​​Халқаро патентланмаган ном ҳақида

💊 Дори воситаларининг халқаро патентланмаган номи - Жаҳон соғлиқни сақлаш ташкилоти томонидан дори воситаси таркибидаги фаол дори моддасининг (субстанциясининг) қисқартирилган номини бериш орқали дори воситасини идентификация қилиш.

Содда қилиб тушунтирсак, дори воситаси савдо номи (ASPIRIN) билан ёки кимёвий номи (Ацетилсалицил кислотаси) билан тиббиёт амалиётида қўлланилади.

Бир хил таркибдаги ва дори шаклдаги дори препаратлари, дейлик, Германия, Ҳиндистон ёки Ўзбекистондаги ишлаб чиқарувчи корхоналар томонидан турлича савдо номлари билан ишлаб чиқарилган бўлcада, лекин уларнинг таъсири бир хил бўлган ҳолда, нархи ва қадоғидаги савдо номи бир-биридан фарқ қилади.

Рецептга дори препаратининг халқаро патентланмаган номи ёзилиши талаби баъзи бир даволовчи шифоркорларнинг айнан бир фирма маҳсулотини аниқ савдо номи билан беморга тайинлаши, дорихоналарнинг эса атай қиммат дори воситаларини беморга сотишини олдини олишга қаратилган.

☝️ Бу ўз навбатида, беморга имкони ва ҳамёнига қараб иш кўриши, қиммат дорига маблағи етмасдан тегишли муолажаларни охиригача қабул қилолмай қолишини олдини олади.

Бу тартиб 01.07.2020 дан бошлаб амалда.

🕊@uzpharmcontrol

🌏 ​​ЖССТнинг Жаҳон фармакопеялари бўйича навбатдаги халқаро анжумани ўтказилди

2022 йил 27-29 сентябрь кунлари Жаҳон Соғлиқни сақлаш ташкилоти ва Мексика Қўшма Штатлари фармакопеяси томони билан ҳамкорликда ташкил этилган 13-Халқаро Жаҳон Фармакопеяси (IMWP) анжумани бўлиб ўтди.

Онлайн учрашувда 38 та фармакопея органидан 51 дан ортиқ иштирокчилар қатнашдилар. Конференциянинг кириш қисмида ЖССТ Фармацевтика учун нормалар ва стандартлар (NSP), гуруҳ раҳбари, (Team Lead, Norms and Standards for Pharmaceuticals (NSP)) - Luther Gwaza томонидан кун тартибида қўйилган масалалар эълон қилинди.

Шундан сўнг, ушбу масалалар юзасидан "IMWP – 12" анжуманида қабул қилинган таклифлар ижроси бўйича маълумот тингланди.

Тадбир давомида иштирокчи давлатлар томонидан жаҳондаги ҳудудий ва миллий фармакопеялар бўйича ахборот берилди. Жумладан, Ўзбекистон Давлат фармакопеяси Таҳририят кенгаши котибияти вакили Ҳилола Назруллаева Ўзбекистон Республикаси Давлат фармакопеясини ишлаб чиқишда эришилган асосий ютуқлари ҳақида қатнашчиларга маълумот берди.

🕊@uzpharmcontrol

​​Кам учрайдиган касалликларни даволаш учун мўлжалланган дори воситалари рўйхати кенгайтирилди

ССВ кам учрайдиган касалликларни даволаш учун мўлжалланган орфан дори воситалари рўйхатини янгилади (рўйхат рақами 3258-3, 12.09.2022 й.).
 
Аввалги версиясига нисбатан рўйхат 171 позициядан 176 позициягача оширилган.
 
Янгиланган рўйхатга блинитумомаб, акалабрутиниб, помалидомид, экулизумаб препараратлари шунингдек, антимикробли гидрогель боғлами мирамистин қўшилган.

Маълумот ўрнида, «Дори воситалари ва фармацевтика фаолияти тўғрисида»ги қонуннинг 24-моддасига мувофиқ, Орфан дори воситалари ҳамда орфан касалликларга ташхис қўйишда ва уларни даволашда қўлланиладиган тиббий буюмлар импорти, ўта хавфли инфекциялар, шунингдек эпидемиологик жиҳатдан хавф туғдирадиган инфекциялар профилактикасида, уларга ташхис қўйишда ҳамда уларни даволашда қўлланиладиган, Ўзбекистон Республикаси Соғлиқни сақлаш вазирлигининг буюртмаси бўйича импорт қилинадиган дори воситалари ва тиббий буюмлар ҳамда тиббий техника импорти давлат рўйхатидан ўтказилмаган ҳолда амалга оширилиши мумкин.

