🟦🟦🟦

Farmakonazorat yo'nalishida amalga oshirilgan ishlar sarhisob qilindi

2025-yil davomida dori vositalarining noxush ta’sirlari bo‘yicha CIOMS va PSUR hisobotlari, elektron hujjat aylanishi tizimi orqali kelib tushgan ma’lumotlar, tibbiyot muassasalari va dorixonalardan olingan xabarnomalar muntazam tahlil qilinib, xavf signallarini erta aniqlashga qaratilgan monitoring yo‘lga qo‘yildi.

👉 Batafsil

Telegram | Facebook | Instagram | Youtube

🟦🟦🟦

Farmatsevtika faoliyatini litsenziyalash va nazorat qilishdagi ishlar sarhisob qilindi

2025-yil davomida farmatsevtika faoliyatini litsenziyalash jarayonlarini raqamlashtirishga alohida e’tibor qaratildi. license.gov.uz axborot tizimi orqali jami 8500 dan ortiq ariza ko‘rib chiqildi. Ushbu ko‘rsatkich 2024 yilga nisbatan bir necha barobarga oshib, sohada faoliyat yurituvchi subyektlar soni va faolligi ortib borayotganini ko'rsatmoqda.

👉 Batafsil

Telegram | Facebook | Instagram | Youtube

🔴 🟦🟦🟦

Farmatsevtika mahsulotlari xavfsizligi markazi ogohlantiradi: GPP sertifikatiga ega bo‘lmagan dorixonalar diqqatiga!

O‘zbekiston Respublikasi Рrеzidеntining 2024-yil 23-yanvardagi “Farmatsevtika sohasini tartibga solish bo‘yicha qo‘shimcha сhога-tadbirlаr to‘g‘risida” PF-20-son Fаrmоnining 2-ilovasi 4-bandi “v”-kichik bandiga muvofiq, 2025 yil 1 yanvarga qadar — farmatsevtika mahsulotlarini chakana sotish bilan shug‘ullanuvchi tarmoqli dorixonalar, 2026 yil 1 yanvarga qadar — boshqa dorixonalar Zarur farmatsevtika amaliyoti (GPP) milliy talablariga muvofiq majburiy sertifikatlashtirilishi belgilangan.

Shunga kо‘rа, mаzkur tаlablarlаr O‘zbekiston Respublikasi Vаzirlаr Mahkamasining 2022-yil 21-fevraldagi 80-son qаrоri bilаn tasdiqlangan “Maxsus elektron tizim оrqаli ауrim faoliyat turlаrini litsenziyalash tartibi to‘g‘risida”gi yagona nizomga kiritilgan va bugungi kunda Nizomning 29-ilovasi 9-bandiga muvofiq “Zarur farmatsevtika (dоriхоnа) amaliyoti (GPP)” davlat standarti talablariga muvofiq bo‘lish va rioya etish litsenziya talab va shartlaridan biri hisoblanadi.

Mazkur talablarni qonunchilik hujjati bilan belgilangan muddatda bajarilmagan taqdirda lisenziyatlarga nisbatan yuqorida qayd etilgan ta’sir choralari ko‘rilishi haqida litsenziyalovchi organ OGOHLANTIRADI.

👉 Batafsil

Telegram | Facebook | Instagram | Youtube

🟦🟦🟦

Farmakopeya qo‘mitasi faoliyati: 2025 yil natijalari va tizimli o‘zgarishlar tahlili

2025 yilda Farmakopeya qo‘mitasining Ilmiy va ekspertlar kengashi faoliyati farmatsevtika bozorida sifat va normativ muvofiqlik ustuvorligini yanada kuchaytirdi. Mahalliy va xorijiy dori vositalarini davlat ro‘yxatidan o‘tkazish, guvohnomalar muddatini uzaytirish hamda hujjatlarni takomillashtirish bo‘yicha qayd etilgan sezilarli o‘sish ichki sanoat salohiyatini yaqqol namoyon etdi.

👉 Batafsil

Telegram | Facebook | Instagram | Youtube

🌍🌍🌍🌍🌍🌍🌍

Dori vositasini umumiy tartibda ro‘yxatdan o‘tkazish uchun qanday namunalar taqdim etiladi?

