့အနေနဲ့ တောမှာ မွေးခဲ့လို ၊ နွားလှည်းကိုပဲ အမြဲမောင်းနေခဲ့တာမလို ၊ စက်အကြောင်းတွေကို နားမလည်လို

ငါအနေနဲ့ ကားမောင်းတတ်လာဖိုဆိုတာ လုံးဝမဖြစ်နိုင်ဘူး " လို တွေးလိုက်ခြင်းက Growth Mindset မရှိဘူးလို ပြောရဝယ် ။

Growth Mindset ရှိတဲ့ ဦးလေးကြီးဆိုရင်

" သြော်...ငါ့အနေနဲ့ တောမှာ မွေးခဲ့လို နွားလှည်းကိုပဲ မောင်းတတ်ပေမယ့် ကားမောင်းတတ်ဖိုဆိုတာ

သေချာသင်မယ် ၊ သေချာအချိန်ပေးပြီး လုပ်မယ်ဆိုရင် ငါ့အနေနဲ့ ဖြစ်နိုင်တယ် " ဆိုတဲ့ စိတ်ထားနိုင်ခြင်းကို Growth Mindset ရှိတယ်လို ခေါ်တယ်။

လုပ်ငန်းခွင်အတွင်းမှာဆိုရင် ကျနော်တိုမှာ မကျွမ်းကျင်တဲ့ အရာတွေ သင်ယူစရာတွေ အရမ်းများပါတယ်။

ဒါကြောင့် တိုးတက်ချင်တဲ့သူတွေအတွက် Growth Mindset က မဖြစ်မနေ ရှိဖိုလိုပါတယ်။

ယခု တင်နေတဲ့ ပိုစ့်များသည် ကိုယ်တိုင်ရေးထားခြင်းမဟုတ်ပါ၊
ကိုယ်တိုင်ကြိုက်လို့ ပြန်လည်ဖော်ပြပေးနေခြင်းဖြစ်ပါတယ်။

မိတ်ဆွေများအားလုံးအကျိုးများနိုင်ကြပါစေ။

ကိုယ်ဘာလိုချင်လဲမသိသေးရင်
ကိုယ်ဘာတွေမလိုချင်ဘူးလဲအရင်ရှာလိုက်

ဥပမာ
- ငါမဆင်းရဲချင်ဘူး
- အနှိမ်မခံချင်ဘူး
- နေပူထဲမလုပ်ချင်ဘူး
- လူတွေကို မလိမ်ချင်ဘူး
- ပင်ပန်းတာမလုပ်ချင်ဘူး
- ဝန်ထမ်းမလုပ်ချင်ဘူး
- ဈေးမရောင်းချင်ဘူး
- မျက်နှာမပြချင်ဘူး
- ပွဲစားမလုပ်ချင်ဘူး

စသည်ဖြင့်ပေါ့ ကိုယ်မလုပ်ချင်တာတွေကြီး
အကုန်ချရေးလိုက်

ဒါဆိုဒါတွေမဖြစ်အောင်ငါဘာလုပ်ရမလဲ
ဆိုတာစဉ်းစားရတာလွယ်သွားလိမ့်မယ်

ငါများတစ်ခုခုမှားနေလားဆိုပြီး
ကိုယ့်ကိုယ်ကိုလိုက် ပြုပြင်ခဲ့ဖူးတယ်

တကယ်တော့ကိုယ်က
ပျက်စီးနေတာမဟုတ်ပါဘူး

ဟန်ဆောင်နေရတာတွေများလို
ပင်ပန်းနွမ်းနယ်နေတာ

သူများတွေလက်ခံလာဖို
"ပိုကောင်းအောင်" ဆိုတဲ့ခေါင်းစဉ်အောက်မှာ

ကိုယ်မကြိုက်တာတွေလုပ်နေတာတွေ
ရပ်လိုက်မှ ကိုယ့်ကိုယ်ကိုပြန်တွေတော့တယ်

* ကိုယ့်ရဲ့အားသာချက်ရော၊
အားနည်းချက်တွေကိုပါ
အမှန်အတိုင်းလက်ခံဖိုကြိုးစားပါ

ကိုယ့်ကိုယ်ကိုယ် သူများကြိုက်လာဖို
ပြုပြင်ဖိုကြိုးစားနေမယ့်အစား

ကိုယ့်ကိုယ်ကို လေးစားတန်ဖိုးထားပြီး
ချစ်ခင်တဲ့အခါဘဝက ပိုပြီးလွယ်ကူ၊
ပေါ့ပါးလွတ်လပ်လာပါလိမ့်မယ်