ថ្ងៃបិទបញ្ចប់!«យុទ្ធនាការ១ម៉ឺនរៀល ១ម៉ឺន​នាក់ទទួលថវិកាជាង៦លានដុល្លារពីសប្បុរសជនជាង៣៥ម៉ឺននាក់ តែសប្បុរសជនអាច​បន្តបរិច្ចាគ​បានដល់មូលនិធិគន្ធបុប្ផាកម្ពុជា»
 
============
គិតត្រឹមថ្ងៃទី៣០ ខែមិថុនាដែលជាថ្ងៃបិទបញ្ចប់យុទ្ធនាការ«១ម៉ឺនរៀល ១ម៉ឺននាក់»មូលនិធិគន្ធបុប្ផាកម្ពុជាទទួលបានថវិកាបរិច្ចាគសរុបសមមូលនឹងប្រមាណ ៦,៣៨២,០០០ ដុល្លារអាមេរិក ពីសប្បុរសជនចំនួនជាង ៣៥ ម៉ឺននាក់ ដែលបានបរិច្ចាគក្នុង យុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៦នេះបើយោងតាមការបញ្ជាក់របស់លោកស្រីបណ្ឌិត ពេជ ចន្ទមុន្នី ហ៊ុនម៉ាណែត ប្រធានកិត្តិយសមូលនិធិគន្ធបុប្ផាកម្ពុជា នាថ្ងៃទី១ ខែកក្កដា ឆ្នាំ២០២៦។
ទន្ទឹមនេះ លោកស្រីបណ្ឌិត ពេជ ចន្ទមុន្នី ហ៊ុនម៉ាណែត ក៏បានលើកឡើងដែរថា«នាងខ្ញុំសូមអរគុណពុកម៉ែបងប្អូននិងអរព្រះគុណព្រះសង្ឃគ្រប់ព្រះអង្គដែលបានចូលរួមបរិច្ចាគក្នុងយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៦ របស់មូលនិធិគន្ធបុប្ផាកម្ពុជា ក្នុងគោលដៅរួមគ្នារក្សានិរន្តរភាពនៃកិច្ចដំណើរការរបស់មន្ទីរពេទ្យគន្ធបុប្ផា ដើម្បីបន្តបេសកកម្មសង្គ្រោះជិវិតទារក និងកុមារ ក៏ដូចជាស្ត្រីមានផ្ទៃពោះនៅកម្ពុជា។
============
🌐អានព័ត៌មាន
👉Facebook
👉Telegram
👉TikTok
👉YouTube
👉IOS
👉Android

៦ខែឆ្នាំនេះ!កម្ពុជាទទួលបានចំណូលជាង១៨លានដុល្លារពីការលក់សំបុត្រ​ចូលទស្សនា​រមណីយដ្ឋានអង្គរ
=============
នៅក្នុងរយៈពេល៦ខែឆ្នាំ២០២៦នេះ កម្ពុជាទទួលបានចំណូល ១៨,៤៧២,៤៦៩ ដុល្លារ ពីការលក់សំបុត្រចូលទស្សនារមណីយដ្ឋានអង្គរ។ ចំនួននេះថយចុះ ២៩,៨១ ភាគរយ បើធៀបនឹងរយៈពេលដូចគ្នាឆ្នាំ២០២៥។ ចំណែកភ្ញៀវទេសចរបរទេសដែលបានទិញសំបុត្រចូលទស្សនារមណីយដ្ឋានអង្គរមានចំនួន ៣៨៧,៧៧២ នាក់ ថយចុះ ៣១,៦៩ ភាគរយ បើធៀបនឹងរយៈពេលដូចគ្នាឆ្នាំ២០២៥។
=============
🌐អានព័ត៌មាន
👉Facebook
👉Telegram
👉TikTok
👉YouTube
👉IOS
👉Android

លោកស្រី Sandra Bernklau អ្នកសម្របសម្រួលអង្គការសហប្រជាជាតិប្រចាំកម្ពុជាស្តីទី និងជានាយិកាមូលនិធិសហប្រជាជាតិសម្រាប់ប្រជាជន (UNFPA) បានថ្លែង​កោតសរសើរក្រសួងការងារនិងបណ្ដុះបណ្ដាលវិជ្ជាជីវៈ ក្នុងការជួយអន្តរាគមន៍ដល់ពលករត្រឡប់ពីប្រទេសថៃ ប្រកបដោយភាពម៉ឺងម៉ាត់ និងការប្តេជ្ញាចិត្តខ្ពស់។ ពោលគឺជួយឱ្យប្រជាជនវិលត្រឡប់ទៅរកការងារ និងការស្តារជីវភាពរស់នៅជាធម្មតាឡើងវិញក្នុងរយៈពេលដ៏ខ្លី ដែលផ្តល់ផលប្រយោជន៍ទាំងនិយោជក និងកម្មករនិយោជិត។ ទន្ទឹមនឹងនេះ លោកស្រីក៏បានថ្លែងអំណរគុណចំពោះរដ្ឋាភិបាលជប៉ុនផងដែរ សម្រាប់ការផ្តល់ថវិកាសប្បុរសធម៌ដ៏មានសារៈសំខាន់និងទាន់ពេលវេលា។