🕊@uzpharmcontrol

​​​​Юртимиздаги яна икки фармкомпанияда маркировкалаш ускунасини ўрнатилди

Хабарингиз бор, Вазирлар Маҳкамасининг тегишли қарорига мувофиқ, дори воситалари ва тиббий буюмларни гуруҳларга бўлинишини назарга тутган ҳолда идентификация воситалари орқали мажбурий рақамли маркировкалаш тизими 2022-2025 йиллар давомида босқичма-босқич жорий қилининши белгиланган.

Мазкур қарор ижросини таъминлаш, шунингдек маркировкалаш ускунасини ўрнатишда Давлат марказининг Дори воситалари ва тиббиёт буюмларини рақамли маркировкалаш бўлими томонидан жойларга чиққан ҳолда мунтазам равишди тушунтириш ишлари амалга оширилиб келинмоқда.

Жорий йилнинг 3-4 октябрь кунлари мазкур бўлим мутахассислари, ишлаб чиқариш жараёнларида маркировкалаш тизимини жорий қилган "Pharmacon LLC" ва "Sanita Pharma" МЧЖ корхонасига ташриф буюришди ҳамда иккиламчи (ташқи) қадоқларда ишлаб чиқарилган дори воситаларини маркировкалаш жараёни билан яқиндан танишишди.

Эслатиб ўтамиз, 2022 йил 1 ноябрдан бошлаб, бирламчи (ички) қадоқларда ишлаб чиқарилган дори воситалари (агар иккиламчи (ташқи) ўрам мавжуд бўлмаса) ва доривор ангро маҳсулотлари мажбурий рақамли маркировкаланади.

🕊@uzpharmcontrol

​​🟢 Ўзбекистонликлар силга қарши янги дори воситаларидан фойдаланиш имкониятига эга бўлади

АҚШ Халқаро тараққиёт агентлиги (USAID) Ўзбекистон фармацевтика тармоғини ривожлантириш агентлиги (Uzpharmagency) билан ҳамкорликда ўтган бир ярим йил давомида туберкулёз касаллигини даволаш учун олтита дори воситасини жадал рўйхатдан ўтказишга кўмаклашди.

🇺🇸 USAIDнинг техник ёрдами билан Ўзбекистон Соғлиқни сақлаш вазирлиги ЖССТнинг дори воситаларини тезлаштирилган рўйхатга олиш тартибини қабул қилди, бу юртимизда ушбу касаллик билан оғриган беморлар учун янги дори-дармонлардан тез ва хавфсиз фойдаланишни таъминлайди.

2021 йилда USAIDнинг кенг кўламли техник ёрдами натижасида туберкулёзни даволаш учун ЖССТ дастлабки квалификациясидан ўтган икки дори – циклосерин ва протионамид Ўзбекистонда CRP орқали рўйхатдан ўтган биринчи дорилар бўлди.

Мамлакатда кўп дориларга чидамли туберкулёз билан касалланиш даражаси кўрсаткичи дунёда энг юқори ўринлардан бири саналгани сабабли ушбу икки препаратнинг рўйхатдан ўтиши Ўзбекистон учун муҳим аҳамият касб этади. Циклосерин ва протионамид туберкулёзни даволаш учун иккинчи қатор дорилари сарасига кириб, силга қарши стандарт дорилар натижа бермайдиган беморларда қўлланилади.

2022 йилда яна тўртта туберкулёзга қарши дори рўйхатдан ўтказилди. Булар рифампицин, изоназид, пиразинамид ва этамбутол гидрохлоридидир. Ҳозирда силга қарши ЖССТнинг дастлабки квалификациясидан ўтган яна еттита дори рўйхатдан ўтиш жараёнида.

Булар кўп компонентли Рифампин ва Изоназид 150 мг /75 мг, Рифампин ва Изоназид сувда эрувчан таблетка шакли 75 мг/50 мг, Изоназид, Рифампин, Рифампицин. Изониазид. Пиразинамид ва этамбутол гидрохлорид USP 150мг/75мг/400мг/275 мг ва этамбутол BP 400 мг.

«USAID Ўзбекистон ҳукуматининг туберкулёзга қарши кураш борасидаги саъй-ҳаракатларини қўллаб-қувватлашидан фахрланади. Ўзбекистонда силга қарши дориларни_ рўйхатга олишни тезлаштириш соғлиқни сақлаш тизимининг бошқа соҳаларига ҳам фойда келтиради ва хавфсиз ва самарали дори воситаларидан фойдаланиш имкониятини кенгайтиради», – деди USAIDнинг Ўзбекистондаги Соғлиқни сақлаш идораси директори Черри Гумапас".

