🟦🟦🟦🟦

Reseptsiz beriladigan dori vositalari haqida qayerdan ma’lumot olsa bo‘ladi?

"Dori vositalari va farmasevtika faoliyati to‘g‘risida"gi qonunga muvofiq, reseptsiz beriladigan dori vositalari to‘g‘risidagi axborot dori vositalarining tibbiyotda qo‘llanilishiga doir yo‘riqnomalarda, shuningdek, Tibbiyot amaliyotida qo‘llanilishiga ruxsat etilgan dori vositalari, tibbiy buyumlar va tibbiy texnika davlat reestrida ko‘rsatiladi.

Reseptsiz beriladigan dori vositalari to‘g‘risidagi axborot ommaviy axborot vositalarida va ixtisoslashtirilgan bosma nashrlarda ham berilishi mumkin.

👍 Hozirga kunda 1846 turdagi reseptsiz beriladigan dori vositalari davlat ro‘yxatidan o‘tgan bo‘lib, yuqoridagi jadvalda tibbiyot amaliyotida eng ko‘p qo‘llanilayotganlari bilan tanishishingiz mumkin.

Telegram | Facebook | Instagram | Youtube

❔ Bugungi kunda “Elektron retsept” tizimiga nechta tibbiyot tashkiloti va dorixona ulangan?

Javob: Toshkent shahar sog‘liqni saqlash bosh boshqarmasiga qarashli jami 152 ta davlat tibbiyot tashkiloti va 1 496 ta dorixonaning barchasi to‘liq “Elektron retsept” tizimiga ulangan. Hozircha poytaxtdagi mavjud 1 945 ta xususiy tibbiyot tashkilotidan 796 tasi (41 foiz) ushbu tizimga integratsiya qilingan.

Tajriba-sinov loyihasi amalga oshirilayotgan 15 ta hududda (Asaka, G‘ijduvon, G‘allaorol, Chortoq, Kitob, Xatirchi, Denov, Bulung‘ur, Ishtixon, Shovot, Chimboy, Quva, Sirdaryo tumanlari hamda Yangiyo‘l, Samarqand shaharlari) jami 383 ta davlat tibbiyot tashkiloti va 1 319 ta dorixonaning barchasi, mavjud 858 ta xususiy tibbiyot tashkilotidan 547 tasi (64 foiz) ushbu tizimga ulangan.

Mazkur hududlardagi qolgan xususiy klinikalar esa retsept yozilmasligi, faoliyati to‘xtatilganligi kabi sabablar bilan tizimga ulanmagan.

Sog'liqni saqlash vazirligi ishchi guruhi

Telegram | Facebook | Instagram | Youtube

❔ Yangi tizim joriy qilingan hududlardagi tizimga ulanmagan xususiy klinikaga murojaat qilgan bemor retseptni qanday oladi?

Javob: Bu holatda bemorlar o‘zi biriktirilgan oilaviy poliklinika va oilaviy shifokorga yoki shoshilinch tibbiyot muassasalariga murojaat qilishlari mumkin.

Sog'liqni saqlash vazirligi ishchi guruhi

Telegram | Facebook | Instagram | Youtube

❔ Hozir retseptli dorilarning necha foizi elektron shaklda beriladi?

Javob: Bugungi kunda retseptli dorilarning 98,9 foizi elektron shaklda beriladi. 1,1 foizi, yaʼni alohida toifadagi kuchli taʼsir qiluvchi moddalar, tarkibida giyohvandlik vositalari va psixotrop moddalar saqlovchi dori vositalari anʼanaviy shaklda (maxsus retsept blanka) beriladi.

Sog'liqni saqlash vazirligi ishchi guruhi

Telegram | Facebook | Instagram | Youtube

❔ Yangi tizim joriy qilingan hududlardagi hamma shifokorlar retsept yozish uchun zarur uskunalar bilan taʼminlanganmi?

Javob: Toshkent shahar va tajriba-sinov loyihasi joriy qilinayotgan 15 ta tuman va shahardagi davlat tibbiyot muassasalari retsept yozish uchun zarur bo‘lgan 9 turdagi uskunalar — axborot-kommunikatsiya texnologiyalari (monoblok, planshet, chek-printer va tarmoq qurilmalari) bilan taʼminlangan.

👍 “Tibbiyot tashkilotlarida retsept bilan beriladigan dori vositalarini elektron retsept asosida tayinlash tartibi to‘g‘risida”gi Nizom tibbiyot muassasalari takliflari asosida, shifokorlardan iborat Ishchi guruh tomonidan ishlab chiqilgan.

Sog'liqni saqlash vazirligi ishchi guruhi

Telegram | Facebook | Instagram | Youtube

❔ Retsept bilan sotiladigan dori vositalari ro‘yxati qanchalik to‘g‘ri shakllantirilgan?

