🟦🟦🟦🟦

Дунё бўйича биринчи рўйхатга олинган дорихона VIII асрда (754 й.) Бағдод шаҳрида очилган

Давлат дорихонаси сифатида фаолият кўрсатган дорихона билан бир қаторда, Бағдодда тиббиёт, фармация ва кимёгарлик илмини ўрганиш академияси очилган.

Бироз вақт ўтгандан сўнг, XI асрда Испания, кейин Европанинг кўплаб шаҳарларида дорихоналар пайдо бўлади. Маълумотларга кўра, уларнинг биринчи асосчилари ҳам араблар ҳисобланади.

Эслатиб ўтамиз, пойтахтимиз Тошкент шаҳрида очилган илк дорихона ҳақида бу ҳаволада ўқишингиз мумкин.

🕊@uzpharmcontrol

#Қонунчиликдаги_янгиликлар

“Аҳолини сифатли истеъмол товарлари билан таъминлашга қаратилган қўшимча чора-тадбирлар тўғрисида”ги Президент қарори (ПҚ–110-сон, 04.04.2023 й.) қабул қилинди.

📝 Қарорга кўра:

🦠 истеъмолчилар ҳаёти ёки соғлиғи хавфсизлиги талабларига жавоб бермайдиган маҳсулотларнинг ноқонуний муомаласи билан боғлиқ қилмиш учун жавобгарлик кучайтирилади;

🦠 этил спирти, алкоголь ва тамаки маҳсулотларининг ноқонуний муомаласи билан боғлиқ қилмиш учун жавобгарлик ижтимоий хавфлилик даражасидан келиб чиқиб ўрнатилади;

🦠 санитария қонунчилиги ва ветеринария, ветеринария-санитария қоидаларини бузганлик учун белгиланган маъмурий жавобгарлик кучайтирилади;

🦠 ўзганинг товар белгисидан, хизмат кўрсатиш белгисидан, географик кўрсаткичидан, товар келиб чиққан жой номидан, адаштириб юбориш даражасида улар билан ўхшаш бўлган белгидан ёки фирма номидан қонунга хилоф равишда фойдаланганлик учун жавобгарлик кучайтирилади;

🦠 белгиланган талаблар ва шартларнинг қўпол равишда бузилиши оқибатида лицензияси бекор қилинган ёки хабардор қилиш тартибида фаолиятни (ҳаракатларни) амалга ошириши тугатилган тадбиркорларга қуйидаги рўйхатда келтирилган фаолият турлари билан шуғулланишига чекловлар белгиланади.

Мазкур масалалар юзасидан тегишли қонун лойиҳаси ишлаб чиқилади.

🦠 Қарорга мувофиқ, истеъмолчилар ҳуқуқлари ҳимоя қилинишини таъминлаш, сертификатланмаган, сақлаш муддати ўтиб кетган, контрафакт ва истеъмолга яроқсиз товарларни ишлаб чиқариш ҳолатлари ҳамда уларнинг айланмасига чек қўйишда жамоатчилик назорати кучайтирилади.

Жумладан:

💻 мурожаатлар ягона ахборот тизими орқали қабул қилинади ва улар ваколатли органлар томонидан қисқа муддатларда кўриб чиқилади;

💵 ҳуқуқбузарликлар ҳақида хабар берган шахслар рағбатлантирилади.

🕊@uzpharmcontrol

📢 Жорий йилнинг 13-14 апрель кунлари пойтахтимиздаги Hilton меҳмонхонасида Ўзбекистон–Ҳиндистон соғлиқни сақлаш халқаро форуми бўлиб ўтади

Анжуманда Ўзбекистон Республикаси Соғлиқни сақлаш вазирлиги, юртимиздаги барча ихтисослаштирилган илмий-амалий тиббиёт марказлари, тиббий олий таълим муассасалари ва ҳудудий тиббиёт масканлари, шунингдек Ҳиндистоннинг соғлиқни сақлаш соҳаси масъуллари, нуфузли хусусий тиббиёт марказлари ҳамда йирик фармацевтик корхоналар раҳбарлари иштирок этади.

Халқаро форумда мамлакатлараро тиббий ҳамкорликни кенгайтириш, соҳани рақамлаштириш, тиббий туризмни ривожлантириш каби қатор масалалар муҳокама этилади.

