*محور المشكلات المُعيقة لاستدامة العمل الطوعي»
لاستهلال عملية تطوعية ذكية؛ تم إفراد محور كامل وضعت نقاطه بناءاً على تقارير ومؤشرات تجارب تطوعية سابقة، رصدت فيها أبرز المعوقات، وأكثر المشكلات تكراراً، والتي حالت بين المشاريع التطوعية والإستدامة .
من خلال هذا المحور سيتم الوقف على أبرز المشكلات؛ وتزويد المتطوعين بمفاتيح الحل الرئيسية لها، لضمان تجربة تطوعية جديدة سلسة، مثالية، ومستدامة .
المتطوع:

*<<محور إدارة الموارد المالية>>

يُركِّز هذا المِحور على تعريف المتطوع على أساسيات الإدارة المالية وإعداد الموازنات السنوية وتحديد التموِيل المُناسِب للمشاريع التطوعية واستقطاب الدعم، عن طريق توسيع العلاقات مع الشركات المختلفة والمنظمات التى يمكن أن تساهم في التمويل.

*«محور صناعة المبادرات والابتكار الاجتماعي»

تجدد المشكلات يحتم ضرورة تجديد الحلول بالمقابل؛ لذلك وعبر مساحة مخصصة تم التعامل مع الإبداع والابتكار المجتمعي، كمحور أساس في سبيل الوصول إلى التجربة التطوعية الأمثل، من خلال تعرف المتطوع علي مفاتيح الإبتكار المجتمعي، وتعزيز ثقافة الإبداع والتطوير لدى المتطوعين .

*محور صناعة المحتوى الإعلامي»

المحتوى هو الملك والعنصر الرئيسي في جميع مراحل العملية التطوعية؛ بداية من الاستقطاب ( البشري والمادي )، وصولاً لعكس صدى العملية وبيان مردودها في محور متكامل، يتلقى المتطوع أسس ومهارات بناء محتوى إعلامي مؤثر وفعال، مع طرق نشره وإدارته وقياس مردوده، والوقوف علي أقوى استراتيجيات المحتوى المستخدمة عالمياً، لصنع رواجٍ أكبر للفكرة، المبادرة، المؤسسة، فضلاً عن إثراء المحتوى التطوعي المحلي .

*محور التخطيط الإستراتيجي للمنظمات»

بهدف الوصول إلى تجربة تطوعية فعالة، إحترافية، وعميقة التأثير؛ كان التخطيط الإستراتيجي قاعدة محاور برنامج صناعة المتطوع في محور منفصل ومُفصل يتناول أبرز المدارس الإستراتيجية، وإسقاطها علي الواقع التطوعي في السودان؛ يخرج بعدها المتطوع بنموذج مثالي وقابل للتطبيق، يضمن فعالية آنية للعمل التطوعي، وخطوات مستقبلية مرسومة بدقة.

