🟦🟦🟦

Дори воситаларини қандай тўғри қабул қилиш керак?

Агар препарат кунига бир марта буюрилган бўлса, унда сиз дори воситасини куннинг исталган вақтида эмас, балки бир вақтнинг ўзида қабул қилишингиз керак.

🏷 Агар препаратни кунига икки марта қабул қилиш буюрилган бўлса, унда дозалар орасидаги интервал 12 соатга тенг бўлиши керак (масалан, эрталаб соат 8 да ва кечқурун 20:00 да).

🏷 Агар препаратни кунига уч марта қабул қилиш буюрилган бўлса, унда дозалар орасидаги интервал 8 соатгача қисқартирилади (масалан, соат 6.00 да, 14.00 да ва 20.00 да).

🏷 Дори воситаларини қабул қилишда албатта шифокор кўрсатмасига қатъий амал қилиш зарур!

Telegram | Facebook | Instagram | Youtube

🟦🟦🟦

Метрологик текширувдан ўтказилмаган ўлчаш ва синов воситаларининг тиббиёт фаолиятида қўлланилиши таъқиқланади

ССВ Метрология хизмати ҳозирги кунда 31 позициядаги ўлчаш ва синов воситаларини қиёслаш ҳамда метрологик аттестациядан ўтказиш ишларини амалга ошириш ҳуқуқига эга бўлиб, юртимиздаги давлат ва нодавлат тиббиёт муассаларини ҳамкорликка таклиф этади.

Хизматдан фойдаланиш ва шартнома тузиш учун қуйидаги намунани тўлдирган ҳолда аризангизни farmkomitet@ssv.uz почтасига йўллашингиз мумкин.

Эслатиб ўтамиз, Ўзбекистон Республикаси Вазирлар Маҳкамасининг 2018 йил 15 февралдаги 112-сон қарорига мувофиқ, тиббиёт ташкилотларида фойдаланиладиган ўлчаш функцияларига эга бўлган барча тиббий техникалар метрологик назоратидан ўтказилиши лозим. Шунингдек, Соғлиқни сақлаш вазирининг 2024 йил 7 октябрдаги 313-сонли буйруғига асосан, метрология текширувидан ўтказилиши лозим бўлган тиббиёт учун мўлжалланган ўлчаш ва синов воситаларининг рўйхатига мувофиқ, ўрнатилган тартибда метрологик текширувдан ўтказилмаган ўлчаш ва синов воситаларининг тиббиёт фаолиятида қўлланилиши таъқиқланади.

Телефон: (71) 203-01-01 (ички 2240 — 2241)

Хурматли мутахассислар! Метрологик назорат ва қиёслаш ишларини ўз вақтида амалга ошириш орқали муассасасангиздаги тиббий ускуналарнинг аниқлиги ва ишончли ишлашини таъминлаш имкониятига эга бўласиз. Бу эса беморларга кўрсатилаётган тиббий хизматлар сифатини янада оширишда муҳим аҳамият касб этади.

Telegram | Facebook | Instagram | Youtube

🟦🟦🟦

Марказ вакиллари халқаро ўқув семинарида иштирок этмоқда

Қозоғистоннинг Олмаота шаҳрида Марказий Осиё давлатлари учун синтетик гиёҳвандлик воситалари ва янги психофаол моддалар билан боғлиқ таҳдидларга қарши курашишга қаратилган ўқув семинари бўлиб ўтмоқда.

Унда мамлакатимиздан Фармацевтика маҳсулотлари хавфсизлиги маркази мутахассислари ҳам иштирок этмоқда.

👉 Батафсил

Telegram | Facebook | Instagram | Youtube

🟦🟦🟦

Онлайн мулоқотда дори воситаларини рўйхатга олиш масалалари муҳокама қилинди

Учрашувда “RADIKS” МЧЖ, “BELPHARM” МЧЖ ХК ва “ROSSA” МЧЖ каби ишлаб чиқарувчилар томонидан тақдим этилган 60 дан ортиқ номдаги дори воситалари ва тиббий буюмларни давлат рўйхатига олиш, шунингдек, гувоҳномаларнинг амал қилиш муддатини узайтириш масалалари атрофлича муҳокама этилди.

Шунингдек, маъсуллар томонидан дори воситаларини рўйхатга олиш жараёнида учрайдиган техник камчиликларни ўз вақтида бартараф этиш, қонун талабларига тўлиқ мосликни таъминлаш юзасидан тушунтириш ва амалий тавсиялар берилди.

👉 Батафсил

Telegram | Facebook | Instagram | Youtube

📣📣📣

Фармацевтика соҳасида фаолият юритаётган ҳурматли тадбикорлар!