ЖССТнинг дори воситаларини рўйхатдан ўтказиш тартиби мамлакатда ЖССТ маъқуллаган маҳсулотларини рўйхатдан ўтказишни тезлаштиради ва беморлар ва шифокорларнинг кафолатланган сифатли дори-дармонларни қўллашини тезлаштиради. Шунингдек, рўйхатдан ўтган дорилар, рўйхатдан ўтмаган фармацевтика препаратларидан фарқли равишда 15 фоиз ҚҚСдан озод этилади.

🕊@uzpharmcontrol

🗓 Ўтган ҳафтада Давлат маркази фаолиятида юз берган муҳим воқеалар:

Давлат марказида "1 октябр - Ўқитувчи ва мураббийлар куни" муносабати билан маърифий тадбир бўлиб ўтди

ЕОИИ Фармакопея қўмитасининг навбатдаги мажлиси ўтказилди

832 турдаги 33321 ўрам фармацевтика маҳсулотлари экпертизадан ўтказилди

Халқаро патентланмаган ном ҳақида маълумот берилди

ЖССТнинг Жаҳон фармакопеялари бўйича навбатдаги халқаро анжумани ўтказилди

Кам учрайдиган касалликларни даволаш учун мўлжалланган дори воситалари рўйхати кенгайтирилди

Юртимиздаги яна икки фармкомпанияда маркировкалаш ускунасини ўрнатилди

Ўзбекистонликлар силга қарши янги дори воситаларидан фойдаланиш имкониятига эга бўлади

🕊@uzpharmcontrol

Ўзбекистонда дори воситалари ва тиббий бумларни рақамли маркировклаш

Юртимизда Вазирлар Маҳкамасининг тегишли қарорига мувофиқ, дори воситалари ва тиббий буюмларни ишлаб чиқариш, олиб кириш ва айланмасини ҳисобга олиш механизмларини тубдан такомиллаштириш ҳамда қонуний айланишини таъминлаш мақсадида ушбу маҳсулотларни мажбурий рақамли маркировкалаш тизими жорий қилинди.

Хўш, маркировкалаш тизимининг жорий этилиши истеъмолчилар ва давлат учун қандай афзалликлар беради?

Батафсил ушбу роликда танишамиз.

🕊@uzpharmcontrol

Жорий йилнинг 12-13 октябрь кунлари пойтахтимизда Евроосиё фармацевтика саммити бўлиб ўтади

Саммитда назорат қилувчи органлар, фармацевтика маҳсулотларини ишлаб чиқарувчи етакчи халқаро ва маҳаллий компаниялар, дистрибьюторлар, дорихоналар тармоқлари ва фармацевтика секторига хизмат кўрсатувчи компаниялардан 400 дан ортиқ иштирокчилар қатнашади.

Анжуман давомида тартибга солиш, стратегия, сотиш, маркетинг ва ишлаб чиқариш бўйича 20 дан ортиқ сессиялар бўлиб ўтиши режалаштирилган.

Саволлар бўйича "Global Pharmaceutical Leaders' Club"нинг Ўзбекистондаги ваколатхонаси раҳбари Сайёра Зияевага қуйидаги (93) 3986061 рақами орқали мурожаат қилишингиз мумкин.

🕊@uzpharmcontrol

​​"Тиббиётдаги ислоҳотлар инсон қадри учун" мавзусида сайёр қабул ўтказилди

Аҳоли билан тўғридан-тўғри мулоқот тизимини янада такомиллаштириш, фуқаролар муаммолари билан ишлашни самарали ташкил этиш, соғлиқни сақлаш соҳасида ечимини кутаётган масалаларни ўрганган ҳолда жойида, тезкор ҳал этиш мақсадида жорий йилнинг 8 октябрь куни Халқ қабулхоналари, вазирликлар, идоралар, шаҳар-туман ҳокимликлари ва ҳудудий ташкилотлар раҳбарлари иштирокида оммавий қабул ўтказилди.

Тошкент педиатрия тиббиёт институти ҳудудида ташкил этилган мазкур сайёр қабулда Фармацевтика тармоғини ривожлантириш агентлиги директори Сардор Кариев бошчилигида Агентлик ва унинг тизимидаги ташкилотлар раҳбар ходимлари иштирок этишди.

Сайёр қабул давомида фуқароларнинг дорихона очиш, фармацевтик фаолиятни лицензиялаш ҳамда дори воситаларни рўйхатдан ўтказиш бўйича мурожаатлари Агентлик мутасаддилари томонидан жойида ҳал қилинди. Шунингдек, соҳада тадбиркорлар ва фуқаролар дуч келаётган муаммоларни тизимли равишда ҳал этиш юзасидан маъсул ходимларга тегишли кўрсатмалар берилди.