Vazirlar Mahkamasining 2025-yil 24-noyabrdagi VMQ-738-son qarori bilan tasdiqlangan dori vositalari va tibbiy jihozlarni davlat ro‘yxatidan o‘tkazishda yangilangan tartib yuzasidan Farmatsevtika mahsulotlari xavfsizligi markazi Ro'yxatdan o'tkazish bo'limi bosh mutaxassisi Madina Odilova tushuntirish berdi.

Telegram | Facebook | Instagram | Youtube

🔴 🟦🟦🟦

Klinik tadqiqotlar sohasiga bag'ishlangan trening o'tkaziladi

2026 yilning 23-27 fevral kunlari Farmatsevtika mahsulotlari xavfsizligi markazi USP bilan hamkorlikda hamda ICH ko‘magida "Klinik tadqiqotlarda shaffoflik, xavfsizlik va ilmiy qat’iylikni oshirishda xalqaro uyg‘unlashgan yondashuvlardan foydalanish" mavzusida seminar trening o'tkazishni rejalashtirmoqda.

Mazkur trening klinik tadqiqotlarni rejalashtirish, o‘tkazish va baholash jarayonlarida shaffoflikni ta’minlash, ishtirokchilar xavfsizligini kuchaytirish hamda ilmiy yondashuvlarning qat’iyligini oshirishga qaratilgan bo‘lib, unda xalqaro miqyosda e’tirof etilgan yondashuvlar va ilg‘or tajribalar muhokama qilinadi.

Trening doirasida klinik tadqiqotlar sifatini oshirishga qaratilgan ICH E5(R1), E6(R3), E8(R1), E17, E19 hamda M13A qo‘llanmalari atroflicha ko‘rib chiqilib, ularning amaliyotda qo‘llanishi yuzasidan tushuntirishlar beriladi.

Treningda faqat klinik tadqiqotlar homiylari, klinik bazalar, tadqiqot jarayonlarida ishtirok etuvchi tashkilotlar hamda soha mutaxassislari quyidagi havola orqali ro'yxatdan o'tgan holda ishtirok etishi mumkin.

📨 Ma'lumot uchun: pharmrelations@ssv.uz

Telegram | Facebook | Instagram | Youtube

🔴 🟦🟦🟦

“Dr. Reddy’s Laboratories Ltd” kompaniyasi tomonidan "Telsartan H" dori vositasining ayrim seriyasi muomaladan qaytarib olinmoqda

Farmatsevtika mahsulotlari xavfsizligi markazi “Dr. Reddy’s Laboratories Ltd” kompaniyasining O‘zbekiston Respublikasidagi vakolatxonasidan kelib tushgan rasmiy ma’lumotga asosan quyidagilarni ma’lum qiladi.

Ishlab chiqaruvchi tomonidan o‘tkazilgan sifat nazorati va barqarorlik sinovlari natijalariga ko‘ra, “Telsartan H 80 mg/12,5 mg" dori vositasining C2501976 seriyasida faol modda — gidroxlorotiazid miqdorining belgilangan me’yorlardan chetga chiqqanligi aniqlangan. Mazkur holat dori vositasining sifat ko‘rsatkichlariga oid nomuvofiqlik sifatida baholangan.

Ta'kidlash joiz, O‘zbekiston Respublikasi hududida muomalaga kiritilgan C2501977 seriyasi bo‘yicha faol modda miqdoriga oid bunday nomuvofiqlik qayd etilmagan.

Biroq ushbu seriya, nomuvofiqlik aniqlangan seriya bilan bir xil ishlab chiqarish lotiga mansub bo‘lgan faol moddadan ishlab chiqarilganligi sababli, dori vositalari muomalasi xavfsizligini ta’minlash hamda ehtimoliy xavflarning oldini olish maqsadida, profilaktik choralar doirasida bozordan qaytarib olinmoqda.

