ကံကောင်းနေတယ်ဆိုတာ စိတ်ထားကောင်းလို့ပါ။

ပျော်ရွှင်နေတယ်ဆိုတာ အတွေးတွေ မှန်ကန်နေလို့ပါ ။

လောကမှာ အပြစ်ကင်းစင်ပြီး
လုံးဝ စိတ်ထားကောင်းတဲ့သူဆိုတာ မရှိပါဘူး ။
စိတ်ထားကောင်းအောင် ကြိုးစားနေထိုင်တဲ့သူပဲ ရှိတယ် ။

အမြဲတမ်း ပျော်ရွှင်နေတဲ့သူဆိုတာ မရှိပါဘူး ။
ပျော်အောင် ကြိုးစားနေထိုင်တဲ့သူပဲ ရှိပါတယ် ။

အမြဲတမ်း အဆင်ပြေတဲ့သူဆိုတာလည်း မရှိပါဘူး ။
ရောက်တဲ့နေရာမှာ အဆင်ပြေအောင်
ကြိုးစားနေထိုင်တဲ့ သူပဲ ရှိပါတယ် ။

ဘဝမှာ
ပြည့်စုံတဲ့သူရယ်လို့ မရှိပါဘူး ။
လူတိုင်းမှာ ပြည့်စုံအောင် ကြိုးစားနေတဲ့သူတွေကြီးပါ ။

မွေးဖွားကြတယ် ။
ရှင်သန်ကြတယ် ။
ပြီးတော့ မဖြစ်မနေ သေဆုံးသွားကြတယ် ။
တကယ်တမ်း တွေးကြည့်ရင် ဘဝဆိုတာ တိုတိုလေးပါ ။

ဒါကြောင့်
စိတ်ညစ်လည်း တစ်နေ့ ။ ပျော်လည်း တစ်နေ့ ။
အချိန်တွေ ကုန်ဆုံးသွားမည့်အတူတူ
နေ့ရက်တိုင်းမှာ ပျော်ရွှင်စွာ ဖြတ်သန်းပါ ။

မတူညီတဲ့ ဘဝဖြတ်သန်းမှုရှိသူတွေမှာ
မတူညီတဲ့ တွေးခေါ်မှုပုံစံတွေရှိတယ်

ဆိုးတဲ့သူတွေမှာလဲ ဆိုးရတဲ့ အကြောင်း
တော်တဲ့သူတွေလဲ တော်ရတဲ့အကြောင်း

အောင်မြင်တဲ့ သူတွေမှာလဲ
အောင်မြင်ရတဲ့ အကြောင်းတွေဆိုတာရှိတယ်

မတူညီတဲ့သူတွေစီက သင်ယူနိုင်ရင်
အချိန်ကုန်သက်သာတယ်

Flow ဆိုတာ
သက်ဝင်လှုပ်ရှားနေတဲ့ စိတ်အခြေအနေပဲ။

အလုပ်တစ်ခုမှာ နစ်မွန်းနေတဲ့အခါ
အချိန်ရပ်တန့်သွားသလိုခံစားရတယ်။
ကိုယ့်ကိုယ်ကိုတောင် မေ့သွားတယ်။

မလွယ်လွန်း မခက်လွန်းတဲ့
အလုပ်တစ်ခုမှာ စိတ်ဝင်စားမှုက
Flow ကို ဖန်တီးပေးတယ်။

ဘဝတိုးတက်ဖို့
Flow က အဓိကလိုအပ်ချက်ပဲ။
နက်နဲတဲ့သင်ယူမှုတွေ
အာရုံစူးစိုက်မှုမြင့်မားခြင်း
တီထွင်ဖန်တီးမှုတွေရလာမယ်။

အနုပညာရှင်တွေ
အားကစားသမားတွေ
ဥယျာဉ်မှူးတွေ
စာရေးသူတွေ...
အကောင်းဆုံးလုပ်ချင်တဲ့သူတိုင်း
Flow ကို အသုံးချကြတယ်။

စိတ်ဖိစီးမှုတွေက
Flow ရှိတဲ့နေရာမှာ ပျောက်ကွယ်သွားတယ်။
စိတ်ကျန်းမာရေး ပိုကောင်းလာမယ်။

ဘဝတစ်ခုလုံးက ပိုမိုအဓိပ္ပာယ်ရှိလာမယ်။
Flow ကို ခံစားဖူးရင်
ထပ်ခါထပ်ခါ ခံစားချင်လာမယ်။
ဆက်လက်လေ့လာချင်စိတ်
အလိုလိုဖြစ်ပေါ်လာမယ်။

သုတေသနတွေကပြောတယ်
Flow ကို မကြာခဏခံစားရတဲ့သူတွေ
ပိုပြီး ပျော်ရွှင်ကြတယ်။
ပိုပြီး အဓိပ္ပာယ်ရှိတဲ့ဘဝရှိကြတယ်။

စိတ်ဝင်စားတာကို လုပ်ကိုင်တဲ့အခါ
အနှောင့်အယှက်တွေကို ဖယ်ရှားလိုက်။
Flow ကို ရရှိမယ်။
ဘဝဆိုတာ ပိုအသက်ဝင်လာမယ်။

အတွေ့အကြုံအများကြီးရှိတိုင်းလည်း
တကယ်တတ်တဲ့သူ မဖြစ်နိုင်ဘူး။

တကယ်ကျွမ်းကျင်ဖို့ဆိုရင်
ကိုယ်လုပ်ခဲ့တဲ့ အတွေ့အကြုံတွေ၊
လျှောက်ခဲ့တဲ့ လမ်းတွေအပေါ်မှာ
ပြန်သုံးသပ်နိုင်ရတယ်။

ဒီအတွက်ဆိုရင်
စဉ်ဆက်မပြတ် လေ့လာနေဖို့လိုတယ်။

အချိန်ကို ဖြုန်းနေလား၊
သုံးနေလား သိဖို့ဆိုရင်
အချိန်စီမံခန့်ခွဲမှုကို သိထားရတယ်။

သုံးလိုက်တဲ့ငွေတွေ
အကျိုးရှိရဲ့လား သေချာဖို့ဆိုရင်
Personal Finance အကြောင်း
တီးမိခေါက်မိ ရှိရတယ်။

အတွေးအခေါ်၊
စိတ်ခံစားချက်တွေ
ဘေးမချော်နေတာ သေချာဖို့ဆိုရင်
Philosophy နဲ့ Psychology စာအုပ်တွေ ရှာဖတ်ရတယ်။

ဒါမှသာ ဘာလုပ်ရင်
ဘာဖြစ်တယ်ဆိုတာကို
ဆင်ခြင်နိုင်လာမယ်။

အမှားရှိရင် ပြင်တတ်ပြီး
ပိုကောင်းအောင် နောက်တစ်ဆင့်
တက်နိုင်လာမှာဖြစ်တယ်။

အလွဲတွေကို အဟုတ်ထင်ပြီး
ဖိလုပ်နေရင်တော့
ဘဝက ဒုံရင်းကနေ
မတက်မှာကို သိထားဖို့လိုပါတယ်။

ကိုယ်လုပ်တာအကုန်လုံးကို
ဘေးထိုင်ဘုပြောပြီး စိတ်ဓါတ်ကျအောင်
စွမ်းဆောင်နိုင်တဲ့သူတွေကိုရှောင်