Javob: Dori vositalarini retsept bilan yoki retseptsiz berilish tartibini belgilash ularni davlat ro‘yxatidan o‘tkazish davrida aniqlanib, tegishli yo‘nalishdagi shifokor mutaxassislar tomonidan xulosalar rasmiylashtirib tasdiqlanadi.

Bunda:

👍 original dori vositasining qanday tartibda berilishi tasdiqlanganligiga;
👍 ushbu dori vositasi ishlab chiqaruvchi davlatning tartibga soluvchi davlat organi tomonidan qanday tartibda tibbiyot amaliyotida qo‘llashga ruxsat berilganligiga;
👍 uning faol moddasining dozasi, dori shakli va qo‘llanish usuli hamda qadoqdagi soniga ham bog‘liq.

Shuni taʼkidlash joizki, faol moddalar, xususan, Paratsetamol, Ibuprofen saqlagan kombinirlangan dorilar retsept bilan tibbiyot amaliyotida qo‘llanilishi mumkin. Chunki ushbu dori moddalarning boshqa faol moddalar bilan kombinatsiyalari farmakologik xossalarini kuchaytirishi, nojo‘ya taʼsirlarni keltirib chiqarishi mumkin.

Masalan:

👍 Askorbin kislotasi tabletka va draje (dumaloq) shaklida retseptsiz beriladiganlar qatoriga kirsa, uning inyeksion dori shakli esa retsept bilan beriladiganlar qatoriga kiradi.

👍 Paratsetamol yoki Ibuprofen tabletkalari, yosh bolalar uchun ularni saqlagan suspenziyalar, siroplar, bel va bo‘g‘imlardagi og‘riqlarda ishlatiladagan surtmalar va gellar retseptsiz beriladigan dorilar qatoriga kiradi.

Biroq, 500 mg. dan ortiq Paratsetamol, Ibuprofen saqlovchi majmuaviy dorilar retsept bilan sotiladi.

Sog'liqni saqlash vazirligi ishchi guruhi

Telegram | Facebook | Instagram | Youtube

❔ Toshkent shahridagi ayrim dorixonalarda retseptsiz sotiladigan dorilarni sotib olishning imkoni bo‘lmayapti...

Javob: Bu noto‘g‘ri. Chunki retseptsiz sotiladigan dorilar toifasiga shamollashga qarshi, isitmani tushirish uchun, nazal spreylar, shamollash tufayli tanadagi og‘riqlarni bartaraf etish uchun ichadigan bir komponentli dorilar, yosh bolalar uchun Paratsetamol yoki Ibuprofen saqlagan suspenziyalar, siroplar, bel va bo‘g‘imlardagi og‘riqlarda ishlatiladagan surtmalar va gellar kiradi. Bundan tashqari, allergiyaga qarshi, ich ketishida va qabziyatda qo‘llaniladigan dorilar ham retseptsiz sotiladi.

Dorixonalardagi dorilarni retseptli yoki retseptsiz berilishi ularning qadog‘i va qo‘llash yo‘riqnomalarida ko‘rsatilgan bo‘lib, bu aholi va dorixona xodimlari uchun qulaylik yaratadi.

Toshkent shahri va 15 ta tajriba hududlarida joylashgan dorixonalarda joriy qilingan “Elektron retsept” tizimi doirasida vujudga kelayotgan murojaatlarni qabul qilish uchun telegram @ssv_pilotbot joriy qilindi.

Sog'liqni saqlash vazirligi ishchi guruhi

Telegram | Facebook | Instagram | Youtube

❔ Dorixona xodimlari bilan “Elektron retsept” bo‘yicha o‘quv mashg‘ulotlari o‘tkazilganmi?

Javob: Albatta, dorixonalarning 17 ming nafardan ortiq xodimlari “Elektron retsept” tizimi bilan ishlash bo‘yicha o‘qitildi. Bundan tashqari, onlayn o‘quv kurslar tashkil etildi hamda videodarsliklar tayyorlanib, ijtimoiy tarmoqlarga joylashtirildi.

Sog'liqni saqlash vazirligi ishchi guruhi

Telegram | Facebook | Instagram | Youtube

❔ Surunkali kasalligi bor bemorlar bu jarayonda qanday yo‘l tutadi? Har gal o‘zlariga kerakli dorilar uchun qayta retsept oladimi?

Javob: Surunkali xastaligi bor bemorlarga ambulator sharoitda retsept yozilganda, anabolik faollikka ega ayrim dori vositalari istisno tariqasida 60 kunlik, qolgan dori vositalari esa 90 kunlik davolash kursiga yetarli miqdorda belgilanishi ko‘rsatilgan.

