Омборхона қуйидаги асбоб-ускуналар ва инвентарлар билан жиҳозланган бўлиши керак:

😎дори воситаларини ва тиббий буюмларни сақлаш учун стеллажлар, тагликлар;
😎термолабил дори воситаларини сақлаш учун совутиш камералари ёки маиший совутгичлар;
😎ҳаво параметрларини қайд қилиш асбоблари (термометрлар, гигрометрлар ёки психрометрлар);
😎алоҳида гуруҳ дори воситаларини, ҳисоб-китоб ҳужжатларини ва ахборот берувчи адабиётларни сақлаш учун қулфланадиган металл шкафлар ёки сейфлар;
😎ечиниб кийиниш хонасида устки ва махсус кийимларни ва оёқ кийимларини сақлаш учун шкаф;
😎санитария ҳолатини таъминлаш учун дезинфекция воситалари ва хўжалик жиҳозлари.

🗄 Асос: ВМҚ-185-сон 06.04.2017

Фармацевтика маҳсулотлари хавфсизлиги маркази Матбуот хизмати

Telegram | Facebook | Instagram | Youtube

🟩🟩🟩🟩🟩🟩

Ўтган ҳафта давомида каналимизда эълон қилинган энг муҳим постлар:

✅ Қандай ҳолларда беморга тайинланган дори воситасининг асослилиги тегишли мутахассислар билан келишилади?

✅ Дори воситалари таркибидаги ёт ва заҳарли моддалар миқдорини аниқлашни замонавий ва тезкор усули

✅ Омборхонада резина буюмлардан иборат тиббий буюмлар қандай талаблар асосида сақланиши лозим?

✅ 2022 йилда энг кўп даромад қилган фармкомпаниялар аниқланди

✅ Ёзда дори воситаларини қандай сақлаш керак?

✅ Украиналик эксперт иштирокида махсус ўқув-семинар бўлиб ўтмоқда

✅ Президент Шавкат Мирзиёев Марказий Осиё мамлакатлари ва Кўрфаз араб давлатлари ҳамкорлик кенгаши етакчиларининг биринчи саммитида иштирок этди

✅ 2030 йилга бориб одамларга тиш имплантациясини қўйиш керак бўлмайди

✅ Марказ ходимларини инглиз тилида ўқитиш амалиёти йўлга қўйилди

✅ Марказ томонидан маҳаллий ва хорижий дори воситаларига нисбатан белгиланган чекланган нархлар тўғрисидаги маълумотлар янгиланди

✅ Омборхона қандай асбоб-ускуналар ва инвентарлар билан жиҳозланган бўлиши керак?

Фармацевтика маҳсулотлари хавфсизлиги маркази Матбуот хизмати

Telegram | Facebook | Instagram | Youtube

​🟦🟦🟦🟦

Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси ва унинг ҳудудий бошқармалари зиммасига дори-дармон воситалари ва тиббиёт буюмларининг улгуржи ва чакана савдоси билан шуғулланувчи ташкилотлар улар нархини давлат томонидан тартибга солишнинг белгиланган тартибига риоя этишини тизимли асосда назорат қилиш вазифаси юклатилган.

Шунингдек, Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти фаолиятининг ўзига хос хусусиятини ҳисобга олган ҳолда дори-дармон воситалари ва тиббиёт буюмларининг улгуржи ва чакана савдоси билан шуғулланувчи ташкилотлар улар нархининг давлат томонидан белгиланган тартибига риоя этиши устидан назоратни ташкил этади ҳамда унинг бузилиши аниқланганда қонун ҳужжатларига мувофиқ чоралар кўриш учун тегишли материалларни, шу жумладан текшириш учун харид қилиш ва назорат остида олиш бўйича материалларни лицензияловчи органга киритади.

😎Асос: ПҚ-2647-сон 26.12.2016

Фармацевтика маҳсулотлари хавфсизлиги маркази Матбуот хизмати

Telegram | Facebook | Instagram | Youtube

Марказда ташкил этилган ўқув семинар тингловчиларига сертификатлар топширилди

Фармацевтика маҳсулотлари хавфсизлиги маркази ходимлари учун Украиналик мутахассис, эксперт, GMP/GDP/GSP/GPP фармацевтика сифат тизимлари, ISO 9000 серияли, ISO 13485 сифат менежменти тизимлари аудитори Наталя Литвиненко иштирокида махсус ўқув курслари ташкил этилган ҳақида хабар берган эдик.

Жорий йилнинг 18-21 июль кунлари бўлиб ўтган “Фармацевтика фаолиятини лицензиялаш ва текшириш” мавзусидаги ўқув-тренингларда малака оширган мутахассисларга махсус сертификатлар топширилди.