အတိတ်ကို ပြန်တွေးရင်
နောင်တမရနဲ့။
ကိုယ့်ကိုဒီလောက်အထိ ပြောင်းလဲဖို့
ဆုံးဖြတ်ရဲလောက်အောင်
အမှားတွေလုပ်၊
ဖြစ်သလိုနေပေးခဲ့တဲ့
အတိတ်က ကိုယ့်ကို
ကျေးဇူးတင်တတ်ဖို့လိုတယ်။
အနာဂတ်ကို တွေးရင်းလည်း
စိတ်ဓာတ်မကျနဲ့။
ဒီထက်ပိုကြမ်းတမ်းတာတွေ
ကျော်ဖြတ်ပြီး
ဒီနေရာအထိရောက်လာခဲ့တဲ့ ကိုယ့်ကို
ယုံကြည်ပေးဖို့လိုတယ်။
လက်ရှိမှာလည်း
လမ်းမပျောက်နဲ့။
ကိုယ်အချိန်ဆွဲနေတဲ့
လုပ်စရာရှိတာ၊
လေ့လာစရာရှိတာတွေကို
ထလုပ်လိုက်ရင်
ကိုယ်လိုအပ်နေတဲ့ အဖြေ
ရှာတွေ့လာပါလိမ့်မယ်။

မျက်နှာအလှပြုပြင် ခွဲစိတ်ကုဆရာ၀န် ဒေါက်တာ ရစ်ချတ်ဟာ အသက် ၄၀အရွယ်၊ သန်းကြွယ်သူဌေး တဦးဖြစ်ပါတယ်။ သူဟာ နောက်ဆုံးအဆင့် အဆုတ်ကင်ဆာဖြစ်ပွားနေကြောင်း သိရပြီးနောက် သူ့ရဲ့ဘ၀အကြောင်းကို ၁၉.၀၁.၁၂ နေ့မှာ သွားဆေးတက္ကသိုလ် ပထမနှစ်ကျောင်းသားများရှေ့မှာ ကိုယ်ကျိုးမငှဲ့ပဲ လူအများအတွက် တွေ့ဆုံပြောပြခဲ့ပါတယ်။

မင်္ဂလာ နံနက်ခင်းပါ။ ကျွန်တော့်အသံက
နဲနဲသြနေတော့ သည်းခံပေးပါခင်ဗျာ။
ကျွန်တော်ကတော့ ရစ်ချတ်ပါ။ ဆရာ၀န်ပါ။
ကျွန်တော့်ဘ၀အကြောင်း နဲနဲဝေမျှချင်ပါတယ်။ ပါမောက္ခက ကျွန်တော့်ကို ဖိတ်လို့လာရတာ ၀မ်းသာပါတယ်။ ခင်ဗျားတို့သင်ကြားနေတဲ့ သွားဆေးကုသရေးဆိုင်ရာများအပြင် တခြားအရာတွေရှိသေးတယ်ဆိုတာ တွေးမိတယ်ဆိုရင်ဖြင့် ပြောပြရကျိုးနပ်ပါတယ်ခင်ဗျာ။

ငယ်ငယ်ကတည်းက ကျွန်တော်က ဒီနေ့လူ့အဖွဲ့အစည်းရဲ့ ထုတ်ကုန်ပစ္စည်းစစ်စစ်ပါ။ အထိုက်အလျောက်အောင်မြင်တဲ့ ထုတ်ကုန်ပေါ့ခင်ဗျာ။ ငယ်ငယ်တုန်းကတော့ ဆင်းရဲတယ်ခင်ဗျ။ မီဒီယာတွေနဲ့ ပတ်၀န်းကျင်ကလူတွေက ပြောကြတာကတော့ ပျော်ရွှင်မှုဆိုတာ အောင်မြင်မှုပဲတဲ့။ အဲဒီအောင်မြင်မှုဆိုတာလည်း ချမ်းသာမှုပဲတဲ့ခင်ဗျ။ ဒီလို အတွေးအခေါ်မျိုးနဲ့ ကျွန်တော်ဟာ ငယ်ငယ်ကတည်းက အင်မတန်ပြိုင်ဆိုင်လိုစိတ် များခဲ့တာကလား။

ကျွန်တော်ဟာ ကျောင်းမှာထိပ်ဆုံးဖြစ်ရုံသာမကသေးဘူး နယ်ပယ်အားလုံးမှာကို အောင်မြင်ဖို့လိုသေးတာ။ ၀တ်စုံဆင်တူ၀တ်တဲ့အဖွဲ့တွေ၊ ပြေးပွဲပြိုင်ပွဲတွေ နေရာတိုင်းမှာ အောင်မြင်ဖို့လိုတယ်လေ။ အရောင်မျိုးစုံနဲ့ ဆုတံဆိပ်မျိုးစုံ၊ နိုင်ငံတော်ကပေးတဲ့တံဆိပ်တွေ အားလုံးလိုချင်တာပေါ့။ ဒါကြောင့်လည်း ငယ်ငယ်ကတည်းက အပြင်းအထန်ပြိုင်တတ်ခဲ့တာ။ ဆေးကျောင်းတက်ပြီး ဆရာ၀န်ဖြစ်လာတယ်။ ခင်ဗျားတို့သိတဲ့အတိုင်းပဲ မျက်စိအထူးကုဖြစ်ဖို့က လူကြိတ်ကြိတ်တိုးနေတော့ အဲဒါဖြစ်အောင်လုပ်ခဲ့တယ်။ ကျွန်တော်က မျက်စိကုသရေးမှာ သင်တန်းတက်ခွင့်ရတယ်။ လေဆာနဲ့ မျက်စိကုဖို့ သုတေသန ပညာသင်ဆုကိုလည်း National University of Singapore ကပေးတယ်လေ။

ပစ္စည်းသစ်ထွင်ဖို့၊ သုတေသနလုပ်ဖို့ အခွင့်အရေးတွေလည်းရ၊ ဆေးကုသရေးပစ္စည်းတွေလည်းကိုင်ရ၊ လေဆာတွေလည်းကိုင်ရပါတယ်။ ခင်ဗျားတို့သိတဲ့အတိုင်းပဲ ဒါတွေက ပညာရပ်ပိုင်းဆိုင်ရာအောင်မြင်မှုတွေချည်းပဲဗျ။ ချမ်းသာမှု မဟုတ်သေးဘူး။ ဒါနဲ့ ကျန်းမာရေး၀န်ကြီးဌာနနဲ့ စာချုပ်ပြည့်သွားတော့ မျက်စိကုသရေးသင်တန်းဟာ သိပ်ကြာလွန်းတယ်လို့ ဆုံးဖြတ်လိုက်တယ်။ ပြီးတော့ ပုဂ္ဂလိကဆေးခန်းမှာ ၀င်ငွေကောင်းတယ်လေဗျာ။ ခင်ဗျားတို့ သတိထားမိမယ်ဆိုရင်တော့ အလှအပအတွက်ခွဲစိတ်ကုပညာဟာ လွန်ခဲ့တဲ့နှစ်တွေအတွင်းမှာ ခေတ်စားလာတာပေါ့။ ပိုက်ဆံတွေအများကြီးကိုရတာလေ။ ဒါနဲ့ကျွန်တော်လည်း ကျောင်းတက်တာတော်လောက်ပြီလို့ ဆုံးဖြတ်လိုက်တယ်။ ကျောင်းတ၀က်နဲ့ ထွက်လိုက်တယ်။ ကျွန်တော့်ကိုယ်ပိုင် အလှပြုပြင်ရေး ဆေးခန်းနဲ့ ခွဲစိတ်ကုဆေးခန်းဖွင့်တယ်ဗျ။