Shuningdek, bunday bemorlarga “Elektron retsept” bo‘yicha kafolatlangan paketga kiritilgan dori vositalari dorixonalar tomonidan reimbursatsiya dasturi asosida bepul beriladi.

Sog'liqni saqlash vazirligi ishchi guruhi

Telegram | Facebook | Instagram | Youtube

❔ Shoshilinch holatda bemorga tibbiy yordam ko‘rsatish zarur bo‘lsa, kerakli dori vositalarini qanday oladi?

Javob: Bunday bemorlarga shoshilinch holatlarda tez tibbiy yordam xizmati tomonidan 67 turdagi, shoshilinch qabul bo‘limlari va oilaviy poliklinikalarda 34 turdagi asosiy dori vositalari bilan tibbiy yordam ko‘rsatiladi.

Sog'liqni saqlash vazirligi ishchi guruhi

Telegram | Facebook | Instagram | Youtube

❔ Endilikda aholi ayrim dori vositalarini retseptsiz sotib ololmasligi sababli oilaviy poliklinikalar bemorlar oqimiga tayyormi?

Javob: Toshkent shahridagi 12 ta ko‘p tarmoqli markaziy poliklinika va 71 ta oilaviy poliklinika hamda 15 ta tajriba-sinov tuman (shahar)idagi 177 ta 1-tip, 141 ta 2-tip oilaviy poliklinika va 32 ta 2-tip oilaviy poliklinika filiallariga qatnov quvvatidan kelib chiqib, aholi biriktirilgan.

Shu sababli ushbu tibbiyot muassasalarining bemorlarni qabul qilish hamda tibbiy xizmat bilan qamrab olishga quvvati yetarli.

Sog'liqni saqlash vazirligi ishchi guruhi

Telegram | Facebook | Instagram | Youtube

❔ Ayrim fuqarolar tizim “osilib” qolishi, uzoq yuklanishini aytmoqda. Chindam ham shundaymi?

Javob: Hozir tizim ishchi holatda. Agar internet tezligida nosozliklar kuzatilmasa, tizimdan muntazam foydalanish imkoniyati mavjud. Texnik mutaxassislar doimiy ravishda yuklamaga qarab, serverlarni optimizatsiya qilish ishlarini olib bormoqda.

Sog'liqni saqlash vazirligi ishchi guruhi

Telegram | Facebook | Instagram | Youtube

🟦🟦🟦

"Elektron resept" tizimi bo‘yicha murojaatlarni qabul qiluvchi “Call-markaz” tashkil etildi

Poytaxtimiz va tajriba-sinov loyihasi amalga oshirilayotgan 15 ta tuman(shahar)da dori vositalarining elektron resept asosida berilishi amaliyoti yo‘lga qo‘yilgani jamoatchilikda turli savollarni yuzaga keltirmoqda.

Shundan kelib chiqib, bu borada aholi murojaatlari va savollariga tezkor javob berish maqsadida Sog‘liqni saqlash vazirligining 1003 qisqa raqamli "Ishonch telefoni" bazasida muntazam faoliyat yurituvchi 1003 qisqa raqamli “Call-markaz” tashkil etildi.

Telegram | Facebook | Instagram | Youtube

🟦🟦

Ayni daqiqalarda bir guruh OAV vakillari va blogerlar Sog‘liqni saqlash vazirligida tashkil etilgan "Elektron resept" tizimi bo‘yicha murojaatlarni qabul qiluvchi “Call-markaz” faoliyati bilan tanishmoqda.

Shuningdek, ular Toshkent shahri hamda tajriba-sinov loyihasi amalga oshirilayotgan 15 ta tuman (shahar)da ushbu yangi modul joriy etilishi bilan bog‘liq savollariga malakali mutaxassislardan atroflicha javob olyapti.

Telegram | Facebook | Instagram | Youtube

🟦🟦🟦

Mahalliy va xorijiy tibbiy jihozlar ishlab chiqaruvchilar bilan uchrashuv bo'lib o'tdi

Xabar berganimizdek, kecha Farmatsevtika mahsulotlari xavfsizligi markazida Vazirlar Mahkamasining 2025-yil 24-noyabrdagi 738-son qarori bilan tasdiqlangan dori vositalari va tibbiy jihozlarni davlat ro‘yxatidan o‘tkazishda yangilangan tartib yuzasidan uchrashuv bo‘lib o‘tdi.

Telegram | Facebook | Instagram | Youtube

🟦🟦

Dorixonalar reseptsiz dori sotmaydi: tizim qanday ishlaydi?

2025-yil 10-dekabr sanasidan boshlab Toshkent shahri va 15 ta tajriba hududlarida joylashgan dorixonalarda elektron resept amaliyoti boshlandi. Endi shifokor yozib beradigan DMED reseptisiz ayrim dori vositalarini olib bo‘lmaydi.