طبعا التدريب بتم على يد أميز المدربين المتخصصين في المجالات دي 🔥♥️
المحاور ما بس بتعتمد على الجانب العلمي كمان بكون في نشاطات من خلالها بتقدر تتطبق الحاجة العرفتها دي والنشاط بتم في شكل مجموعات وبتظهر من خلالو إبداع المتدربين وأفكارهم المبتكرة 🔥♥️
حاليا البرنامج ال VMC العام خرج أربعة دفع وكمان عندهم الVMC School ودا بكون خاص بالفئات يلي هي دون سن ال 18 سنة ودا خرج دفعة واحدة لحدي الان 🔥❤️
ولسة عندهم مفاجآت وحاجات جاية ظاابط شدديديد بس كونو مستعدين ليها عشان حرفيا ح استمتعوا 😍🧡
بعد كدة وصلنا للجزو الحلو من البوست وهو الجانب الاجتماعي والثقافي❤️❤️❤️❤️
أهم أهم شي انك تتطلع من مجتمع ال VMC بي علاقات ظابطة مع باقي المتدربين لانو حرفيا ح تقابل أحسن ناس في المكان دا ناس بتقدر تتبادل معاهم أفكارك وهوايتك وكمان قد تلقى ناس من نفس مجالك يدعموك ويفدوك لي قدام عشان كدة نحن في النسخة الرابعة دي حاولنا نتعرف على أكبر قدر ممكن من المتدربين في خلال ال 10 ايام دي كانو من مختلف الجامعات والولايات والاجناس كمان وقدر نندمج مع بعض ونكون صداقات تدوم لي قدام وتعرف على ثقافتنا المختلفة ونعرف اكتر عن كل ولاية أو كل مدنية جديدة بالنسبة لينا ❤️
الأجواء حرفياا كانت ممتعة شديد لانو كان بتم فعاليات وألعاب بنسكر فيها الحواجز مع بعض ونندمج اكتر واكتر ودا طبعاا كان احلى شي 😂♥️
بالنسبة لي الجوو الظابط من اليوم وهو كان الCoffe Break ودا كنا بنعمل فيهو العاميل لازم تتصور مع أي زول جديد بالنسبة ليك وتكون بلك في أي صورة تلقاها قدامك وتشتهر يلاا♥️😂😂
والله مهما احكي عن الأجواء ال كانت بين المتدربين خارج قاعة التدريب ما حا تتخيلو مدى جمالها الا تجربوها ♥️♥️♥️♥️😔
فا من اسي جهزوا نفسكم لل VMC 5 عشان تقدر تعيشوا أظبط 10 ايام في حياتكم مستحيل تنسوها وتكون عائلة مع بعض ❤️
نهاية البرنامج ما بتعني نهاية المشوار بل من هنا بتدنا رحلتنا ومشوارينا الظابطة مع بعض من هنا بنقدر نقول انو بالجد نحن عائلة حتى لو فرقتنا المسافات ♥️
نحن في النسخة الرابعة كان عندنا جملة شهيرة بين المتدربين بتقولها نهاية كل يوم وهي "ياريت لو كان مجتمع الجامعة زي مجتمع ال VMC"
وصدقوني ماف زول بدخل البرنامج دا وبطلع منو وهو بنفس العقلية أو الشخصية الدخل بيها بل بالعكس ح تحس انو في تغير جزري في حياتك وح تحمد ربنا عليهو فالحمدلله على نعمة ال VMC ❤️ 🔥
وشكرا بي حجم السماء لي كل شخص كان في النسخة الرابعة من برنامج صناعة المتطوع ولي كل المجهودات الجبارة البذلت من أجل انو تتطلع النسخة بالصورة الجميلة والرائعه♥️
https://www.facebook.com/vmcprogram/
#تجربتي_مع_VMC
#VMC4
#VMC_PROGRAM

الشباب الجميل 😂🤣♥️ السلام عليكم انا أحمد العاقب محمد
في البوست الظريف دا عايز اتكلم عن برنامج VMC فااااا لص قو لص قوووو ♥️♥️🔥

