🧺 Энди дори воситаларининг чакана референт нархлари билан танишиш янада осон!

Президентимизнинг тегишли қарорига мувофиқ, дори воситалари референт нархларининг жамоатчилик учун очиқлигини кенгайтириш мақсадида, Дори воситалари, тиббий буюмлар ва тиббий техника экспертизаси ва стандартлаштириш давлат маркази томонидан махсус мобил илова ишлаб чиқилди.

🤳 Энди сиз, "UZPHARMINFO" дастури орқали дори воситаларининг референт нархларини кўриш ва кузатиб бориш имконига эга бўласиз.

Дастурни қуйидаги ҳаволага кириб юклаб олшингиз мумкин:

📱 IOS платформаси учун
📱 Android платформаси учун

Эслатиб ўтамиз, "Аҳолини сифатли дори воситалари ва тиббий буюмлар билан таъминлаш юзасидан қўшимча чора-тадбирлар тўғрисида"ги Президент қарорига мувофиқ, 2023 йил 1 июлдан бошлаб референт нархлари қайд этилмаган ёки қайд этилган нархдан юқори бўлган дори воситаларини сертификатлаштириш тақиқланади.

Дори воситалари, тиббий буюмлар ва тиббий техника экспертизаси ва стандартлаштириш Давлат маркази Ахборот хизмати

🕊@uzpharmcontrol

Дори воситаларининг референт нархи

Хабарингиз бор, республикамизда 2020 йилнинг 1 июлидан бошлаб маҳаллий ва хорижий дори воситаларига нисбатан референт нарх шакллантириш тизими босқичма-босқич жорий этилди.

Юқоридаги видеода ушбу тизим ва дори воситасининг референт нархи ҳақида батафсил маълумот берамиз.

🕊@uzpharmcontrol

🟦🟦

Бугун Миллий матбуот марказида ССВ ва “Dori-Darmon” акциядорлик компанияси томонидан ташкил этилган матбуот анжуманида ташкилотнинг ўтган 2022 йилдаги фаолияти якунлари атрофлича таҳлил этилди.

Унда Вазирлик ва тизимдаги ташкилот масъуллари, "Dori-darmon" АК вакиллари ҳамда оммавий ахборот воситалари ходимлари иштирок этди.

🕊@uzpharmcontrol

🟥🟥🟥

“Тутукон Нео ичиш учун эритма 250 мл” дори препаратидан огоҳ бўлинг!

Испаниянинг “Дори воситалари ва тиббий буюмлар агентлиги” (AEMPS) қарорига биноан, Испаниянинг Labaratorio Miquel Y Garriga Inc, S.L. корхонаси томонидан ишлаб чиқарилган “Тутукон Нео ичиш учун эритма 250 мл” (флаконларда) дори препаратининг “Зарур ишлаб чиқариш амалиёти (GMP)” талаблари бузилган ҳолда ишлаб чиқарилганлиги аниқланган.

Ўзбекистон Республикаси Соғлиқни сақлаш вазирлиги ҳузуридаги “Дори воситалари, тиббий буюмлар ва тиббий техника экспертизаси ва стандартлаштириш давлат маркази” юқоридаги маълумотга асосан, Ўзбекистон Республикаси ҳудудига кириб келган қуйидаги: R-049, R-050, R-051, R-078, R-080, R-222, R-236, R-081, R-124, R-204, R-205, R-206, R-218, R-219, R-220, R-221, R-223, R-224, R-225 серияларини фармацевтика бозоридан муомаладан қайтариб олинаётганлигини маълум қилади.

Шу ўринда айтиш жоиз, Испаниянинг “Дори воситалари ва тиббий буюмлар агентлиги” (AEMPS)нининг таснифига кўра, ушбу талабларни бузилганлиги бемор учун жиддий ёки ҳаётий хавф туғдирмайдиган 2-синф “сифат нуқсони”га тегишли эканлиги ва бу борада юртдошларимиз хавотирга тушмасликларини сўраймиз.

Дори воситалари, тиббий буюмлар ва тиббий техника экспертизаси ва стандартлаштириш Давлат маркази Ахборот хизмати

🕊@uzpharmcontrol

Внимание ❗️

ГУП «Государственный центр экспертизы и стандартизации лекарственных средств, изделий медицинского назначения и медицинской техники» при Министерстве здравоохранения Республики Узбекистан сообщает об отзыве лекарственного препарата "ТУТУКОН НЕО раствор для приема внутрь 250 мл", производитель S.A. Laboratorio Miquel Y Garriga, Испания серий: R-049, R-050, R-051, R-078, R-080, R-222, R-236, R-081, R-124, R-204, R-205, R-206, R-218, R-219, R-220, R-221, R-223, R-224, R-225, произведенных с нарушением требований Надлежащей производственной практики - GMP по решению испанского агентства по лекарственным средствам и медицинским изделиям (AEMPS).

