🔴 🟦🟦🟦

Farmatsevtika mahsulotlari xavfsizligi markazi ogohlantiradi: GPP sertifikatiga ega bo‘lmagan dorixonalar diqqatiga!

O‘zbekiston Respublikasi Рrеzidеntining 2024-yil 23-yanvardagi “Farmatsevtika sohasini tartibga solish bo‘yicha qo‘shimcha сhога-tadbirlаr to‘g‘risida” PF-20-son Fаrmоnining 2-ilovasi 4-bandi “v”-kichik bandiga muvofiq, 2025 yil 1 yanvarga qadar — farmatsevtika mahsulotlarini chakana sotish bilan shug‘ullanuvchi tarmoqli dorixonalar, 2026 yil 1 yanvarga qadar — boshqa dorixonalar Zarur farmatsevtika amaliyoti (GPP) milliy talablariga muvofiq majburiy sertifikatlashtirilishi belgilangan.

Shunga kо‘rа, mаzkur tаlablarlаr O‘zbekiston Respublikasi Vаzirlаr Mahkamasining 2022-yil 21-fevraldagi 80-son qаrоri bilаn tasdiqlangan “Maxsus elektron tizim оrqаli ауrim faoliyat turlаrini litsenziyalash tartibi to‘g‘risida”gi yagona nizomga kiritilgan va bugungi kunda Nizomning 29-ilovasi 9-bandiga muvofiq “Zarur farmatsevtika (dоriхоnа) amaliyoti (GPP)” davlat standarti talablariga muvofiq bo‘lish va rioya etish litsenziya talab va shartlaridan biri hisoblanadi.

Mazkur talablarni qonunchilik hujjati bilan belgilangan muddatda bajarilmagan taqdirda lisenziyatlarga nisbatan yuqorida qayd etilgan ta’sir choralari ko‘rilishi haqida litsenziyalovchi organ OGOHLANTIRADI.

👉 Batafsil

Telegram | Facebook | Instagram | Youtube

🟦🟦🟦

Prezident topshrig’i bilan O‘zbekistonda 8 mingdan ortiq yetim bolalarga 500 dollarlik omonatlar ochildi

Prezident topshrig’i bilan bu yil o‘tkazilgan “Prezident archasi” doirasida an’anaviy yangi yil sovg‘alariga qo‘shimcha ravishda, bolalar uchun omonat depozit hisob raqamlarini ochish to‘g‘risida qaror qabul qilindi — bu ularning ertangi kuni uchun kichik, ammo muhim qadamdir.

👉 Batafsil

Telegram | Facebook | Instagram | Youtube

🟦🟦🟦

Dori vositalari sifatini ta’minlash bo‘yicha laboratoriya ishlari tahlil qilindi

2025 yil davomida Dori vositalarini sifatini nazorat qilish va standartlashtirish laboratoriyasi tomonidan jami 6 367 ta sinov bayonnomasi rasmiylashtirildi. Mazkur ko‘rsatkich laboratoriya yuklamasining yuqoriligini, dori vositalari muomalasining barcha bosqichlarida sifat nazoratiga bo‘lgan talab keskin oshganini ko‘rsatadi.

👉 Batafsil

Telegram | Facebook | Instagram | Youtube

🟦🟦🟦

Farmako-toksikologik tahlil laboratoriyasi foliyati sarhisob qilindi

Farmako-toksikologik tahlil laboratoriyasida olib borilayotgan sinovlar zamonaviy ilmiy yondashuvlar asosida tashkil etilib, ularning natijalari yuqori darajadagi ishonchlilik bilan ajralib turdi. Xususan, laboratoriya O‘zDSt 2762:2018 — “Zarur laboratoriya amaliyoti (GLP)” standarti talablariga muvofiqligi bo‘yicha o‘tkazilgan inspeksiyadan muvaffaqiyatli o‘tib, amalga oshirilayotgan farmako-toksikologik sinovlarning xalqaro talablarga mosligi va natijalarning ishonchliligini tasdiqladi.