بداية كدا انا البرنامج دا سمعت بيه قبل سنة لمن كان زميلنا اواب صديق الفي الجامعة خاشي في النسخة التالتة Awab El Siddig و ما كنت عارفو برنامج تبع شنو زاتو 🤣🤣🤣 المهم برنامج ظريف و بفيد الزول 🤣🤣 المهم قبل فترة سمعت انو الدفعة الرابعة ح يتنزل ليها الفورم و كدا عشان الناس تسجل و كدا فااااا قمت قدمت في الفورم على اساس انو خلاص تاني شنو نستنى النتيجة
و الحمد لله يعني اتقبلت في الفورم و خلاص بقينا على المعاينات
الظريف في الموضوع لقيت ابو الزمل دا Musab Eltayeb 🤣🤣🤣♥️قبلوه برضو فاااا مشينا المعاينات سوا اللي كانت في مركز الكورسات المخفضة في الرياض و وصلنا المحل و لقينا العددية كبيرة ما شاء الله و البرنامج مرتب و منظم و بس كنا مستنين نخش المعاينات 🤣🤣 الظريف اكتر في الموضوع عملو لي المعاينة بت و ولد اسمو بشير حسن و طلع دا واحد من الطاقم الاداري في النسخة دي🤣🤣🤣 عملو لي المعاينة و رجعنا اهلنا ز كنا مستنين نتيجة المعاينات و بتوفيق الله اتقبلنا الاتنين في البرنامج ♥️
فااااا نمشي طواااالي لي اليوم الاول و احكي ليكم الموضوع دا كان كيف
مشيناا ام درمان و بالتحديد المركز الثقافي و خشينا القاعة كدا و اييييييك حسيت بي الهيبة والله 🔥♥️ كانو في ناس جد جد تحس انهم ما ناس عاديين و قاعدين في الكراسب و الصمت عم المكان في نوع من الهدوء البسبق العاصفة دايما و الجميع مترقب زي النمور في الغابة ♥️🔥 صمت رهيب كان
فاااا بدا البرنامج اللي هو السنة دي تخليدا لذكرى الشهيد محمد انور رحمه الله رحمة واسعة اللي كان من حفظة القرآن و كان من السباقين الى فعل الخير ♥️ جا اتكلم الكوتش و الاستاذ الظريف خالد و قطع ليك فينا شعر زابط كدا 🤣🤣♥️و كسر الجو بتاع الهيبة الكان في دا و جا اتكلم البراء بريمة البراي شديد 🤣🤣🤣♥️ (اسم على مسمى سبحان الله)🤣🤣 مؤسس ال vmc و ادانا كلام كبار كدا عم العمل الطوعي و ليي البرنامج بتاع vmc اتعمل من اول و كدا و طوالي خشينا في محور الاسس القانونية و كان محور مهم شديد في البرنامج اللي هو بخليك تكون على دراية بي قانونية الاعمال الانت بتعملها و هكذا يلا بعد دااااااااك كانت في لعبة 🤣🤣🤣♥️ اي لعبة عشان ما تقولو انو البرنامج دا زي للجامعة و بايخ و العملتها طبعا بتاعت الفعاليات 🤣🤣 وئام🤣🤣♥️ و كانت انو اي زول يشيل ورقة و بلقى فيها اسم و بفنش سيد الاسم و حكااااية ياخ 🤣🤣 اليوم الاول انتهى و رجعنا بيوتنا و اول حاجة كانت في راسي اول ما وصلت البيت انو بس متين يوم بكرة دا يجي عشان امشي لي البرنامج
اتوالت الأيام التانية و اللي جو فيها مدربين من مستوى تااااني زي الدكتور ابو جديري في التخطيط الاستراتيجي ( بنقول ليهو اب ضحكة 🤣🤣🤣♥️) و ادانا كلام متين شديد في الشغل بتاع التخطيط الاستراتيجي و كانت معاه فعالية مصاحبة في انو كيف نقدر نعمل خطة استراتيجية و اليوم داك كنا عملنا فعالية انو نغني🤣🤣🤣 و طبعا مشيت غنيت مع الجماعة
و برضو ما ننسى دكتورة نجوى في ادارة المشاريع المستدامة و كيف نحن نقدر نبدا مشاريع و نديرها و نراقبها كويس و كان معاها فعالية انو نعمل مشاريع خيرية طوعية تفيد السودان ♥️♥️ و لعبتها بتاعت الذاكرة🤣🤣🤣♥️و كنت طلعت فيها طبعا 🤣🤣
بعد داك كان في المحورين الزابطييييين محور البناء الاخلاقي لي المتطوع مع الاستاذ الباش مهندس الداعية وائل عشيري و اللي كان افضل محور بلا منازع♥️🤣 و المحور التاني محور البناء النفسي مع الكوتش البشير الصالح الزول الضحكة و العابر شديد 🤣🤣♥️ و استفز ليك المتدربين المعانا ديل بي طريقة سمحة خلاص 🤣🤣🤣♥️ و ما ننسى محور البناء القيادي مع كوتش الفاضل علي المحور دا اكتر محور انا كنت مترقب ليه و كان فيه الاسس القيادية لكل انسان حابي يكون قائد ناجح
بعد داك كان في محاور الادارة المالية و البناء الاعلامي و الابتكار الاجتماعي اللي كانو اسلحة المتطوع في انو كيف يقدر يرفع من مستوى شغلو 🔥♥️
اخر محور و حبيت اخليه لي النهاية لانو قدمو لينا البراء شخصيا 🤣🤣🤣و معاه الدكتورة هبة جعفر و كان محور المشاكل و المعوقات التي تواجه العمل الطوعي و كان محور مهم جدا مليان شديد بي المعلومات ♥️🔥
قبل ما امشي لي المهم فعليا حابي اشكر الفريق الاداري التعب شديد معانا و تعبو شديد في البرنامج دا و اذكر منهم هبة الله مديرة النسخة الرابعة و محمد انس الشهير بي (محمد تاقات)🤣🤣🤣اكتر واحد تعب في البرنامج دا و هو بسك في المتدربين عشان يديهم التاقات 🤣🤣🤣 طبعا هو مدير الاعلام فخامة و كدا 🤣🤣و ما ننسى ابراهيم عبدو ♥️ مدير التدريب العمل برنامج زااابط و برضو و لي المرة التانية وئام فعاليات 🤣🤣♥️ و روان الجاك الشرفتنا في البرنامج دا شديد ♥️♥️ و ما ننسى تلفرسان ناس اللوجستي الزابطين جدا العزونا بي

