کارهایی که باعث خشنودی خداست را کوچک نشماریم...

🎙 آیت الله مجتهدی

#حاج_علیرضا_اسفندیاری
🌹هیئت عاشقان زینب(س)
🕌مسجدحسینیه میرزاده خانم
📆پنجشنبه ۳۰خرداد۹۸
🎥تصویربرداراستریوفرزاداردبیل

قسمت دوم
#روضه_علی_اکبر

#حاج_علیرضا_اسفندیاری
🌹هیئت عاشقان زینب(س)
🕌مسجدحسینیه میرزاده خانم
📆پنجشنبه ۳۰خرداد۹۸
🎥تصویربرداراستریوفرزاداردبیل

قسمت اول

🌹اللهم ارزقنا کربلا🌹🌹
_____________________________

گوتوروب دردیمی گلدیم قاپوا یا زهرا
هامی عالم اولا قربان ادووا یا زهرا
🌹🌹
سنی بیر تشنه لب اوغلون بیزیده ایله دعا
قسمت اولسون بو جمع کرب و بلا یا زهرا
🌹🌹
سن بویور اوغلون ابوالفضل ادیمی بلکه یازا
چاره سیز دردلره وار اوردا دوا یا زهرا
🌹🌹
الی بش ایل یاشادی زینب هاچان شاد اولدی
اودی عاشیقلر اونا ساخلار عزا یا زهرا
🌹🌹
باش یاران کوینگیمی نذر الیب ساخلامیشام
گتیرم حقین ادم اوردا ادا یا زهرا
🌹🌹
علی اکبر یخیلان یرده گوراخ بزم عزا
آپاراخ قاسمه بیر شمع و حنا یا زهرا
🌿🌹🌿🌹🌿🌹🌿🌹🌿🌹

رجز فوق العاده زیبا

چون راس شه دوران شام ایچره عیان اولدی.
سرنیزه ده قرآنون آیاتی بیان اولدی.
شام اهلی تماشایه چیخمیش دف و تاریله
قرآن اوخویور بیر باش الحان حجاریله
قالموش ولی حیرتده شام اهلی بو رازیله
ظهریدی موذن ده مشغول اذان اولدی.

قرآن اوخیان وقته اول پیر خراباتی
تسخیر ایلیوب قرآن الحانی سماواتی
سرنیزه دکی باشلار درک ایلدی آیاتی
بو حالدا او باش افسوس داشلاره نشان اولدی.

طغیان شرارتدن یئر تیره و تاریدی
کعبه گیینوب قاره گون ابره سواریدی
سرنیزه ده عاشقلر مست رخ یاریدی
منظومه ی شمساده بیردن نوسان اولدی.

بوس ائتمگه اول باشی پروازه گلور داشلار
هر داشی هوا اوسته پیشواز ایلیور باشلار
باشدان یولونار ساچلار گوزلردن آخار قان یاشلار
شک ایلمه ای شیعه محشر او زمان اولدی.

دوشدی نظر زینب ناگه سر مذبوحه
گوردی کی ورار داشلار بوسه سر مجروهه
نه حاله قالوب زینب سوز گلمدی مشروحه
محملده باشین یاردی دوز قدی کمان اولدی.

قان جاری اولوب آخدی گیسوی پریشانه
گیسوی پریشاندان دامدی سر مژگانه
گوز یومدی قولاخ وئردی آوازه قرآنه
دولدی گوزونه قان یاش رخساره روان اولدی.

آچدی گوزونی باخدی سرنیزه ده عشاقه
قرآن سسی ده هر آن اوج ایلدی نه طاقه
یئر اوندا وقاریله فخر ایلدی آفاقه
سس گلدی ملکلردن یئر ایندی جنان اولدی.

وصلت می ینون اولموش باشلار هامی مشتاقی
مستور الیوب عشقون پیمانه سی عشاقی
میخانه ده جام الده حیرتده قالوب ساقی
بو سوزدی دئدیم گئچدیم سوز بیله بیان اولدی.

