- 16-24 ёшдаги ёшлар орасида семиришнинг барқарор ўсиши: 2002 йилдаги 31% дан 2022 йилга келиб 37% га ошган;

- руҳий саломатлик бузилишлари бўлган ўсмирларнинг улуши кескин ошди (2017 йилдаги 10% дан 2023 йилда 23% гача);

- 15-24 ёшдаги ногиронларнинг улуши ҳам 2011 ва 2021 йиллар оралиғида икки баравардан кўпроққа ошди;

- 16-24 ёшдаги ёшларнинг тўртдан бир қисми қашшоқликда яшайди, бу эса бу авлодни яқин тарихдаги энг қашшоқлардан бирига айлантиради.

Айни пайтда Ўзбекистонда 100 мингга яқин саратонга чалинган беморлар бор. GLOBOCAN маълумотларига кўра, 2022 йилда Ўзбекистон аҳолиси орасида 35 900 та янги саратон хасталари аниқланган бўлиб, шундан 19 865 таси (55% улуши) аёлларда қайд этилган. Аёлларда энг кўп учрайдиган саратон турлари бўйича кўкрак саратони тахминан 5022 та ҳолатда, бачадон бўйни саратони 2654 ҳолатда қайд этилган. Маълумот учун: 2019 йилда бачадон бўйни хасталигига чалинган аёллар сони 1660 нафарни ташкил этган. Бу хасталик тарқалишига кўра дунёда аёллардаги саратон касалликлари орасида 4-ўринда туради. Кўкрак бези саратони эса 1-ўринда.

Ўзбекистонликлар бу ҳафта ҳақиқий қорли қиш ҳавосига гувоҳ бўлиши мумкин: ҳафта ўрталарида минтақага кириб келадиган нам ҳаво кўплаб вилоятларда қор ҳодисаларига сабаб бўлиши мумкин. Ҳаво ҳарорати шимолий ҳудудлардан ташқари жойларда ҳафта давомида пасайиб бориш тамойилига эга.

Тошкент шаҳрининг ҳар бир туманида биттадан мактаб негизида таълим сифатини ошириш бўйича "Тошкент тажрибаси" лойиҳаси бошланган. Бу ҳақда президент келаси йил пойтахтдаги устувор вазифаларга бағишланган йиғилишда маълум қилди.
Лойиҳа доирасида 7-11-синф ўқувчиларидан 1 минг 500 нафари танлаб олиниб, IT, тиббиёт, бизнес ва муҳандислик каби йўналишларда ўқитилади.
Ўқувчиларнинг фанларни ўзлаштириш даражасига қараб, ўқитувчиларга 20 млн сўмгача ойлик маош тўланади.
Давлат раҳбари бу тажрибани кенгайтириб, келгуси йилда 24 тага, 2027 йилда 33 тага етказиш вазифасини қўйган эди.