🟥🟥🟥🟥

Ижтимоий тармоқларда юртимизда “Вентолин” савдо номидаги дори воситасини топиш муаммо бўлаётганлиги ва бу дори воситасининг ҳозирги кундаги нархи ошиб кетганлиги ҳақида хабарлар тарқалди.

Ушбу хабарлар бўйича Соғлиқни сақлаш вазирлигининг Фармацевтика маҳсулотлари хавфсизлиги маркази қуйидагиларни маълум қилади.

Франция, Британия ва Туркия давлатлари ишлаб чиқарувчилари томонидан ишлаб чиқарилган, нафас олиш тизими касалликларини даволашда қўлланиладиган 7 номдаги “Вентолин” дори препаратлари юртимизда тиббиёт амалиётида қўлланилиши учун Фармацевтика маҳсулотлари хавфсизлиги маркази томонидан давлат рўйхатидан ўтказилган бўлиб, 2022-2023 йиллар давомида республикамиз ҳудудига импорт қилинган 87 мингдан ортиқ ўрамдаги “Вентолин” дори препаратлари ўрнатилган тартибда сертификатлаштирилиб, муомалага чиқариш учун рухсат берилган.

Маълумот учун: дори воситаларини осон қидириб топиш учун мўлжалланган ботлар ва бошқа қидирув платформалар орқали мазкур савдо номдаги препаратларини юртимизнинг турли ҳудудларидаги дорихоналарда сотувда учратиш мумкин.

Ушбу препаратлар нархининг ошиб кетганлигига келсак, Ўзбекистон Республикаси Президентининг ПҚ-2647-сон Қарорининг 1-бандига мувофиқ, четдан олиб келинадиган, шунингдек, мамлакатимиз ишлаб чиқарувчиларидан сотиб олинадиган дори-дармон воситалари ва тиббиёт буюмларини улгуржи ва чакана сотиш уларни етказиб беришда иштирок этувчи воситачилар сонидан қатъи назар, улгуржи савдо учун сотиб олинган қийматидан 15 фоиздан, чакана савдо учун улгуржи нархидан 20 фоиздан ортиқ бўлмаган миқдорларда белгиланадиган чекланган савдо устамалари қўлланилган ҳолда амалга оширилиши белгиланган.

Шунингдек, Ўзбекистон Республикаси Президентининг ПҚ-4554-сон қарорига мувофиқ, маҳаллий ва хорижий дори воситаларига нисбатан референт нарх шакллантириш тизими йўлга қўйилган бўлиб унга кўра, дори шакли, қадоқдаги сони, дозаси, концентрацияси, ҳажми ва қадоқланишини ҳисобга олган ҳолда дори воситаларининг ҳар бир савдо номи учун қайд этилган чекланган нархлар ва уларга чекланган савдо устамаларини қўллаш йўли билан ҳисобланган улгуржи ва чакана нархларнинг доимий равишда электрон (онлайн) реестри юритилмоқда.

Эслатиб ўтамиз, агарда харидорлар дорихоналар томонидан дори воситалари ва тиббий буюмларга нарх белгилаш тартибининг бузилиши ва асоссиз равишда нархлар оширилганига дуч келса, Рақобатни ривожлантириш ва истеьмолчилар ҳуқуқларини ҳимоя қилиш қўмитасининг 1159 телефонига ёки Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментининг 71-233-1007 ишонч телефонига мурожаат қилишлари мумкин.

Фармацевтика маҳсулотлари хавфсизлиги маркази юртдошларимизни “Вентолин” препаратлари бўйича хавотирга тушмаслигини, мазкур дори воситалари юртимиздаги дорихоналарда аҳолининг эҳтиёжига етарли даражадаги миқдорда мавжудлигини билдириб, журналистлар, блогерлар ва ОАВ вакилларига юртимизда давлат рўйхатидан ўтган ва тиббиёт амалиётида қўлланилиши учун рухсат берилган дори воситалари, тиббий буюм ва тиббий техникалар ҳақидаги маълумотлар Марказ расмий веб-сайтида очиқ эканлигини маълум қилади.

Фармацевтика маҳсулотлари хавфсизлиги маркази Матбуот хизмати

Telegram | Facebook | Instagram | Youtube

🇺🇿 Айни пайтда Ўзбекистон ҳукумати делегацияси Венгрия пойтахти Будапешт шаҳрида хизмат сафарида бўлиб турибди. Улар сафида мамлакатимиз соғлиқни сақлаш вазирлиги тизими масъуллари ҳам бор.

Хўш, ушбу ташрифдан кўзланган мақсад нима? Бу ерда қандай манфаатли келишувларга эришилиши кутилмоқда?

Будапештдан тайёрлаган юқоридаги видеолавҳа орқали ушбу саволларга батафсил жавоб топишингиз мумкин.

Фармацевтика маҳсулотлари хавфсизлиги маркази Матбуот хизмати  

Telegram | Facebook | Instagram | Youtube

Аввал хабар берганимиздек, шу кунларда Ўзбекистон соғлиқни сақлаш тизими масъулларидан иборат гуруҳ ҳукуматимиз делегацияси таркибида Венгрия пойтахти — Будапешт шаҳрида бўлиб турибди.

