ထိုင်းနိုင်ငံအတွင်း 24.4.2024 မှ 27.4.2024 အတွင်း အပူရှိန်မြင့်တက်ပြီး အချို့နေရာများတွင် မိုးသက်လေပြင်းကျရောက်မှုကြောင့် ရေကြီးရေလျှံမှုများ ကြုံရနိုင်
ထိုင်းနိုင်ငံပေါ်သို့ အပူဖိအားနည်းရပ်ဝန်းကာဆီးမှုကြောင့် မနက်ဖြန်တွင် ထိုင်းနိုင်ငံမှာ လက်ရှိအပူချိန်ထက် ပိုတိုးသွားဖို့ရှိတယ်လို့ ၂၃ရက်နေ့မှာ ထိုင်းမိုးလေဝသဌာနက ကြေညာသွားခဲ့ပါတယ် အနိမ့်ဆုံးအပူချိန် ၂၈မှ ၃၀အထိ အမြင့်ဆုံးအပူချိန် ၃၇မှ ၄၁ဒီဂရီစင်တီဂရိတ်အထိ မြင့်တက်နိုင်ပါတယ် တစ်ချိန်တည်းမှာပဲ အနောက်တောင်ပိုင်းနှင့် တောင်ပိုင်းဒေသတွေမှာ လေတိုက်နှုန်းပြင်းထန်ပြီး မိုးကြိုးမုန်တိုင်းများ ကွက်ကြားကျရောက်နိုင်တယ်လို့လည်း ကြေညာခဲ့ပါသေးတယ် လေတိုက်နှုန်း တစ်နာရီ ၂၅ကီလိုမီတာအထိ တိုက်ခတ်နိုင်ပါတယ် အက်ဒမန်ပင်လယ်တွင်း လှိုင်းအမြင့် ၁မီတာကျော်ခန့်အထိ တက်နိုင်တဲ့အတွက် သင်္ဘောများကို ကြိုတင်ပြင်ဆင်မှုတွေ လုပ်ထားဖို့အတွက်လည်း ညွှန်ကြားခဲ့ပါသေးတယ် ဒီလေပြင်းဟာ ၂၄ရက်မှ ၂၅ရက်အတွင်း မြောက်ဘက်နှင့် အရှေ့မြောက်ဘက်သို့ ရွေ့လျားသွားဖို့ရှိပါတယ်
ယခုလအတွက် မိုးလေဝသခန့်မှန်းချက်ကတော့ ထိုင်းနိုင်ငံ မြောက်ပိုင်းနှင့် အရှေ့မြောက်ပိုင်းတွေမှာ မိုးကြိုးမုန်တိုင်းကြောင့် အချို့နေ့တွေ ပိုအေးလာဖို့ရှိပါတယ် ဒီမိုးကြိုးမုန်တိုင်းဟာ တရုတ်နိုင်ငံမြောက်ပိုင်းနှင့် အရှေ့မြောက်ပိုင်းမှ ရွေ့လျားလာခဲ့ခြင်းဖြစ်ပြီး ပုံမှန်ပြင်းအားသာ ရှိပါလိမ့်မယ် တောင်ပိုင်းဒေသတွေမှာတော့ မိုးပြင်းထန်စွာ ရွာသွန်းနိုင်ပါတယ် မိုးပြင်းထန်မှုကြောင့် ရေကြီးရေလျှံမှုတွေ မြစ်ရေမြင့်တက်မှုတွေ ဖြစ်လာနိုင်ပါတယ် ထိုင်းပင်လယ်ကွေ့မှာတော့ လေတိုက်နှုန်းပြင်းထန်ပြီး လှိုင်းအမြင့် ၂မီတာမှ ၄မီတာအထိ ရှိနိုင်ပါတယ်
နွေရာသီအလယ်ဖြစ်တဲ့ ဧပြီလတစ်လလုံးစာအတွက်ဆိုရင်တော့ မြောက်ပိုင်းနှင့် အရှေ့မြောက်ပိုင်းဒေသတွေမှာ မိုးရွာသွန်းမှု ၁၀ရာခိုင်နှုန်းအောက် လျော့နည်းနိုင်ပြီး အရှေ့ပိုင်းနှင့် အလယ်ပိုင်းဒေသတွေမှာ သာမန်မျှသာ ရှိနိုင်ပါတယ် တောင်ပိုင်းဒေသတွေမှာတော့ သာမန်ထက် မိုးရွာသွန်းမှုနှုန်း ၁၀ရာခိုင်နှုန်းပိုများနိုင်ပါတယ် တစ်နိုင်ငံလုံးအနေဖြင့်တွက်ကြည့်လျှင် ယခုလအတွက် မိုးရွာသွန်းမှုအခြေအနေမှာ သာမန်ထက် အနည်းငယ် ပိုများနိုင်ပါတယ်

လက်ရှိ အပူချိန်နဲ့ ရာသိဥတုအခြေအနေတွေကို အချိန်နဲ့တစ်ပြေးညီသိရဖို ထိုင်းရောက်ရွှေမြန်မာများ ဒီဆော့ဝဲလ်လေးဆောင်ထားပါ။

For Android - https://mm.nextworm.com/archives/3288

For IOS - https://mm.nextworm.com/archives/3290