🖋 Рўйхатдан ўтиш

🕊@uzpharmcontrol

🟦🟦🟦🟦

Бугун — Бутунжаҳон саломатлик куни

“Соғлик — ҳамма учун!”. Бутунжаҳон саломатлик кунининг бу йилги шиори шундай. Барчанинг соғлом бўлиши учун ҳаммамиз интилайлик, қайғурайлик, деган глобал мақсад бор замирида.

📅 Бугун — Жаҳон соғлиқни сақлаш ташкилоти 75 ёшда. Ташкилотга 1948 йилнинг 7 апрелида асос солинган. Ўшандан буён ҳар йили мазкур сана Бутунжаҳон саломатлик куни сифатида кенг нишонланади. Жумладан, Ўзбекистонда ҳам!

🕊@uzpharmcontrol

Салоҳиятли кадрлар тайёрлаш — замон талаби

Халқимиз саломатлигини мустаҳкамлаш, аҳолини сифатли ва арзон дори воситалари, тиббий буюмлар ва тиббий техника билан таъминлаш шунингдек, соҳада инновацион янгиликлар ва замонавий технологияларни қўллашда салоҳиятли кадрларнинг ўз ўрни бор.

Шу боис, Дори воситалари, тиббий буюмлар ва тиббий техника экспертизаси ва стандартлаштириш давлат маркази директори Мирзохиджон Қодиров раҳбарлик лавозимига киришар экан, ишни айнан шу масалага эътибор қаратишдан бошлади.

📈 Айни кунларда Марказ директори ташаббуси билан “Triple Point Engineering” МЧЖ билан ҳамкорликда Қиёслаш лабораторияси мутахассислари учун ташкиллаштирилган "Ўлчаш воситаларини қиёслаш ва калибрлаш (ўлчаш турлари бўйича) курси" мавзусида ўқув семинари бўлиб ўтмоқда.

Дори воситалари, тиббий буюмлар ва тиббий техника экспертизаси ва стандартлаштириш Давлат маркази Ахборот хизмати

🕊@uzpharmcontrol

Ўзбекистоннинг хорижий давлатларда жойлашган референдум участкалари харитаси яратилди

Хабарингиз бор, юртимизда Ўзбекистон Республикаси Конституциясини ўзгартириш бўйича умумхалқ сайлови — референдум 30 апрел куни бўлиб ўтади. Янги таҳрирга асосан, конституциясидаги моддалар сони ҳозирги 128 тадан 155 тага, ундаги нормалар эса 275 тадан 434 тага ошириляпти.

Қуйидаги ҳавола орқали хорижда яшовчи ўзбекистонликлар интерактив харита ёрдамида референдум ўтказиладиган 55 та участка ҳақида маълумот олишлари мумкин.

🕊@uzpharmcontrol

🟥🟥🟥

Ҳурматли Ҳиндистон давлатининг фармацевтика соҳа вакиллари!

2023 йил 13-14 апрель кунлари Тошкент шаҳрида Ўзбекистон ва Ҳиндистон ўртасида биринчи соғлиқни сақлаш форуми бўлиб ўтади. Мазкур нуфузли анжуманга Ҳиндистоннинг соғлиқни сақлаш ва фармацевтика соҳасидаги барча мутахассислар ва корхоналар вакиллари таклиф этилади.

Анжуманда:

☑️ республикамизда фармацевтика соҳасида амалга оширилаётган ислоҳотлар;
☑️ фармацевтика маҳсулотлари муомаласинининг ҳолати ва уни такомиллаштириш;
☑️ фармацевтика маҳсулотларини стандартлаштириш, лаборатория синовларини ташкил этиш ва амалга оширишнинг долзарб масалалари;
☑️ фармацевтика фаолияти билан шуғилланувчи корхоналарни GMP стандарти талаблари асосида инспекция жараёнини амалга ошириш каби масалалар муҳокама этилади.

Манзил: Ҳилтон меҳмонхонаси
Вақти: 13 апрель, соат 09:30

Мурожаат учун: +998909209588
murotxonsulaymonov@gmail.com
--
Dear representatives of the pharmaceutical industry in India!

On April 13-14, 2023, the first Health forum between Uzbekistan and India will be held in Tashkent. We invite representatives of all Indian professionals and companies in the field of healthcare and the pharmaceutical industry to this prestigious conference.

