“Ўзбекистон соғлиқни сақлаш тизими трансформацияси” мавзусидаги халқаро форум бўлиб ўтмоқда

Унда АҚШ, Хитой, Россия Федерацияси, Туркия, Германия, Франция, Венгрия, Япония, Ҳиндистон, Корея Республикаси, Бирлашган Араб Амирликлари каби 20 га яқин хорижий давлатларнинг юртимиздаги дипломатик корпус вакиллари, халқаро ташкилотлар масъуллари, мамлакатимизда чет эллик инвесторлар билан ҳамкорликда ташкил этилган хусусий тиббиёт клиникалари ва фармацевтик компаниялар раҳбарлари, Ўзбекистон бозорига инвестиция киритиш ва давлат-хусусий шерикчилик лойиҳаларида иштирок этиш истагида бўлган халқаро донорлар ҳамда маҳаллий йирик тадбиркорлар иштирок этмоқда.

🕊@uzpharmcontrol

🟥Uzbekistan - India: Health forum 2023

Бугун Ўзбекистон — Ҳиндистон халқаро соғлиқни сақлаш форуми ўз ишини бошлайди

Хабар берганимиздек, Тошкент шаҳри 13-14 апрель кунлари ушбу нуфузли форумга мезбонлик қилади. Бугун соат 10:00 да “Hilton” меҳмонхонасида халқаро тадбирнинг расмий очилиши бўлиб ўтади.

Соғлиқни вазирлиги ташаббуси билан ўтказилаётган мазкур анжуманда икки мамлакатнинг соғлиқни сақлаш соҳаси масъуллари, дипломатик корпус вакиллари, Ҳиндистоннинг етакчи хусусий тиббиёт марказлари ҳамда йирик фармацевтик корхоналар раҳбарлари иштирок этиши кутилмоқда.

🕊@uzpharmcontrol

🟥Uzbekistan - India: Health forum 2023

Айни дамда "Hilton" меҳмонхонасида Ўзбекистон-Ҳиндистон соғлиқни сақлаш халқаро форуми қизғин давом этмоқда

Олдинда Дори воситалари, тиббий буюмлар ва тиббий техника экспертизаси ва стандартлаштириш давлат маркази ва Serum Institute of India Pvt. Ltd. ўртасида ўзаро ҳамкорлик бўйича англашув меморандуми имзоланиши кутилмоқда.

🕊@uzpharmcontrol

🟥Uzbekistan - India: Health forum 2023

Халқаро форум доирасида тиббиёт соҳасидаги икки томонлама алоқаларни мустаҳкамлашдаги ҳиссаси учун қатор Ҳиндистон вакилларига “Ўзбекистон Республикаси соғлиқни сақлаш аълочиси” кўкрак нишони ҳамда вазирлик ташаккурномаси топширилди.

Шунингдек, бир гуруҳ ҳиндистонлик иштирокчилар Ўзбекистонда тиббий таълим, шифокорлар малакасини ошириш ҳамда икки томонлама ҳамкорликни ривожлантиришга қўшган ҳиссаси учун мамлакатимиз тиббиёт олий ўқув юртларининг “Фахрий профессори” унвонлари билан тақдирланди.

🕊@uzpharmcontrol

🟥Uzbekistan - India: Health forum 2023

Форумнинг биринчи кунида умумий қиймати 300 миллион долларга тенг 100 дан ортиқ меморандум ва шартномалар имзоланди.

Жумладан, Дори воситалари, тиббий буюмлар ва тиббий техника экспертизаси ва стандартлаштириш давлат маркази ва Serum Institute of India Pvt. Ltd. ўртасида имзоланган ўзаро англашув меморандуми фармацевтика соҳасидаги бир қатор йўналишларда ўзаро ҳамкорлик масалаларини ўз ичига олади.

🕊@uzpharmcontrol

🧑‍💻 "Data Matrix" коди нима?

Дори воситалари қадоғидаги Data Matrix код – тўртбурчак ёки квадрат шаклда жойлаштирилган оқ-қора квадрат элементлардан иборат матрицали рамз ёки икки ўлчовли матрицали штрих-код ҳисобланади.

✅ Ушбу код дори препарати ҳақидаги қуйидаги маълумотларни ўз ичига олиши мумкин: маҳсулотнинг хусусиятлари, унинг ҳажми, серия рақами, ишлаб чиқарувчининг номи, яроқлилик муддати ва ишлаб чиқариш санаси.

Код маҳсулотнинг қадоғига, ёрлиғига ёки қутисига жойлаштирилади.