🇺🇿 🇭🇺 Сал аввал бу ерда икки мамлакат ўртасида сармоявий ва савдо-иқтисодий ҳамкорликни янада ривожлантиришга қаратилган Ўзбекистон — Венгрия бизнес форуми бошланди.

Тадбирни Венгрия ташқи ишлар ва савдо вазири Петер Сийярто ҳамда Ўзбекистон Республикаси инвестициялар, саноат ва савдо вазири Л.Қудратов кириш сўзи билан очди.

Форумда иқтисодиётнинг турли устувор тармоқларида қўшма корхоналар ташкил этиш, ўзаро манфаатли савдо шартномаларини тузиш масалалари билан бирга, фармацевтика, тиббий таълим, кадрлар тайёрлаш ва малакасини ошириш каби тиббиётнинг қатор йўналишлари бўйича ҳамкорлик истиқболлари муҳокама этилмоқда.

Тадбир тафсилотлари ҳақида маълумот бериб борамиз.

Фармацевтика маҳсулотлари хавфсизлиги маркази Матбуот хизмати  

Telegram | Facebook | Instagram | Youtube

USP Education Ўзбекистонлик ҳамкорлар учун махсус ўқув дастурлари тайёрлайди

Хизмат сафари билан Америка Қўшма Штатларида бўлиб турган вакилларимиз USP Фармакопея сиёсати бўлими бошлиғи Gabriel Giancaspro, Эталон стандарт намуналарни ишлаб чиқиш бўйича USP вице-президенти Ravi Reddy ва Стандарт намуналарни баҳолаш бўйича бош менеджер Yu Tang’лар билан учрашишди.

Мулоқотда юртимиз фармацевтика саноати ва фармацевтика маҳсулотлари сифат назорати лабораториялари фаолиятида ўта муҳим долзарбликка эга бўлган масалалар, жумладан USP фармакопея стандарт намуналарини яратилиши, ишлаб чиқарилиши ва жаҳон бўйича экспортини амалга оширилиши бўйича ҳамкорлик қилиш масалалари муҳокама қилинди.

Шунингдек, USP томонидан ташкил этилган ўқув дастурлари давомида вакилларимиз USP Education бош директори Tim A. Greiner томонидан USP’нинг фармацевтика соҳаси мутахассислари учун ташкил этилган кўп йўналишли таълим тизими билан таништирилди.

Ўзбекистон томонидан сўзга чиққан Ўзбекистон Республикаси Давлат фармакопеяси бош муҳаррири Х. Джалилов ўз нутқида, сўнги бир йил мобайнида Фармацевтика маҳсулотлари хавфсизлиги маркази мутахассислари USP Education ўқув дастурларида фаол иштирок этиб келаётганлигини таъкидлаб, бу йўналишда Ўзбекистон томони учун долзарбликка эга бўлган алоҳида мавзулар бўйича онлайн ўқув курслари ташкил этилишини таклиф қилди.

🤝 Учрашув якунида USP Education Ўзбекистонлик ҳамкорлар учун махсус ўқув дастурлари тайёрланиши, бунда инструктор сифатида Ўзбекистонлик мутахассислар ҳам иштирок этишлари мумкинлиги бўйича келишувга эришилди.

Фармацевтика маҳсулотлари хавфсизлиги маркази Матбуот хизмати  

Telegram | Facebook | Instagram | Youtube

🇺🇿​​ Фармацевтика маҳсулотлари хавфсизлиги маркази делегациясининг АҚШга ташрифи USP - АҚШ фармакопея конвенцияси томонидан эътироф этилди

Бу ҳақда ташкилотнинг 🌐 "LinkedIn" ижтимоий тармоғидаги расмий саҳифасида танишишингиз мумкин:

"This week we had the privilege of hosting a delegation from the Republic of Uzbekistan comprising representatives from various departments, including Economic and Financial Affairs, Pharmacopoeia Committee, State Pharmacopoeia Development, Pharmaco-toxicological Analysis Laboratory, Testing Center, and Post Marketing Control.

The delegation's visit to our Rockville, Maryland site marks another milestone in our ongoing collaborative journey since May, when the Ministry of Health from the Republic of Uzbekistan signed the adopt agreement.

During this visit, we worked together on creating a comprehensive workplan to incorporate USP standards into the development of the State Pharmacopoeia of the Republic of Uzbekistan. The sessions were productive, and our shared commitment to quality has helped lay the groundwork for future training and opportunities.

We look forward to implementing the insights gained from our meeting with the delegation to elevate the standards of medicines in Uzbekistan. Our joint efforts will contribute to advancing the nation's healthcare sector and, most importantly, improving the lives of patients."

🇺🇸 Эслатиб ўтамиз, вакилларимизнинг АҚШга ташрифи Ўзбекистон Соғлиқни сақлаш вазири Амрилло Иноятов ва Америка Қўшма Штатлари Фармакопея Конвенцияси Бош ижрочи директори Рональд Пьервинченцилар томонидан шу йил май ойида имзоланган келишув асосида бўлиб ўтмоқда.

