ព័ត៌មានជាតិ-អន្ដរជាតិសំខាន់ៗសម្រាប់ថ្ងៃទី០២ ខែកក្កដា ឆ្នាំ២០២៦៖

១. សម្តេចធិបតីឆ្លើយតបចំពោះការចោទថារាជ
រដ្ឋាភិបាលបិទសិទ្ធិសេរីភាពអង្គការសង្គមស៊ីវិល

២. សម្តេចធិបតី៖«បើកើតមកក្នុងគ្រួសារក្រីក្រ
ហើយរវល់តូចចិត្តនឹងវាសនាគ្មានការតស៊ូនោះ
យើងនឹងគ្មានពេលប្រែទេ»

៣. សម្តេចធិបតី៖«កម្ពុជាមានការអភិវឌ្ឍមក
ដល់ពេលនេះមិនមែនសុទ្ធតែពឹងជំនួយនោះ
ទេ គឺត្រូវប្រឹងខ្លួនឯងដែរ»

៤. កម្ពុជាប្តឹងទៅអគ្គសេនាធិការហ្វីលីពីន
ជុំវិញសកម្មភាពAOTថៃឆ្លងចូលតំបន់
ប្រាសាទខ្នារទឹកដីកម្ពុជា​​​គ្មា​​នកា​រជូន​ដំ​ណឹ​ង

៥. ព្រះសង្ឃ៨អង្គសុគតបន្ទាប់ពីក្មេងប្រុស
ម្នាក់បានបើករថយន្តបុកក្បួនដង្ហែនៅ
ប្រទេសថៃ

៦. អ៊ីស្រាអែលបន្តដាក់ពង្រាយទ័ពនៅលីបង់
ស៊ីរីនិងហ្គាហ្សាដោយមិនកំណត់ពេល

៧. រុស្ស៊ីបើកការវាយប្រហារដ៏ធំលើទីក្រុងគៀវ
សងសឹកនឹងការវាយប្រហារដែលធ្វើឱ្យរុស្ស៊ី
ប្រឈមនឹងការខ្វះប្រេង

មូលនិធិគន្ធបុប្ផានឹងរៀបចំកម្មវិធីសប្បុរសធម៌«បេះដូង១ សំនៀង១ ដើម្បីគន្ធបុប្ផា» នៅពហុកីឡដ្ឋានជាតិមរតក​តេជោ
=============
មូលនិធិគន្ធបុប្ផាកម្ពុជា នឹងរៀបចំកម្មវិធីប្រគុំតន្ត្រីសប្បុរសធម៌ «បេះដូង១ សំនៀង១ ដើម្បីគន្ធបុប្ផា» នៅពហុកីឡដ្ឋានជាតិមរតកតេជោ នាល្ងាចថ្ងៃទី២៥ ខែកក្កដា ឆ្នាំ២០២៦ ខាងមុខនេះ។ រាល់ថវិកាទាំងអស់ដែលទទួលបានពីការលក់សំបុត្រចូលទស្សនាការប្រគុំតន្ត្រីនេះ នឹងបរិច្ចាគជូនគន្ធបុប្ផា ដើម្បីរួមគ្នានាំភាពញញឹម និងក្ដីសង្ឃឹម ដល់ទារក និងកុមារនៅកម្ពុជា ដែលត្រូវការសេវាពិនិត្យ និងព្យាបាល ដោយឥតគិតថ្លៃ ប្រកបដោយគុណភាព និងមិនមានការរើសអើង នៅមន្ទីរពេទ្យគន្ធបុប្ផា។
=============
👉Facebook
👉Telegram
👉TikTok
👉YouTube
👉IOS
👉Android

៧៥ឆ្នាំក្រោយចូលជាសមាជិកអង្គការយូណេស្កូកម្ពុជាបានចុះបញ្ជី​សម្បត្ដិ​បេតិកភណ្ឌ​អ្វីខ្លះ?
​=============  
នៅថ្ងៃទី៣ ខែកក្កដា ឆ្នាំ២០២៦នេះ គឺជាខួប៧៥ឆ្នាំហើយ ដែលកម្ពុជាបានចូលជាសមាជិកអង្គការយូណេស្កូ(៣ កក្កដា ១៩៥១ ~ ៣ កក្កដា ២០២៦)។ សម្ដេចធិបតី ហ៊ុន ម៉ាណែត នាយករដ្ឋមន្ដ្រីកម្ពុជា បានចេញសារអបអរសាទរ និងបញ្ជាក់ពីសម្បត្ដិបេតិកភណ្ឌដែលកម្ពុជាបានចុះបញ្ជីផងដែរ ​គឺមានការចុះបញ្ជី​សម្បតិ្តបេតិកភណ្ឌរូបី ចំនួន៤, សម្បតិ្តបេតិកភណ្ឌអរូបី ចំនួន៧ និងបញ្ជី​ស្មារតី​ចង​ចាំ​នៃ​ពិភព​លោក ចំនួន៣។
​=============
🌐អានព័ត៌មាន
👉Facebook
👉Telegram
👉TikTok
👉YouTube
👉IOS
👉Android

