កម្ពុជានៅបន្ដរងឥទ្ធិពលពីព្យុះទី៩បាវីដែលអាចមានភ្លៀងធ្លាក់​ជាមួយខ្យល់​កន្ដ្រាក់​និងផ្គររន្ទះ!
=============  
ព្យុះទី៩ ឈ្មោះ បាវី(Bavi)T2609 ដែលបានវិវត្ដទៅជាព្យុះសង្ឃរា នៅតែបន្ដមានឥទ្ធិពលលើរបបខ្យល់មូសុងនិរតីដែលបក់លើឈូងសមុទ្របេងហ្គាល សមុទ្រអាន់ដាម៉ាន់ សមុទ្រចិនខាងត្បូង អាងទន្លេមេគង្គ ហើយក៏មានឥទ្ធិពលលើសមុទ្រកម្ពុជា​ និងលើព្រះរាជាណាចក្រកម្ពុជាផងដែរ។ តែយ៉ាងណាមិញ កម្ពុជាមិនស្ថិតនៅក្នុងគន្លងផ្លូវដើររបស់ព្យុះនេះទេ។ នេះបើតាមការបញ្ជាក់របស់ក្រសួងធនធានទឹក និងឧតុនិយម។
ស្ថានភាពបែបនេះនឹងធ្វើឱ្យធាតុអាកាសនៅកម្ពុជាចាប់ពីថ្ងៃទី៩-១១ ខែកក្កដា ឆ្នាំ២០២៦ អាចមានភ្លៀងធ្លាក់ជាមួយខ្យល់កន្ដ្រាក់ និងផ្គររន្ទះ គ្របដណ្ដប់លើផ្ទៃដីចន្លោះពី១៥-៣០ភាគរយ។
=============
🌐អានព័ត៌មាន
👉Facebook
👉Telegram
👉TikTok
👉YouTube
👉IOS
👉Android

កម្ពុជា​ប្រាប់អន្ដរជាតិជាថ្មីពីការ​អត់ធ្មត់ដើម្បីបន្ថយ​ភាពតានតឹងតែថៃបែរជាបន្ដសកម្មភាពរំលោភច្បាប់!​
=============
លោក អ៊ុច បូររិទ្ធ អនុប្រធានទី១ ព្រឹទ្ធសភាបានលើកឡើងថា បន្ទាប់ពីមានកិច្ចព្រមព្រៀងបទឈប់បាញ់រវាងកម្ពុជា-ថៃ ដែលបានចុះហត្ថលេខារួមគ្នានៅថ្ងៃទី២៧ ខែធ្នូ ឆ្នាំ២០២៥ កម្ពុជាបានគោរពយ៉ាងពេញលេញនូវការប្តេជ្ញាចិត្តដែលខ្លួនបានសន្យា និងបានផ្តល់អាទិភាពជានិច្ចដល់ការអត់ធ្មត់ កិច្ចសន្ទនា និងកាត់បន្ថយភាពតានតឹង។ យ៉ាងណាមិញ ជាអកុសលឆន្ទៈក្នុងការបន្ធូរបន្ថយភាពតានតឹងនេះ ពុំទទួលបានការឆ្លើយតបក្នុងស្មារតីដូចគ្នានោះឡើយ ដោយសារកងកម្លាំងថៃបានបន្តសកម្មភាពជាឯកតោភាគី នៅក្នុងតំបន់ដែលស្ថិតក្នុងដែនអធិបតេយ្យភាពរបស់កម្ពុជា។ លោកបានថ្លែងដូច្នេះនៅក្នុងកិច្ចប្រជុំគណៈកម្មាធិការប្រតិបត្តិនៃសភាប្រើភាសាបារាំង នៅវិមាន Verre Paul Biya (រដ្ឋសភា) នៃប្រទេសកាមេរូន កាលពីថ្ងៃទី៧ ខែកក្កដា ឆ្នាំ២០២៦។
=============
🌐អានព័ត៌មាន
👉Facebook
👉Telegram
👉TikTok
👉YouTube
👉IOS
👉Android

នៅវេលាម៉ោងប្រមាណ ១៤:២០​ នាទី​រសៀល​ ថ្ងៃទី៩ ខែកក្កដា ឆ្នាំ២០២៦នេះ អគ្គិភ័យកំពុងឆាបឆេះនៅជាន់ខាងលើ នៃអគារ​ខុនដូមួយកន្លែងស្ថិតក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។ ពេលនេះកម្លាំងសមត្ថកិច្ចកំពុងរួមគ្នាជួយអន្តរាគមន៍។
=============
👉Facebook
👉Telegram
👉TikTok
👉YouTube
👉IOS
👉Android