Агентство лекарственным средствам и медицинским изделиям (AEMPS), Испания отнесло данные нарушения - дефект класса 2 «Дефект качества, который не представляет серьезной или жизненно важной опасности для пациента».

Пресс-служба
Государственный центр экспертизы и стандартизации лекарственных средств, изделий медицинского назначения и медицинской техники

🕊@uzpharmcontrol

🟦🟦🟦🟦

Дори воситаларига чекланган нархлар қандай ҳисобланади?

Референт нарх шакллантириш тизими доирасида дори воситаларига чекланган нархлар қандай тартибда ҳисобланади?

Эндиликда референт нархлари қайд этилмаган дори воситалари хариди ва улгуржи реализацияси таъқиқланадими?

Батафсил ушбу видеода таништирамиз.

🕊@uzpharmcontrol

Дори воситаларини қаерда ва қандай сақлаш керак?

Муаттар Хўжаева,
Фармацевтика фанлари номзоди, доцент:

Кийим-кечакларни жовонга, озиқ-овқат маҳсулотларини совутгичга жойлаймиз, дори-дармонларни-чи? Уларни қаерда сақлаш лозим?

🖋 Қай бири қаерга?

Аҳамият берган бўлсангиз, ҳар бир препарат йўриқномасида уни сақлаш қоидаси кўрсатилган бўлади. Дори воситаларини қуёш нури тўғридан-тўғри тушмайдиган ва намлик даражаси мўътадил бўлган жойда сақлаш керак.

Таблетка ва капсула кўринишидаги препатлар учун намлик даражаси ғоят муҳим. Уларни салқин ва қуруқ жойга қўйинг. Аэрозоль ёки спрей шаклидаги дорилар учун ёруғлик нури ва хона ҳарорати юқори бўлмаслигига эътибор қаратинг. Тиндирма ёки томчи дорилар қўнғир (ҳимояланган) тусли идишларда ишлаб чиқилса-да, улар ҳам қуёшни «хушлашмайди».

❄️ Совутгичга қўямизми?

Агар препарат йўриқномасида «Салқин ва ёруғлик нуридан ҳимояланган жойда сақланг» дейилган бўлса, ҳарорат кўрсаткичи 15° даражадан ошмаган ҳолда совутгичга жойлаш мумкин. Шунингдек, "5 даража ҳароратдан ошмаган ҳолда сақлансин" дея кўрсатма берилган бўлса, дориларни совутгичга қўйса бўлади.

Суртма ва мойли дорилар, шамчалар ҳамда суюқ кўринишдаги препаратлар учун совутгич эшигидаги қаватлар муносиб танлов.

Дори воситалари, тиббий буюмлар ва тиббий техника экспертизаси ва стандартлаштириш Давлат маркази Ахборот хизмати

🕊@uzpharmcontrol

Сергели ва Яшнобод туманларида кучли таъсир қилувчи дори воситаларини сотаётган шахслар ушланди

Бош прокуратура ҳузуридаги Департамент ҳамда ДХХнинг Сергели тумани бўлимлари томонидан ИИБ ходимлари билан ҳамкорликда ўтказилган тезкор тадбирда, фуқаро Ш.Р. таниши Ж.А.дан харид қилган 12 дона “Тропикамид” номли дори воситасини бошқа бир фуқаро Ш.Ҳ.га 200 АҚШ долларига сотган вақтида ушланиб, унинг ёнидан 1 дона “Снуп” ёзувли флакон ва 22 дона “Регапен” номли кучли таъсир қилувчи дори воситалари ҳамда фуқаро Ж.А.дан яна 60 дона “Регапен” номли дори воситалари ашёвий далил сифатида олинган.

Шу каби, Департаментнинг Яшнобод туман бўлими томонидан ИИББ ходимлари билан ҳамкорликда тумандаги Висол кўчасида ўтказилган тезкор тадбирда, фуқаро М.А. 238 дона “Зардекс” номли кучли таъсир қилувчи дори воситаларини ўз хонадонида ўтказиш мақсадида сақлаб келаётганлиги аниқланиб, ашёвий далил сифатида олинган.

🦠 Мазкур ҳолатлар юзасидан Жиноят кодексининг 251¹-моддаси (кучли таъсир қилувчи ёки заҳарли моддаларни қонунга хилоф равишда муомалага киритиш) билан жиноят ишлари қўзғатилиб, тергов ҳаракатлари ўтказилмоқда.

🕊@uzpharmcontrol

🟥🟥🟥🟥

Хабарингиз бор, бироз аввал “ТУТУКОН НЕО ИЧИШ УЧУН ЭРИТМА 250 МЛ” дори препаратининг GMP талаблари бузилган ҳолда ишлаб чиқарилган маълум сериялари барча давлатлардан муомаладан қайтариб олинаётганлиги ҳақида маълум қилган эдик.

📢 Айрим ОАВ ва телеграм каналларида ушбу маълумот нотўғри талқин қилиниши оқибатида аҳоли ўртасида ваҳима келиб чиқишига сабаб бўлди.