الكيك 🤣🤣🤣🤣♥️ و الله اهم ناس في البرنامج دا كلو و برضو المصممين و ناس خلف الكواليس و المصورين و أهم واحد محمود 🤣🤣 زووولي الكان بصورني مع انو كانو بقولو ليه العاقب دا صورتو كتير خلاص كفاية و كلللهم كانو يد في انو البرنامج دا يظهر بي الصورة الجبارة دي ♥️♥️

اهاااااااا نجي لي ناس الخمج🤣🤣🤣🤣♥️🔥 متدربيييي vmc 4 احلى ناااااااس على الاطلاق
يمين بالله انا الناس ديل نهبهم نفر نفر 🤣🤣♥️ مع انو كرهتهم بي الضحك و الاسئلة الكتيرة بتاعتي دي 🤣🤣♥️ ياخ والله ناس زابطييييييييين زابطيييييين و عابرين و كلهم متعددي مواهب ♥️♥️ البغني و البيتبوكس و القيادة ناس جميلين والله كلهم بلا استثناء ( بعد كسير التلج دا كترو الشير و اللايك ااا ولاد🤣🤣🤣🤣) و من الحاجات الظريفة انو طلعوني امثلهم مع انو انا اتفه واحد فيهم و كلهم احسن مني 🤣🤣🤣
كانت أيام كالسنين والله عشت فيها حياة تانية و اتغيرت فيها كتييير و لاقيت فيها ناس كتاار و ناس ناس يعني ما اي كلام و زي ما قال البراء انتو جيتو هنا معناها انتو من خيرة الناس ♥️🔥 والله الكلمات ما بتسع الشعور الانا حاسي بيه حاليا لي الناس الكانو معاي في البرنامج دا (تاقوهم هنا و قولو ليهم انتو أحلى ناس والله ♥️ وانا سعيد بي معرفتكم فردا فردا و انا شايف فيكم مستقبل السودان والله ♥️♥️🔥)و اللعب و البرامج معاهم كانت حاجة فانتاستك والله ♥️🔥
شكرا ادارةvmc شكرا لي المتدربين الحلو البرنامج دا ♥️♥️ و لي كل زول شاف البوست دا
ما تفوت vmc5 لو داير تغير من حياتك و داير تستمتع ♥️
و برضو شوفو الفيديو دا فيهو لقطات زابطة من البرنامج 🤣♥️
و ما تنسو الشير الشير الشير عشان الناس تعرف البرنامج
دا

