🔺بيان اعتذار رسمي 🔺

تتقدم إدارة برنامج العضوية العامة (GMP) باعتذار رسمي لكل المتابعين الأكارم بمختلف فئاتهم ومقاماتهم عن الخطأ الذي بدر من إدارة البرنامج في تغيير إحدى مميزات العضوية العامة وهي الميزة رقم (3) والتي تنص على :

" يحق لكل عضو دخول كافة الفعاليات والاحتفالات التي ينظمها البرنامج مجاناً "

وتم تغيير هذه الميزة عبر تخفيض 50% من قيمة التذاكر للأعضاء بعد أن كانت مجانًا،
وحدث هذا الخطأ بسبب سوء التقديرات والتوقعات من إدارة البرنامج وليس استغلالاً لحوجة المتطوعين الراغبين في الانضمام للبرنامج ، إذ أننا كنا نتوقع تسجيل (500) عضو،
وبلغ عدد المسجلين أكثر من (5000) عضو داخل العاصمة فقط، ولا توجد قاعة في العاصمة لاستيعاب كل هذا العدد.

وبناءً على ما سبق ذكره قررت إدارة البرنامج الآتي :
1) إلغاء الميزة رقم (3) نهائياً، لإنهاء الإشكال الذي حدث بسبب خطأ تقديرات إدارة البرنامج لعدم توفر قاعة تسع 5000 شخص.
2) قبول الإدارة لطلب أي عضو يريد إلغاء اشتراكه من البرنامج إذا ظن أنه تضرر من إلغاء الميزة رقم (3).

تقبّلوا فائق تقديرنا واحترامنا
إدارة برنامج العضوية العامة

#صناعة_المتطوع
#أخلاق_مؤسسية_فاعلية

🔺🔺🔺🔺🔺🔺🔺🔺🔺🔺🔺🔺🔺
ننوه بأن التسجيل لبرنامج العضوية العامة سيتوقف يوم غدٍ الأحد الموافق 20/2/2022.

وسيستأنف التسجيل يوم الثلاثاء الموافق 22/2/2022،
بالأماكن المحددة مسبقاً.

نرجو من شخص تم قبوله إكمال مطلوبات التسجيل قبل الحضور.

#صناعة_المتطوع
#أخلاق_مؤسسية_فاعلية

https://www.facebook.com/102532187900812/posts/525302352290458/?app=fbl

https://www.facebook.com/102532187900812/posts/526431288844231/?app=fbl

⭕ غداً الثلاثاء 22/2/2022 ⭕
هو آخر موعد للتسجيل ببرنامج العضوية العامة GMP

🔸مواقع تسجيل العضوية العامة :
1) مدينة الخرطوم
( مبادرة الكورسات المخفضة). فقط.

2) مدينة بحري
(مكتبة الجابري الوقفية).

3) مدينة أم درمان
( مركز أم درمان الثقافي).

⛔ تنبيه:
تم قبول الاستثناء في تسجيل العضوية عبر ( البطاقة القومية - الجواز ) بعد موافقة مفوضية العون الإنساني.

🔺 الآن يمكن لأي شخص التسجيل للعضوية العامة (بالرقم الوطني / أو البطاقة القومية / جواز السفر) فقط.

#صناعة_المتطوع
#أخلاق_مؤسسية_فاعلية

8 مارس | اليوم العالمي للمرأة

سلاماً يا نساء الأرض قاطبةً🧡

كل عام وجميع نساء بلادنا السودان بخير 🇸🇩??🧡

#اليوم_العالمي_للمرأة

أخيراً 🔥
تم فتح استمارة حجز تذاكر حضور مؤتمر (تيدكس الكلاكلة) TEDx Alkalakla ❤️

🔰 رابط حجز التذاكر :
https://docs.google.com/forms/d/e/1FAIpQLSdoqx8roCrvctdhiqDn7DwZ-irlee9d1LFh8tG1kPSoy4xABQ/viewform?usp=sf_link

🔺 رابط صفحة TEDx Alkalakla على فيسبوك :
https://www.facebook.com/TEDxYouthAlKalakla/

#تيدكس_الكلاكلة

تم الإتفاق على توقيع مذكرة تفاهم وشراكة استراتيجية ذكية بين كل من برنامج صناعة المتطوع (VMC Program) و " مركز دكتور صبري أبو قرون ".
حيث سيشرف الطرف الأخير على تدريب خريجي برنامج صناعة المتطوع في برنامج VMC Advance ضمن مساقي "الصحة و الطب" و "إدارة الطوارئ".

