🤝🌏👨‍🏫👩‍🏫

O‘zDJTU va UZteam Personalvermittlung o‘rtasida o‘zaro anglashuv memorandumi imzolandi

Birinchi O‘zbekiston–Germaniya oliygohlari rektorlari forumi doirasida O‘zbekiston davlat jahon tillari universiteti (O‘zDJTU) va Germaniyaning UZteam Personalvermittlung kompaniyasi o‘rtasida o‘zaro anglashuv memorandumi (MoU) imzolandi.

Mazkur hujjat talabalar va bitiruvchilarning kasbiy rivojlanishini qo‘llab-quvvatlash, malakaviy amaliyot va ish bozoriga yo‘naltirish, shuningdek akademik ta’lim bilan amaliy ish tajribasini integratsiya qilish kabi masalalarni nazarda tutadi. Memorandum doirasida talabalar ta’til davrida vaqtinchalik ish o‘rinlari, treninglar va ishga joylashish bo‘yicha amaliy yordam olish imkoniyatiga ega bo‘ladi.

Uchrashuvda O‘zDJTU rektori Prof. Ilxomjon Tuxtasinov, UZteam Personalvermittlung boshlig‘i Umar Ramazonov va universitet vakillari ishtirok etdi. Tomonlar o‘zaro manfaatli hamkorlikni rivojlantirish, talabalarning malakasini oshirish va qo‘shma loyihalarni amalga oshirish bo‘yicha kelishib oldi.

🌐 Biz ijtimoiy tarmoqlarda:
Telegram | Instagram | Facebook | Sayt

🇺🇿🇩🇪
O‘zbekiston–Germaniya rektorlari birinchi Forumi: yangi hamkorlik ufqlari

Joriy yilning 18–19-noyabr kunlari O‘zbekistonning Berlindagi elchixonasida Germaniya–O‘zbekiston rektorlari birinchi Forumi bo‘lib o‘tdi. Mazkur nufuzli tadbirda Andijon qishloq xoʻjaligi va agrotexnologiyalar instituti rektori T.Z. Sultanov ham ishtirok etdi.

Forumning ochilish marosimida O‘zbekistonning Germaniyadagi favquloddagi va muxtor elchisi Dilshod Axatov, Oliy ta’lim, fan va innovatsiyalar vazirining birinchi o‘rinbosari Sardor Rajabov hamda Germaniya Federal ta’lim va tadqiqot vazirligi (BMBF) xalqaro hamkorlik departamenti rahbari o‘rinbosari Sandra Leneke ikki davlat o‘rtasidagi ilm-fan va ta’lim sohalidagi mustahkamlanib borayotgan hamkorlik, ishonchli aloqalar va istiqboldagi qo‘shma loyihalar haqida so‘z yuritdilar.

Tadbir davomida 200 dan ortiq ishtirokchi tomonidan yuqori reytingli Germaniya universitetlari bilan o‘quv-uslubiy faoliyat, ilmiy-tadqiqot ishlari, qo‘shma ta’lim dasturlarini yo‘lga qo‘yish kabi yo‘nalishlarda hamkorlik imkoniyatlari atroflicha muhokama qilindi. Muhandislik, tibbiyot, qishloq xo‘jaligi, iqtisodiyot va boshqa yo‘nalishlarda zamonaviy kadrlar tayyorlashni yangi bosqichga olib chiqish forumning asosiy maqsadlaridan biri etib belgilandi.

Forum yakunida ko‘plab ikki tomonlama kelishuvlar imzolandi. Jumladan, Andijon qishloq xo‘jaligi va agrotexnologiyalar instituti ham 2 ta Germaniya universiteti va 2 ta kompaniya bilan istiqbolli hamkorlik shartnomalarini imzoladi.
Ushbu kelishuvlar institutda o‘quv jarayonini modernizatsiya qilish, ilmiy salohiyatni oshirish va ta’lim sifatini yanada yuksaltirishga xizmat qiladi.

😵🤔🙁😝😤☹️🙁☹️
🌟 Andijon qishloq xo‘jaligi
va agrotexnologiyalar instituti rasmiy sahifalari: 👇
📱 Telegram |📱Website | 📱YouTube | 📱 Facebook | 📱Instagram