🕊@uzpharmcontrol

​​Сертификатлаштиришда номувофиқлиги аниқланган фармацевтика маҳсулотлари тўғрисида маълумот берилди

Жорий йилнинг сентябрь ойи давомида Дори воситалари, тиббий буюмлар ва тиббий техника экспертизаси ва стандартлаштириш Давлат марказининг Тиббий маҳсулотларни сертификатлаштириш марказий органига бўлган мурожаатлар асосида тақдим қилинган фармацевтика маҳсулотлари белгиланган тартибда сертфикатлаштириш учун текширувдан ўтказилди.

Экспертиза натижасига кўра Германия, Ҳиндистон, Покистон ҳамда Швецария давлатларида ишлаб чиқарилган 15,539 ўрам ва 5 та тўплам, умумий қиймати 1,139,432,000 сўм бўлган фармацевтика маҳсулотлари (тўлиқ рўйхат бу ерда) сертификатлаштириш жараёнида номувофиқлиги аниқланиб қўллаш учун яроқсиз деб топилди ва сертификатлаштирилиши рад этилди.

Эслатиб ўтамиз, “Махсус электрон тизим орқали айрим фаолият турларини лицензиялаш тартиби тўғрисида”ги ягона низом (рўйхат рақами 80-сон 21.02.2022) га кўра, дори воситалари ва тиббий буюмларни мувофиқлик сертификатларисиз сақлаш ва (ёки) реализация қилиш фаолият учун берилган лицензиянинг амал қилиши белгиланган тартибда тўхтатилишига олиб келадиган, лицензия талаблари ва шартларини қўпол равишда бузилиши ҳисобланади!

Ҳурматли юртдошлар! Дори воситаси, тиббий буюм ва тиббий техниканинг номи, Давлат рўйхатидан ўтган рақами, чиқарилган шакли, ишлаб чиқарган мамлакат, мувофиқлик сертификат берилган сана ва бошқа тегишли маълумотларни Давлат маркази расмий веб сайтидан олишингиз мумкин.

🕊@uzpharmcontrol

#Қонунчиликдаги_янгиликлар       

«Гиёҳвандлик воситалари ва психотроп моддалар тўғрисида»ги Қонуннинг 19-моддаси тўртинчи қисм билан тўлдирилди

Ўзбекистон Республикасининг 2022 йил 1 июндаги «Гиёҳвандлик воситалари ва психотроп моддалар тўғрисида»ги Ўзбекистон Республикаси Қонунининг 19-моддасига қўшимча ва ўзгартиш киритиш ҳақидаги ЎРҚ-774-сон Қонуни 1-моддасига мувофиқ, «Гиёҳвандлик воситалари ва психотроп моддалар  тўғрисида»ги Қонуннинг 19-моддаси қуйидаги мазмундаги тўртинчи қисм билан тўлдирилди:

«Бирламчи маҳсулотни ишлаб чиқаришдан (қайта ишлашдан) қўшимча маҳсулот сифатида олинадиган, IV рўйхат доирасида Ўзбекистон Республикаси Вазирлар Маҳкамаси томонидан белгиланадиган айрим прекурсорларни ушбу Қонунда назарда тутилган мақсадларда ишлаб чиқариш ва тайёрлаш юридик шахслар томонидан уларда муайян прекурсорларни ишлаб чиқариш ҳамда тайёрлаш учун лицензиялар мавжуд бўлган тақдирда амалга оширилади»;

Тўртинчи қисм бешинчи қисм деб ҳисобланиши белгиланди.

Шунингдек, юқоридаги Қонуннинг 3-моддасига мувофиқ, Ўзбекистон Республикаси Вазирлар Маҳкамаси:

☑️ муомалада бўлиши чекланган прекурсорларни сотиб олувчиларнинг ва улардан якуний фойдаланувчиларнинг реестрини юритиш тизими жорий этилишини таъминлаши;
☑️ прекурсорларнинг ишлаб чиқарилиши тайёрланиши ва реализация қилиниши устидан назорат механизмларини кучайтириш чораларини кўриши;
☑️ ҳукумат қарорларини ушбу Қонунга мувофиқлаштириши;
☑️ давлат бошқаруви органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминлаши белгиланди.

🕊@uzpharmcontrol

Дори воситалари ва тиббий буюмларни маркировкалаш қандай тартибда амалга оширилади?

⚙️ Data Matrix коди шунингдек, рақамли идентификатциялаш воситаси дейилганда нима тушунилади ва у қандай белгиларни ўз ичига олади?

Батафсил ушбу роликда таништирамиз.

🕊@uzpharmcontrol

​​Маркировкалаш бўйича тузилган ишчи гуруҳ аъзолари ўртасида учрашув бўлиб ўтди

Жорий йилнинг 7 октябрь санасида Фармацевтика тармоғини ривожлантириш агентлигида дори воситалари ва тиббий буюмларни мажбурий рақамли маркировкалаш бўйича тузилган ишчи гуруҳнинг навбатдаги йиғилиши бўлиб ўтди.       