دیدار ائدوب عاشقلر دلداریله بی پرده
جلوه ایلدی یارون رخساری برابرده
میعاده گلوب خندان دلداده ده دلبرده
بو وادی وحدتده چوخ چوخ هیجان اولدی.

لبلردن اولور جاری کهف آیه لری محسوس
پیوسته او لبلردن داشلار گلوب ایلر بوس
قان لخته وران لبلر سویلر گئنه ده حق دوس
آیاتیله بو اوراد تکرار زبان اولدی.

حق جلوه لنوب گئتدی شاماتیده اثباته
اوج ائتدی ان الحقون امواجی سماواته
عمال جفا دوشدی شترنجیده شه ماته
سلطان خلافت ده ملعون زمان اولدی.

ای مدعی شرم ایله لعن ایلمه "بیضایه"
الطاف ید بیضا باشینه سالوب سایه
اولموش اونا اشعاری محشر گونی سرمایه
فکر ائتمه کی بیضاده بد نام جهان اولدی

ای سالان لرزه دل عالمه عباس دخیل

قولونون قانی آخان علقمه عباس دخیل.

هر محرم صفری قاره گئیوب آغلیارام

نقدر عمرایلسم سینه ویروب آغلیارام

آه جانسوزیله دنیا اورگین داغلیارام

یازیلان آدی قرا پرچمه عباس دخیل

‍ #روضه_حضرت_علی_اصغرع

گلون دوداقی گلور باغبان ایتیرمیش ئوزون

(بولورسن یانمنه؟یعنی امام حسین دولانیردی ئوز باشنا نه صاقا گده بولور نه صولا)
(الله گورستمه سین بولمورم گوروبسوز یانه بیرینین بیر یری اولمیا گده گورر سن ئوز باشنا دولانیر امام حسین نه خیمه لره گده بولور نه میداندا قالا بولور اله دولانیر کربلانی)


گلون دوداقی گلور باغبان ایتیرمیش ئوزون

جهاندا حرمله ایکاش کور اولیدی گوزون

یخب ربابین ایوین نسگیل ایلدون سوسوزون

اوبی نوا ننه نین سینه سینده اوت قالادون

کمانی قوی یره نازوک بوغازی پارچالادون

خیمیه ایستورم گیدم گلمور یوزوم گیدنمیرم

عرصده دشمن ال چلور من داخی تاب ائدنمورم

قوی گینه خیمیه گیدیم حرمله نی گورنمیرم

قالوبدی عرصه ده آواره بیر آدامسیز آتا

(امام زمانین قاپسین دوی دینن سنی آند ویریرم اواوخ دین بوغازا سنی آند ویریرم عمون علی اصغره بیزی بوردان الی بوش المه آقا، آقا مریضی اولان وار، آقا دردی اولان وار، آقا نولار بیز آت ابی عبداللهین اتگینه، آقانولار بیزی وصل اله جدیوه، بیزی امام حسینه وصل اله ، اگر سیز بیزی ئوز باشیمیزا قویساز کیمیمیز وار، گیدیب دایانار کربلاده اوآلتی گوشه لی قبرین کنارینده یاجدا أَلسَّلامُ  عَلَى الشَّیْبِ الْخَضیبِ، أَلسَّلامُ عَلَى الْخَدِّ التَّریبِ، لسَّلامُ عَلَى الْبَدَنِ السَّلیبِ، سلام اولسون اوآچلان باشلارا،هامی شهید لره امام زمان جمع سلام ویرور اما علی اصغره یتیشنده الین قویور سینه سینه السلام علیک یا طفل الرضیع المتشهده)

باشین اوزوب گوشون کی دییر آتدیلار یره

شهپر چالار قضاوتی وجدانان آختارار

اصغر قاناد چالانمادی باغلیدی الری

قالوبدی عرصده آواره بیر آدامسیز آتا

گمانی گلموری اما قدم قدمنن آتا

یارالی قلبینی لشکر دوباره داغلولار

الهی محشره باخ ال چالانلار آغلولار

(آواره دولانور ،وای آدامسیزلیق الینن نه یاماندی ای خدا، هرکس چکمیوب بولمز)