#VMC_program
#VMC4
#تجربتي_مع_VMC

ما متذكر آخر مرة كتبت بوست طويل كدا متين -الناس تفتح الصور يخوانا للنهاية- ؛ فمعناها الموضوع المرة دي استثنائي
أول مرة سمعت بدورة صناعة المتطوع VMC Program كان لمّا نزلنا جامعة بعد إحدى التقفيلات التي ضاعت فيها حياتنا ....
المهم زيها زيّ أيّ فترة زي دي بتعدي الناس لمن تتلاقى بيكون في تغيير حاصل وهنا أنا بتكلم عن الصديق Osman Algak واللي فجأة طريقة كلامو اختلفت ، تعاملو مع الناس ، مستوى وعيو زاد ونزلت عليه قدرات اجتماعيّة وقياديّة من السماء ... وعرفنا منو أنو اتدرب في الـVMC 3
المهم تدور الأّيّام وتدور تاني ونكون قاعدين ثلاثتنا : عثمان و Mohammed Barakat وأنا على هامش أحد اللابات الزوط بنتبادل الأفكار لمشكلة اجتماعيّة معينة كلّ واحد منّنا متأزم منّها بصورة ما أو بأخرى .... والموضوع جرّ وجرّ أظنّ بالميت كدا 3 ساعات بنتكلم في الموضوع دا ... فكان الطلعنا بيو أنو دي حتكون رسالتنا ومشروعنا لقدام أنّنا نشتغل على المساعدة في إيجاد حل ليها – أيّ المشكلة - ... فا كانت خطتنا بتتضمن أنو أنا وبركة نتلقى الجرعة التدريبية بتاعت VMC وثلاثتنا كل واحد يتخصص في مجال مختلف في الـAdvance ودا يكون الأساس الحننطلق منو ....
المهم الزمن مارس هوايتو في اللف والدوران ... وفجأة لقيت روحي في فترة ما بعد الإنقلاب وأموري جايطة وقاعد في قمة الضياع داخل أضيق الزقاقات النفسية
فإذا بـ Nimah أختي تدخل عليّ وتقول لي : " قدمت في الـVMC ولا لسة ؛ الإستمارة حتقفل بعد ساعة ! " .. فا لا وعيويّا كدا وبدون أيّ نفس خشيت مليت الأسئلة وبقيت مارق وقنعان أصلا من حكاية أنو أتقبل في وسط الحشود المقدمة وحتموت وتخش دي ، وزيّي زي أيّ مواطن صالح رجعت اتحشرت في زقاقي في القمة اللافحني فيها السقط ديك ....
فبفضل من الله يعني .. اتقبلت فمرحلة المعاينات – وكنت كاسر حنك برضو وقربت ما أمشي حتّى إنّي من آخر الناس الخشوا المعاينة – (الحصل في يوم المعاينات عاوز ليهو بوست براو فحتخطاو هسي) .
فا الأيام تاخد ليها جكة خفيفة كدا وقبل ما تدور زي الناس ؛ يتم قبولي في النسخة !!!! ... وقدرّوا قبلو معاي منو ؟! ... أيوا فعلا صح محمد بركات !
----------------------------------------------------------------
يبدأ التدريب وأشوف بين المتدربين وجوه وأسامي مألوفة جدا (مثلا في متدرب كدا عُشرة عَشرة سنين عامل لي وجع وش من الأساس والثانوي اسمو بيبدا بحرف Alsharif Idris )
ويا سبحان الله حتّى باقي المتدربين الـ200 كلهم .. بخورازميّة ما ؛ بلقى أنو لازم في رابط مسبق بيناتنا (على الأقل في المبادئ والتوجهات أو أنّنا في عشرة أيّام بقينا أسرة مترابطة – بدون روت - ) ... فمبسوط شديد وممتن إنّي لاقيت ناس زابطين كدا !
----------------------------------------------------------------
أمّا بالنسبة للبرنامج التدريبي فحد نفسو فكان حاجة كدا أم الدرعة ؛
10 محاور مهمة جدا ومحتواها بيحتاج ليو كل فرد فينا - سواء كان متطوع أو ما متطوع - .. بتقدمها حفنة من العبور والزبوطيّة والعلم والفهم متجسدة في كُتل كربونيّة تأكل الطعام
(د. عبد السلام في الأسس القانونيّة ، د. نجوى – تأسيس المشاريع المستدامة ، د. أبو جديري – التخطيط الإستراتيجي للمنظمات ، كوتش البشير – البناء النفسي للمتطوّع ، الباشمهندس الداعية وائل عشيري – أخلاقيات العمل الطوعيّ .... وحرفيّا حرفيّا كل مُدرّب وكل محور )
---------------------------------------------------------------
وطبعا البرنامج العظيم دا ما كان حيقوم لو ما الأبطال القايمين عليو بمختلف الأدوار ... أخصّ بالذكر منهم تيم اللوجستي – فردا فردا – العينهم طلعت معانا حرفيا – ديل جيشVMC الأبيض (لمن تجي ذكراهم في راسي بتكون كيك كيك كدا) ، ووئام فعاليات الزابطة للأبد وطبعا طبعا الحلومرّ بتاعنا الزابط البراء بريمة الذي لا غنى عنه بشكل من الأشكال ! ... وناس تانين كتار شديد كدا لو قعدت أقول ما حخلص وحضيع ليهم أجرهم ساي
---------------------------------------------------------------
نجي للإستفادة الإستفدتها من البرنامج على المستوى الشخصي ؛
مبدئيا كدا يخوانا بطلت إنّي أكون معلم كلّو وأشوف لي مجال يلمني – باركوا لي -
تاني شي كتير من الأساسيات الكانت بتستند عليها شخصيتي اتغيّرت بصورة جزئية أو كلّية للأحسن طبعا ناهيك عن إنّي طلعت من الزقاق ونزلت من القمة – باركوا لي تاني عليكم الله – وفوائد كدا - عليّ الطلاق – أكتر من فوائد الليمون على الريق
لكن الفائدة الممتن بسببها زيادة شويتين كدا .. العلاقات والروابط اللي بيني وبين الزُملاء المتدربين – أعزّهم الله – واللي ما بعتقد أنّها حتستمر أقلّ من طول العمر يعني ... مُصِرّيّن يعني أذكر أسامي ؟! حقول اسم واحد بس عشان الناس ديل جد كتار زابط ؟