သိကြတဲ့အတိုင်း အထွေထွေကုဆရာ၀န်တွေ၊ မိသားစုဆရာ၀န်တွေကို လူတွေကသိပ်အထင်မကြီးဘူးလေ။ လူတွေက ချမ်းသာတာ၊ ကျော်ကြားတာကိုမှ အထင်ကြီးတာကလား။ ရိုးရိုးဆရာ၀န်ကို ဒေါ်လာ၂၀ မပေးချင်ပေမယ့် အဆီတွေကိုလျော့သွားအောင်ခွဲစိတ်ပေးတဲ့ဆရာ၀န်ကိုတော့ ဒေါ်လာတသောင်းပေးဖို့ ၀န်မလေးဘူးလေ။ ရင်သားအလှခွဲစိတ်ပြုပြင်ဖို့ ဒေါ်လာတသောင်းခွဲပေးတယ်။ ဘာလို့အထွေထွေကုဆရာ၀န်လုပ်နေမလဲဗျ။ ဒါနဲ့ပဲ အလှအပပြုပြင်ရေး ခွဲစိတ်ကုဆရာ၀န် ဖြစ်လာတာပေါ့။ နေမကောင်းပြီး ရောဂါဖြစ်နေတဲ့လူတွေကို ကုဖို့ထက် ကျွန်တော်ဟာ နာမည်ကြီးအလှဖန်တီးရှင်ဖြစ်လာတာပေါ့။

အလုပ်ကတော့ ဖြစ်သလားမမေးနဲ့။ ပထမတော့ လူနာတွေက တပတ်စောင့်ရတယ်။ နောက်တော့ ၃ ပတ်၊ နောက် တလ၊ နှစ်လ၊ ၃ လအထိတောင်စောင့်တယ်ဗျို့။ ကျွန်တော်ကတော့ လူနာများလွန်းတော့ စိတ်ညစ်ရော။ အတော်ဘ၀င်မြင့်စရာ ကောင်းတဲ့အလုပ်ဗျ။ ကျွန်တော်မနိုင်လွန်းလို့ ဆရာ၀န် ၄ ယောက်တောင် ထပ်ငှားရတယ်။ တနှစ်အတွင်းမှာကို သန်းနဲ့ချီရတာဗျ။ တနှစ်ထဲနော်။ ဒါလည်း တော်လောက်ပြီလို့ မထင်ဘူးဗျ။ စွဲနေပြီကိုး။ ဒါနဲ့ အင်ဒိုနီးရှားမှာ ဆေးခန်းထပ်ဖွင့်ပြီး အင်ဒိုနီးရှားလူချမ်းသာတွေဆီက ငွေရှာတာပေါ့။ ဘ၀ဟာ ပျော်စရာသိပ်ကောင်းဗျာ။

ပိုတဲ့ပိုက်ဆံတွေဘာလုပ်တယ်ထင်တုန်း။ စနေ၊ တနင်္ဂနွေအားရင် ဘာလုပ်လဲသိလား။ ကျွန်တော်က ကားကလပ်မှာ အဖွဲ့၀င်ဗျ။ အပို၀င်ငွေနဲ့၀ယ်ထားတဲ့ ထရပ်ကားကိုထုတ်၊ ချိန်းထားတဲ့ဆီကိုသွား၊ မလေးရှားထိအောင် ကားမောင်းပြိုင်ကြတာဗျို့။ ဒါဟာကျွန်တော့် ဘ၀ပါပဲ။ နောက်ထပ် ဖာရာရီပြိုင်ကားတစီး၀ယ်ထားသေးတယ်။ အဲဒီတုန်းက မော်ဒယ် ၄၅၈ မထွက်သေးလို့ ပင့်ကူတံဆိပ် ၄၃၀ ပေါ့ဗျာ။ ကျွန်တော့်သူငယ်ချင်းဘဏ်သူဌေးကားက အနီရောင်၊ ကျွန်တော့်ကားက ငွေရောင်ဗျ။

ကားတွေရပြီးသွားတော့ဘာဖြစ်လဲ။ အိမ်၀ယ်တာပေါ့ဗျ။ ကိုယ်ပိုင်ဘန်ဂလိုတွေဆောက်ဖို့ မြေလိုက်ရှာတယ်။ ပိုက်စစ်တိုက်ရှာရတာဗျ။ ကဲ ကျွန်တော်ဘယ်လိုနေခဲ့လဲ။ ချမ်းသာမှုနဲ့ ကျော်ကြားမှုကြားမှာ နေခဲ့တာပဲ။ မယ်စကြာ၀ဠာ နဲ့တောင်တွဲခဲ့သေးတယ်။ လှပေ့ ချောပေ့ ချမ်းသာပေ့ ကျော်ကြားပေ့ဆိုတဲ့ သူငယ်မတွေနဲ့ပေါ့ဗျာ။ စားသောက်ဆိုင်တွေသွား၊ Michelin စားဖိုမှုးတွေချက်ကြွေးတာကိုစား၊ ပျော်စရာပေါ့ဗျာ။

လိုချင်တာတွေအကုန်လုံးပြည်စုံတဲ့ အချိန်ကိုရောက်လာတာပေါ့။ ကိုယ့်လက်ထဲမှာ အားလုံးရှိနေပြီလေ။ လွန်ခဲ့တဲ့တနှစ်လောက်က အားကစားလုပ်ရင်းနဲ့ တွေးမိတာက ကျွန်တော့်ဘ၀ကို ကျွန်တော်ကောင်းကောင်းတည်ဆောက်နိုင်ပြီလို့ ထင်ခဲ့တာ။ ထိပ်ဆုံးက ကျွန်တော်ပေါ့ဗျာ။

အင်း – ကျွန်တော်မှားသွားတာပေါ့လေ။ အားလုံးကျွန်တော့်လက်ထဲမှာမှ မဟုတ်တာပဲ။ မနှစ်က မတ်လတုန်းက ခါးနာလာတယ်ဗျ။ ထိုင်ထလုပ်တာများလို့ နာတယ်ထင်နေတာ။ ဒါနဲ့ စင်္ကာပူဆေးရုံကြီး ကိုသွားတယ်၊ ကျွန်တော့်အတန်းဖော်သူငယ်ချင်းက MRI ရိုက်ပေးတယ်။ ဘာဖြစ်သလဲရှာဖို့ပေါ့။ ညနေလည်းကျရော သူကကျွန်တော့်ကို ခေါ်ရော။ သူက ကျွန်တော့်ခါးရိုးထဲမှာ ကင်ဆာရောက်နေတယ်တဲ့။ ကျွန်တော်မယုံဘူးဗျ။ လက်မခံနိုင်ဘူး။ တကယ်ပြောတာလားလို့ ပြန်မေးနေသေးတယ်။ အားကစားရုံမှာ ပြေးလို့ကောင်းတုန်းရှိနေသေးတာကိုး။ နောက်နေ့ကျတော့ PET scan ထပ်ရိုက်တယ်။ အဆင့်၄ ( နောက်ဆုံးအဆင့် ) အဆုပ်ကင်ဆာတဲ့ဗျာ။ ဘယ်လိုက ဘယ်လိုများရောက်လာတာလဲလို့ အံ့သြနေမိတာ။ ဦးဏှောက်၊ ခါးရိုး၊ အသည်း၊ ကျောက်ကပ်အပေါ်ပိုင်းအထိတောင်ပျံ့နေတာတဲ့။ ကျွန်တော်က အားလုံးပိုင်ဆိုင်နေပြီလို့ ထင်တဲ့အချိန်ကျမှ အားလုံးဆုံးရှူံးရတော့တာပဲဗျ။