#VMC_Program
#VMC_Advance

تم التوصل لإتفاق عقد شراكة بين برنامج صناعة المُتطوِّع VMC Program و " مركز نور للتدريب وتنمية القدرات " لتدريب المتطوعين في برنامج VMC Advance ضمن مساق " الصحة النفسية ".

#صناعة_المتطوع
#أخلاق_مؤسسية_فاعلية

تم توقيع عقد شراكة بتاريخ الأربعاء الموافق 16/3/2022 بين برنامج صناعة المُتطوِّع VMC Program وشركة " Filx Technology " المتخصصة في إنشاء وتطوير المواقع الإلكترونية.
بحيث يتكفل الطرف الأخير برعاية وتطوير موقع VMC Program على الشبكة العنكبوتية عبر تأسيس موقع البرنامج من الصفر وحجز الدومين والسيرفر. 🧡

#VMC_Program
#Filx_Technology

لقطات من ورشة : ( أخلاقيات العمل الطوعي ) 🧡
التي صاحبت اجتماع المنتسبين لبرنامج العضوية العامة GMP لعضوية مدينة أم درمان🧡

https://www.facebook.com/102532187900812/posts/542908653863161/?app=fbl

#صناعة_المتطوع
#أخلاق_مؤسسية_فاعلية

لقطات من الورشة التي صاحبت اجتماع المنتسبين لبرنامج العضوية العامة GMP لعضوية مدينة بحري ومدينة الخرطوم 🧡
( أخلاقيات العمل الطوعي ) 🧡