Mohamed Alkaber
---------------------------------------------------------------
ححاول أتجاوز فكرة أنّو ما عندي صورة محترمة في الـVMC وأعزي الموضوع لحاجة قالا لي أحدهم قبل كدا " أنت ما فوتوجينيك " أو " خطي شين " كما ورد في الأثر .
--------------------------------------------------
الصورة دي مصورني ليها Osama Yassir صحبي يخوانا عشان نكون واضحين.

‎#تجربتي_مع_VMC
#VMC4
#VMC_PROGRAM

جيناكم بحدث ضخم جدًا جدًا🥳
مُتحمسين صح؟🔥
مؤتمر مُستشار الشباب📌
عبارة عن مؤتمر سنوي حنعرض فيهُ التحديات والقضايا اللي بتواجه الشباب في 10 مجالات رئيسية.
وما بس كدة حيكون في ناس عابرين ومؤثرين شديد في المجتمع هم اللي حيناقشوا القضايا. ✨

خليكم مُترقبين بقية التفاصيل🔥

#مؤتمر_مُستشار_الشباب
#الشباب_محور_التنمية

متشوقين عشان تعرفوا بقية تفاصيل المؤتمر؟ 🔥

حيتناول المؤتمر 10 محاور رئيسية، و10 مُتحدثين.
حنكون معاكم في 8 ساعات مليانة برامج وفعاليات، ومعارض وبازارت وأهم شي هدايا ومُسابقات.🥳

#مُستشار_الشباب
#مؤتمر_مُستشار_الشباب
#Youth_Advisor_Conference

🔵إسدال الستار عن مُستشاري الشباب العشرة الذين سنلتقيهم في المؤتمر✨✔

المستشار النفسي
المستشار التقني
المستشار الطوعي
المستشار الأكاديمي
المستشار الأسري
المستشار القيادي
المستشار التزكوي
المستشار القانوني
المستشار الصحي
المستشار المالي

#مُستشار_الشباب
#مؤتمر_مُستشار_الشباب
#Youth_Advisor_Conference

مؤتمر مُستشار الشباب الأضخم🔥
Youth Advisor Conference

حنتشرف بحضوركم في (مسرح قاعة الصداقة) يوم الخميس الموافق 5/5/2022 لمُشاركتنا بالمؤتمر.✨
يتم الدخول للقاعة الساعة 9 صباحًا.