Учрашув давомида "Дори воситалари, тиббий буюмлар ва тиббий техника экспертизаси ва стандартлаштириш Давлат маркази" ДУКнинг Рақамли технологияларни жорий этиш ва ахборот хавфсизлиги бошқармаси ҳамда Давлат  солиқ қўмитаси ва “CRPT TURON" МЧЖ компанияси масъул ходимлари иштирокида Республикамизда ишлаб чиқарилувчи ва Ўзбекистон ҳудудига четдан олиб келинадиган хорижий дори воситаларини рақамли маркировкалаш масалалари таҳлилий муҳокама қилинди.

Шунингдек йиғилишда дори воситалари ва тиббий буюмларни мажбурий рақамли маркировкалаш тартиби жорий қилинган кундан бошлаб, уларни рақамли маркировкаланмаган ҳолда сертификациядан ўтказишга йўл қўйилмаслиги, Божхона омбори ҳудудида дори воситаларини маркировкалаш ҳамда стикерларни елимлаш усули орқали дори воситаларини мажбурий рақамли маркировкалаш тартибига ўтиш ва бошқа масалаларга атрофлича тўхталиб ўтилди.

🕊@uzpharmcontrol

​​Тошкент Евроосиё фармацевтика саммитига иккинчи бор мезбонлик қилмоқда

Пойтахтимизда "Global Pharmaceutical Leaders’ Club" томонидан Фармацевтика тармоғини ривожлантириш агентлиги билан ҳамкорликда ташкил этилган II Евроосиё фармацевтика саммити бўлиб ўтмоқда.

Бу йилги саммит дастуридан халқаро миқёсдаги экспертлар ҳамда йирик компания ва тартибга солувчи органларнинг вакиллари билан давра суҳбатлари, муҳокамалар шунингдек, дистрибьюторлар ва дорихоналар тармоқлари мутахассислари билан яккама-якка учрашувлар жой эгаллаган.

Таъкидлаш жоиз, Hilton меҳмонхонаси анжуманлар залида бўлиб ўтаётган мазкур анжуманда Фармацевтика тармоғини ривожлантириш агентлиги директори Сардор Кариев бошчилигида Агентлик ва унинг тизимидаги ташкилотлар раҳбар ходимлари ва соҳа мутахассислари иштирок этишмоқда.

Саммитнинг биринчи кунида Агентлик директорининг биринчи ўринбосари Улуғбек Эгамов, "Зарур амалиётлар маркази" ДУК директори Азиз Дусматов, "Дори воситалари, тиббий буюмлар ва тиббий техника экспертизаси ва стандартлаштириш давлат маркази" ДУК директорининг биринчи ўринбосари Амирхон Азимов, Давлат марказининг Фармакология қўмитаси раиси Саидамир Саидов, Фармакологик назорат бўлими бошлиғи Эльвира Свечникова шунингдек Агентликнинг Лицензиялаш ва назорат қилиш бошқармаси бошлиғи Гулнора Зуфарова ҳамда Агентлик директори маслаҳатчиси Муҳаббат Ибрагимовалар турли мавзуларда тақдимот ўтказишди ва соҳада амалга оширилаётган ишлар хусусида маъруза қилишди.

🕊@uzpharmcontrol

Антибиотикларни қабул қилишда нималарга эътибор бериш керак?

Антибиотикларни қабул қилишнинг асосий қоидалари нималардан иборат? Мавзу юзасидан “Дори воситалари, тиббий буюмлар ва тиббий техника экспертизаси ва стандартлаштириш Давлат маркази” Ахборот хизмати Фармакологик назорат бўлими бошлиғи Эльвира Свечниковага савол билан мурожаат қилди.

Антибиотикларни фақат шифокор кўрсатмасига биноан олинг.

Фақатгина шифокор сизга антибиотикларни қабул қилиш керакми ёки йўқлиги бўйича тавсия бера олади.

Ҳеч қачон шифокорингиздан антибиотиклар ёзиб беришини сўраманг!

Агар Сиз талаб қилсангиз, баъзи шифокорлар сизга махсус кўрсатмаларсиз микробларга қарши воситаларини ҳам буюриши мумкин. Шунингдек, сиз дорихонада бирор дори воситасини харид қилаётганингизда фармацевт сизга шунга ўхшаш бошқа дори воситасини тавсия қилиши мумкин. Бу ҳолатда Сиз шифокор билан дори препаратни алмаштириш бўйича келишишингиз ёки шифокор томонидан белгиланган дозани бузмаслик учун фармацевтдан таркиби ва фаол моддаси бўйича маълумотларни аниқлаштиришингиз зарур бўлади.