Маркировкалаш кодидан фойдаланиб, қўлингиздаги дори воситаси қаерда ва ким томонидан ишлаб чиқарилганини билишингиз, ишлаб чиқаришдан тортиб то истеъмолчигача бўлган бутун ҳаракат йўналишини кузатишингиз мумкин.

Эслатиб ўтамиз, 2022 йил 1 сентябрдан бошлаб юртимизда дори воситаларини мажбурий рақамли маркировкалаш бошланган бўлиб, жараён 2022–2025 йиллар давомида босқичма-босқич амалга оширилади.

🕊@uzpharmcontrol

Фармрейд: Пойтахтимизда кучли таъсир қилувчи дори воситаларининг муомалага киритилишини олди олинди

Иқтисодий жиноятларга қарши курашиш департаментнинг Сергели туман бўлими томонидан ДХХ ва ИИББ ходимлари билан ҳамкорликда ўтказилган тезкор тадбирида, фуқаролар Ж.Ю. С.Р. ва А.О. 280 дона “Регапен” номли кучли таъсир қилувчи дори воситаларини фуқаро М.М.га 800 АҚШ долларига сотган вақтларида ушланишиб, А.О.нинг ёнидан яна 7 дона “Тропикамид” номли кучли таъсир қилувчи дори воситаси ҳамда 1 дона мумсимон модда ашёвий далил сифатида олинган.

⚡️Мазкур ҳолатлар юзасидан Жиноят кодексининг 251¹-моддаси (кучли таъсир қилувчи ёки заҳарли моддаларни қонунга хилоф равишда муомалага киритиш) билан жиноят ишлари қўзғатилиб, тергов ҳаракатлари ўтказилмоқда.

🕊@uzpharmcontrol

🟦🟦🟦🟦

Беруний ёзган ҳар бир асар ўзига хос энциклопедия

1035–1036 йиллари буюк аллома Абу Райҳон Муҳаммад ибн Аҳмад Беруний ўзи ёзган асарлари рўйхатини тузади ва мазкур рўйхатда 113 та асарнинг номини келтиради. Агар олимнинг ундан кейин яшаган 13 йил ичида ёзган 50 дан зиёд асарини ҳам қўшадиган бўлсак, уларнинг умумий сони 160дан ошади.

✍️ Беруний умрининг охирги йилларида “Китаб ас-сайдана фи-т-тибб” яъни “Доривор ўсимликлар ҳақида китоб” асарини ёзган. Бу асар тарихга “Сайдана” (“Фармакогнозия”) номи билан кирган бўлиб, унинг тўлиқ қўлёзмаси 20 асрнинг 20-30 йилларида Туркияда топилган. Бу асарда Шарқда, хусусан, Туркистонда ўсадиган барча доривор ўсимликлар ва уларнинг фармакологик хусусиятлари ҳақида маълумотлар берилган.

🕊@uzpharmcontrol

Пойтахтимизда “Соғлиқни сақлаш – TIHE 2023” кўргазмаси бўлиб ўтди

Хабар берганимиздек, жорий йилнинг 13-15 апрел кунлари “Ўзэкспомарказ“ марказий кўргазмалар мажмуида 27-Тошкент Халқаро «Соғлиқни сақлаш - ТІНE 2023» кўргазмаси бўлиб ўтди.

Тадбирда Германия, Дания, Италия, Корея Республикаси, Бангладеш, Беларус, Россия, Хитой, Ҳиндистон, Чехия ва Туркия сингари дунёнинг 13 мамлакатидан 250 дан ортиқ компания ўзининг тиббий, фармацевтик, лаборатория, стоматология ускуналари ва сарф материалларининг кенг ассортиментини намоиш этишди.

Кўргазма давомида иштирокчилар учун соғломлаштириш дастурлари, турли мавзуларда қизиқарли илмий-амалий семинарлар ташкил этилди.

Маълумот ўрнида, “TIHE” — Бутунжаҳон кўргазма саноати уюшмаси (UFI) томонидан тасдиқланган тадбир мақомига эга бўлган Ўзбекистондаги ягона тиббий кўргазма ҳисобланиб, мамлакатлар тиббиёт ва фармацевтика мутахассисларининг "сўнгги авлод" тиббий технологиялари билан танишишида ўзига хос имконият яратаётган ноёб платформа саналади.

🕊@uzpharmcontrol

🟩🟩🟩🟩🟩🟩

Ўтган ҳафта давомида каналимизда эълон қилинган энг муҳим постлар:

✅ Доза ўзи нима ва унинг қандай турлари бор?