(امام حسین ایستوردی دردین بیرینه دیه باخوردی گوروردی ال چالولار یا گلولر ساخلادی اورگینده، بیردفعه گوردی بیر سس گلور)

گتور منه بالامی گوزدن آتمارام قارداش

قوجاقیمه یواش آلام اویاتمارام قارداش

(زینبین سسین آلجاقین امام حسینین اورگی آچلدی باخدی باخدی)

هاچاندی ایسی گون آلتندا قالمشام زینب

خزان ویران ساری گل تک سارالمشام زینب

بوکوفه اهلی ربابین باجی ایوین یخدی

اونامه لرده نه یازمشدلار یالان چخدی

(زینب گوردی حسینون اورگی داریخور دیدی قارداش پس نیه بئله آواره دولانورسان، دیدی باجی رباب دایانوب اوردا من هارا گلیم)

ننه سینن اوتانما اوغلونون اصلا آدین دوتماز

اوگونن کی گلین گلدی ربابی با حیا گوردوم

دیدی احسنت الله سنی منه چوخ گورمسین زینب

دم گرمینده آثار دم خیرالنسا گوردوم

باجی گل آغلیاق باهم یارانی باغلیاق باهم

اوالر چوخ یارانی باغلیبدی بارها گوردم

ننمین سینه سین فضیله اسماء باغلیانمیردی

ولی سن باغلادون زهرا بیوردی مرحبا گوردوم

آتامین باشینه محرابیده شمشیر انن گونن

سنی دستمال الینده زخم بند مرتضی گوردوم

حسن قارداشیمون طشته جگر قانی آخان وقته

دوداقلارین ییوردن جان دیوردون مجتبی گوردوم

باجی اوندا سو واریدی اوندا سن یاراباغلیردون

الان سویوخدی غم المه توکوم من گوز یاشی

سن اصغرین قانلی بوغازین یو

یارانی آچ دا من گوز یاشین آوش پا گوردوم

من بوگون صبح آچلانان چکورم اوخ یارادان

الله بئله اوخ گورمه میشم آی منی یوخدان یارادان



🔰🔰🔰

السلام علیک یا زینب الکبری
السلام علیک یا عقیله العرب
السلام وعلیک یا من حفظت بنات رسول الله
فی یوم عاشورا

هر کیمون دلده خانم زینبیله الفتی وار

محرم کوی ولایتدی صلاحیتی وار

زینبی که آدینا گویده ملک ناز ایلیور

مهدی فاطمه نین عمه سیدور عزتی وار

یاامام زمان
مهدیه فاطمنون عمه سیدی عزتی وار
ایام ایام سوگواری سید سالار شهیدان
زینبین یامان گونلره دی
یاالله
(باکسب اجازه از امام زمان
گیدک عمه سی زینبین قاپیسینا)

زینبی که مثلینی دنیا گوره بیلمز

آنالار حشره کیمین حضرت مریم گتوره
بیری زینب اولا بیلمز ایله شخصیتی وار

گل باغ نبوی دور صود اموب فاطمه دن
شیر زن دور بو خانم اوندا علی غیرتی وار

(او قهرمان زینب
دایاندی یزیدین برابرینده )

دیدی یابن طلقامن ازلی مشعلیم
دیدی کیمسن دیدی شاگرد کلاس علیم
دیدی ایلش
(بو مجلسده کیشیلر دانیشار
سن بیر عورت
قارداشون ئولوب جلالون داغیلیب))

دیدی ایلش دیدی دوردوم باشوا کول الیم
قولاریم باغلی دا اولسا من ابوالفضل الیم

((اوقهرمان زینب دوردی ایاقا))

یزید دیدی کیمدی بو خانم
سسلندی ظالم زینبم
چاشدی هند اوغلی دیدی قدرتده منده مرحبم
اغزوی باغلا دیدی مرحبلره باش ایمرم
سن اگر مرحبده اولسون من ذوالفقار حیدرم
بیله دانیش دی زینب دوردی ایاقا
مجلسده وارد اولاندا خانم تصمیم دوتدی بیر کلمه یزیدنن دانیشمیا