👉 Batafsil

Telegram | Facebook | Instagram | Youtube

🟦🟦🟦

Vaksinalar, zardob preparatlari va mikrobiologik tahlil laboratoriyasi tomonidan olib borilgan ishlar sarhisobi

Hisobot davrida Vaksinalar, zardob preparatlari va mikrobiologik tahlil laboratoriyasi faoliyati nafaqat sinovlar soni, balki ularning qamrovi va yo‘nalishlari bilan ham ahamiyatli bo‘ldi. Mahalliy va xorijiy ishlab chiqaruvchilar tomonidan taqdim etilgan dori vositalari va tibbiy jihozlar bo‘yicha 4 100 ta normativ hujjat ekspertizadan o‘tkazilib, 5 600 ta laboratoriya sinovlari amalga oshirildi.

👉 Batafsil

Telegram | Facebook | Instagram | Youtube

🟦🟦🟦

Tibbiy jihozlar sifatini nazorat qilish yo'nalishida amalga oshirilgan ishlar sarhisobi

Sog‘liqni saqlash tizimida tibbiy buyumlar va tibbiy texnikaning sifati hamda xavfsizligi — bu faqat texnik jarayon emas, balki bevosita inson hayoti va tibbiy xizmat sifati bilan bog‘liq strategik yo‘nalishdir. Shu nuqtayi nazardan, 2025 yil Tibbiy buyumlar va tibbiy texnika sifatini nazorat qilish laboratoriyasi faoliyatida tizimli yondashuv, yuqori mas’uliyat va aniq natijalar bilan yodda qoldi.

👉 Batafsil

Telegram | Facebook | Instagram | Youtube

🟦🟦🟦

Yakunlanayotgan 2025-yil Farmatsevtika mahsulotlari xavfsizligi markazi uchun oddiy hisobotlar yili emas, balki tizimli o‘zgarishlar, aniq raqamlar va real natijalar yili bo‘ldi.

2025-yil — yo‘lning oxiri emas, balki yanada ulkan maqsadlar sari boshlanayotgan yangi bosqichdir. Ortda aniq natijalar, oldinda esa katta mas’uliyat va yuksak maqsadlar bor.

😎 Farmatsevtika mahsulotlari
xavfsizligi markazi Matbuot xizmati

Telegram | Facebook | Instagram | Youtube

🎄🔔🔤🔤🔤🔤🔤🔤

Hurmatli hamkasblar, aziz jamoamiz aʼzolari!

Yana bir mazmunli, masʼuliyatli va samarali yil — 2025 yil ham o‘z yakuniga yetmoqda. Yangi yil ostonasida turib, avvalo, har biringizni ushbu yil davomida ko‘rsatgan fidokorona mehnatingiz, kasbiy sadoqatingiz va yuksak masʼuliyatingiz uchun samimiy minnatdorlik bilan tabriklayman.

2025 yil Markazimiz faoliyatida sifat jihatidan yangi bosqich bo‘ldi. Dori vositalari va tibbiy jihozlar muomalasida xavfsizlikni taʼminlash, davlat nazoratini kuchaytirish, raqamlashtirish, xalqaro standartlar bilan uyg‘unlashuv va ochiqlikni taʼminlash borasida keng ko‘lamli ishlar amalga oshirildi. Eng muhimi, bu natijalar ortida raqamlar emas, balki ahil jamoa, aniq maqsad va sermahsul mehnat turibdi.

Yakunlanayotgan yil davomida farmatsevtika mahsulotlari muomalasini tartibga solish va nazorat qilish, xususan, davlat ro‘yxatidan o‘tkazish, litsenziyalash, sertifikatlashtirish, farmakologik va postmarketing nazorati, raqamli markirovkalash hamda laboratoriya sinovlari tizimi izchil takomillashtirildi. Shu bilan birga, Markaz faoliyatiga ISO 9001 xalqaro sifat menejmenti tizimining joriy etilishi boshqaruv jarayonlarining shaffofligi va samaradorligini oshirdi.

Ayniqsa, raqamlashtirish sohasida amalga oshirilgan islohotlar — elektron retsept, “DARMON” axborot tizimi, litsenziyalash va nazorat jarayonlarining to‘liq elektron shaklga o‘tkazilishi Markaz faoliyatini yangi sifat darajasiga olib chiqdi.

Jahon xalqaro maydonida esa Markazning institutsional nufuzi mustahkamlanib, yetakchi regulyator tuzilmalar bilan hamkorlik yangi bosqichga ko‘tarildi. Bu yutuqlarning barchasi — har bir bo‘lim, har bir mutaxassisning halol va vijdonan mehnati samarasidir. Shu bois, sizlarni Markazning eng katta boyligi, deb bilaman.