#مُستشار_الشباب
#مؤتمر_مُستشار_الشباب
#Youth_Advisor_Conference

🔴هذه الاستمارة الإلكترونية مخصصة فقط للأشخاص الذين يرغبون في حجز تذاكر حضور (مؤتمر مُستشار الشباب الأول).

🔴مؤتمر مُستشار الشباب :
عبارة عن مؤتمر سنوي يستعرض أهم التحديات والقضايا التي تواجه الشباب في (10) مجالات رئيسية، يستعرضها ويناقشها أكاديميون متخصصون من الشخصيات المؤثرة بالمجتمع.

🔴سنلتقي وإياكَم مع المستشارين التالين :
🔹المستشار النفسي.
🔹المستشار التقني.
🔹المستشار الطوعي.
🔹المستشار الأكاديمي.
🔹المستشار الأسري.
🔹المستشار القيادي.
🔹المستشار التزكوي.
🔹المستشار القانوني.
🔹المستشار الصحي.
🔹المستشار المالي.

🔴 تفاصيل المؤتمر :
🔹10 محاور رئيسية.
🔹10 متحدثين.
🔹6 ساعات.
🔹برامج وفعاليات.
🔹معارض وبازارت.
🔹هدايا ومسابقات.

🔰المكان : ( مسرح قاعة الصداقة ).
⏲️الزمان : الخميس 5/5/2022.
⛔ يبدأ تسجيل الدخول عند الساعة (9:30 صباحاً).

🔴فئات التذاكر ومميزاتها :
1️⃣ فئة الطلاب = (3.000) جنيه:
- برشور تعريفي.
- المقاعد الخلفية.

2️⃣ فئة الخريجين/الموظفين (4.000) جنيه :
- برشور تعريفي.
- المقاعد الخلفية.

3️⃣ فئة الشخصيات (VIP) المهمة (5.000) جنيه :
- بطاقة المؤتمر.
- برشور تعريفي.
- ملف المؤتمر.
- المقاعد الأمامية.
- شهادة حضور.
- ضيافة.

🔴 تنبيهات مهمة : 🔴
1- (التذاكر محدودة) ويعتمد حجزها على (الأولوية والأسبقية فقط) للمسجلين في استمارة حجز التذاكر.

2- ستغلق استمارة حجز التذاكر بعد اكتمال عدد المقاعد المحجوزة.

3- يتم دفع قيمة التذاكر إلكترونياً فقط، عبر تطبيق (بنكك) و تطبيق (فوري).

4- يسمح للشخص بحجز أكثر من تذكرة.

6- يمنع بيع التذاكر لشخص آخر بعد شرائها، وتعتبر التذكرة ملغية.

6- قيمة التذكرة لا تُسترد بعد شرائها بـ24 ساعة.

7- سيتم التواصل مع المسجلين (عبر الواتساب) لإكمال إجراءات التسجيل ودفع قيمة التذاكر.