بو قهرمان زینب ابولفضل باجیسی زینب
علی قیزی زینب
گاها علی کیمی دانیشار دشمنی خار ایلر
گاها ابولفضل کیمی دشمنی خار ایلر
گاها سکوتینن دشمنی سیندرلا
و مجلس وارد اولاندا
تصمیم دوتدی بیر کلمه یزیدنن دانیشمیا
اما اوظالم اوقدر ویردی دل زینبی الیشدیردی
سکوت ایدن خانیمی خیزران دانیش دیرده
حسین سنه باجون قربان ای قارداش
دوردی
باخدی
یزید
نهضت کرب بلا عالمه طوفان سالاجاق
سن یزید اولمه لیسن زنده حسینیم قالاجاق

((اما ظالم )
دوزدی بو اوغلی اولنلر یارویولداشسیز گلوب
چوخلاری زهرا ننم تک بورا قارداش سیز گلوب
یاالله
گورم نتیجه حقین ادا ایلر سن
بیله باخدی
دیدی ظالم اوتان حیا ایله
اسرا نین ایچینده اوغلی اولن ننه وار
قارداشی ئولن باجی وار
اساسی ئولن بالاوار
اوجا دینن یاحسین


سن بیله فکر ایلمه عباس ئولوب باشسیز گلوب
یارالی یا حسین

من حسین ابن علینون شیر بی پرواسیم
قاره معجر قیزلارین یعنی همان عباسیم



او علی که بشریت اونیلا ناز ایلیور

اودا زینب قیزنا ناز ایلیور شهرتی وار

زینبون آدی گلن وقتیده گوزلر سولانار

چون عزار مجلسینون زینبیله زینتی وار

🆔

🎵 #حاج_ابراهیم_رهبر👌

🎙جانیم سن قوربان اولا🖤

کانال نوحه ترکی و فارسی 👇
🆔

احوالات خرابه شام


دئدی بابا' بئله یوخلار آتالار قز اوشاقین

گورسن ناز چکن قزلاریوین ائو اطاقین

حیف یوخ وقت قزون گورسه ده یاره ایاقین

هارا گئتسون دوت الیمدن بابا قوی منده گلیم

بیر ئوپوش قانلی دوداقدان منه وئر اوندان ئولیم

اگیلوب قویدی دوداقلارینا خردا دوداقین

گوردیلر رنگی سارالدی ایتیروب ال ایاقین

ائله بیل ائتدیله خاموش خرابه چراغین

رشته عمرینی وصلین تبری بولدیردی

درد گل ؛ بلبلینی درده سالوب ئولدیردی


شاعر: استاد چوپانی

لیلا گورنده اکبرینون قانلی پیکرین
اوخشاردی گوئیا بو قراریله اکبرین
توپراقلار اوسته یاتما بیله زخمدار اوغول
دور گور آنان نه نوع ایدر آه و زار اوغول