The conference will be discussed issues such as:

☑️ reforms carried out in the field of pharmaceuticals in the Republic of Uzbekistan;
☑️ state of circulation of pharmaceutical products and their improvement;
☑️ topical issues of standardization of pharmaceutical products, organization, and conduct of laboratory tests;
☑️ implementation of the process of inspection of pharmaceutical enterprises based on the requirements of the GMP standard.

Address: Tashkent City, Hilton Hotel.
Event Start: April 13, 2023, at 9:30.
Contact numbers for participation: murotxonsulaymanov@gmail.com, WhatsApp, Telegram, +998909209588.

🕊@uzpharmcontrol

🆘 Фармрейд: Кучли таъсир қилувчи дори воситаларининг ноқонуний айланмасига чек қўйилди

Қорақалпоғистон Республикаси божхона бошқармаси Контрабандага қарши курашиш ва божхона аудити бўлими ходимлари томонидан ДХХ, ИИВ ЙПХ ходимлари билан ҳамкорликда Тўрткул туманида ўтказилган тезкор тадбир давомида “Cobalt” русумли автотранспорт воситасида йўловчи бўлиб кетаётган фуқаро А.Ж холислар иштирокида текширилди.

Натижада, фуқаро шимининг ўнг чўнтагидан 1 дона конвалютада 5 дона “Regapen 300mg” ёзувли капсулалар ва унга тегишли бўлган қора рангли сумкаси ичидан 30 конвалютада 419 дона “Regapen 300mg” ёзувли ҳамда 225 дона флаконда “Тропикамид” ёзувли дори воситалари борлиги аниқланди.

Ҳозирда мазкур ҳолат юзасидан божхона органлари томонидан суриштирув ҳаракатлари давом эттирилмоқда.

🕊@uzpharmcontrol

🟦🟦🟦🟦

Дори воситаларининг рекламаси бўйича қонунда қандай талаблар мавжуд?

Юқоридаги видеода Адлия вазирлиги дори воситалари рекламасида эътибор бериш керак бўлган муҳим жиҳатларга тўхталиб ўтган.

Эслатиб ўтамиз, “Реклама тўғрисида” қонунига мувофиқ, қуйидагилар:

👨‍⚕️ фақат шифокор рецепти бўйича бериладиган дори воситалари;
💊 таркибида гиёҳвандлик воситалари ёки психотроп ва кучли таъсир қилувчи моддалар мавжуд дори воситалари;
❌ Юртимизда тиббиётда қўлланиш учун рухсат этилмаган ва Соғлиқни сақлаш вазирлигида давлат рўйхатидан ўтмаган дори воситалари рекламаси тақиқланади.

🕊@uzpharmcontrol

🇮🇳 Уважаемые представители фармацевтической промышленности Индии!

13-14 апреля 2023 года в Ташкенте состоится первый форум здравоохранения между Республикой Узбекистан и Индией.

В связи с этим приглашаем всех индийских представителей, специалистов и компаний в сфере здравоохранения и фармацевтической промышленности на эту престижную конференцию.

На конференции будут обсуждены такие вопросы, как:

☑️ реформы, проводимые в сфере фармацевтики в нашей Республике;
☑️ состояние обращения фармацевтической продукции и его совершенствование;
☑️ актуальные вопросы стандартизации фармацевтической продукции, организации и проведения лабораторных исследований;
☑️ внедрение процесса инспектирования фармацевтических предприятий на основе требований стандарта GMP.

Адрес: город Ташкент, гостиница Hilton.
Начало Мероприятия: 13 апреля 2023 года в 9:30.

Контактные данные для координации: murotxonsulaymanov@gmail.com, WhatsApp, Telegram, +998909209588.

Пресс-служба
Государственный центр экспертизы и стандартизации лекарственных средств, изделий медицинского назначения и медицинской техники

🕊@uzpharmcontrol

🗓 9 апрель: Буюк саркарда, соҳибқирон Амир Темур таваллуд топган кун

Aмир Темур яратган давлат, Марказий Осиё минтақасида сўнгги ва энг қудратли империя бўлганини биласизми ёки Темурийлар империяси инсоният тарихида яратилган империялар ичида, майдони бўйича 26-ўринда туришини-чи..?

🕊@uzpharmcontrol

🦠 Викторина жавоби: АСАЛ

Ибн Сино дориларни икки қисмдан ташкил топган деб ҳисоблаган:

🗄 таъсир этувчи;
🗄 ёрдамчи моддалар.