សម្ដេចតេជោនិងសម្ដេចធិបតីផ្ញើសាររំលែកទុក្ខលោកកឹម សុខាដែលម្ដាយ​ទទួលមរណភាព
=============
សម្ដេចតេជោ ហ៊ុន សែន ប្រធានព្រឹទ្ធសភាកម្ពុជា នាថ្ងៃទី៩ ខែកក្កដា ឆ្នាំ២០២៦នេះ បានផ្ញើសារលិខិតចូលរួមរំលែកទុក្ខលោក កឹម សុខា និងក្រុមគ្រួសារ ចំពោះការបាត់បង់ម្ដាយ គឺឧបាសិកា សៅ ង៉ែត។ ចំណែកសម្ដេចធិបតី ហ៊ុន ម៉ាណែត នាយករដ្ឋមន្ដ្រីកម្ពុជា នៅថ្ងៃដដែលនេះ ក៏បានផ្ញើសាររំលែកទុក្ខលោក កឹម សុខា ផងដែរ។ សម្ដេចទាំងពីរចាត់ទុក​ការបាត់បង់ឧបាសិកា សៅ ង៉ែត គឺជាការបាត់បង់នូវម្ដាយបង្កើត ម្ដាយក្មេក ជីដូន ជីទួត ជាទីគោរពស្រឡាញ់បំផុតដែលមិនអាចកាត់ថ្លៃបានប្រកបដោយព្រហ្មវិហារធម៌ និងសង្គហធម៌គំរូមួយរូបរបស់កូន កូនប្រសារ ចៅប្រុសចៅស្រី។ ជាងនេះទៅទៀត មរណភាពឧបាសិកា សៅ ង៉ែត ជាការបាត់បង់នូវពុទ្ធសាសនូបត្ថម្ភក៍មួយរូប ដែលបានរួមចំណែកលើកតម្កើង និងជ្រោមជ្រែងទ្រទ្រង់ព្រះពុទ្ធសាសនានៅកម្ពុជា។ សូមជម្រាបថា​ ម្ដាយលោក កឹម សុខា បានទទួលមរណភាពកាលពីម៉ោង១១យប់ ថ្ងៃទី៨ ខែកក្កដា ឆ្នាំ២០២៦ ក្នុងជន្មាយុ១០១ឆ្នាំ ដោយជរាពាធ។
=============
🌐អានព័ត៌មាន
👉Facebook
👉Telegram
👉TikTok
👉YouTube
👉IOS
👉Android

ម៉ាឡេស៊ីបញ្ជាក់ជំហរគាំទ្រកម្ពុជាពេញទំហឹងដែលប្រើការសន្ទនាដោះស្រាយ​ជម្លោះជាមួយថៃ
=============
ម៉ាឡេស៊ីបានបញ្ជាក់ពីគោលជំហរគាំទ្រកម្ពុជាយ៉ាងមុតមាំ ចំពោះការដោះស្រាយជម្លោះជាមួយថៃតាមរយៈការសន្ទនា។ ពោលគឺការសន្ទនាក្រោមយន្តការ GBC ឬ JBC និងឈរលើគោលការណ៍មជ្ឈភាពអាស៊ាន។ ការបង្ហាញជំហរគាំទ្រនេះធ្វើឡើងនៅក្នុងកិច្ចជំនួបរវាងនាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ និងនាយឧត្តមសេនីយ៍ តាន់ ម៉ាឡេក រ៉ាហ្សាក់ ប៊ីន សូឡាយម៉ាន់ អគ្គមេបញ្ជាការកងទ័ពម៉ាឡេស៊ី នាព្រឹកថ្ងៃទី៩ ខែកក្កដា ឆ្នាំ២០២៦ នារាជធានីភ្នំពេញ។
=============
🌐អានព័ត៌មាន
👉Facebook
👉Telegram
👉TikTok
👉YouTube
👉IOS
👉Android

តុលាការសម្រេចបន្តឃុំខ្លួនអ្នកបើកគោយន្តកន្រ្តៃបង្កគ្រោះថ្នាក់ចរាចរណ៍ទោះដើមបណ្តឹងមិនទាមទារសំណង
=============
សាលាដំបូង និងអយ្យការអមសាលាដំបូង ខេត្តសៀមរាបបានសម្រេចបន្តឃុំខ្លួនអ្នកបើកគោយន្តកន្រ្តៃ(គ្មានភ្លើងបំភ្លឺផ្លូវ)ហើយត្រូវក្មេងស្រី២នាក់បើកក្នុងល្បឿនលឿនបុកពីក្រោយបណ្តាឱ្យរងរបួស ដើម្បីបើកសវនាការជំនុំជម្រះ តាមនីតិវិធីច្បាប់។

=============
🌐អានព័ត៌មាន
👉Facebook
👉Telegram
👉TikTok
👉YouTube
👉IOS
👉Android

ព័ត៌មានជាតិ-អន្ដរជាតិសំខាន់ៗសម្រាប់ថ្ងៃទី០៩ ខែកក្កដា ឆ្នាំ២០២៦៖

១. សម្ដេចតេជោនិងសម្ដេចធិបតីផ្ញើសាររំលែក
ទុក្ខលោកកឹម សុខាដែលម្ដាយទទួល
មរណភាព

២. ម្ដាយលោក កឹម សុខា ទទួលមរណភាពនៅ
ម៉ោង១១យប់មិញដោយជរាពាធ

៣. កម្ពុជាប្រាប់អន្ដរជាតិជាថ្មីពីការអត់ធ្មត់ដើម្បី
បន្ថយភាពតានតឹងតែថៃបែរជាបន្ដសកម្មភាព
រំលោភច្បាប់!

៤. ម៉ាឡេស៊ីបញ្ជាក់ជំហរគាំទ្រកម្ពុជាពេញ
ទំហឹងដែលប្រើការសន្ទនាដោះស្រាយ
ជម្លោះជាមួយថៃ

៥. តុលាការសម្រេចបន្តឃុំខ្លួនអ្នកបើកគោយន្ត
កន្រ្តៃបង្កគ្រោះថ្នាក់ចរាចរណ៍ទោះដើមបណ្តឹង
មិនទាមទារសំណង

៦. កម្ពុជានៅបន្ដរងឥទ្ធិពលពីព្យុះទី៩បាវីដែល
អាចមានភ្លៀងធ្លាក់ជាមួយខ្យល់កន្ដ្រាក់
និងផ្គររន្ទះ!

៧. សភាថៃអនុម័តការលើកលែងទោសដល់
សកម្មជនរាប់រយនាក់

៨. អ៊ីរ៉ង់ថ្កោលទោសការវាយប្រហាររបស់
អាមេរិកនៅក្នុងលិខិតផ្ញើទៅក្រុមប្រឹក្សា
សន្តិសុខUN