Даволаш самарали бўлиши учун антибиотикларга сезувчанликни аниқлаш учун бактериал синама топширинг!

Ушбу таҳлил натижалари шифокорга антибактериал дори препаратни тўғри танлашга ёрдам беради.

Дозани тўғри қабул қилинишига ҳар доим этибор қаратинг!

Дори препаратининг дозасини камайтириш барча патоген бактериялар ўлмаслигига олиб келиши мумкин.

Дори препаратни қабул қилиш вақтига қатий риоя қилинг!

Дори препаратнинг қондаги концентрациясини бир меъёрда ушлаб антибиотикни аниқ вақтда қабул қилиш керак. Мисол учун, агар Сизга кунига дори препаратни бир марта ичиш буюрилган бўлса, кейинги дозани 24 соат ўтгач қабул қилиш керак. Агар кунига 2 марта бўлса – ҳар 12 соатдан кейин қабул қилинади.

Антибиотик қабул қилгандан сўнг аҳволингиз яхшиланса ҳам, уни қабул қилишни тўхтатманг!

Юқорида айтиб ўтилгандек, аҳволингиз яхшиланиши бу соғайганлигингизни билдирмайди. Эҳтимол, инфекция заифлашган, аммо бутунлай йўқолмаган бўлиши мумкин.

Таблетка шаклдаги дори препаратларини сув билан ичинг ва кўп миқдорда суюқлик қабул қилинг!

Антибиотикларни сут, сут маҳсулотлари, чой, қаҳва ва шарбатлар билан ичиш тавсия этилмайди. Инфекцияни танадан тезда чиқиб кетиши учун кўп миқдорда сув ичиш тавсия қилинади.

Даволаниш самара бермаётганини сезсангиз, белгиланган қабул санасидан олдин шифокорингизга мурожаат қилинг.

Агар антибиотик қабул қилганингиздан сўнг тўрт кун ичида аҳволингиз яхшиланмаса, шифокорингиз билан маслаҳатлашинг. Шифокор дозани ўзгартириши ёки бошқа дори препаратини буюриши мумкин.

Қабул қилинган антибиотиклар хақидаги маълумотларни ёзиб юринг.

Аваллари қандай дори воситаларини қанча дозада ва қандай касалликларни даволашда қабул қилганингизни, қабул қилганингизда (агар) ножўя таъсир кузатилган бўлса бу бўйича маълумотларни албатта ёзиб боринг.

Антибиотикларнинг яроқлилик муддатини текширишни унутманг.

Яроқлилик муддати ўтган дори препаратларини асло қабул қилманг.

Ҳурматли юртдошлар!

Дори воситаларни қўллаш чоғида унинг ножўя таъсир ҳолатига дуч келсангиз, Фармацевтика тармоғини ривожлантириш агентлиги ҳузуридаги Дори воситалари, тиббий буюмлар ва тиббий техника экспертизаси ва стандартлаштириш Давлат марказига мурожаат қилинг. Бунинг учун хабарнома картаси шаклини юклаб олишингиз ва тўлдиришингиз керак бўлади.

Wорд шаклида тўлдирилган хабарнома картаси шаклларини қуйидаги электрон почтага - farmakonadzor@ssv.uz ёки 100002, Тошкент ш., Озод кўчаси, К. Умаров тор кўчаси, 16-уй манзилига жўнатинг.

Мурожаат учун: (71) 203-01-01 | 4144

🕊@uzpharmcontrol

🆘 Сифатсиз дорилардан эҳтиёт бўлинг!

Яроқлилик муддати ўтган дори воситаларини қайта қадоқлаб сотувга чиқариш билан шуғулланувчи шахслар фаолиятига чек қўйилди.

Эслатиб ўтамиз, жорий йилнинг сентябрь ойи давомида Давлат маркази томонидан Германия, Ҳиндистон, Покистон ҳамда Швецария давлатларида ишлаб чиқарилган 15,539 ўрам ва 5 та тўплам, умумий қиймати 1,139,432,000 сўм бўлган фармацевтика маҳсулотлари (тўлиқ рўйхат бу ерда) сертификатлаштириш жараёнида номувофиқлиги аниқланиб қўллаш учун яроқсиз деб топилганди ва сертификатлаштирилиши рад этилган эди.