#وداع_حضرت_علی_اکبر_ع
شاهکاری از مرحوم دخیل مراغه ای(ره)
بنیان گذار مرثیه ترکی


گَل سرمه چک بو دیدهٔ گریانه سال یولا
بیر شانه ویر بو زلف پریشانه سال یولا


قیل دود آهی سرمه ، اگر شانه اولماسا
ایله حواله پنجهٔ مژگانه سال یولا


هرچند چؤخ قرادی گؤزوم یوخدی احتیاج
سرمه چکلّه دیدهٔ قربانه سال یولا


سواولماساگؤزون یاشی وار،گل بو زلفیمی
یؤخدور حنا گئدیم باتوروم قانه سال یولا


بی تابیلوق چؤخ ایلمه یالقوز آتام باخور
آرتیرما غصّه شاه شهیدانه سال یولا


معلوم اولور آنا اورگی چؤخ رقیق اولور
نامردلر قباقینه مردانه سال یولا


سنسن انام،سکینه باجیم،یوسفم اوزوم
یعقوب آتام عزیزینی ،زندانه سال یولا


ایلر منی شهیدلر ارواحی پیشواز
ایله حلال،تئز منی میدانه سال یولا


ییغ یانیوه امیر ولایت حرملرین
دشمن لریم باخولّا امیرانه سال یولا


مستانه گؤزلریمه باخوب گئتمه هوشدن
وئر هوشیوی منه ،منی مستانه سال یولا


مور ضعیف ،اوزون منه پای ملخ دیوب
بیر پیشکش آپار او سلیمانه سال یولا


گَل بیر آنالیق ایله الیمدن دوتوب منیم
وئر کمترین غلام او سلطانه سال یولا


هرچند چؤخ چتیندی بو تکلیف لر سنه
مردانه همت ایله دلیرانه،سال یولا


✅باماهمراه باشید

🌸🌸🌸🌸🌸🌸🌸🌸🌸🌸🌸🌸

✅یااباعبدالله الحسین(ع)✅

غمیم‌غم اوسته گلیب غملی ام‌ غم عاشقیم

قـاپـی ‌قـاپـی‌ گـزرم بـزم مـاتـم عاشقیم

اوچ آی بـهـاری ویـرون بـلبـلــه گلستاندا

مـن اون بیرآی گوزی یاشلی محرّم ‌عاشقیم

رقیه عاشقی مگر جهاندا بی حجاب اولار
رقیه عاشقی بلی مطیع ال جناب اولار
بو سوز حجابی رد ایدن جماعتین جوابیدی
خانیملارین شرافتی اوزوندکی نقابیدی
قسم حسینه قلبیدن بو عشق پاکی آتماروق
رقیه نون محبتین ایکی جهانه ساتماروق

بو مسئله واضحدی بيلر آدم و عالم

گر ئولسه علمدار ياتار بلليدی پرچم

دور ياتما كی سندن سورا بو چؤلده مسلّم

قتليمده ائدر اهل جفا هلهله عباس

قانون محبت بودی كی عشق يولوندا

يار ايسته سه باشين وئره جك اوسته قولوندا

معلوميدی عشق اوسته صاغين وئرسه صولوندا

عاشق وئرر ائتمز بو عطادن گِله عباس

بو چؤلده جفادن داغيلار جاه و جلاليم

يغمايه گئدر،غارت اولار مال و مناليم

بوندان سورا واضحدی دوشر اهل و عياليم

بوينوندا آغير سلسله چؤلدن چؤله عباس

درد اهلی بیلر
درد اهلی بیلر دردی اولانلار نه چکوبلر
غم اهلی بیلر غملی اولانلار نه چکوبلر

هرگول که بهارینده خزان ویرسا سارالسا
حتما اوبیلر رنگی سولانلار نه چکوبلر

پروانه کیمین یانماسا کیم شمعی گورنده
هاردان بیلجک عشقه یانانلار نه چکوبلر

گیزلتمسه کیم آجلیقینی درک ایلینمز
آجلیقلارینی خلقه دانانلار نه چکوبلر

ماه رمضاندا بیری گر دوتماسا روضه
هاردان بیلجک روضه دوتانلار نه چکوبلر

گلزاری خزان اولماسا باغبان نجه بیلسون
گلزاری جفایله سولانلار نه چکوبلر

بیر وعده سوسوزلوق اثرین گورمسه بیلمز
یایی فصلیده عطشان دولانانلار نه چکوبلر

گرمای هواده سوا حسرتله باخانلار
عطشان یخلوب قانه باتانلار نه چکوبلر

ای خامه چکوبسن سوزوی کربوبلایه
یاز بس اوبیاباندا اولانلار نه چکوبلر

قارداشلا اوغول داغینی بیر گونده گوروبلر
ببرساعت ایچینده قوجالانلار نه چکوبلر

ظلم اهلی سویان وقته اوگون آل علینی
گوشواره ویروب قمچی آلانلار نه چکوبلر

غارت اولانندان سورا اول خرده کبارین
اودویردلا درگاهی یانانلار نه چکوبلر

همیشه بابا عمه سینه ناز ایلینلر
وحشتله بیاباندا قاچانلار نه چکوبلر

سوز یتدی بورا قلبیمی غم محنتی آلدی
بیرخیردا جا قیز زینبی چوخ زحمته سالدی
اود وردیلا اخیامه گویه شعله اوجالدی