Ёрдамчи моддалар сифатида тўлдирувчи, боғловчи, юмшатувчи, қовушқоқлигини оширувчи турғунлаштирувчи моддалар, нохуш хидни ва мазасини яхшиловчи таъсирини узайтирувчи, қопловчи кабилардан фойдаланган.

🍯 Кўпинча шу мақсад учун айнан асал ишлатилган. Шунинг учун ҳам Ибн Сино асални "ҳамма дориларнинг тожи" деб атаган.

🕊@uzpharmcontrol

🟩🟩🟩🟩🟩🟩

Ўтган ҳафта давомида каналимизда эълон қилинган энг муҳим постлар:

➡️ “Тутукон Нео ичиш учун эритма 250 мл” дори препаратидан огоҳ бўлинг!

➡️ Дори воситаларига чекланган нархлар қандай ҳисобланади?

➡️ Дори воситаларини қаерда ва қандай сақлаш керак?

➡️ Дунёда биринчи рўйхатга олинган дорихона VIII асрда Бағдод шаҳрида очилган

➡️ “Аҳолини сифатли истеъмол товарлари билан таъминлашга қаратилган қўшимча чора-тадбирлар тўғрисида”ги Президент қарори қабул қилинди

➡️ Hilton меҳмонхонасида Ўзбекистон–Ҳиндистон соғлиқни сақлаш халқаро форуми бўлиб ўтади

➡️ Қиёслаш лабораторияси мутахассислари учун ташкиллаштирилган "Ўлчаш воситаларини қиёслаш ва калибрлаш (ўлчаш турлари бўйича) курси" мавзусида ўқув семинари бўлиб ўтмоқда

➡️ Ўзбекистоннинг хорижий давлатларда жойлашган референдум участкалари харитаси яратилди

➡️ Дори воситаларининг рекламаси бўйича қонундаги талаблар
—
Дори воситалари, тиббий буюмлар ва тиббий техника экспертизаси ва стандартлаштириш Давлат маркази Ахборот хизмати

🕊@uzpharmcontrol

🟦🟦🟦🟦

Дори воситасини қўллаш йўриқномаси билан танишар эканмиз кўзимиз "доза" деган сўзга тушади. Хўш, доза ўзи нима ва унинг қандай турлари бор?

Доза дори моддасининг бир марта қабул қилинган ёки юборилган миқдори бўлиб, ўлчов белгилари (грамм, таъсир бирлиги, миллилитр) билан ифодаланади. Доза миқдорига қараб дориларнинг кучи намоён бўлади.

Экспериментал ва клиник амалиётда қуйидаги дозалар фарқланади:

🗄 Ўлдирувчи (летал) доза;
🗄 Заҳарловчи (токсик) доза;
🗄 Терапевтик (даволаш) доза;

💊 Ҳар хил кимиёвий моддаларнинг фармакологик таъсирини ҳайвонларда ўрганиш орқали уларнинг ўлдирадиган - летал дозаси аниқланади. Дори моддаларнинг заҳарли дозаси летал миқдоридан кичик бўлиб, организмга юборилганда нохуш ўзгаришларга сабаб бўлади.

Терапевтик доза - дори воситаларига тегишли бўлиб даволаш мақсадида ишлатиладиган миқдорига айтилади. Тиббиётда ҳамма дори препаратлари даволаш мақсадида асосан ўртача терапевтик дозада ишлатилади. Фармацевтик заводларда дори препаратлари терапевтик дозаларда тайёрланади, рецептлар ҳам ушбу дозада кўрсатилади.

🕊@uzpharmcontrol

🖊 Мутахассис: Муддати ўтган дори воситаларни канализация қувурларига оқизиш мумкин эмас!

Муаттар Хўжаева,
Фармацевтика фанлари номзоди, доцент:

Ҳозир кунда ишлаб чиқарилаётган дори воситалари ўртача 2-5 йилга мўлжалланган. Аммо кўрсатилган муддатдан кўра қандай шароитда сақланиши муҳим.

🧺 Махсус дорихоналарда тайёрланиб бериладиган суюқ препаратлар 2-3 кун, кукун ҳолида сув аралаштириладиганини эса 12-14 кунгача қўлланилиши мумкин. Уй шароитида тайёрланадиган дамлама ва қайнатмаларни эса уч кундан ортиқ сақлаб бўлмайди.