CT scan မှာကြည့်လိုက်၊ အဆုပ်ပေါ်က အစက်အားလုံးဟာ ကင်ဆာဗျ။ ဒါကို Miliaries turmor လို့ခေါ်သဗျ။ တကယ်တော့ ကျွန်တော့်အဆုပ်ထဲမှာ သောင်းနဲ့ချီပြီးရှိနေပြီ။ ဒါကြောင့် Chemo ဆေးတွေပေးရင်တောင်မှ ၃-၄ လပဲခံတော့မှာတဲ့။ ကျွန်တော့်ဘ၀ပျက်မသွားဘူးလား။ မပျက်ပဲဘယ်ခံနိုင်ပါ့မလဲဗျာ။ စိတ်ဓါတ်ကျတယ်၊ အကြီးအကျယ်စိတ်ဓါတ်ကျတယ်၊ ကျွန်တော့်မှာအားလုံးရှိတယ်လို့ထင်ခဲ့မိတာ။

ကဲ သံမဏိကြီးလို အောင်မြင်မှုတွေနဲ့။ အိမ်ရှိတယ်၊ ကားရှိတယ်၊ အလုပ်ကောင်းကောင်းရှိတယ်၊ ဒါတွေနဲ့ ပျော်ရွှင်မှုကို ၀ယ်ခဲ့တာ။ အခုတော့ ဆိုးဆိုးရွားရွားစိတ်ဓါတ်ကျနေရပြီ။ အခုတော့ ကျွန်တော်ပိုင်တာတွေကလည်း ကျွန်တော်ပျော်အောင်လုပ်မပေးနိုင်တော့ဘူးလေ။ ဖာရီရာကားကို ကျွန်တော်ဖက်ထားရင်းအိပ်လို့ရမလား။ ဘယ်ရမလဲဗျ။ လွန်ခဲ့တဲ့ ၁၀ လအတွင်းမှာ ကျွန်တော်က အဲဒီဟာတွေအသုံးကျမယ်ထင်နေတာ။ တကယ်တော့ ကျွန်တော်ရခဲ့တာ ပျော်ရွှင်မှုအစစ်မှ မဟုတ်တာပဲကိုး။ တကယ်တမ်း ပြီးခဲ့တဲ့ ၁၀ လအတွင်းမှာ ကျွန်တော့်ကို ပျော်ရွှင်စေခဲ့တာက ချစ်တဲ့ခင်တဲ့သူတွေ၊ သူငယ်ချင်းတွေ၊ ကျွန်တော့်ကိုဂရုစိုက်တဲ့လူတွေနဲ့ အပြန်အလှန်နားလည်ပြီး ဆက်ဆံရတာမှ ပျော်စရာဗျ။ သူတို့က ကျွန်တော်နဲ့အတူ ငိုတယ်၊ ကျွန်တော်နဲ့အတူ ရယ်တယ်၊ ကျွန်တော်နာကျင်ခံစားရသလို သူတို့လဲလိုက်ပြီးခံစားနားလည်ပေးတယ်လေ။ ဒါက ကျွန်တော့်ကို ၀မ်းသာပီတိဖြစ်စေတယ်။ ပိုင်ဆိုင်မှုတွေက ဒီလိုမပေးနိုင်ပါဘူးဗျာ။ ဒီပစ္စည်းတွေကသာ လုပ်ပေးနိုင်မယ်ဆိုရင် ကျွန်တော်စိတ်ဓါတ်ကျနေတုန်းက သူတို့အကြောင်းစဉ်းစားလိုက်ရင် ပျော်လာဖို့ကောင်းတာပေါ့။

တရုတ်နှစ်သစ်ကူးကို ရောက်တော့မယ်နော်။ အရင်တုန်းက ကျွန်တော်ဘာလုပ်လဲ။ ကျွန်တော့်ကားအသစ်ကို တပတ်ပြီး တပတ်မောင်း၊ ဆွေမျိုးတွေဆီသွားလည်၊ ကျွန်တော့်သူငယ်ချင်းတွေကို ကြွား။ ဒါပျော်စရာလို့ထင်ခဲ့မိတာ။ ငွေရေးကြေးရေးသိပ်မပြေလည်တဲ့ ဆွေမျိုးတွေနဲ့ သူငယ်ချင်းတွေက ကျွန်တော်ပျော်သလိုလိုက်ပျော်မယ်ထင်လား။ ဒီလိုကားသစ်ကြီးမောင်းပြီး ကြွားနေတာကို ကူပျော်ပေးမလား။ ဘယ်ပျော်မလဲဗျ။သူတို့၀င်ငွေနဲ့သူတို့ မနည်းလောက်အောင်သုံးပြီး မီးရထားစီးနေရတဲ့ဟာ။ ကျွန်တော်ထင်တာတော့ ကျွန်တော့်ကိုအားကျတာရယ် မနာလိုဖြစ်တာရယ်ပဲရှိမှာ။ တခါတလေတော့ မုန်းတောင်မုန်းဦးမယ်။

ဒါတွေက ကျွန်တော်တို့ထင်ထားတဲ့ အားကျမှုမျိုးပါ။ ပိုင်ဆိုင်မှုကို ကြွားတယ်ဆိုတာ ကျွန်တော့်မာနနဲ့ အတ္တကို ဖြည့်ဆည်းတာပါပဲ။ ကျွန်တော့်မှာ ထူးဆန်းတဲ့သူငယ်ချင်းတယောက်ရှိတယ်ဗျ။ သူ့နာမည်က ဂျနီဖာတဲ့။ သူငယ်ချင်းပါဗျာ။ လမ်းအတူလျှောက်သွားလို့ ခရုတကောင်တွေ့ရင် သူကကောက်ပြီးတော့ မြက်ခင်းထဲကိုချပေးတယ်ဗျ။ ဘာလို့ဒီလိုလုပ်တာလဲလို့ တွေးနေတာ။ တက်နင်းလိုက်လို့ သေသွားမှာ သူကစိုးရိမ်နေတာ။ ကျွန်တော့်အတွက်တော့ ခရုက ခရုပဲလေ။ လူတွေလဲဒီလိုပဲ။ လမ်းကြောင်းပေါ်ကနေထွက်မသွားနိုင်ရင် နင်းခံရမှာပဲလေ။ ဒါကပဲ ဖြစ်ရိုးဖြစ်စဉ်ဟုတ်ဘူးလား။ အသဲတော်တော်မာတာနော်။

ဆရာ၀န်တယောက်အနေနဲ့ သနားကြင်နာဖို့၊ ကိုယ်ချင်းစာတတ်ဖို့ သင်ခဲ့ရသားပဲ။ ဒါပေမယ့် ကျွန်တော်မတတ်ခဲ့ပါဘူး။ အလုပ်သင်ဆရာ၀န်ဘ၀တုန်းက National University Hospital က ကင်ဆာဌာနမှာလုပ်ရတယ်လေ။ နေ့တိုင်းနေ့တိုင်း ကင်ဆာရောဂါနဲ့ သေတာတွေတွေ့နေရပါရော။ သူတို့ဘယ်လိုခံစားရတယ်၊ ဘယ်လိုနာကျင်ဒဏ်ခံရတယ် နေ့တိုင်းတွေ့နေတာပဲ။ အောက်စီဂျင်ကို ခဲခဲယဉ်းယဉ်း နောက်ဆုံးထွက်သက်အထိရှူနေရတာ။ ဒါဟာ ကျွန်တော့်အတွက်တော့ အလုပ်တခုသာပါပဲ။ နေ့တိုင်း ဆေးရုံကိုသွား၊ သွေးဖောက်၊ ဆေးပေး လုပ်နေပေမယ့် ဒီလူနာတွေကို အစစ်လို့မထင်ပါဘူး။ ဒါဟာအလုပ်ပဲ။ ကျွန်တော့်အလုပ် ကျွန်တော်လုပ်၊ ပြီးရင်အိမ်ပြန်၊ ဒါပဲ။