Albatta, oldimizda yangi vazifalar, yangi marralar turibdi. 2026 yil bizdan yana-da yuqori masʼuliyat, tashabbuskorlik va zamonaviy yondashuvlarni talab qiladi. Ishonchim komilki, bugun shakllangan kuchli jamoa bilan biz oldimizga qo‘yilgan barcha maqsadlarga albatta yetamiz.

Yangi yil barchangiz uchun sog‘lik, oilaviy farovonlik, xotirjamlik va yangi kasbiy yutuqlar olib kelsin. Markazimiz ravnaqi, yurtimiz aholisi salomatligi yo‘lida birgalikda, bir maqsad sari ishlashda davom etamiz.

Yangi yilning qadami qutlug‘ kelsin!

Alisher Temirov,
Farmatsevtika mahsulotlari
xavfsizligi markazi direktori

Telegram | Facebook | Instagram | Youtube

🟦🟦🟦

Farmakonazorat yo'nalishida amalga oshirilgan ishlar sarhisob qilindi

2025-yil davomida dori vositalarining noxush ta’sirlari bo‘yicha CIOMS va PSUR hisobotlari, elektron hujjat aylanishi tizimi orqali kelib tushgan ma’lumotlar, tibbiyot muassasalari va dorixonalardan olingan xabarnomalar muntazam tahlil qilinib, xavf signallarini erta aniqlashga qaratilgan monitoring yo‘lga qo‘yildi.

👉 Batafsil

Telegram | Facebook | Instagram | Youtube

🟦🟦🟦

Farmatsevtika faoliyatini litsenziyalash va nazorat qilishdagi ishlar sarhisob qilindi

2025-yil davomida farmatsevtika faoliyatini litsenziyalash jarayonlarini raqamlashtirishga alohida e’tibor qaratildi. license.gov.uz axborot tizimi orqali jami 8500 dan ortiq ariza ko‘rib chiqildi. Ushbu ko‘rsatkich 2024 yilga nisbatan bir necha barobarga oshib, sohada faoliyat yurituvchi subyektlar soni va faolligi ortib borayotganini ko'rsatmoqda.

👉 Batafsil

Telegram | Facebook | Instagram | Youtube

🔴 🟦🟦🟦

Farmatsevtika mahsulotlari xavfsizligi markazi ogohlantiradi: GPP sertifikatiga ega bo‘lmagan dorixonalar diqqatiga!

O‘zbekiston Respublikasi Рrеzidеntining 2024-yil 23-yanvardagi “Farmatsevtika sohasini tartibga solish bo‘yicha qo‘shimcha сhога-tadbirlаr to‘g‘risida” PF-20-son Fаrmоnining 2-ilovasi 4-bandi “v”-kichik bandiga muvofiq, 2025 yil 1 yanvarga qadar — farmatsevtika mahsulotlarini chakana sotish bilan shug‘ullanuvchi tarmoqli dorixonalar, 2026 yil 1 yanvarga qadar — boshqa dorixonalar Zarur farmatsevtika amaliyoti (GPP) milliy talablariga muvofiq majburiy sertifikatlashtirilishi belgilangan.

Shunga kо‘rа, mаzkur tаlablarlаr O‘zbekiston Respublikasi Vаzirlаr Mahkamasining 2022-yil 21-fevraldagi 80-son qаrоri bilаn tasdiqlangan “Maxsus elektron tizim оrqаli ауrim faoliyat turlаrini litsenziyalash tartibi to‘g‘risida”gi yagona nizomga kiritilgan va bugungi kunda Nizomning 29-ilovasi 9-bandiga muvofiq “Zarur farmatsevtika (dоriхоnа) amaliyoti (GPP)” davlat standarti talablariga muvofiq bo‘lish va rioya etish litsenziya talab va shartlaridan biri hisoblanadi.

Mazkur talablarni qonunchilik hujjati bilan belgilangan muddatda bajarilmagan taqdirda lisenziyatlarga nisbatan yuqorida qayd etilgan ta’sir choralari ko‘rilishi haqida litsenziyalovchi organ OGOHLANTIRADI.