@uzpharmcontrol

​​Давлат марказида дори воситаларини рақамли маркировкалаш юзасидан учрашув бўлиб ўтди

Жорий йилнинг 10 октябрь куни “Дори воситалари тиббий буюмлар ва тиббий техника экспертизаси ва стандартлаш Давлат маркази” ДУКда, Ўзбекистон Республикаси Вазирлар Маҳкамасининг 2022 йил 2 апрелдаги “Дори воситалари ва тиббий буюмларни мажбурий рақамли маркировкалаш тизимини жорий этиш тўғрисида”ги 149-сонли Қарори билан босқичма-босқич жорий этилаётган, дори воситалари ва тиббий буюмларни мажбурий рақамли маркировкалаш тизими ва унинг аҳамиятини тушунтириш мақсадида учрашув ташкил қилинди.

Давлат марказининг Дори воситалари ва тиббиёт буюмларини рақамли маркировкалаш бўлими, Тиббий маҳсулотларни сертификатлаштириш органи ва Фармакопея қўмитаси ҳамда “CRPT TURON” МЧЖнинг масъул ходимлари иштироки бўлиб ўтган мазкур учрашувда маркировкалаш бўйича бир қатор масалалар юзасидан тушунтириш бериб ўтилди. Хусусан:

— мажбурий рақамли маркировкалашни бошлаш муддатлари;
— дори воситалари ва тиббий буюмларни рақамли маркировкалаш тартиб-таомиллари;
— дори воситалари ва тиббий буюмларни мажбурий рақамли маркировкалаш тартиби жорий қилинган кундан бошлаб, уларни рақамли маркировкаланмаган ҳолда сертификациядан ўтказишга йўл қўйилмаслиги (юқоридаги қарорнинг 3-банди учинчи ва тўртинчи хатбошида келтирилган ҳолатлар бундан мустасно);
— дори воситалари ва тиббий буюмларнинг норматив ҳужжатларига ўзгартириш киритиш;
— рақамли идентификациялаш воситаси қандай маълумотларни ўз ичига олиши ва уни қўллаш тартиби;
— дори воситасининг истеъмол қадоғига стикерни қўллаш учун қуйилган талаблар;
— дори воситалари ва тиббий буюмларнинг кузатилишини таъминлаш учун зарур бўлган маркировка кодларини тақдим этиш;
— «Asl belgisi» мобил иловасининг ишлаш тартиби ва бошқа мавзулар бўйича тўлиқ тушунтириш-тарғибот ишлари амалга оширилди.

🕊@uzpharmcontrol

🔔 Антибиотиклар нима?

Антибиотик (юнонча анти - қарши ва биос – ҳаёт) – баъзи Микроорганизмлар (замбуруғлар, бактериялар), ҳайвон тўқималари ва айрим юксак ўсимликлар ҳаёт фаолияти натижасида ҳосил бўладиган ва турли хил микробларнинг ўсиши ҳамда ривожланишини тўхтатадиган органик моддалардир.

🗄 Антибиотиклар касаллантирувчи (патоген) микроблардаги моддалар алмашинувини бузиб, уларни ўлдиради ёки ўсишини тўхтатади.

🗄 Улар турли микробларга турлича таъсир этади. Масалан, бир антибиотик маълум бир микробга кучли таъсир этгани ҳолда, бошқа микробга кучсиз таъсир қилади ёки бутунлай таъсир қилмайди;

🗄 антибиотикларнинг кўпчилиги фақат микробларни эмас, балки одам, ҳайвон ва ўсимлик организмини (тўқима ва ҳужайраларини) ҳам емиради.

Шу боис тиббиёт, ветеринария ва ўсимлишуносликда унинг фақат зарарли микробларни ўлдирадиган, аммо одам, ҳайвон ва ўсимлик организмини емирмайдиган турларигина ишлатилади.

Эслатиб ўтамиз, Антибиотикларни қабул қилишда нималарга эътибор бериш кераклиги ҳақида “Дори воситалари, тиббий буюмлар ва тиббий техника экспертизаси ва стандартлаштириш Давлат маркази” Фармакологик назорат бўлими бошлиғи Эльвира Свечникова тавсиялари билан бу ерда танишасиз.

🕊@uzpharmcontrol

🗓 Ўтган ҳафтада Давлат маркази фаолиятида юз берган муҳим воқеалар:

Ўзбекистонда дори воситалари ва тиббий бумларни рақамли маркировкалаш бўйича маълумот берилди

"Тиббиётдаги ислоҳотлар инсон қадри учун" мавзусида сайёр қабул ўтказилди

Сертификатлаштиришда номувофиқлиги аниқланган фармацевтика маҳсулотлари тўғрисида маълумот берилди

«Гиёҳвандлик воситалари ва психотроп моддалар тўғрисида»ги Қонуннинг 19-моддаси тўртинчи қисм билан тўлдирилди