ဒီလိုနာကျင်ခံစားတာတွေက အစစ်လား။ မဟုတ်ပေါင်။ ဆေးပညာအခေါ်အဝေါ်အားလုံး ကျွန်တော် သိသားပဲ။ တကယ်တော့ ကျွန်တော်လူနာမဖြစ်မချင်း ဒါတွေကိုမသိခဲ့ပါဘူး။ အခုတော့ ကျွန်တော်တကယ်သိလာပြီလေ။ အခုနေများ ခင်ဗျားတို့က ကျွန်တော်ကို အသစ်ကပြန်စခွင့်ရှိသေးရင် အချိုးပြောင်းမလားလို့မေးလာရင် ပြောင်းမယ်လို့ ပြန်ဖြေမှာပဲ။ ဘာလို့လဲဆိုတော့ အခုမှပဲ လူနာတွေ ဘယ်လိုခံစားရတယ်ဆိုတာကို နားလည်လာတာကိုး။ တခါတလေတော့ ဒီလိုပဲ ခဲရာခဲဆစ် သင်ယူရတာမျိုးရှိပါတယ်။

အခုခင်ဗျားတို့က ပထမနှစ်ပဲရှိသေးတာ ဆိုတော့ ဒီလမ်းကြီးကို ဖြတ်ရဦးမှာပါပဲ။ ခင်ဗျားတို့ကို အချက် ၂ ချက် သတိပေးစရာရှိတယ်။

ခင်ဗျားတို့အားလုံးက ပုဂ္ဂလိကဆေးခန်းပဲလုပ်ကြရမှာပဲ။ ပြီးရင် ခင်ဗျားတို့ချမ်းသာလာကြမယ်ဆိုတာ အာမခံတယ်။ သွားစိုက်တာလေးတင် အများကြီးပိုက်ဆံရတာမို့လား။ တကယ်တော့ အောင်မြင်တယ်၊ ချမ်းသာတယ်၊ ဆိုတာတွေက မှားနေတာမဟုတ်ပါဘူး။ တကယ့်ပြသနာက ကျွန်တော်တို့အများစုက ဒီဒဏ်တွေကို မခံနိုင်တာ။

ဒါကိုကျွန်တော်ဘာလို့ပြောနိုင်လဲဆိုတော့ ပြန်စဉ်းစားကြည့်တဲ့အခါမှာ ရလေလိုလေဖြစ်နေတယ်ဆိုတာတွေ့လာတယ်လေ။ ပိုပိုပြီးလိုချင်လာတော့ မရရင် မနေနိုင်ဖြစ်ရော။ ပြောခဲ့ပြီးတဲ့အတိုင်း ကျွန်တော်က ဒီလူမှုပတ်၀န်းကျင်က သတ်မှတ်ထားတာအားလုံးရခဲ့သားပဲ။ မရရင် မနေနိုင်ဖြစ်ခဲ့တယ်။ လူနာဆိုတာ ငွေ၀င်လမ်းလို့ပဲ မြင်ခဲ့တာ။ လူနာဆီက ရသမျှပိုက်ဆံညှစ်ယူခဲ့တယ်လေ။

အချိန်တော်တော်များများမှာ ကျွန်တော်တို့ တကယ်တမ်းဘယ်သူ့အတွက် လုပ်ပေးနေတာလဲဆိုတာ မေ့နေကြတယ်။ နောက်ဆုံးမှာ ဘယ်သူ့အတွက်မှ မဟုတ်ပဲ ကိုယ့်အတွက်တွေဖြစ်ကုန်ရော။ ဒါဟာ ကျွန်တော်တကယ်ဖြစ်ခဲ့တာပဲ။ ဒါဟာ ဆေးပညာပဲဖြစ်ဖြစ်၊ သွားဆေးကုပဲဖြစ်ဖြစ်၊ ပုဂ္ဂလိကဆေးခန်းမှာ လူနာကို မလိုတဲ့ကုသမှုတွေ ပေးကြတယ်။ သိပ်မသေချာတဲ့အခါမျိုးမှာပေါ့။ မလိုအပ်မှန်းသိတာတောင်မှ ပေးဖြစ်အောင်ပေးသေးတာ။ ဒီအချိန်မှာတော့ ကျွန်တော်သိလာတာက သူငယ်ချင်းတွေထဲက တကယ်ဂရုစိုက်တဲ့လူနဲ့ ပိုက်ဆံလိုချင်လို့ မျှော်လင့်ချက်ပေးတဲ့လူနဲ့ကို ခွဲတတ်လာပြီ။ ပိုက်ဆံကြောင့် စိတ်ဓါတ်တွေ ပျက်စီးလာတာပေါ့။

ပိုဆိုးတာကတော့ ပြီးခဲ့တဲ့နှစ်တွေအတွင်းမှာ ကျွန်တော်တို့ဟာ လုပ်ဖော်ကိုင်ဖက်တွေအကြောင်း၊ ပြိုင်ဘက်တွေအကြောင်းကို ဆိုးဆိုးရွားရွားပြောခဲ့ကြတယ်လေ။ လိပ်ပြာမသန့်တာလေးတောင် မဖြစ်ပေါင်။ ကျွန်တော်တို့ဟာ သူများကိုနှိမ့်ချပြီး အပေါ်ရောက်ဖို့လုပ်ခဲ့ကြတယ်။ ဒါကနေရာအားလုံးမှာကို ဖြစ်နေတာ။ ခင်ဗျားတို့ကို သတိပေးချင်တာက ဒီလိုစိတ်ကောင်းနှလုံးကောင်းတွေ ပျက်စီးသွားတာမျိုးကိုတော့ မဖြစ်ပါစေနဲ့ဗျာ။ ကျွန်တော်ကဒါကို ခဲရာခဲဆစ်သင်ခဲ့ရတာမို့ပါ။ ခင်ဗျားတို့ကိုတော့ ကျွန်တော့်လို မဖြစ်စေချင်ပါဘူး။

နောက်တခုက လုပ်သက်ရှည်လာတာနဲ့အမျှ ကျွန်တော်တို့ရဲ့ လူနာတွေအပေါ်မှာ သိပ်အရေးမလုပ်တော့ဘူးလေ။ ထုံပေပေဖြစ်လာတယ်။ အစိုးရဆေးရုံဖြစ်ဖြစ်၊ ပုဂ္ဂ္ဂလိကဆေးခန်းပဲဖြစ်ဖြစ် လူနာမှတ်တမ်းတထပ်ကြီး လက်ထဲရောက်နေတာနဲ့ အဲဒီဟာကြီးမြန်မြန်ကုန်သွားဖို့ပဲ အရေးကြီးနေတော့တာပဲလေ။ လူနာတွေများလွန်းလို့ အခန်းထဲက မြန်မြန်ထွက်သွားဖို့ပဲ အာရုံရှိတော့တာ။ ဒါအမှန်ပဲဗျ။ ဒါက နေ့တဓူ၀ အလုပ်ဖြစ်လာတော့ ငြီးငွေ့လာတာပေါ့ဗျာ။ လူနာတွေဘက်က ဘယ်လိုစိတ်ထဲမှာထင်သွားလဲ ကျွန်တော်မသိပါဘူး။ ကြောက်ရွ့ံ့တာ၊ စိုးရိမ်တာ အားလုံးပေါ့ဗျာ။ ကျွန်တော်ကိုယ်တိုင်တကယ်ခံစားရတဲ့အချိန်ရောက်မှ သိလာတာဗျ။ ဒါဟာကျွန်တော်တို့ရဲ့ အကြီးဆုံးချွတ်ယွင်းချက်ပါပဲဗျာ။