👉 Batafsil

Telegram | Facebook | Instagram | Youtube

🟦🟦🟦

Farmakopeya qo‘mitasi faoliyati: 2025 yil natijalari va tizimli o‘zgarishlar tahlili

2025 yilda Farmakopeya qo‘mitasining Ilmiy va ekspertlar kengashi faoliyati farmatsevtika bozorida sifat va normativ muvofiqlik ustuvorligini yanada kuchaytirdi. Mahalliy va xorijiy dori vositalarini davlat ro‘yxatidan o‘tkazish, guvohnomalar muddatini uzaytirish hamda hujjatlarni takomillashtirish bo‘yicha qayd etilgan sezilarli o‘sish ichki sanoat salohiyatini yaqqol namoyon etdi.

👉 Batafsil

Telegram | Facebook | Instagram | Youtube

🌍🌍🌍🌍🌍🌍🌍

Dori vositasini umumiy tartibda ro‘yxatdan o‘tkazish uchun qanday namunalar taqdim etiladi?

Vazirlar Mahkamasining 2025-yil 24-noyabrdagi VMQ-738-son qarori bilan tasdiqlangan dori vositalari va tibbiy jihozlarni davlat ro‘yxatidan o‘tkazishda yangilangan tartib yuzasidan Farmatsevtika mahsulotlari xavfsizligi markazi Ro'yxatdan o'tkazish bo'limi bosh mutaxassisi Madina Odilova tushuntirish berdi.

Telegram | Facebook | Instagram | Youtube

🔴 🟦🟦🟦

Klinik tadqiqotlar sohasiga bag'ishlangan trening o'tkaziladi

2026 yilning 23-27 fevral kunlari Farmatsevtika mahsulotlari xavfsizligi markazi USP bilan hamkorlikda hamda ICH ko‘magida "Klinik tadqiqotlarda shaffoflik, xavfsizlik va ilmiy qat’iylikni oshirishda xalqaro uyg‘unlashgan yondashuvlardan foydalanish" mavzusida seminar trening o'tkazishni rejalashtirmoqda.

Mazkur trening klinik tadqiqotlarni rejalashtirish, o‘tkazish va baholash jarayonlarida shaffoflikni ta’minlash, ishtirokchilar xavfsizligini kuchaytirish hamda ilmiy yondashuvlarning qat’iyligini oshirishga qaratilgan bo‘lib, unda xalqaro miqyosda e’tirof etilgan yondashuvlar va ilg‘or tajribalar muhokama qilinadi.

Trening doirasida klinik tadqiqotlar sifatini oshirishga qaratilgan ICH E5(R1), E6(R3), E8(R1), E17, E19 hamda M13A qo‘llanmalari atroflicha ko‘rib chiqilib, ularning amaliyotda qo‘llanishi yuzasidan tushuntirishlar beriladi.

Treningda faqat klinik tadqiqotlar homiylari, klinik bazalar, tadqiqot jarayonlarida ishtirok etuvchi tashkilotlar hamda soha mutaxassislari quyidagi havola orqali ro'yxatdan o'tgan holda ishtirok etishi mumkin.

📨 Ma'lumot uchun: pharmrelations@ssv.uz

Telegram | Facebook | Instagram | Youtube

🔴 🟦🟦🟦

“Dr. Reddy’s Laboratories Ltd” kompaniyasi tomonidan "Telsartan H" dori vositasining ayrim seriyasi muomaladan qaytarib olinmoqda

Farmatsevtika mahsulotlari xavfsizligi markazi “Dr. Reddy’s Laboratories Ltd” kompaniyasining O‘zbekiston Respublikasidagi vakolatxonasidan kelib tushgan rasmiy ma’lumotga asosan quyidagilarni ma’lum qiladi.

Ishlab chiqaruvchi tomonidan o‘tkazilgan sifat nazorati va barqarorlik sinovlari natijalariga ko‘ra, “Telsartan H 80 mg/12,5 mg" dori vositasining C2501976 seriyasida faol modda — gidroxlorotiazid miqdorining belgilangan me’yorlardan chetga chiqqanligi aniqlangan. Mazkur holat dori vositasining sifat ko‘rsatkichlariga oid nomuvofiqlik sifatida baholangan.

Ta'kidlash joiz, O‘zbekiston Respublikasi hududida muomalaga kiritilgan C2501977 seriyasi bo‘yicha faol modda miqdoriga oid bunday nomuvofiqlik qayd etilmagan.

Biroq ushbu seriya, nomuvofiqlik aniqlangan seriya bilan bir xil ishlab chiqarish lotiga mansub bo‘lgan faol moddadan ishlab chiqarilganligi sababli, dori vositalari muomalasi xavfsizligini ta’minlash hamda ehtimoliy xavflarning oldini olish maqsadida, profilaktik choralar doirasida bozordan qaytarib olinmoqda.