🔴 رابط إستمارة حجز تذاكر المؤتمر :
https://docs.google.com/forms/d/e/1FAIpQLSfwG4oT9Kd7ccc_1Vj7sSiRPg9OuUR00g6ho3KbZvtma2WiZw/viewform

#مؤتمر_مستشار_الشباب
#الشباب_محور_التنمية
#youth_advisor_conference

إسدال الستار عن أحد مُستشاري الشباب العشرة🥳

لنتعرف علىٰ الاحتياجات والخصائص التي ينبغي أن تتحصل عليها لتكون مؤهلاً لبدء مشروعك الخاص ، هل سيكون البزنِس خياراً مناسباً بالنسبة لك؟
أم أنه ينبغي عليك أن تقوم به ولكن بطريقة أُخرى؟
كُل هذة الأسئلة سيجاوب عليها مهند تاج الأصفياء دعونا نتعرف عليه👇

- مهند تاج الأصفياء قسم الله.
- مستشار ريادة الأعمال لدى برنامج مستشار الشباب.
- مؤسس مركز يلا نبدأ بيزنس.
- مطوِر أعمال.
- رائد أعمال اجتماعي.

🔰 رابط إستمارة حجز تذاكر مؤتمر مُستشار الشباب :
https://cutt.us/ZU2lf

#مؤتمر_مستشار_الشباب
#الشباب_محور_التنمية
#Youth_Advisor_Conference

إسدال الستار عن أحد مُستشاري الشباب العشرة. 🥳
_ لنتعرف علىٰ أهم المشكـلات النفسية التي تواجه الشباب ونناقش أهم أسباب الإكتئاب وطريقة علاجه، وكيف نقي أنفسنا منه، كذلك سنتعرف على الفرق بين المعالج النفسي والطبيب النفسي ودور كُل منهما وكيف نتعامل مع الأشخاص السلبيين في حياتنا وكيف نحافظ على صحتنا النفسية لنعمل بكفاءة عالية.
سنتطرق لكل ماسبق مع كوتش تسنيم البرهومي إختصاصي نفسي اكلينيكي دعونا نتعرف عليها عن قرب 👇

- كوتش تسنيم البرهومي.
- المستشار النفسي ببرنامج مستشار الشباب.
- اختصاصي نفسي اكلينيكي (معالج نفسي)
- مؤسس مركز تسنيم البرهومي للتأهيل النفسي والتدريب.
-مؤسس مبادرة الوعي الأنثوي في السودان.
- ناشطة مجتمعية.
- ناشطة في حقوق المرأة والطفل.
- مهتمة بنشر الوعي والثقافة النفسية.
- مهتمة بتطوير الشباب.



🔰 رابط إستمارة حجز تذاكر مؤتمر مُستشار الشباب :
https://cutt.us/ZU2lf

#مؤتمر_مستشار_الشباب
#الشباب_محور_التنمية
#Youth_Advisor_Conference

البرنامج التدريبي المتقدّم | VMC Advance

عبارة عن برنامج تدريبي متقدّم للمتطوعين الذين تخرّجوا من البرنامج التدريبي العام لدورة صناعة المتطوع Volunteer Making Course.

#VMC
#VMC_PROGRAM
#VMC_ADVANCE

يهدف البرنامج إلى توزيع المتدربين الذين تخرّجوا من البرنامج التدريبي العام ( VMC Batch 1,2,3,4 ) إلى 10 مساقات تخصصية فرعية تمثّل أهم المجالات الرئيسية العامة في العمل الطوعي، وذلك بعد اختيار كل متدرب للمساق الذي يناسبه.

#VMC
#VMC_PROGRAM
#VMC_ADVANCE

يتم تدريب المتطوعين عبر جهات متخصصة في كل مساق من المساقات التخصصية التي قاموا باختيارها ، وذلك من أجل توجيه قدرات كل متطوع في تخصص محدد يتلقى فيه التدريب بصورة مكثفة أجود وأشمل من التدريب العام .

#VMC
#VMC_PROGRAM
#VMC_ADVANCE

المساقات التخصصية الرئيسية للبرنامج التدريبي المتقدم VMC Advance :

- مساق الصحة النفسية.
- مساق الصحة والطب.
- مساق إدارة المنظمات.
- مساق إدارة مشاريع المنظمات.
- مساق إعلام المنظمات.
- مساق التدريب والتعليم.
- مساق الأسرة والطفل.
- مساق التنمية الاجتماعية.
- مساق إدارة الطوارئ.
- مساق إدارة الفعاليات.

#VMC
#VMC_PROGRAM
#VMC_ADVANCE