Фармацевтика маҳсулотлари хавфсизлиги маркази Матбуот хизмати  

Telegram | Facebook | Instagram | Youtube

🟩🟩🟩🟩🟩🟩

Ўтган ҳафта давомида каналимизда эълон қилинган энг муҳим постлар:

✅ Марказда ташкил этилган ўқув семинар тингловчиларига сертификатлар топширилди

✅ Ижтимоий тармоқларда юртимизда “Вентолин” савдо номидаги дори воситасини топиш муаммо бўлаётганлиги юзасидан Соғлиқни сақлаш вазирлигининг Фармацевтика маҳсулотлари хавфсизлиги маркази расмий муносабат билдирди

✅ Фармацевтика маҳсулотлари хавфсизлиги маркази билан USP ўртасида ҳамкорлик алоқалари янада кенгайтирилмоқда

✅ Венгрия фармацевтика ишлаб чиқарувчилари миллий ассоциацияси билан ҳамкорлик ўрнатилмоқда

✅ Делегациямиз Венгрияда "EGIS" компанияси вакиллари билан учрашди

✅ USP Education Ўзбекистонлик ҳамкорлар учун махсус ўқув дастурлари тайёрлайди

✅ "Meditop Pharmaceutical Ltd" билан ҳамкорлик алоқалари ўрнатилмоқда

✅ Фармацевтика маҳсулотлари хавфсизлиги маркази делегациясининг АҚШга ташрифи USP - АҚШ фармакопея конвенцияси томонидан эътироф этилди

✅ Японияда дори воситаларини роботлар етказиб бериши йўлга қўйилмоқда

✅ "Марказий Осиёда анъанавий доривор гиёҳларни саноатлаштириш – 2023" мавзусида тренинг ўтказилди

✅ Венгриянинг энг йирик фармацевтика заводи "Gedeon Richter" фаолияти билан танишилди

Фармацевтика маҳсулотлари хавфсизлиги маркази Матбуот хизмати

Telegram | Facebook | Instagram | Youtube

Қон босимини 6 ой давомида мўътадил ушлаб турувчи препарат ишлаб чиқилди

🇺🇸 Олимлар Американинг Alnlaym компанияси томонидан ишлаб чиқилган, юқори қон босимини олти ой давомида пасайтириши мумкин бўлган янги дори – "Zilebesiran"ни муваффақиятли синовдан ўтказдилар.

Ўрганишлар Британиядаги тўртта марказда бир қанча тадқиқотчи олимлар гуруҳи томонидан ўтказилди. Синовда гипертония билан оғриган 107 нафар бемор иштирок этди. NEJM маълумотларига кўра, улардан 80 таси янги дори воситаларини қабул қилган, қолганлари эса плацебо олган.

Таҳлил шуни кўрсатдики, зилебесиранни қабул қилган беморларда босим барқарорлашган ва олти ойгача бўлган муддатда сақланиб қолган. Олимларнинг таъкидлашича, препарат ангиотенсин ишлаб чиқаришни олдини олиш орқали ишлайди. Бу қон томирларини торайтирувчи гормон бўлиб, қон босимини оширади.

Фармацевтика маҳсулотлари хавфсизлиги маркази Матбуот хизмати  

Telegram | Facebook | Instagram | Youtube

✏️✏️✏️

Самарқанд шаҳрида қалбаки дори воситалари ишлаб чиқараётган яширин цех аниқланди

Иқтисодий жиноятларга қарши курашиш департаментининг Самарқанд шаҳар бўлими томонидан ўтказилган терговга қадар текширувда фуқаро А.Х. ўзи яшаб келаётган кўп қаватли уйнинг 1-йўлагидаги қўшимча хонада яширин цех ташкил қилганлиги аниқланган.

“Бекот Амино” ва “Монасил НЕО” номли дори воситаларининг мувофиқлик сертификатини қалбакилаштириб, гўёки ушбу дори воситалари “R.M.” қўшма корхонаси томонидан ишлаб чиқарилганлиги тўғрисида полиграфия ёзувларини ёпиштириб, ноқонуний ишлаб чиқариш фаолияти билан шуғулланиб келаётганлиги аниқланиб, ушбу хонадондан жами 5 мингдан зиёд қалбаки дори воситалари ашёвий далил сифатида олинган.   

🆘 Мазкур ҳолат юзасидан Жиноят кодексининг 186³-моддаси (сифатсиз ёки қалбакилаштирилган дори воситаларини ёхуд тиббий буюмларни ўтказиш мақсадида ишлаб чиқариш, тайёрлаш, олиш, сақлаш, ташиш ёки ўтказиш) билан жиноят иши қўзғатилиб, тергов ҳаракатлари ўтказилмоқда.

Фармацевтика маҳсулотлари хавфсизлиги маркази Матбуот хизмати  

Telegram | Facebook | Instagram | Youtube