✅ Муддати ўтган дори воситаларни канализация қувурларига оқизиш мумкин эмас!

✅ “Ўзбекистон соғлиқни сақлаш тизими трансформацияси” мавзусидаги халқаро форум бўлиб ўтди

✅ Ўзбекистон — Ҳиндистон халқаро соғлиқни сақлаш форуми бўлиб ўтди

✅ Дори воситалари, тиббий буюмлар ва тиббий техника экспертизаси ва стандартлаштириш давлат маркази ва Serum Institute of India Pvt. Ltd. ўртасида ўзаро англашув меморандуми имзоланди

✅ "Data Matrix" коди нима?

✅ Пойтахтимизда кучли таъсир қилувчи дори воситаларининг муомалага киритилишини олди олинди

✅ Пойтахтимизда “Соғлиқни сақлаш – TIHE 2023” кўргазмаси бўлиб ўтди

🕊@uzpharmcontrol

Юртимизда кимлар бепул дори-дармон билан таъминланади? Дори воситалари сотувидаги чекланган устамалар миқдори қанча?

Адлия вазирлиги юқоридаги саволлар бўйича қонунчиликда назарда тутилган нормалар ҳақида эслатиб ўтди.

🕊@uzpharmcontrol

‼️‼️‼️

Шифокор бирор дори воситасини қабул қилишни тавсия қилар экан, беморнинг ёши, жинси, касаллик даражаси ва баъзи ҳолларда тана вазнига эътибор беради.

Хўш, дори воситаларини қабул қилишда уни дозасини қандай аниқлаймиз?

Муаттар Хўжаева,
Фармацевтика фанлари номзоди, доцент:

✅Болаларга мўлжалланган дори воситаларида миқдорини ҳисоблаш учун қошиқчалар ёки махсус найчалар мавжуд. Йўриқномада боланинг ёшига мос кўрсаткич берилган бўлса, препарат қошиқчасида ўлчаш лозим. Тўғри, баъзи дори воситаларида ўлчагичлар бўлмайди. Аммо йўриқномада кўрсатилган миқдорига қараб, ошхона қошиқларидан фойдаланиш мумкин.

❗️Бунда:

🔵5 мл. – 1 чой қошиқ;
🔵15 мл. – 1 ош қошиқ;
🔵200 мл. – 1 стакан

✅Керагидан ошиб кетса-чи?

Бош айланиши, кўнгил беҳузур бўлиши, бош оғриқлари, қайд қилиш, ҳолсизлик, ҳаракатланиш сустлиги каби ҳолатлар қабул қилаётган дори препаратининг ножўя таъсири ёки миқдорининг ошиб кетиши асоратидир.

Бундай вазиятларда катталар учун ошқозонни тозалаш мақсадида қайд қилгандан сўнг аччиқ дамланган чой ичиш тавсия этилади. Борди-ю, аҳволингиз оғирлашиб бораётганини ҳис этсангиз, зудлик билан шифокорга мурожаат қилинг. «Ортиқча миқдорда дори ичиб юбордим», дея сут ёки қатиқ билан «муоалажа» бошламанг!

🕊@uzpharmcontrol

🌀 Давлат марказининг ижтимоий тармоқларда саҳифалари очилди

Ҳуматли юртдошлар! Дори воситалари, тиббий буюмлар ва тиббий техника экспертизаси ва стандартлаштириш давлат марказининг очиқлиги ва фаолият шаффофлигини таъминлаш, шунингдек, соҳада амалга оширилаётган ислоҳотлар, сўнгги янгиликлар ва муҳим воқеалар ҳақида кенг жамоатчиликни барча ахборот ресурслари орқали хабардор қилиш мақсадида, Марказ директори Мирзохиджон Қодиров ташаббуси билан ташкилотнинг ижтимоий тармоқлардаги расмий саҳифалари очилганлигини маълум қиламиз.

Энди бизни қуйидаги ҳаволалар орқали ҳам кузатиб боришингиз мумкин:

📷 www.instagram.com/uzpharmcontrol
🔵 www.facebook.com/uzpharmcontrol
🐤 www.twitter.com/uzpharmcontrol
🎬 www.youtube.com/@uzpharm_control

Расмий саҳифаларимизга обуна бўлинг ва янгиликлардан биринчилар қаторида хабардор бўлинг!

🕊@uzpharmcontrol

#Reportaj

"Ўлчаш воситаларини қиёслаш ва калибрлаш курси" мавзусида икки ҳафта давомида бўлиб ўтган тренинглар бугун ўз ниҳоясига етди ва мутахассисларга махсус сертификатлар топширилди.