Shu munosabat bilan, yuqorida ko‘rsatilgan seriyadagi “Telsartan H 80 mg / 12,5 mg” preparatini sotib olgan fuqarolardan ushbu dori vositasini iste’mol qilmasliklari, agar u avvaldan mavjud bo‘lsa, undan foydalanmasliklari, shuningdek, zarurat tug‘ilganda davolovchi shifokor bilan maslahatlashgan holda muqobil dori vositasini tanlashlari so‘raladi.

Farmatsevtika mahsulotlari xavfsizligi markazi aholini dori vositalaridan foydalanishda doimo ehtiyotkorlikka rioya etishga, dori vositalarini shifokor tavsiyasisiz o‘zboshimchalik bilan qabul qilmaslikka hamda ular bilan bog‘liq har qanday axborotni faqat rasmiy va ishonchli manbalar orqali tekshirib olishga chaqiradi.

Shuningdek, dori vositalari muomalasiga oid ma’lumotlar yuzasidan asossiz xulosalar chiqarmaslik, turli norasmiy manbalarda tarqatilayotgan tasdiqlanmagan xabarlarga ishonmaslik tavsiya etiladi.

Telegram | Facebook | Instagram | Youtube

🟦🟦🟦

2025-yilda narkotik vositalar muomalasi ustidan nazorat qanday olib borildi?

O‘tgan yil davomida giyohvandlik vositalari, psixotrop moddalar va prekursorlar muomalasini tartibga solish sohasida muhim ko‘rsatkichlarga erishildi. Xususan, 108 ta sertifikat rasmiylashtirildi, 364 ta litsenziya elektron tizim orqali berildi, yuzdan ortiq litsenziya komissiyasi yig‘ilishlari o‘tkazildi. Shuningdek, respublika bo‘ylab tashkil etilgan profilaktik tadbirlar orqali 1700 nafardan ortiq mutaxassis qamrab olinib, ushbu yo‘nalishda qonuniylik va shaffoflikni ta’minlashga qaratilgan kompleks chora-tadbirlar amalda izchil amalga oshirilayotgani qayd etildi.

👉 Batafsil

Telegram | Facebook | Instagram | Youtube

🌍🌍🌍🌍🌍🌍🌍

Dori vositalarini davlat ro‘yxatidan o‘tkazishda GMP sertifikati ham talab etiladimi?

Vazirlar Mahkamasining 2025-yil 24-noyabrdagi VMQ-738-son qarori bilan tasdiqlangan dori vositalari va tibbiy jihozlarni davlat ro‘yxatidan o‘tkazishda yangilangan tartib yuzasidan Farmatsevtika mahsulotlari xavfsizligi markazi Ro'yxatdan o'tkazish bo'limi yetakchi mutaxassisi Dilafruz Yo'ldosheva tushuntirish berdi.

Telegram | Facebook | Instagram | Youtube

🟦🟦🟦🟦

Xabar berganimizdek, Sog‘liqni saqlash vazirligi huzuridagi “Farmatsevtika mahsulotlari xavfsizligi markazi” davlat muassasasining Menejment tizimlarini sertifikatlashtirish organi belgilangan tartibda akkreditatsiyadan o‘tgan bo‘lib, O‘zMSt ISO 13485:2025 standarti bo‘yicha sifat menejmenti tizimlarini sertifikatlashtirish faoliyatini amalga oshirib kelmoqda.

Mazkur faoliyat doirasida sertifikatlashtirish jarayonlarini raqamlashtirish va ariza beruvchilar uchun qulaylik yaratish maqsadida smk.tris.uz milliy axborot tizimi joriy etilib, shu yilning 1-yanvaridan to‘liq ishga tushirildi.

Shu munosabat bilan, yangi axborot tizimi orqali sertifikatlashtirish uchun ariza topshirish tartibini tushuntirish hamda hujjatlarni elektron shaklda to‘g‘ri rasmiylashtirishga ko‘maklashish maqsadida video qo‘llanma tayyorlandi.

Unda smk.tris.uz tizimidan foydalanish, ariza beruvchi haqidagi ma’lumotlarni kiritish, O‘zMSt ISO 13485:2025 standartini tanlash va zarur hujjatlarni yuklash tartibi ko'rsatib o'tilgan.