بیمار آقا بی حال دوشوب خیمده قالدی
اول حالی خانم عمه سین بیر حالا سالدی


افلاک بلند اولدی خانم زینبین آهی
بیرلحظه خانم گوردی که یوخ کیمسه پناهی
سسلندی بلام یاندی کمک ایله الهی

ای نار خلیله ایلین گولشن وجنت
سجادی حسینیم منه تاپشوردی امانت

اول دَمده گیروب آتشه بیماری قوتارسین
همت ایلدی قویمادی سجاد اودا یانسین
آزقالدی ولی روحی اوچوب عمری تالانسون

سسلندی حسین بیر بله گون گورممشم من
قویمام بومریضون اوله تا اولمموشم من

ای دخت علی باب الحواج لقبون وار
نقاش یازار نوحوی با دیده خونبار
لایق دگولم درگهوه ایتمورم اینکار
لطفون منه دریادی کرم ایله آزاتما
چوخلار آلوب حاجت منیده بوش یولا سالما

ساییرام گونلری ارباب ، مُحَرَّم گلسون

گئنه دیوانه لرین جمعینه مَحرَم گلسون

آقاجان امر ائله پیشوازینه عاشقلروین

قهرمان زینبیلن فاتح علقم گلسون

#کانال اوخشامالار و_نوحه_لر

▪️▪️▪️▪️▪️▪️▪️▪️▪️▪️

چند بیتی از:

👇👇احوالات شب عاشورا

#نوید_آسال_اردبیلی


آلدی آغوشینه تا اصغری تندیس وفا

هامی مبهوت باخور نیلیجک نازلی بالا

تا رقیه گوزونه صودامرون دوشدی گوزی

ناگهان گوردی رباب اصغرینون گولدی یوزی

دوزدی یوخدور دلی اصغر دیه تا غملرینی

گوزلریلن او بالا آگه ایدوب دلبرینی

بیر اشاریله دیدی یوخ منه بو درده دوام

منه بیر جرعه سو ویر اللها خاطرسوسوزام

ویردی آهسته اونا خواهر غمدیده جواب

دیدی بوغمدی آلوبدور هامیدان طاقت وتاب

غم یمه باشوون اوسته حق دادارون وار

سو گلر خیمیه عباس علمدارون وار

من بیله فکر ایدورم باب عنایت آچیلار

صاباح حقدن یوزووه درب کرامت آچیلار

بوگئجه غصه لره غم لره آخرگئجه دی

قلبیده محنت و ماتم لره آخر گئجه دی

تارقیه بوسوزی سویلدی ای اهل عزا

عرش حقده ایله بیل محشر اولوبدور پیدا

بیلموریدی اوگئجه اصغره آخرگئجه دی

او گل سر سبد حیدره آخر گئجه دی

✨🌷✨🌷✨🌷✨🌷✨🌷✨🌷

شعربسیار عالی
حضرت زهرا سلام الله علیها


آدیوا هاردا قورولسا آناجان بزم عزا
گلرم منده همان مجلسه اگنمده قرا
قوشولوب تعزیه داره ایدرم آه و نوا
آغلیان شیعه لریله سنه دیل داغلیارام
گوزومون یاشی قوتارساننه قان آغلیارام

الی قوینوندامجالسده دولانام آناجان
مجلسنده قاپی آغزیندادایانام آناجان
یاری یانمش قاپیدان آدگله یانام آناجان
دیرم قلبنی غم تیری بولن وای ننه وای
ظلم بی حدیله اللرده ئولن وای ننه وای