👍 Xo‘sh, o‘zi bu tizim qanday ishlaydi?

👍 Joylardagi tibbiyot muassasalari va dorixonalar yangi tizimga tayyormi?

👍 Istisno holatlarga qanday yechim berilyapti?

Shu kabi savollarga 🗣 studiyasida bo'lib o‘tayotgan jonli efir suhbatida Sog‘liqni saqlash vazirligi rasmiylari javob bermoqda.

📱 Telegram'da ko'rish 📱 YouTube'da ko'rish

Telegram | Facebook | Instagram | Youtube

🌍🌍🌍🌍🌍🌍🌍

Bundan buyon dorixonalarda barcha dori vositalari elektron retsept asosida sotiladimi?

Sog‘liqni saqlash vazirligida "Elektron retsept" tizimini joriy etish bo‘yicha tashkil etilgan Ishchi guruhga yuborilgan mazkur savolga Farmatsevtika mahsulotlari xavfsizligi markazi direktori Alisher Temirov javob berdi.

Telegram | Facebook | Instagram | Youtube

🌍🌍🌍🌍🌍🌍🌍

Dori vositalarini retsept bilan yoki retseptsiz berish tartibi qaysi mezonlar asosida belgilanadi?

Sog‘liqni saqlash vazirligida "Elektron retsept" tizimini joriy etish bo‘yicha tashkil etilgan Ishchi guruhga yuborilgan mazkur savolga Farmatsevtika mahsulotlari xavfsizligi markazi direktori Alisher Temirov javob berdi.

Telegram | Facebook | Instagram | Youtube

🌍🌍🌍🌍🌍🌍🌍

Yangi tizim doirasida yuzaga kelgan savol va muammolar yuzasidan aholi qayerga murojaat qilishi kerak?

Sog‘liqni saqlash vazirligida "Elektron retsept" tizimini joriy etish bo‘yicha tashkil etilgan Ishchi guruhga yuborilgan mazkur savolga Farmatsevtika mahsulotlari xavfsizligi markazi direktori Alisher Temirov javob berdi.

Telegram | Facebook | Instagram | Youtube

🌍🌍🌍🌍🌍🌍🌍

Dorixona xodimlari bilan “Elektron retsept”dan foydalanish bo‘yicha o‘quv mashg‘ulotlari o‘tkazilganmi?

Sog‘liqni saqlash vazirligida "Elektron retsept" tizimini joriy etish bo‘yicha tashkil etilgan Ishchi guruhga yuborilgan mazkur savolga Farmatsevtika mahsulotlari xavfsizligi markazi direktori Alisher Temirov javob berdi.

Telegram | Facebook | Instagram | Youtube

🟦🟦🟦🟦🟦

O‘tgan haftada "Farmatsevtika mahsulotlari xavfsizligi markazi" davlat muassasasi faoliyatida ro‘y bergan muhim voqealar:

😎 Farmatsevtika mahsulotlari xavfsizligi markazi Litsenziyalash va nazorat qilish boshqarmasi tomonidan litsenziyatlar ro‘yxati bo‘yicha ma’lumotlar yangilandi

😎 Mahalliy dori vositalarini ishlab chiqaruvchilar bilan uchrashuv bo'lib o'tdi

😎 O‘zbekistonning milliy tartibga solish tizimini mustahkamlash JSST tomonidan ustuvor yo‘nalish sifatida belgilandi

😎 Farmatsevtika mahsulotlari xavfsizligi markazida “Ochiq eshiklar kuni” o‘tkazildi

😎 Dorixona faoliyatini tartibga solish masalalariga bag‘ishlangan uchrashuv o‘tkazildi

😎 Nazorat tadbirlari bodi-kameralardan foydalangan holda amalga oshirilishi belgilandi

😎 Dori vositalarini ro‘yxatdan o‘tkazishning yangi tartibi bo'yicha chet el farmkompaniyalari bilan uchrashuv bo‘lib o‘tdi

😎 Qashqadaryoda viloyatida narkotik va psixotrop moddalarning muomalasini tartibga solish bo‘yicha seminar o‘tkazildi

😎 SST: “SIMULECT inyeksiya uchun” nomi ostida qalbakilashtirilgan dori vositasi aniqlandi

😎 "Elektron resept" tizimi bo‘yicha murojaatlarni qabul qiluvchi “Call-markaz” tashkil etildi

😎 Mahalliy va xorijiy tibbiy jihozlar ishlab chiqaruvchilar bilan uchrashuv bo'lib o'tdi

😎 Kun.uz studiyasida "Elektron retsept" tizimini joriy etish bo'yicha jonli efir suhbati bo'lib o'tdi

😎 Farmatsevtika mahsulotlari
xavfsizligi markazi Matbuot xizmati

Telegram | Facebook | Instagram | Youtube