Фармацевтика маҳсулотлари хавфсизлиги маркази фаолиятида Сиз дуч келаётган муаммо ва камчиликларни ўрганиш ва уларни бартараф этиш бўйича тезкор чоралар кўриш, ҳамкорликни йўлга қўйиш, шунингдек, соҳа ривожи учун таклифларни кўриб чиқиш ҳамда тадбиркорларга қулайлик яратиш мақсадида телеграмда махсус янги гуруҳ очилганидан хабарингиз бор.

Гуруҳга қўшилиш учун қуйидаги ҳавола орқали ариза юборишингиз ва анкетани тўлдиришингиз сўралади.

Ҳар бир мурожаат актуаллигига кўра, тегишли бўлинмалар ва шахсан Марказ раҳбарияти томонидан кўриб чиқилади.

Telegram | Facebook | Instagram | Youtube

🟦🟦🟦

«Абу Али ибн Сино: Шарқ гавҳари – Жаҳон мероси» анъанавий халқаро илмий-амалий анжуман бўлиб ўтади

Ўзбекистон Республикаси Соғлиқни сақлаш вазирлиги, Ибн Сино жамоат фонди ҳамда Фармацевтика маҳсулотлари хавфсизлиги маркази ҳамкорлигида жорий йилнинг 12 сентябрь куни Тошкент шаҳрида «Абу Али ибн Сино: Шарқ гавҳари – Жаҳон мероси» мавзусида навбатдаги анъанавий халқаро илмий-амалий анжуман бўлиб ўтади.

Ибн Сино таваллудининг 1045 йилиги, “Тиб конуни” яратилганининг 1000 йиллиги ва Фармацевтика маҳсулотлари хавфсизлиги маркази ташкил этилганлигининг 30 йилиги муносабати билан ташкил этилаётган мазкур анжуманда республикамиз ва хорижий давлатлардан тиббиёт, фармацевтика, тарих ва маданият соҳасидаги етакчи олимлар, мутахассислар, амалиётчи шифокорлар ва соҳа экспертлари иштирок этиши режалаштирилган.

Барча қизиқувчи олимлар, шифокорлар, соҳа мутахассислари, талабалар ҳамда жамоатчилик вакилларини ушбу халқаро анжуманда фаол иштирок этишга таклиф этамиз.

Манзил: Тошкент вилояти, Зангиота тумани, "Tashkent Farma Park" кластери (локация)

Мурожаат учун: (+99871) 268-08-97

Telegram | Facebook | Instagram | Youtube

🟦🟦🟦

“LAXISAM PHARMACEUTICALS” МЧЖ таклиф ва эътирозлари бўйича навбатдаги мулоқот ташкил этилди

Президентимиз Шавкат Мирзиёев раҳбарлигида олиб борилаётган ислоҳотлар доирасида фармацевтика тармоғини янада ривожлантириш, тадбиркорлик субьектларини қўллаб-қувватлаш, соҳада мавжуд муаммо ва таклифларни амалий ҳал этиш борасидаги ишлар изчил давом эттирилмоқда.

Шу мақсадда давлатимиз раҳбарининг тадбиркорлар билан очиқ мулоқотига тайёргарлик доирасида Савдо-саноат палатаси ташаббуси билан ташкил этилган учрашув якунлари юзасидан “LAXISAM PHARMACEUTICALS” МЧЖ раҳбарияти билан навбатдаги онлайн учрашув бўлиб ўтди.

👉 Батафсил

Telegram | Facebook | Instagram | Youtube

🟦🟦🟦🟦🟦

Синтетик гиёҳвандлик воситалари бўйича минтақавий конференция ўтказилди

Бугун Қозоғистоннинг Олмаота шаҳрида синтетик гиёҳвандлик воситалари ва янги психоактив моддалар (ЯПМ) бўйича эрта огоҳлантириш тизимларини ишлаб чиқиш ва жорий этишга бағишланган минтақавий конференция ташкил этилди.

Тадбирда халқаро экспертлар билан бир қаторда Фармацевтика маҳсулотлари хавфсизлиги маркази мутахассислари ҳам иштирок этди. Улар юртимизда синтетик гиёҳвандлик воситалари ва уларнинг янги турларига қарамликка қарши курашиш, дори воситалари хавфсизлигини таъминлаш, шунингдек, халқ саломатлигини муҳофаза қилишга қаратилган чора—тадбирлар юзасидан ўз тажрибалари билан бўлишди.

👉 Батафсил

Telegram | Facebook | Instagram | Youtube

⭕️⭕️⭕️

Кучли таъсир қилувчи дори воситалари савдоси билан ноқонуний шуғулланганлар ушланди

Тегишли органоар томонидан ўтказилган тезкор тадбирда дори воситалари савдоси билан ноқонуний шуғулланиб келган С.Қ. фуқаро М.Х.га 2 дона “Тропикамид” ва 10 дона “Регапен” номли кучли таъсир қилувчи дори воситаларини 1,3 млн сўмга сотган вақтида ашёвий далиллар билан ушланди.