هی دوشر یادیمه هردم درو دیوارغمی
اینجیدرقلبمی ظالملرین آزارغمی
هرندن چوخ اثرایلرمنه مسمارغمی
غسلده حیدرآتام بوغمه یاندی آناجان
آدوی سسلدی دیواره دایاندی آناجان

کوچه وسیلی سوزی تزسالارآلامه منی
دائما آغلادار اول پاره لنن نامه منی
گنه سیلی غمی آخرآپارارشامه منی
درویرانه ده دورام یانارام چوخ بو غمه
هم رقیه حالنا آغلیارام هم ننمه

اودازهراکیمی دنیانی گلوب باشدان آتوب
بالاجاقبرین ایچنده ایاقی یاره یاتوب
آناسندان اوسه ساله بالیا ارث چاتوب
چون اونوندایوزونه زجرویروبدورسیلی
صورتی ضربه سیلی دن اولوبدورنیلی

بوآنیلابالانون نسگلی چون باهمدی
قلبمی قان ایلین غمده ایله بوغمدی
بوناخاطردی که دائم بوگوروم پرنمدی
شیعه لرآگه اولون قدیمی بوغملراگوب
اوناداسیلی دگوبدور بونادا سیلی دگوب

یا حسین ...


علی تیموری

ای درس عشقی اورگدن انسانه یاحسین
عشقین یولونداجسمی باتان قانه یاحسین
.
قلبونده عشق وحُب خداچکدی منظره
قانیله بیعت ائتدون حسین حیّ داوره
غبطه ائدر مقامووه عرش اهلی یکسره
بیلمز سنون مقامووی بیگانه یاحسین
.
تاوار جهان آدون سنون همواره زنده دی
شاه لار قاپوندا یکسره واللهی بنده دی
عشّاقوون حسین گوزی البته سنده دی
فخر ایلیوله سن کیمی سلطانه یاحسین
.
مولا جهاندا چوخدی گوزل عاشقون سنون
عشق اهلینه بو بارده جنّتدی مدفنون
گلزارایچینده روضه ی رضواندی گلشنون
رونق وئروب قانون بو گلستانه یاحسین
.
عالم سنه فدا اولا ای شاه کربلا
اوخ مثلی کربلاده یاغوب اوستوه بلا
هرنه بلا گلوب دیلووه گلمیوبدی لا
خدمت ائدوبسن عشقیله قرآنه یاحسین
.
عاشق گرک شریف اولا خرگاه عشقیده
یوسف کیمین عبادت ائده چاه عشقیده
مولا سنون کیمی وئره جان راه عشقیده
جانلار فدا اولا بئله بیر جانه یاحسین
.
حیران قالوبدی عقل بشرمعجزاتوه
عشق ایلیور زمانه ده عشّاق ذاتوه
بیرعدّه گوزتیکوبدی سنون التفاتوه
گل ائت نظر بو جمع پریشانه یاحسین
.
کیمدور سنون کیمی گئده حقین سراقینه
عطشان بوغازینی وئره خنجر قباقینه
طشت ایچره خیزران دگه عطشان دوداقینه
اولدون فدایی حضرت سبحانه یاحسین
.
لایق دگول بیزه گئدک اغیاره یالواراق
یااینکه هر ستمگر و مکّاره یالواراق
لازمدی سن کیمین یارالی یاره یالواراق
باخ گلمیشوک بودرگه احسانه یاحسین
.
کیمدور آدین دوتاندا بشر ایلور افتخار
کیمدور جهاندا شیعه لره نام اعتبار
کیمدور جزاگونونده اولان صاحب اختیار
سن سن چاتان بورتبه ی شایانه یاحسین
.
سن تک جهاندا هانسی گروهون امامی وار
یا عشقیلن بودهریده دیلرده نامی وار
الله آدی کیمین آدوون احترامی وار
آدون ائدوب بو نوکری دیوانه یاحسین
.
ای شاه کربلا سنه وار بوردا بیر سوزوم
تیمورییم یانار اورگیم یاش توکر گوزوم
نوحه یازاندا دایمی چوخ آغلارام ئوزوم
غمدن دونوبدی گوزیاشیم عمّانه یاحسین
.