Давлат маркази Ахборот хизматининг навбатдаги репортажи ана шу ҳақида.

🌐 Full HD видео

⬇️ Биз ижтимоий тармоқларда:
Facebook | Instagram | Twitter | Youtube

💬💬💬

Дори воситаларини хавфсиз қўллашда нималарга эътибор бериш керак?

Ушбу анимацион видеороликда дори воситаларини қўллашда кузатиладиган хатолар ва уларнинг олдини олишга қаратилган зарур тавсиялар берилган.

Ҳурматли юртдошлар!

Дори воситаларни қўллаш чоғида ножўя реакциялар аниқланган ҳолатда Соғлиқни сақлаш вазирлигининг Дори воситалари, тиббий буюмлар ва тиббий техника экспертизаси ва стандартлаштириш Давлат марказига мурожаат қилинг.

Қуйидаги ҳаволада кўрсатилган шаклдаги хабарномани farmakonadzor@ssv.uz электрон почтасига ёки 100002, Тошкент ш., Озод кўчаси, К. Умаров тор кўчаси, 16-уй манзилига жўнатинг.

Мурожаат учун: (71) 203-01-01 | 4144

⬇️ Биз ижтимоий тармоқларда:
Facebook | Instagram | Twitter | Youtube

✅ 2023 йил 30 апрел куни Ўзбекистон Республикаси Референдуми бўлиб ўтади

Юқоридаги видеода референдумда овоз бериш бюллетенини тўлдириш тартиби ҳақида танишишингиз мумкин.

⬇️ Биз ижтимоий тармоқларда:
Facebook | Instagram | Twitter | Youtube

🟦🟦🟦🟦

Клиник фармакология - аниқ касаллик ёки синдром билан оғриган беморга дори воситасининг клиник ва фармакологик тавсифидан келиб чиққан ҳолда уни танлаш ва ўтказилаётган фармакотерапиянинг самарадорлиги ва хавфсизлигини назорат қилиш ҳақидаги фандир.

🩺Илмий ва амалий тиббиётда дори воситаларининг организмга таъсири ҳақида тўпланган дунё тиббиёти тажрибасини эътиборга олиб, 1971 йили Жаҳон соғлиқни сақлаш ташкилоти томонидан «Клиник фармакология»нинг алоҳида фан сифатида эътироф этилиши дорилар фармакодинамикаси, фармакокинетикаси, ўзаро таъсири ва дориларнинг ножўя (салбий) таъсири ҳақидаги текширувларни ҳозирги замон билимлари асосида чуқурлаштириш, илмий ва амалий тажрибага асосланган самарали, хавфсиз индивидуал фармакотерапияни ўтказишдек долзарб масалани ўртага қўяди.

Таъкидлаш жоиз, фармакотерапиянинг асосчиси шарқнинг буюк қомусий олими ва табиби Абу Али ибн Сино ҳисобланади.

⬇️ Биз ижтимоий тармоқларда:
Facebook | Instagram | Twitter | Youtube

‼️‼️‼️

Дорихона ходими дори воситаси ва тиббий буюмни бериш пайтида нималарга эътибор бериши лозим?

Дори воситалари ва тиббий буюмларни чакана реализация қилиш тартиби тўғрисидаги низомга мувофиқ, дори воситаси ва тиббий буюмни бериш пайтида дорихонанинг фармацевтик маълумотга эга бўлган ходими дори воситаси ва тиббий буюмни сотиб олувчига дори воситаси ва тиббий буюмни қўллаш тартиби, хусусан, қўллаш даврийлиги, бир маротабалик ва суткалик дозалари, қўллаш усули, сақлаш тартиби, яроқлилик муддати ва бошқалар ҳақида маълумот бериши лозим.

📝 Дорихона ходими дори воситаси ва тиббий буюмни сотиб олувчининг эътиборини дори воситаси ва тиббий буюмнинг қўллаш йўриқномаси билан диққат билан танишиб чиқишга қаратиши керак.

👨‍⚕️ Дорихона ходими мижозлар билан бўлган муносабатда этика қоидаларига риоя этиши, профессионаллик ва саводхонлик хислатларини намоён этиши лозим.

🖊 Дорихона ходими томонидан дори воситасини сотиб олувчиларга зарур маълумотлар берилиши керак. Сотиб олувчининг талабига биноан дорихона ходими дори воситалари ва тиббий буюмларнинг нархлари ва уларнинг сифатини тасдиқловчи ҳужжатларни кўрсатиши лозим.

⬇️ Биз ижтимоий тармоқларда:
Facebook | Instagram | Twitter | Youtube