https://www.facebook.com/102532187900812/posts/543841233769903/?app=fbl

#صناعة_المتطوع
#أخلاق_مؤسسية_فاعلية

السلام عليكم❤
تجربتي مع ال VMC PROGRAM ❤
اول حاجه و قبل كل حاجه ال vmc خلاني اقتنع بي مقولة "ان تأتي متأخرا خير من ان لا تأتي"
حكايتي مع ال vmc ابدت في ٢٠٢٠ لمن فتحوا فورم vmc 3 حقيقي وقتها قدمت و انا ما عاارفه ااي شي عن البرنامج بس مجرد فوورم الناس بتكلموا عنوا و انا عايزه اقدم
كان من البدهيات انوا اترفض ما دام اني قدمت في حاجه من دون ااي علم مسبق عنها او بيها
و فعلا حصل😂 من بعد الرفض ما استسلمت و شركت لي batch 4 من وقتها كان خلال السنه دي عرفت vmc سألت عنوا عرفت تجربه كم زول دخل في 3 و حقيقي اتحمست للفكره من وقتها
جا فوورم 4 و حصل و قدمت علي حتي بتذكر قدمت في الموصلات و في عز جوطه كدا و كنت خاته يمكن ما يشيلوني لكن يقيني بالله اكبر و بتذكر لمن ال لست نزلت ما لقيت اسمي و دموعي كانت في طرف عيني فتحت وتساب لقيت صحباتي مرسلين لي مبرووك القبول حقيقي كانت فرحه كبيرة و الحمدلله
بعدها كانت مرحلة المعاينات و ما ادراك ما المعاينات 😂
كنت معاينات 8 صباحا و جيت قبلها بي كم دقيقه بس😂😂 حقيقي قلبي كان ح يطلع من مكانوا من شده الخوف و التوتر دخولي لي قاعه الانتظار برا خلى قلبي يفر😂 اتعاينت مع كوتش معاويه و حقيقي تقدروا تقول المعاينه في حد زاتها كانت اضافه لي لأن حقيقي الكلام ال قالوا لي كوتش معاويه كان ترميم نفسي رهيب
وقتها بعد ما رجعت البيت كنت متأكده من انوا ح يقبلوني لكن طبعا جزء صغير بقول لا ما تتعشمي شديد و جزء تاني بقول لي لو ما حصل القبول النهائي المعاينه براها كانت حاجه جميله شديد يا نعمات و تكفي الا انوا الحمدلله طلع القبول النهائي و تم
بالنسبه لي انا ك نعمات ما كانت بس 10 يوم و خلااص لا كانت افضل ختام و بدايه لي 2021_2022
اهم حاجه اتعلمتها من vmc انوا اليد الواحده ما بتصفق و انوا كل ما كان العمل جماعي اكتر كان ابداعي اكتر
و انوا كل ما كانت علاقتك الاجتماعيه اكبر كل ما حاجات كتيرت اتسهلت ليك
و حقيقي لو ما محور الاسس القانونيه كان شغلي كلوا ح يكون غير قانوني
اتعلمت من محور التخطيط الاستراتيجي انوا لاازم اضع اهداف وفق شروط معينه ما كبيره شدديدد و لاا صغيره شديد و عرفت كمان انوا كل ما كان عندك plan كل ما كان وصولك للعايزوا اسرع و اضمن و نوعا ما اسهل (اول سنه اخت فيها اهداف هي السنه دي و تحديدا بعد المحور دا)
اتعلمت من محور البناء النفسي انوا ماف حاجه بتتحل بالبكاء و انوا اي مشكله و ليها حل و انوا كل ما انت كنت من جوا اقوي كل ما كان عطائك افضل و احسن
اتعلمت من محور الاخلاقيات انوا في حاجات كتيرة كنت ممكن اعملها انا ك نعمات من دون ما اعرف انها حرام اتعلمت انوا اي شغل عشان تنجح في لازم تمسكوا اخلاقيا قبل مهنيا
اتعلمت من محور معيقات العمل الطوعي شنو هي مشاكل التطوع في السودان و سببها شنو و حلها شنو و كيف بيتطبق الحل دا
اتعلمت من الموارد الماليه كيف اخت خطه ماليه محترمه تكون فيها ميزانيه مزبوطه اتعلمت فيها كيف احل المشاكل الماليه اتعلمت افكر بمنطقيه و واقعيه اكبر
اتعلمت من كوتش محمد السماني اهميه الاعلام بالنسبه للمنظمه اتعلمت انوا حتي ادق التفاصيل في التطبيقات انت ممكن تستغلها لي صالحك و انوا البسوق لي نفسوا صح بيقدر يستقطب الدعم ال عايزوا بسهوله
اتعلمت كيف افكر خارج الصندوق مع محور الابتكار الاجتماعي كيف اجيب حلول ابداعيه لي مشاكل ممكن تواجهنا خلال شغلنا
و اخيرا اتعلمت اني اكون افضل و اقوي و احسن لأن في ناس كتيرين محتاجننا لسى
بالنسبه لي مجتمع VMC حقيقي كضاب ال يقولوا انوا في يوم من الايام ح يلقى مجتمع زيوا ناس رهيبه مبدعه علي قدر كبير من الوعي حقيقي شكلوا اضافه كبيره شديده لي
البرنامج خلاني اكتشف جانب ما كنت عارفه انوا عندي خلاني اعرف نعمات جديده ما كنت بعرفها خلاني اعرف انوا تكوين الصدقات ما هو بالموضوع الصعب داااك
تقدروا تقولوا نعمات طلعت بكميه اصحاب هم الكنز الحقيقي في البرنامج دا❤❤❤
و ما ننسى اتعلمت اركب موصلات براي منو ال كان متخيل انوا وقت اركب موصلات براي امرقها لحدي امدرمان 😂
اتعلمت انوا الظروف عائق و ليست مانع
و الكبرى ال بيتقفل غيروا بكون فاتح😂
حقيقي كانت من امتع ايام حياتي و للابد
مبسووطه جدا اني قدرت اتعرف علي مجتمع زي دا قبل ادخل الجامعه❤
مقوله اثرت فيني قالها أ. ابو جديري "قيمه الانسان تمكن فيما يقدمه للاخرين"
شكرا VMC
شكرا لكل الاصدقاء الاتعرفت عليهم
شكرا لي كل زول كان سبب بسمتي خلال الايام دي
شكرا لكل زول قال لي كلمه لطيفه تعليق جميل حاجه حلوه
شكرا لي ابرهيم لجنه التدريب و كمان ناس اللوجستك و الاعلام محمد انس و هبه كمان
و الشكر الاكبر لي المؤسس البراء بريمة

#تجربتي_مع_VMC
#VMC4
#VMC_PROGRAM