Маркировкалаш бўйича тузилган ишчи гуруҳ аъзолари ўртасида учрашув бўлиб ўтди

Тошкент Евроосиё фармацевтика саммитига яна мезбонлик қилди

Антибиотикларни қабул қилишнинг асосий қоидалари нималардан иборат? Мавзу юзасидан “Дори воситалари, тиббий буюмлар ва тиббий техника экспертизаси ва стандартлаштириш Давлат маркази” Ахборот хизмати Фармакологик назорат бўлими бошлиғи Эльвира Свечниковага савол билан мурожаат қилди

Яроқлилик муддати ўтган дори воситаларини қайта қадоқлаб сотувга чиқариш билан шуғулланувчи шахслар фаолиятига чек қўйилди

Давлат марказида дори воситаларини рақамли маркировкалаш юзасидан учрашув бўлиб ўтди

Фармацевтика тармоғини ривожлантириш агентлиги директорининг тегишли буйруғи билан Темиров Баходирхўжа Баҳромжон ўғли директор ўринбосари лавозимига тайинланди

🕊@uzpharmcontrol

🇺🇿 Давлат фуқаролик хизматчилари одоб-ахлоқининг намунавий қоидалари тасдиқланди

Вазирлар Маҳкамасининг тегишли қарори билан давлат фуқаролик хизматчилари намунавий қоидалари ҳамда одоб-ахлоқ комиссияси тўғрисидаги намунавий низом тасдиқланди.

📂 Низом билан касбий фаолиятга оид, хизмат фаолиятига оид ҳамда хизматдан ташқари одоб-ахлоқ қоидалари тартибга солинади.

📂 Намунавий қоидаларга мувофиқ, давлат фуқаролик хизматчилари меҳнат фаолияти давомида ва ишдан ташқари вақтда хулқ-атворнинг қуйидаги умумий қоидаларига амал қилиши лозим:

🗄 давлат хизматининг обрўсига путур етказиши мумкин бўлган хатти-ҳаракатлардан тийилиш;
🗄 масъулият, касбига садоқат ва ҳалолликни кундалик шиорга айлантириш;
🗄 мураккаб вазифаларни бажаришда ҳамкасбларига кўмаклашиш ва бошқалар. 

❗️Хизмат машинасидан шахсий мақсадларда фойдаланмаслиги, ўзининг шахсий машинасидан фойдаланганда эса тартиб-таомилларга амал қилиб ҳайдаши, йўл қоидаларига қатъий риоя қилиши зарур.

Давлат хизматчилари этикасини бузган ходимлар интизомий жазога тортилиши ҳамда огоҳлантирилиши, расмий узрнома келтириши, танбеҳ берилиши мумкин.

Давлат органлари, Қорақалпоғистон Вазирлар Кенгаши, вилоятлар ва Тошкент шаҳар ҳокимликлари ва бошқа ташкилотлар жорий йил 25 октябрь санасига қадар ўз фаолияти хусусиятларини ҳисобга олган ҳолда одоб-ахлоқ қоидаларини тасдиқлайди.

🕊@uzpharmcontrol

​​Фармацевтик лабораториялар техник мутахассислари учун семинар ўтказилди

Жорий йилнинг 18 октябрь санасида “Дори воситалари, тиббий буюмлар ва тиббий техника экспертизаси ва стандартлаштириш Давлат маркази” ДУКда “Евроосиё иқтисодий иттифоқи доирасида муомалада бўлган маҳсулотлар хавфсизлигини таъминлашнинг долзарб масалалари. ЕОИИ, ЕИ ва Америка фармакопеясининг техник регламентларига мувофиқ ускунадан фойдаланиш бўйича амалий тажриба” мавзусида семинар бўлиб ўтди.

Ўзбекистон бозорида юқори сифатли аналитик ва лаборатория ускуналарини етказиб берувчи етакчи компаниялардан бири "Фортек" хусусий корхонаси билан ҳамкорликда ташкил қилинган ушбу семинарда Клиник тиббиётда аналитик ускуналарни қўллаш бўйича етакчи мутахассис Дмитрий Фармаковский маърузачи сифатида иштирок этиб, "Shimadzu" хроматография ускунасини фармацевтикада фойдаланиш юзасидан маъруза қилди.

Семинарда Ўзбекистон фармацевтика саноатидаги лабораторияларда фаолият олиб борувчи 100га яқин техник мутахассислар, Давлат марказининг Синов маркази лабораториялари ҳамда Дори воситаларини стандартлаш илмий маркази (DVSIM) вакиллари иштирок этишди.

Тадбир давомида иштирокчилар ўзларини қизиқтирган саволларга жавоб олиш билан биргаликда, ЕОИИ, ЕИ ва Америка фармакопеясининг техник регламентларига мувофиқ ускунадан фойдаланишнинг амалий тажрибаси билан яқиндан танишишди.

🕊@uzpharmcontrol