❄️ Фойдаланиш жараёнида, албатта, музлаткичда туриши керак. Агар суюқ препарат юзасида кўпик ёки рангининг хиралишиши кузатилса, ундан воз кечинг!

❗️Муддати эскирган дориларни эса канализация қувурларига оқизиш мумкин эмас! Яхшиси, қутисига солиб, оғзини беркитинг-да, чиқинди челагига ташланг.

🕊@uzpharmcontrol

#No_comment

Саноқли дақиқалардан сўнг пойтахтимиздаги “Trilliant Tashkent” меҳмонхонасида “Ўзбекистон соғлиқни сақлаш тизими трансформацияси” мавзусидаги халқаро анжуман бошланади. Унда 700 нафар қатнашчи офлайн ва 500 нафари онлайн тарзда иштирок этиши кутилмоқда.
--
Буквально через считанные минуты в конференц-зале столичной гостиницы «Trilliant Tashkent» начнется международная конференция на тему «Трансформация системы здравоохранения Узбекистана». Ожидается, что в работе форума примут участие 700 человек в режиме офлайн и 500 – в режиме онлайн.

🕊@uzpharmcontrol

“Ўзбекистон соғлиқни сақлаш тизими трансформацияси” мавзусидаги халқаро форум бўлиб ўтмоқда

Унда АҚШ, Хитой, Россия Федерацияси, Туркия, Германия, Франция, Венгрия, Япония, Ҳиндистон, Корея Республикаси, Бирлашган Араб Амирликлари каби 20 га яқин хорижий давлатларнинг юртимиздаги дипломатик корпус вакиллари, халқаро ташкилотлар масъуллари, мамлакатимизда чет эллик инвесторлар билан ҳамкорликда ташкил этилган хусусий тиббиёт клиникалари ва фармацевтик компаниялар раҳбарлари, Ўзбекистон бозорига инвестиция киритиш ва давлат-хусусий шерикчилик лойиҳаларида иштирок этиш истагида бўлган халқаро донорлар ҳамда маҳаллий йирик тадбиркорлар иштирок этмоқда.

🕊@uzpharmcontrol

🟥Uzbekistan - India: Health forum 2023

Бугун Ўзбекистон — Ҳиндистон халқаро соғлиқни сақлаш форуми ўз ишини бошлайди

Хабар берганимиздек, Тошкент шаҳри 13-14 апрель кунлари ушбу нуфузли форумга мезбонлик қилади. Бугун соат 10:00 да “Hilton” меҳмонхонасида халқаро тадбирнинг расмий очилиши бўлиб ўтади.

Соғлиқни вазирлиги ташаббуси билан ўтказилаётган мазкур анжуманда икки мамлакатнинг соғлиқни сақлаш соҳаси масъуллари, дипломатик корпус вакиллари, Ҳиндистоннинг етакчи хусусий тиббиёт марказлари ҳамда йирик фармацевтик корхоналар раҳбарлари иштирок этиши кутилмоқда.

🕊@uzpharmcontrol

🟥Uzbekistan - India: Health forum 2023

Айни дамда "Hilton" меҳмонхонасида Ўзбекистон-Ҳиндистон соғлиқни сақлаш халқаро форуми қизғин давом этмоқда

Олдинда Дори воситалари, тиббий буюмлар ва тиббий техника экспертизаси ва стандартлаштириш давлат маркази ва Serum Institute of India Pvt. Ltd. ўртасида ўзаро ҳамкорлик бўйича англашув меморандуми имзоланиши кутилмоқда.

🕊@uzpharmcontrol

🟥Uzbekistan - India: Health forum 2023

Халқаро форум доирасида тиббиёт соҳасидаги икки томонлама алоқаларни мустаҳкамлашдаги ҳиссаси учун қатор Ҳиндистон вакилларига “Ўзбекистон Республикаси соғлиқни сақлаш аълочиси” кўкрак нишони ҳамда вазирлик ташаккурномаси топширилди.

Шунингдек, бир гуруҳ ҳиндистонлик иштирокчилар Ўзбекистонда тиббий таълим, шифокорлар малакасини ошириш ҳамда икки томонлама ҳамкорликни ривожлантиришга қўшган ҳиссаси учун мамлакатимиз тиббиёт олий ўқув юртларининг “Фахрий профессори” унвонлари билан тақдирланди.

🕊@uzpharmcontrol