Shu munosabat bilan, yuqorida ko‘rsatilgan seriyadagi “Telsartan H 80 mg / 12,5 mg” preparatini sotib olgan fuqarolardan ushbu dori vositasini iste’mol qilmasliklari, agar u avvaldan mavjud bo‘lsa, undan foydalanmasliklari, shuningdek, zarurat tug‘ilganda davolovchi shifokor bilan maslahatlashgan holda muqobil dori vositasini tanlashlari so‘raladi.

Farmatsevtika mahsulotlari xavfsizligi markazi aholini dori vositalaridan foydalanishda doimo ehtiyotkorlikka rioya etishga, dori vositalarini shifokor tavsiyasisiz o‘zboshimchalik bilan qabul qilmaslikka hamda ular bilan bog‘liq har qanday axborotni faqat rasmiy va ishonchli manbalar orqali tekshirib olishga chaqiradi.

Shuningdek, dori vositalari muomalasiga oid ma’lumotlar yuzasidan asossiz xulosalar chiqarmaslik, turli norasmiy manbalarda tarqatilayotgan tasdiqlanmagan xabarlarga ishonmaslik tavsiya etiladi.

Telegram | Facebook | Instagram | Youtube

🟦🟦🟦

2025-yilda narkotik vositalar muomalasi ustidan nazorat qanday olib borildi?

O‘tgan yil davomida giyohvandlik vositalari, psixotrop moddalar va prekursorlar muomalasini tartibga solish sohasida muhim ko‘rsatkichlarga erishildi. Xususan, 108 ta sertifikat rasmiylashtirildi, 364 ta litsenziya elektron tizim orqali berildi, yuzdan ortiq litsenziya komissiyasi yig‘ilishlari o‘tkazildi. Shuningdek, respublika bo‘ylab tashkil etilgan profilaktik tadbirlar orqali 1700 nafardan ortiq mutaxassis qamrab olinib, ushbu yo‘nalishda qonuniylik va shaffoflikni ta’minlashga qaratilgan kompleks chora-tadbirlar amalda izchil amalga oshirilayotgani qayd etildi.

👉 Batafsil

Telegram | Facebook | Instagram | Youtube

🌍🌍🌍🌍🌍🌍🌍

Dori vositalarini davlat ro‘yxatidan o‘tkazishda GMP sertifikati ham talab etiladimi?

Vazirlar Mahkamasining 2025-yil 24-noyabrdagi VMQ-738-son qarori bilan tasdiqlangan dori vositalari va tibbiy jihozlarni davlat ro‘yxatidan o‘tkazishda yangilangan tartib yuzasidan Farmatsevtika mahsulotlari xavfsizligi markazi Ro'yxatdan o'tkazish bo'limi yetakchi mutaxassisi Dilafruz Yo'ldosheva tushuntirish berdi.

Telegram | Facebook | Instagram | Youtube

🟦🟦🟦🟦

Xabar berganimizdek, Sog‘liqni saqlash vazirligi huzuridagi “Farmatsevtika mahsulotlari xavfsizligi markazi” davlat muassasasining Menejment tizimlarini sertifikatlashtirish organi belgilangan tartibda akkreditatsiyadan o‘tgan bo‘lib, O‘zMSt ISO 13485:2025 standarti bo‘yicha sifat menejmenti tizimlarini sertifikatlashtirish faoliyatini amalga oshirib kelmoqda.

Mazkur faoliyat doirasida sertifikatlashtirish jarayonlarini raqamlashtirish va ariza beruvchilar uchun qulaylik yaratish maqsadida smk.tris.uz milliy axborot tizimi joriy etilib, shu yilning 1-yanvaridan to‘liq ishga tushirildi.

Shu munosabat bilan, yangi axborot tizimi orqali sertifikatlashtirish uchun ariza topshirish tartibini tushuntirish hamda hujjatlarni elektron shaklda to‘g‘ri rasmiylashtirishga ko‘maklashish maqsadida video qo‘llanma tayyorlandi.

Unda smk.tris.uz tizimidan foydalanish, ariza beruvchi haqidagi ma’lumotlarni kiritish, O‘zMSt ISO 13485:2025 standartini tanlash va zarur hujjatlarni yuklash tartibi ko'rsatib o'tilgan.

Telegram | Facebook | Instagram | Youtube