ကျွန်တော်တို့ဟာ ကျန်းမာရေး၀န်ထမ်းများ၊ ပညာရှင်များအနေနဲ့ လေ့ကျင့်ပေးထားခဲ့ပေမယ့် တကယ်တမ်းလူနာတွေခံစားနေရတာကိုတော့ ကိုယ်ချင်းမစာနိုင်ခဲ့ပါဘူး။ စိတ်ဆင်းရဲလိုက်၊ ၀မ်းနည်း ၀မ်းသာလိုက်ဖြစ်နေဖို့ပြောတာမဟုတ်ပါဘူး။ ခံစားမှုကဲလွန်းရင် Professional မဆန်ဘူးဗျ။ ဒါပေမယ့် ကျွန်တော်တို့တကယ်တမ်း သူတို့ကိုနားလည်အောင်ကြိုးစားသလား။ အများအားဖြင့်တော့ မကြိုးစားဘူးဗျ။ ခင်ဗျားတို့ကို သတိပေးချင်တာကတော့ လူနာတွေကို ကိုယ်ချင်းစာပါဗျာ။

ဘာလို့လဲဆိုတော့ နာကျင်တာတွေ၊ ကြောက်ရွံ့တာတွေ၊ စိုးရိမ်တာတွေက ကျွန်တော်တို့အတွက် အစစ်မဟုတ်ပေမယ့် သူတို့အတွက်တော့ အစစ်တွေကိုးဗျ။ ကျွန်တော်က အခုဆိုရင် Chemotherapy ယူနေတာ ၅ ခါရှိပြီ။ ဒါဟာ သိပ်ခံရခက်တာပဲဗျာ။ Chemotherapy ဆိုတာ ခင်ဗျားတို့ရဲ့ရန်သူအတွက်တောင် ဆုမတောင်းသင့်ဘူး။ တကယ့်ကို ခံစားရတာဗျာ။ အစာစားမိလား မစားမိလားတောင်မသိတော့ပါဘူး။ သိပ်ကိုဆိုးပါတယ်။ ကျွန်တော်နဲနဲအင်အားရှိတာနဲ့ တခြားကင်ဆာလူနာတွေဆီကို သွားပါတယ်။ နာကျင်တာတွေကို သိလာပြီကိုး။ ဒါက သိပ်နောက်ကျပြီး လုပ်ပေးနိုင်တာလဲ သိပ်နဲနေပါပြီလေ။

ခင်ဗျားတို့မှာက တောက်ပတဲ့အနာဂတ်နဲ့ ခွန်အားအပြည့်နဲ့။ ကျွန်တော်ပြောချင်တာက ခင်ဗျားတို့ လူနာအကြောင်းကိုထဲထဲ၀င်၀င်သိအောင်လုပ်ပါဗျာ။ သူတို့ဟာလူသားစစ်စစ်တွေ၊ အမှန်တကယ်ကို နာကျင်ခံစားပြီး အခက်ခဲဆုံးအချိန်တွေကို ရောက်နေတယ်ဆိုတာကို သိအောင်လုပ်ပါ။ ဆင်းရဲတဲ့လူတွေပဲ ခံစားရတယ်လို့ မထင်ပါနဲ့ဗျာ။ ဆင်းရဲတဲ့လူတွေက အစကထဲကသူတို့မှာ နဲနဲပဲရှိတော့ ရောင့်ရဲလွယ်တယ်ဗျ။ ကျွန်တော်တို့၊ ခင်ဗျားတို့ထက်လည်း ပိုပြီးပျော်ပျော်နေနိုင်ကြတယ်။ တခြားစိတ်ပိုင်းဆိုင်ရာ၊ ရုပ်ပိုင်းဆိုင်ရာ၊ ခံစားချက်ပြင်းထန်နေတာ၊ ငွေရေးကြေးရေး စတဲ့ပြသနာနဲ့ လူတွေအများကြီး။ ဒါတွေကလည်းတကယ်ရှိတာ။ ကျွန်တော်တို့က မသိချင်ယောင်ဆောင်၊ အသိအမှတ်မပြုပဲ နေခဲ့ကြတာ။

ဒါကြောင့်မို့ တကယ်လိုအပ်နေတဲ့လူတွေအပေါ်မှာ အလေးထားကြပါဗျာ။ ခင်ဗျားနဲနဲလေးလုပ်ပေးလိုက်တာ သူတို့အတွက်အများကြီးကို ထူးခြားသွားတာပါ။ ကျွန်တော်ကတော့ သေခါနီးနေပြီဆိုတော့ ဘယ်သူကတကယ်ဂရုစိုက်တယ်၊ အားပေးတယ်ဆိုတာကို ခံစားတတ်နေပြီလေ။ ဒါဟာ ကျွန်တော့်ကို တကယ်ပြောင်းလဲသွားစေတယ်။ ဒါဟာကုသမှုတွေယူပြီးတဲ့နောက်သိလာတာပါ။ ကျွန်တော်ဆေးသွင်းထားတာ မကြာသေးဘူး။ နောက်နေ့မှ ဆေးထပ်သွင်းမယ်ဗျာ။ ဒါကြောင့် ကျွန်တော်ခင်ဗျားတို့ကို စကားပြောဖို့ အားရှိနေသေးတာပေါ့။

မောရစ် နဲ့ အင်္ဂါနေ့ ဆိုတဲ့စာအုပ်ထဲက စကားလုံးလေးတွေ ပြောပြချင်တယ်။ ခင်ဗျားတို့ဖတ်ပြီးသားလဲဖြစ်ချင်ဖြစ်မှာပါ။ လူတိုင်းသေရမှာသိတာပဲ။ ဒါပေမယ့် ဘယ်သူမှ မယုံကြဘူး။ တကယ်ယုံတယ်ဆိုရင် လုပ်ပုံကိုင်ပုံတွေကို ပြောင်းပစ်ကြမှာပဲ။ ကျွန်တော်သေရတော့မယ်ဆိုတာသိတော့ ကျန်တာအကုန်လုံးမေ့ထားပြီး တကယ်လိုအပ်တာတွေပဲ စဉ်းစားတယ်။ တကယ်တော့ သေခါနီးမှပဲ ဘယ်လိုနေရမှန်း သိတော့တယ် ဆိုပါတော့ဗျာ။ ဒါမျိုးကို မနက်စောစောစီးစီးကြားရတာ ကျက်သရေတော့ မရှိဘူးပေါ့လေ။ ဒါပေမယ့် ကျွန်တော်သိခဲ့တဲ့အမှန်တရားမို့ ပြောပြတာပါ။

ခင်ဗျားတို့ကို ပတ်၀န်းကျင်က ပြောတဲ့အတိုင်းမနေကြပါနဲ့။ မီဒီယာပြောတာကိုလည်း လက်မခံနဲ့။ ကျွန်တော်ခံခဲ့ရပြီးပြီ။ ပျော်မယ်ထင်လို့ သူတို့ပြောတဲ့အတိုင်းလုပ်ခဲ့မိပြီ။ ခင်ဗျားတို့ သေချာစဉ်းစားပြီး ဘယ်လိုအသက်ရှင်သန်မယ်ဆိုတာ ဆုံးဖြတ်ပါ။ သူများပြောတိုင်းလိုက်မလုပ်နဲ့။ ကိုယ့်တကိုယ်ရည်စာပဲကြည့်နေမလား။ တခြားတယောက်ဘ၀ကို ပြောင်းလဲသွားအောင်ကူညီမလား။ ဆုံးဖြတ်ပါ။ တကယ့်ပျော်ရွှင်မှုအစစ်ဆိုတာ ကိုယ့်အတွက်ချည်းပဲကြည့်နေလို့မရပါဘူး။ ကျွန်တော်ရနိုင်မယ်လို့ထင်ခဲ့တာ မရခဲ့ပါဘူး။ နားထောင်ပေးတာကျေးဇူးပါပဲ။ မေးချင်တာရှိရင် မေးနိုင်ပါတယ်ခင်ဗျာ။