ក្រុមឧទ្ទាមអះអាងថាបានសម្លាប់អ្នកបើកយន្តហោះអាមេរិកនិងដុតយន្តហោះនៅតំបន់Papuaប្រទេសឥណ្ឌូនេស៊ី
​=============
ក្រុមឧទ្ទាមបំបែកខ្លួនដែលជាកងទ័ពរំដោះជាតិប៉ាពួខាងលិច (TPNPB)និយាយថា ពួកគេបានសម្លាប់អ្នកបើក​យន្តហោះ​អាមេរិកលោកNicholas F Gosselinនិងដុត​បំផ្លាញយន្តហោះ នៅក្នុងតំបន់Papuaនៃប្រទេស​ឥណ្ឌូនេស៊ី។ បើតាមBBCបានរាយការណ៍ថា ក្រុមបំបែក​ខ្លួន​បានបាញ់សម្លាប់លោកGosselin បន្ទាប់ពីយន្តហោះ​ចុះចតនៅខេត្តHighland Papua នៅថ្ងៃព្រសហស្បតិ៍​ទី០២ខែកក្កដា ដោយចោទថាអ្នកបើកយន្តហោះស៊ីវិល​រូបនេះ បានដឹកជញ្ជូនកងទ័ពឥណ្ឌូនេស៊ី មកដាក់ពង្រាយ​នៅក្នុងតំបន់ដែលពួកគេរស់នៅ ហើយថាការសម្លាប់​លោក​Gosselin គឺជាការផ្ញើសារមួយ។

ចំណែកមន្រ្តីឥណ្ឌូនេស៊ីបានបញ្ជាក់ថា យន្តហោះ​របស់​លោកGosselinត្រូវបានរកឃើញថាបានឆេះនៅព្រលានយន្តហោះក្នុងតំបន់Yahukimo ប៉ុន្តែមិនទាន់ច្បាស់​នោះទេ​ថា មានអ្វីកើតឡើងចំពោះលោកនិងអ្នកដំណើ​រចំនួន៧នាក់នៅលើយន្តហោះ។
​=============
🌐អានព័ត៌មាន
👉Facebook
👉Telegram
👉TikTok
👉YouTube
👉IOS
👉Android

បណ្ឌិត គិន ភា៖«វប្បធម៌ធ្វើខុសសំពះសុំទោស ថ្នាក់ដឹកនាំរួចខ្លួន គួរតែបញ្ចប់ទៅ»
=============
លោកបណ្ឌិត គិន ភា អ្នកជំនាញវិទ្យាសាស្រ្ត នយោបាយនិងទំនាក់ទំនងអន្តរជាតិ បានរំលេចជា សំណេរតាមរយៈទំព័រហ្វេសប៊ុករបស់លោកកាលពីថ្ងៃទី ២ ខែកក្កដា ឆ្នាំ២០២៦ថា «វប្បធម៌ធ្វើខុសសំពះ សុំទោសថ្នាក់ដឹកនាំរួចខ្លួន គួរតែបញ្ចប់ទៅ។ ថ្នាក់ដឹកនាំមិនមែនជាព្រះយេស៊ូដែលចាំតែទទួលលាងបាបឱ្យមន្ត្រីខូច ឈ្មួញទុច្ចរិត ឬបុគ្គលធ្វើខុសច្បាប់ ឬខុសសីលធម៌នោះឡើយ។ អ្នកធ្វើខុសត្រូវទទួល ខុសត្រូវចំពោះមុខច្បាប់ មិនមែនចំពោះមុខអារម្មណ៍ អាណិតអាសូរឬការសំពះសុំទោសនោះទេ។»
=============
🌐អានព័ត៌មាន
👉Facebook
👉Telegram
👉TikTok
👉YouTube
👉IOS
👉Android

ក្រៅពីព្យុះបាវីកម្ពុជានឹងរងឥទ្ធិពលពីព្យុះមួយទៀតឈ្មោះម៉ៃស័ក!
​=============
ក្រសួងធនធានទឹក និងឧតុនិយម បានជូនដំណឹងពីស្ថានភាពព្យុះទី១០ ឈ្មោះ ម៉ៃស័ក (ម៉ៃសាក់) (Maysak) T2610 ជាឈ្មោះរបស់កម្ពុជា ដែលវានឹងមានឥទ្ធិពលលើកម្ពុជារហូតដល់ថ្ងៃទី៦ ខែកក្កដា ឆ្នាំ២០២៦។ ទន្ទឹមនឹងការរងឥទ្ធិពលពីព្យុះម៉ៃស័ក កម្ពុជាក៏រងឥទ្ធិពលពីព្យុះ បាវី(Bavi)T2609ផងដែរតាំងពីម្សិលមិញ ហើយព្យុះនេះនឹងបន្ដមានឥទ្ធិពលរហូតដល់ថ្ងៃទី១២ ខែកក្កដា ឆ្នាំ២០២៦។ យ៉ាងណាមិញ កម្ពុជាគ្រាន់តែរងឥទ្ធិពលប៉ុន្ដែពុំស្ថិតនៅក្នុងគន្លងផ្លូវដើររបស់ព្យុះទាំងពីរនេះទេ។
​=============
🌐អានព័ត៌មាន
👉Facebook
👉Telegram
👉TikTok
👉YouTube
👉IOS
👉Android