លោកស្រីថ្លែងបែបនេះ នៅក្នុងពិធីដាក់ឱ្យដំណើរការជាផ្លូវការនូវគម្រោង «ការឆ្លើយតបទៅនឹងតម្រូវការបន្ទាន់របស់ជនទេសន្តរប្រវេសន៍ និងជនភៀសសឹកដែលងាយរងគ្រោះដោយសារវិបត្តិព្រំដែនកម្ពុជា-ថៃ និងការកសាងភាពធន់នឹងវិបត្តិ» កាលពីថ្ងៃទី១៧ ខែមិថុនា ឆ្នាំ២០២៦ នៅសណ្ឋាគារ Hyatt Regency៕
=============
👉Facebook
👉Telegram
👉TikTok
👉YouTube
👉IOS
👉Android

បទវិចារណកថា៖ មនុស្សមិនអាចចេះគ្រប់រឿង! ការទទួលស្គាល់ព្រំដែននៃ​ចំណេះដឹង​​ដើម្បីភាពរីកចម្រើននៃសង្គម
=============
នៅក្នុងពិភពលោកដ៏ស្មុគស្មាញ និងពោរពេញដោយការវិវត្តយ៉ាងរហ័សនាពេលបច្ចុប្បន្ន ចំណេះដឹងរបស់មនុស្សមានវិសាលភាពធំធេងហួសពីការស្មាន។ ក្នុងពិភពលោកមានជំនាញរាប់ពាន់ប្រភេទ ទាំងជំនាញចាស់ដែលជាកេរដំណែល ទាំងជំនាញថ្មីៗដែលកើតចេញពីវិទ្យាសាស្ត្រនិងបច្ចេកវិទ្យាថ្មីៗ។ មិនថាតែក្នុងវិស័យធម្មជាតិ ទស្សនវិជ្ជា សង្គម វប្បធម៌ សាសនា ប្រពៃណី នយោបាយ ច្បាប់ ឬសេដ្ឋកិច្ចនោះទេ សុទ្ធតែជាវិស័យដែលមានទំហំធំធេងនិងស៊ីជម្រៅ។ ក្នុងន័យនេះ ការណ៍ដែលមនុស្សម្នាក់ៗចង់ចេះគ្រប់ជំនាញ ឬដឹងគ្រប់រឿង គឺជាអ្វីមួយដែលមិនអាចទៅរួចឡើយ។
=============
🌐អានព័ត៌មាន
👉Facebook
👉Telegram
👉TikTok
👉YouTube
👉IOS
👉Android

មនុស្សជាង១,០០០នាក់បានស្លាប់ដោយសាររលកកម្តៅនៅប្រទេសអេស្ប៉ាញ
=============
ទិន្នន័យផ្លូវការដែលបង្ហាញនៅថ្ងៃពុធនេះឱ្យដឹងថា ករណី​ស្លាប់ដោយសាររលកកម្តៅនៅប្រទេសអេស្ប៉ាញនៅក្នុងខែមិថុនា មានចំនួន១,០២៩នាក់ ខណៈរលកកម្តៅរយៈ​ពេល៥ថ្ងៃមានសីតុណ្ហភាពខ្ពស់លើសពី៤០អង្សាសេ។ ខែមិថុនា ជាខែដែលមានមនុស្សស្លាប់ច្រើនបំផុត បណ្តាល​មកពីកម្តៅក្តៅខ្លាំង មិនធ្លាប់មាន​ចាប់តាំងពីខែមិថុនា​ក្នុងឆ្នាំ២០១៥។

នៅក្នុងនោះដែរ រលកកម្តៅបានកើនឡើងដល់កម្រិត​កំពូល នៅថ្ងៃទី២៣ខែមិថុនា ដោយមនុស្ស៣៥,៧​លាននាក់ ប្រហែល៧៣ភាគរយនៃប្រជាជនសរុប​របស់ប្រទេស បានប្រឈមមុខនឹងហានិភ័យសុខភាព ដោយសាររលកកម្តៅ និង៣៨ភាគរយប្រឈម​នឹងហានិភ័យខ្ពស់។
=============
🌐អានព័ត៌មាន
👉Facebook
👉Telegram
👉TikTok
👉YouTube
👉IOS
👉Android