Шунингдек, Марказ ходимлари ушбу тренинглар давомида:

😎Дори воситаларининг муомаласини давлат томонидан тартибга солиниши;
😎Фармацевтика инспекциялари учун сифат менежменти тизимига (QMS) қўйиладиган талаблар;
😎Дори воситаларини ишлаб чиқарувчилар ва импорт қилувчилар фаолиятини лицензиялаш ва GMP талабларига мувофиқлигини текшириш;
😎Дори воситалари дистрибюторлари фаолиятини GDP талабларига мувофиқлигини текшириш;
😎Дори воситаларини чакана реализация қилиш фаолиятини лицензиялаш ва GPP талабларига мувофиқлигини текшириш;
😎Текшириш техникаси ва методологияси йўналишларида ўз билим ва кўникмаларини янада мустаҳкамлаш билан бир қаторда уларни амалиётга тадбиқ этиш бўйича тажриба орттиришди.

Фармацевтика маҳсулотлари хавфсизлиги маркази Матбуот хизмати

Telegram | Facebook | Instagram | Youtube

🟥🟥🟥🟥

Ижтимоий тармоқларда юртимизда “Вентолин” савдо номидаги дори воситасини топиш муаммо бўлаётганлиги ва бу дори воситасининг ҳозирги кундаги нархи ошиб кетганлиги ҳақида хабарлар тарқалди.

Ушбу хабарлар бўйича Соғлиқни сақлаш вазирлигининг Фармацевтика маҳсулотлари хавфсизлиги маркази қуйидагиларни маълум қилади.

Франция, Британия ва Туркия давлатлари ишлаб чиқарувчилари томонидан ишлаб чиқарилган, нафас олиш тизими касалликларини даволашда қўлланиладиган 7 номдаги “Вентолин” дори препаратлари юртимизда тиббиёт амалиётида қўлланилиши учун Фармацевтика маҳсулотлари хавфсизлиги маркази томонидан давлат рўйхатидан ўтказилган бўлиб, 2022-2023 йиллар давомида республикамиз ҳудудига импорт қилинган 87 мингдан ортиқ ўрамдаги “Вентолин” дори препаратлари ўрнатилган тартибда сертификатлаштирилиб, муомалага чиқариш учун рухсат берилган.

Маълумот учун: дори воситаларини осон қидириб топиш учун мўлжалланган ботлар ва бошқа қидирув платформалар орқали мазкур савдо номдаги препаратларини юртимизнинг турли ҳудудларидаги дорихоналарда сотувда учратиш мумкин.

Ушбу препаратлар нархининг ошиб кетганлигига келсак, Ўзбекистон Республикаси Президентининг ПҚ-2647-сон Қарорининг 1-бандига мувофиқ, четдан олиб келинадиган, шунингдек, мамлакатимиз ишлаб чиқарувчиларидан сотиб олинадиган дори-дармон воситалари ва тиббиёт буюмларини улгуржи ва чакана сотиш уларни етказиб беришда иштирок этувчи воситачилар сонидан қатъи назар, улгуржи савдо учун сотиб олинган қийматидан 15 фоиздан, чакана савдо учун улгуржи нархидан 20 фоиздан ортиқ бўлмаган миқдорларда белгиланадиган чекланган савдо устамалари қўлланилган ҳолда амалга оширилиши белгиланган.

Шунингдек, Ўзбекистон Республикаси Президентининг ПҚ-4554-сон қарорига мувофиқ, маҳаллий ва хорижий дори воситаларига нисбатан референт нарх шакллантириш тизими йўлга қўйилган бўлиб унга кўра, дори шакли, қадоқдаги сони, дозаси, концентрацияси, ҳажми ва қадоқланишини ҳисобга олган ҳолда дори воситаларининг ҳар бир савдо номи учун қайд этилган чекланган нархлар ва уларга чекланган савдо устамаларини қўллаш йўли билан ҳисобланган улгуржи ва чакана нархларнинг доимий равишда электрон (онлайн) реестри юритилмоқда.

Эслатиб ўтамиз, агарда харидорлар дорихоналар томонидан дори воситалари ва тиббий буюмларга нарх белгилаш тартибининг бузилиши ва асоссиз равишда нархлар оширилганига дуч келса, Рақобатни ривожлантириш ва истеьмолчилар ҳуқуқларини ҳимоя қилиш қўмитасининг 1159 телефонига ёки Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментининг 71-233-1007 ишонч телефонига мурожаат қилишлари мумкин.

Фармацевтика маҳсулотлари хавфсизлиги маркази юртдошларимизни “Вентолин” препаратлари бўйича хавотирга тушмаслигини, мазкур дори воситалари юртимиздаги дорихоналарда аҳолининг эҳтиёжига етарли даражадаги миқдорда мавжудлигини билдириб, журналистлар, блогерлар ва ОАВ вакилларига юртимизда давлат рўйхатидан ўтган ва тиббиёт амалиётида қўлланилиши учун рухсат берилган дори воситалари, тиббий буюм ва тиббий техникалар ҳақидаги маълумотлар Марказ расмий веб-сайтида очиқ эканлигини маълум қилади.

Фармацевтика маҳсулотлари хавфсизлиги маркази Матбуот хизмати

Telegram | Facebook | Instagram | Youtube