Telegram | Facebook | Instagram | Youtube

🟦🟦🟦

Mamlakatimizda farmatsevtika mahsulotlarini sertifikatlashtirishda yangi talablar joriy etilmoqda

O‘zbekiston Respublikasi Sog‘liqni saqlash vazirining tegishli buyrug‘i bilan farmatsevtika mahsulotlarini sertifikatlashtirish qoidalariga bir qator muhim o‘zgartirish va qo‘shimchalar kiritilmoqda. Xususan, dori vositalari va tibbiy jihozlar tushunchalarining aniqlashtirilishi, sertifikatlashtirish jarayonlarining elektron tizim orqali rasmiylashtirilishi, shuningdek, GMP va ISO 13485 standartlari bo‘yicha bosqichma-bosqich majburiy talablarning joriy etilishi sohada tartib-taomillarni yanada aniq, shaffof va xalqaro talablarga mos holga keltirishga qaratilgan.

👉 Batafsil

Telegram | Facebook | Instagram | Youtube

🟦🟦🟦

Tibbiy jihozlar yo‘nalishida ekspertiza salohiyati va xalqaro hamkorlik kengaymoqda

O'tgan 2025-yilda Yangi tibbiy texnika qo‘mitasi tomonidan tibbiy jihozlarni tartibga solish yo‘nalishida qator muhim ishlar amalga oshirildi. Xususan, yil davomida Ekspertlar kengashiga 1833 ta mahsulot taqdim etilib, ular bo‘yicha tegishli ekspert xulosalari tayyorlandi, shuningdek, xalqaro hamkorlik doirasida O‘zbekistonning IMDRFga rasmiy a’zo sifatida qabul qilinishi sohada ekspertiza salohiyati va xalqaro integratsiya kuchayib borayotganidan dalolat beradi.

👉 Batafsil

Telegram | Facebook | Instagram | Youtube

🟦🟦🟦🟦

8-yanvar — O‘zbekiston Respublikasi prokuratura organlari xodimlari kuni

Hurmatli prokuratura organlari xodimlari va soha faxriylari! Farmatsevtika mahsulotlari xavfsizligi markazi jamoasi Sizlarni kasb bayramingiz — O‘zbekiston Respublikasi prokuratura organlari xodimlari kuni bilan samimiy tabriklaydi.

Qonun ustuvorligini ta’minlash, inson huquq va erkinliklarini himoya qilish, jamiyatda adolat va qonuniylikni qaror toptirish yo‘lidagi mas’uliyatli va sharafli faoliyatingiz yuksak e’tirofga loyiq. Sizlarning fidokorona mehnatingiz davlat va jamiyat taraqqiyoti, tinchlik va barqarorlikni ta’minlashda muhim o‘rin tutadi.

Ushbu sana munosabati bilan sizlarga mustahkam sog‘liq, oilaviy baxt-saodat, mas’uliyatli faoliyatingizda ulkan yutuqlar va doimiy muvaffaqiyatlar tilaymiz.

Telegram | Facebook | Instagram | Youtube

🟦🟦🟦

Tibbiy jihozlarning klinik tadqiqotlarini o‘tkazish tartibi tasdiqlandi

Sog‘liqni saqlash vazirining tegishli buyrug‘i bilan tibbiy jihozlarning klinik tadqiqotlarini o‘tkazish tartibi tasdiqlandi. Unga muvofiq tibbiy jihozlarni davlat ro‘yxatidan o‘tkazishda klinik tadqiqotlar majburiy ilmiy baholash bosqichi sifatida belgilandi. Yangi yondashuv bemorlar salomatligini himoya qilish, klinik jarayonlar shaffofligini oshirish hamda ishlab chiqaruvchilar va importyorlar mas’uliyatini kuchaytirishga qaratilgan.