( ဒေါက်တာရစ်ချတ်ဟာ ၁၈.၁၀.၁၂ နေ့မှာ ကွယ်လွန်ခဲ့ပါတယ်။ )

(မူရင်းစာရေး ဆရာအားခရက်ဒစ်ပေးပါ၏ မဖေါ်ပြနိုင်သည်အားခွင့်လွတ်ပါရန်)

#သေမယ်ဆိုတာ_ကြိုသိတဲ့အခါ

စိတ်ညစ်နေလဲ
အချိန်တန်သေမှာပဲဆိုတော့

ရတဲ့ဘဝကိုတန်အောင်နေသွားဖို
အရေးကြီးတယ်

ကောင်းကျိုးပေးနိုင်သူဖြစ်ဖို
အရေးကြီးတယ်

လူပီသအောင်အပြည့်အဝနေထိုင်သွားဖို
အရေးကြီးတယ်

One life , One Chance.
Enjoy Every Moment

တစ်ကြိမ်တစ်ခုကြိုးစားလိုက်တာနဲ့
တန်းအဆင်ပြေသွားတာ ကံကြောင့်

ငြင်းခံရပေမယ့် ဆက်လုပ်ရင်း
အောင်မြင်သွားတာလူကြောင့်

တကယ်အောင်မြင်တဲ့သူတွေကိုလေ့လာရင်
ကျရှုးမှုတွေကို သင်ခန်းစာယူပြီး

မြန်မြန်ရှေ့ဆက်တာများတယ် feel နေဖို
ကိုယ့်ကိုယ်ကိုသိပ်အချိန်မပေးကြဘူး

Move on quickly with lessons

လူဆိုတာ ကိုယ့်သမိုင်းကိုယ်ရေးတာမှန်ရင်
ကိုယ်ရေးတဲ့သမိုင်းကိုယ်နိုင်ချင်တာကြီးပဲ

စိတ်မကောင်းစွာနဲ့ အများစုကတော့
သာမန်အဆင့်နဲ့ရပ်သွားကြတယ်

သူများကိုအပြစ်တင်ရင်း
သူများဘာလုပ်နေလဲကြည့်ရင်း

ကိုယ့်ရဲ့ တန်ဖိုးအရှိဆုံး resource ဖြစ်တဲ့
အချိန်တွေများကြီးဆုံးရှုးရတယ်

အဲ့အစား ကိုယ့်ကိုယ်ကို
တည်ဆောက်နေမယ်ဆိုရင်

ကိုယ်ရေးတဲ့ဇတ်လမ်းထဲမှာ
ကိုယ်ကရှုးဖိုမလိုတော့ဘူး

အခုရောက်နေတဲ့ chapter မကြိုက်ရင်
နောက် chapter တွေကောင်းလာအောင်
ပြင်ဆင်လိုရပါသေးတယ် 🫰🏻

ဘဝမှာ လိုချင်တာအမြဲရနေရအောင်
ဘဝက supermarket မဟုတ်ဘူး

Supermarket တောင် ပစ္စည်းပြတ်တာတွေ
လိုချင်တဲ့ brand မရတာတွေရှိသေးတာဆိုတော့

ရှိတာနဲ့ အဆင်ပြေအောင်လုပ်
ရတာနဲ့ အဆင်ပြေအောင်သုံးလိုပဲရတယ်

ကိုယ်မတတ်နိုင်တာတွေအတွက်
မပေးဆပ်နိုင်တာတွေအတွက်
ထိုင်ညစ်နေမယ့်အစား

တတ်နိုင်တာလေးနဲ့ရှိတာလေးနဲ့
အဆင်ပြေအောင်လုပ်ပြီး
ပျော်အောင်နေသွားဖိုပဲလိုတယ်

Positive self talk ကအရေးကြီးတယ်

- အလုပ်တွေအဆင်မပြေတဲ့အချိန်
- အသဲကွဲတဲ့အချိန်
- မိဘနဲ့အဆင်မပြေလို့အိမ်ပေါ်ကဆင်းတဲ့အချိန်
- လက်ထဲပိုက်ဆံ ၂၀၀ ကျပ်ပဲ ကျန်တော့တဲ့အချိန်
- ရှိတာနဲ့ လေယဉ်ခ hotel ခတွေချေပြီးသွားခါနီးမှ client က ကိုယ်နဲ့ မလုပ်တော့ဘူးလို့ပြောတဲ့အချိန်

ဒုက္ခရောက်တဲ့အချိန်တွေတိုင်းကို
ပြန်ကြည့်ရင် ကိုယ့်ကိုယ်ကို

- "ငါ့မှဘာလို့ဖြစ်ရတာလဲ?"
- "ငါကံဆိုးလိုက်တာ"
- "ဒုက္ခတော့ရောက်ပါပြီ" လို့

တစ်ခါမှမပြောခဲ့ဘူး

"ကိစ္စမရှိဘူး ကြည့်လုပ်လိုက်မယ်
အဆင်ပြေသွားမှာ" လို့ပဲပြောဖြစ်တယ်

ဒါကြောင့်လဲ အခက်အခဲတိုင်းက
ပြေလည်သွားခဲ့တယ်

ဗုဒ္ဓပြောခဲ့တာနဲ့လဲကိုက်ညီတယ်
လောကဓံ ၈ ပါးနဲ့ ကြုံလဲ
စိတ်တုန်လှုပ်မှုမရှိတာ မင်္ဂလာပဲတဲ့ဗျ

(ဖုဋ္ဌဿ လောကဓမ္မေဟိ၊
စိတ်တံ ယဿ န ကမ်ပတိ

အသောကံ ဝိရဇံ ခေမံ၊
ဧတံ မင်္ဂလမုတ္တမံ။) 🙏🏻

ရေမရှိတဲ့ ရေဘူးထဲကနေ
ရေငှဲတိုက်ပေးလိုမရဘူး

သူများကို ကူချင်ရင်ကိုယ့်ကိုယ်ကို
အရင်ပြည့်အောင်ဖြည့်

ဒါမှပြန်ဝေမျှနိုင်မှာ

ငွေကြေးအတွက်စိတ်ပူစရာမလိုတော့ရင်
ဘာလုပ်မလဲမေးကြည့်

အများစုက အေးဆေးနေမယ်လိုဖြေလိမ့်မယ်

အေးအခုရော ဘာလုပ်နေလဲမေးကြည့်
အေးဆေးနေနေတယ်လိုပဲဖြေလိမ့်မယ် 😁

ငွေကြေးအတွက် စိတ်ပူစရာမလိုတော့ရင်
ကိုယ်ကဘာကောင်လဲဆိုတာပေါ်လာတာပါပဲ

တချိုက ကာမတဏှာလိုက်စားတယ်
တချိုက မဆုံးနိုင်တဲ့ ချမ်းသာမှုတွေလိုချင်တယ်
တချိုက လူတွေကိုကူညီတယ်
တချိုက မသေဖိုကြိုးစားတယ်
တချိုက ပြန်ငယ်ဖိုလုပ်တယ်