ករណីអូសលៀស! សម្តេចធិបតីបញ្ជាកងទ័ពជើងគោកចេញបង្រ្កាប​អ្នកអូសលៀស​ទាំងតូចទាំងធំរាប់សិបតោន
=============
សម្តេចធិបតី ហ៊ុន ម៉ាណែត បានបញ្ជាកងទ័ពជើងគោកចេញបង្រ្កាប​អ្នកអូសលៀស​ទាំងតូចទាំងធំក្នុងទំហំរាប់សិបតោន ដែលជាការបំផ្លាញយ៉ាងធ្ងន់ធ្ងរដល់ធនធានជលផល។ ជាមួយគ្នា សម្តេចឱ្យអាជ្ញាធរមូលដ្ឋានត្រូវធ្វើយ៉ាងណា​រៀបផែនការនៃការបង្រ្កាបបទល្មើសឱ្យមានចីរភាព ជៀសវាងការប្រើប្រាស់កងកម្លាំងច្រើន ព្រោះយោធាមានតួនាទីច្រើនត្រូវធ្វើ។ សម្តេចថ្លែងដូច្នេះ ក្នុងទិវាមច្ឆជាតិថ្ងៃទី១ ខែកក្កដា ឆ្នាំ២០២៦នេះ។
=============
🌐អានព័ត៌មាន
👉Facebook
👉Telegram
👉TikTok
👉YouTube
👉IOS
👉Android

នាយករដ្ឋមន្រ្តីបញ្ជាឱ្យវែកមុខឈ្មួញដែលជំរុញឱ្យពលរដ្ឋទៅឆក់ត្រីនៅបឹងទន្លេសាប!
=============
សម្តេចធិបតី ហ៊ុន ម៉ាណែត បញ្ជាឱ្យសមត្ថកិច្ចវែកមុខឈ្មួញដែលបំផុសបំផុលឱ្យពលរដ្ឋទៅឆក់ត្រីនៅបឹងទន្លេសាប ហើយពួកគេនោះចាំទទួលទិញ។ សម្តេចធិបតីថា ក្រោយមានការបង្ក្រាបបទល្មើសនេសាទតឹងរឹងដោយមានការចូលរួមពីយោធារយៈពេលពីរឆ្នាំមកនេះ ធ្វើឱ្យផលត្រីមានកំណើនច្រើន។ ការកើនឡើងចំនួនត្រី បាននាំឱ្យតម្លៃទាប តែយ៉ាងណាសម្តេចធិបតីថា ស៊ូសម្បូរត្រីហើយត្រីថោក ជាជាងគ្មានត្រីហើយត្រីឡើងថ្លៃ។ សម្តេចថ្លែងដូច្នេះ ក្នុងទិវាមច្ឆជាតិថ្ងៃទី១ ខែកក្កដា ឆ្នាំ២០២៦នេះ។
=============
🌐អានព័ត៌មាន
👉Facebook
👉Telegram
👉TikTok
👉YouTube
👉IOS
👉Android

បម្រាមឱ្យឈប់ដាក់រង្វាន់លើគ្រឿងស្រវឹងនិងភេសជ្ជៈមានជាតិស្ករ! អ្នកតាមដានរំពឹងអាចអនុវត្ដបានដូច ឱសានវាទកំណត់!
=============
តាមរយៈសេចក្តីណែនាំចុះថ្ងៃទី២៩ ខែមិថុនា ឆ្នាំ២០២៦ ក្រសួងសេដ្ឋកិច្ចនិងហិរញ្ញវត្ថុ បានដាក់កំហិតត្រឹមថ្ងៃទី៣០ ខែកញ្ញា ឆ្នាំ២០២៦ ឱ្យឈប់ផ្ដល់រង្វាន់ចំពោះផលិតផលគ្រឿងស្រវឹងនិងភេសជ្ជៈមានជាតិស្ករ។ ជារួមត្រូវបញ្ឈប់ទាំងស្រុងរាល់ការផ្តល់ ឬប្តូរជារង្វាន់តាមរយៈក្រវិលកំប៉ុង គម្របដប ឬរង្វាន់ក្នុងទម្រង់ផ្សេងៗដែលភ្ជាប់ ឬមិនភ្ជាប់នឹងកំប៉ុង ដប សំបកវេចខ្ចប់ ឬកេសផលិតផល ដូចជាការចាប់ឆ្នោត កាតកោស គូប៉ុង បណ្ណប្តូររង្វាន់ ឃ្យូអកូដ(QR CODE) និងកម្មវិធីរង្វាន់ឌីជីថលផ្សេងៗជាដើម។

=============
🌐អានព័ត៌មាន
👉Facebook
👉Telegram
👉TikTok
👉YouTube
👉IOS
👉Android