👉 Batafsil

Telegram | Facebook | Instagram | Youtube

🟦🟦🟦

Farmatsevtik preparatlarga qo‘yiladigan texnik talablarni xalqaro standartlarga moslashtirish bo‘yicha kompleks chora-tadbirlar belgilandi

Sog‘liqni saqlash vazirining tegishli buyrug‘i bilan farmatsevtik preparatlar hamda tibbiy jihozlarga qo‘yiladigan texnik talablarni yetakchi xalqaro standartlarga moslashtirish bo‘yicha kompleks chora-tadbirlar belgilandi. Mazkur hujjat O‘zbekiston Respublikasi Prezidentining 2025-yil 19-avgustdagi PF–137-son Farmonida belgilangan vazifalar ijrosini ta’minlashga qaratilgan bo‘lib, milliy sog‘liqni saqlash tizimini global regulyator makoniga integratsiya qilishda muhim ahamiyat kasb etadi.

👉 Batafsil

Telegram | Facebook | Instagram | Youtube

🌍🌍🌍🌍🌍🌍🌍

Dori vositalari tan olish yo‘li bilan davlat ro‘yxatdan o‘tkazish qanday amalga oshiriladi?

Vazirlar Mahkamasining 2025-yil 24-noyabrdagi VMQ-738-son qarori bilan tasdiqlangan dori vositalari va tibbiy jihozlarni davlat ro‘yxatidan o‘tkazishda yangilangan tartib yuzasidan Farmatsevtika mahsulotlari xavfsizligi markazi Ro'yxatdan o'tkazish bo'limi mutaxassisi Mohira Yusupova tushuntirish berdi.

Telegram | Facebook | Instagram | Youtube

🟦🟦🟦

O'zbekistonda farmakologik vositalar hamda dori vositalarining klinik tadqiqotlarini o‘tkazish tartibi tasdiqlandi

Sog‘liqni saqlash vazirining tegishli buyrug‘i bilan Farmakologik vositalar hamda dori vositalarining klinik tadqiqotlarini o‘tkazish tartibi tasdiqlandi. Mazkur hujjat asosida soha yo‘nalishda yagona, aniq va xalqaro talablarga mos huquqiy mexanizm joriy etiladi.

👉 Batafsil

Telegram | Facebook | Instagram | Youtube

🟦🟦🟦

Farmakopeya maqolalarini ishlab chiqish va Davlat farmakopeyasiga kiritish tartibi belgilandi

Sog'liqni saqlash vazirning tegishli buyrug'i bilan, dori vositalari va tibbiy jihozlar sifatini baholashda yagona yondashuv joriy etilmoqda. O‘zbekistonda umumiy farmakopeya maqolalari va farmakopeya maqolalarini ishlab chiqish, ekspertizadan o‘tkazish hamda Davlat farmakopeyasiga kiritishning aniq va yagona tartibi belgilandi. Makur nizom dori vositalarini standartlashtirish jarayonlarini xalqaro talablar va zamonaviy ilmiy yondashuvlar bilan uyg‘unlashtirishga qaratilgan.

👉 Batafsil

Telegram | Facebook | Instagram | Youtube

⭕️⭕️⭕️

“NISHAN PHARM BUSINESS” MCHJga qarashli dorixona litsenziyasi bekor qilindi

Toshkent tumanlararo iqtisodiy sudi qaroriga asosan “NISHAN PHARM BUSINESS” MCHJga qarashli dorixonaga dori vositalari va tibbiy buyumlarni chakana realizatsiya qilish faoliyati uchun berilgan litsenziya bekor qilindi.

👉 Batafsil

Telegram | Facebook | Instagram | Youtube

🟦🟦🟦

“Ekustim” dori vositasini standartlashtirish bo‘yicha ilmiy tadqiqot yakuniy bosqichda

Farmatsevtika mahsulotlari xavfsizligi markazi tomonidan mahalliy dori vositalarining sifati va xavfsizligini ta’minlashga qaratilgan ilmiy-tadqiqot ishlari izchil davom ettirilmoqda. Markazga bazaviy tashkilot sifatida belgilangan navbatdagi ilmiy ish doirasida “Ekustim” dori vositasini standartlashtirish hamda uning sifatini nazorat qilish usullarini ishlab chiqishga bag‘ishlangan dissertatsiya ishi taqdim etildi.

👉 Batafsil

Telegram | Facebook | Instagram | Youtube