စသည်ဖြင့်ပေါ့

ဒီတော့ငွေကြေးလွတ်လပ်မှုဆိုတာ
Goal မဟုတ်သေးဘူး Beginning ပဲရှိသေးတယ်

ကိုယ့်ကိုယ်ကိုနားလည်သိရှိဖိုကပိုအရေးကြီးတယ်

မြေကို လျှို့ဝှက်ပြီး ဝယ်ပါ။
အိမ်ကို တိတ်တိတ်ဆိတ်ဆိတ် ဆောက်ပါ။
ပြီးတော့မှ အိမ်တက်ပွဲကို
လူသိရှင်ကြား ကျင်းပလိုက်ပါ။
တိတ်တိတ်လေး ပိုးပန်းပါ။
နှစ်ကိုယ်ကြား လက်ထပ်ခွင့် တောင်းပါ။
ပြီးမှ မင်္ဂလာဆောင်ကို
လူအများရှေ့မှာ ဆင်နွှဲလိုက်ပါ။
သင့်ကို မနှစ်မြို့တဲ့သူတွေကို
သင့်ရဲ့ လက်တွေ့ဘဝကိုပဲ မြင်ခွင့်ပေး။
သင့်ရဲ့ ရည်မှန်းချက်တွေကို မမြင်စေနဲ့။
စစ်တုရင်ကစားတဲ့အခါ စကားမပြောဘူး။ လက်တွေ့ အကွက်ရွှေ့တယ်။
စစ်တုရင်ကစားရင်း
တစ်ခါပဲ စကားပြောရတယ်။
"ငါ နိုင်ပြီ"လို့ ကြေညာတဲ့အခါပဲ။
ဘဝဆိုတာလည်း စစ်တုရင်လိုပဲ။
သင် ဘာလုပ်မယ်ဆိုတာ
တစ်ရွာလုံးသိအောင် ကြိုမပြောနဲ့။
တိတ်တိတ်လေးပဲ လုပ်ပါ......

စင်ကာပူ မှာ တရုတ်သူဌေးကြီး တယောက် ဟာ
တော်တော်ချမ်းသာပါတယ်။

သူ့သားနဲ့ ချွေမ ကို သူအိမ်ကြီးပေါ် တင်ထား
တယ်ပေါ့..မြေးတွေရလာတော့..သူဌေးကြီးက
တော်တော်ပျော်နေတာ...ပေါ့။

ဒါနဲ့တရက် ငါလဲအိုလာပြီး...သူ့အိမ်ကြီးနဲ့
ပိုင်ဆိုင်မူ့တွေ ကို...
သူ့သားနံမယ်နဲ့ လွှဲပေးလိုက်ပါတယ်။

ပြသနာက အိမ်ကိုစာချုပ်စာတမ်း နဲ့ လွှဲပေးပြီး
သူ့သား နဲ့ ချွေးမ က မကြာခဏ စကားများလာ
ပါတယ်။

နောက်ဆုံး.. သူ့သား က သူဌေးကြီး ကို အိမ်ပေါ်
က နှင်ချလိုက်ပါတယ်။ ဒီအရွယ်ကြီး မှ ဘာအလုပ်
သွားလုပ်လို့..ရမှာလဲ?? နောက်ဆုံး လမ်းဘေး မှာ
တောင်းစားရပါတယ်။

တနေ့..သူဌေးကြီး ရဲ့ မိတ်ဆွေ သူဌေးတယောက်
က သူ့ကိုတွေ့..သွားတော့...မင်းဘယ်သူ..မဟုတ်
လား? ? ဆိုတော့..သူက အရမ်းရှက်ပြီး...ငြင်း
ပါတယ်။ စကားပြောတော့မှ..သူမိတ်ဆွေက
ပိုသေချာသွားတယ်..ဒါ..သူ့သူငယ်ချင်း..ဆိုတာ..

ဒါနဲ့ တနေရာ ခေါ်သွားပြီး မေးတော့မှ..သူ့သား
က သူ့ကို့ အိမ်ပေါ်က နှင်ချလိုက်လို့..ဖြစ်ပျက်တာ
တွေ ပြောပြရင်း အားရပါးရ ငို ပါတယ်။

နောက်ဆုံး ဒီသတင်းဟာ ဝန်ကြီးချုပ် လီကွမ်ယူ
နားထဲ ရောက်ပါတယ်..သိပ်စိတ်တိုပြီး.သိပ်.စိတ်ဆိုး
သွားတယ်။...ဥပဒေ ပညာရှင်တွေ ခေါ်ပြီး ဥပဒေ
တခုကို ရေးဆွဲစေပါ တယ်။

ဘယ်လိုစာချုပ်စာတမ်းနဲ့ပဲ...လွှဲ..လွှဲ
မိဘ မသေသေး သ၍ သားသမီး က ပိုင်ဆိုင်နိူင်
ခွင့် မရှိစေ..ရ..မိဘကသာ ဆက်လက်ပိုင်ဆိုင်
စေရမည်။

တော်တော်ကောင်း တဲ့ ဥပဒေ ပါ။

ဘယ်သူက အစပြုလိုက်တယ်တော့ မသိဘူး။ KBZ Pay ကို ထိုင်းဖုန်းနဲ့ ဘယ်လို Bind လို့ ရနိုင်တယ်ဆိုတာကို ကိုယ်လည်း မသိဘူး။ ဒီကိစ္စ မှန်လား၊ မှားလား ကိုယ်တိုင်တွေးကြည့်ပေါ့။

၁။
KBZPay ထဲမှာ မွှေကြည့်လိုက်ရင် ဒီလိုမျိုး contact ကို မတွေ့ဘူး။​
KBZPay ရဲ့ Facebook Page မှာလည်း မတွေ့ဘူး။​

၂။
Phone number ပြောင်း ချင်တယ်ဆိုရင် App ထဲမှာ Change Phone Number ပါနေပေမဲ့ ကိုယ်တိုင်လုပ်လို့မရဘူး။ 3211 ကို ဆက်သွယ်ခိုင်းပါလိမ့်မယ်။ 3211 က မေးသမျှ မှန်အောင်ဖြေနိုင်မှရမယ်။

၃။ လက်ရှိ App version က 5.8.0 ပါ။​ မကြာမီ 5.8.1 ထွက်လာမယ်လို့ ပြောထားတော့ သိပ်မကြာခင်မှာ Link တစ်ခုပေးလာနိုင်တယ်။ နှိပ်မိရင် ဘာဖြစ်မလဲတော့ မသိဘူး။

၄။ Change Phone Number နဲ့ Virtual Customer Support ကို နှိပ်လိုက်တဲ့အခါမှာ အခန့်မသင့်ရင် KBZ Pay Logout ဖြစ်သွားနိုင်ပါတယ်။ ဘာအတွက် အဲ့ဒီလိုဖြစ်သွားတယ်တော့ မသိပါဘူး။

ကြောက်လန့်ပြီး လုပ်မိလုပ်ရာလုပ်ရင် (သို့) 5.8.1 Version Link ဆိုတာကို နှိပ်မိရင် ဘာဆက်ဖြစ်မလဲတော့ မသိဘူး။

အကောင်းဆုံးက စိတ်ထဲမှာ မတင်မကျဖြစ်နေရင် 3211 ကို မေးပါ။​ ဘဏ်ကို သွားမေးပါ။ တွေ့ကရာ Link မနှိပ်ပါနဲ့။ Official Store တွေက App ကိုသာသုံးပါ။​ ပုံမှန်ဆိုရင်တော့ Auto update ဖြစ်ပါတယ်။

ဒီလောက်ပါပဲ​ :3

#KBZPay