👉 Батафсил

Telegram | Facebook | Instagram | Youtube

🟦🟦🟦🟦🟦

Состоится традиционная международная научно-практическая конференция "Авиценна: жемчужина Востока - мировое наследие"

12 сентября 2025 года в историческом крае Турана, городе Великого Шелкового пути - Ташкенте состоится традиционная международная научно-практическая конференция на тему "Авиценна: жемчужина Востока - мировое наследие"

В конференции, организуемой в связи с 1045-летием со дня рождения Ибн Сины, 1000-летием создания "Канона врачебной науки" и 30-летием создания Центра безопасности фармацевтической продукции, планируется участие ведущих ученых, специалистов, врачей-практиков и экспертов в области медицины, фармацевтики, истории и культуры из нашей республики и зарубежных стран.

Мы приглашаем всех заинтересованных ученых, врачей, специалистов, студентов и представителей общественности принять активное участие в этой международной конференции.

Адрес: Ташкентская область, Зангиатинский район, "Tashkent Farma Park" (локация)

Для справок: (+99871) 268-08-97

Telegram | Facebook | Instagram | Youtube

4 саволга 4 жавоб:
Муҳим маълумотлар эслатмаси

🦠 Дори воситаларини тўғри сақлашда нималарга эътибор бериш керак? - Жавоб

🦠 Дори воситаларини қабул қилишда нималарга аҳамият бериш зарур? - Жавоб

🦠 Дорихоналарда кузатув камераси бўлиши мажбурий ҳисобланадими? - Жавоб

🦠 Тиббий ўлчаш воситалари қиёслаш текширувидан ўтказилиши шартми? - Жавоб

Telegram | Facebook | Instagram | Youtube

⭕️⭕️⭕️

Тошкент шаҳрида сифатсиз дори воситалари тўхтатиб қолинди

Давлат хавфсизлик хизматининг Тошкент вилояти бўйича бошқармаси ва бошқа ҳуқуқ-тартибот идоралари ҳамкорлигида ўтказилган тезкор тадбирда, Тошкент шаҳрида яшовчи, 1976 й.т. фуқаро 72 000 дона тиббий буюмларни 111 млн сўмга сотишга келишиб, олдиндан 30 млн сўм олган вақтида ушланди.

Тезкор тадбир давом эттирилиб, ушбу шахснинг яшаш хонадони ва автотранспорт воситасини кўздан кечириш жараёнида, жами 240 млн сўмлик 29 хил номдаги 72 389 дона тиббий буюмлар ва “Магникум”, “Релок”, “Дизентерон” ва бошқа шу каби 867 қути дори ва биологик актив қўшимчалар сотиш мақсадида сақланаётганлиги аниқланди.

Фармацевтика маҳсулотлари хавфсизлиги марказининг тегишли хулосасига кўра, мазкур дори воситалари сифатсиз ва сақлаш шароитига амал қилинмаган бўлиб, сотиш, ташиш ва тиббиёт амалиётида қўллаш тақиқланади.

Ҳозирда мазкур фуқарога нисбатан жиноят иши қўзғатилиб, тергов ҳаракатлари олиб борилмоқда.

Telegram | Facebook | Instagram | Youtube

🟦🟦🟦🟦🟦

Ўтган ҳафта "Фармацевтика маҳсулотлари хавфсизлиги маркази" давлат муассасаси фаолиятида рўй берган муҳим воқеалар:

😎 Метрологик текширувдан ўтказилмаган ўлчаш ва синов воситаларининг тиббиёт фаолиятида қўлланилиши таъқиқланади

😎 Фармацевтика соҳасидаги тадбиркорлар билан учрашув бўлиб ўтди

😎 Марказ вакиллари халқаро ўқув семинарида иштирок этди

😎 Бухородаги тиббиёт муассасаларида гиёҳвандлик воситалари назорати ва профилактикаси бўйича ўрганиш ўтказилди

😎 Онлайн мулоқотда дори воситаларини рўйхатга олиш масалалари муҳокама қилинди

😎 «Абу Али ибн Сино: Шарқ гавҳари – Жаҳон мероси» анъанавий халқаро илмий-амалий анжуман бўлиб ўтади

😎 “LAXISAM PHARMACEUTICALS” МЧЖ таклиф ва эътирозлари бўйича навбатдаги мулоқот ташкил этилди

😎 Синтетик гиёҳвандлик воситалари бўйича минтақавий конференция ўтказилди

😎 Кучли таъсир қилувчи дори воситалари савдоси билан ноқонуний шуғулланганлар ушланди

😎 Рецепт билан бериладиган маҳаллий ва хорижий дори воситаларига нисбатан белгиланган чекланган нархлар тўғрисидаги маълумотлар янгиланди

🇺🇿 Фармацевтика маҳсулотлари
хавфсизлиги маркази Матбуот хизмати

Telegram | Facebook | Instagram | Youtube