Вазиятга аниқлик киритиш мақсадида Дори воситалари, тиббий буюмлар ва тиббий техника экспертизаси ва стандартлаштириш Давлат маркази мутахассиси Сабоҳат Ҳайитова "Замон" информацион дастурига интервъю берди.

🕊@uzpharmcontrol

🟦🟦🟦🟦

Дунё бўйича биринчи рўйхатга олинган дорихона VIII асрда (754 й.) Бағдод шаҳрида очилган

Давлат дорихонаси сифатида фаолият кўрсатган дорихона билан бир қаторда, Бағдодда тиббиёт, фармация ва кимёгарлик илмини ўрганиш академияси очилган.

Бироз вақт ўтгандан сўнг, XI асрда Испания, кейин Европанинг кўплаб шаҳарларида дорихоналар пайдо бўлади. Маълумотларга кўра, уларнинг биринчи асосчилари ҳам араблар ҳисобланади.

Эслатиб ўтамиз, пойтахтимиз Тошкент шаҳрида очилган илк дорихона ҳақида бу ҳаволада ўқишингиз мумкин.

🕊@uzpharmcontrol

#Қонунчиликдаги_янгиликлар

“Аҳолини сифатли истеъмол товарлари билан таъминлашга қаратилган қўшимча чора-тадбирлар тўғрисида”ги Президент қарори (ПҚ–110-сон, 04.04.2023 й.) қабул қилинди.

📝 Қарорга кўра:

🦠 истеъмолчилар ҳаёти ёки соғлиғи хавфсизлиги талабларига жавоб бермайдиган маҳсулотларнинг ноқонуний муомаласи билан боғлиқ қилмиш учун жавобгарлик кучайтирилади;

🦠 этил спирти, алкоголь ва тамаки маҳсулотларининг ноқонуний муомаласи билан боғлиқ қилмиш учун жавобгарлик ижтимоий хавфлилик даражасидан келиб чиқиб ўрнатилади;

🦠 санитария қонунчилиги ва ветеринария, ветеринария-санитария қоидаларини бузганлик учун белгиланган маъмурий жавобгарлик кучайтирилади;

🦠 ўзганинг товар белгисидан, хизмат кўрсатиш белгисидан, географик кўрсаткичидан, товар келиб чиққан жой номидан, адаштириб юбориш даражасида улар билан ўхшаш бўлган белгидан ёки фирма номидан қонунга хилоф равишда фойдаланганлик учун жавобгарлик кучайтирилади;

🦠 белгиланган талаблар ва шартларнинг қўпол равишда бузилиши оқибатида лицензияси бекор қилинган ёки хабардор қилиш тартибида фаолиятни (ҳаракатларни) амалга ошириши тугатилган тадбиркорларга қуйидаги рўйхатда келтирилган фаолият турлари билан шуғулланишига чекловлар белгиланади.

Мазкур масалалар юзасидан тегишли қонун лойиҳаси ишлаб чиқилади.

🦠 Қарорга мувофиқ, истеъмолчилар ҳуқуқлари ҳимоя қилинишини таъминлаш, сертификатланмаган, сақлаш муддати ўтиб кетган, контрафакт ва истеъмолга яроқсиз товарларни ишлаб чиқариш ҳолатлари ҳамда уларнинг айланмасига чек қўйишда жамоатчилик назорати кучайтирилади.

Жумладан:

💻 мурожаатлар ягона ахборот тизими орқали қабул қилинади ва улар ваколатли органлар томонидан қисқа муддатларда кўриб чиқилади;

💵 ҳуқуқбузарликлар ҳақида хабар берган шахслар рағбатлантирилади.

🕊@uzpharmcontrol

📢 Жорий йилнинг 13-14 апрель кунлари пойтахтимиздаги Hilton меҳмонхонасида Ўзбекистон–Ҳиндистон соғлиқни сақлаш халқаро форуми бўлиб ўтади

Анжуманда Ўзбекистон Республикаси Соғлиқни сақлаш вазирлиги, юртимиздаги барча ихтисослаштирилган илмий-амалий тиббиёт марказлари, тиббий олий таълим муассасалари ва ҳудудий тиббиёт масканлари, шунингдек Ҳиндистоннинг соғлиқни сақлаш соҳаси масъуллари, нуфузли хусусий тиббиёт марказлари ҳамда йирик фармацевтик корхоналар раҳбарлари иштирок этади.

Халқаро форумда мамлакатлараро тиббий ҳамкорликни кенгайтириш, соҳани рақамлаштириш, тиббий туризмни ривожлантириш каби қатор масалалар муҳокама этилади.

🖋 Рўйхатдан ўтиш

🕊@uzpharmcontrol

🟦🟦🟦🟦

Бугун — Бутунжаҳон саломатлик куни

“Соғлик — ҳамма учун!”. Бутунжаҳон саломатлик кунининг бу йилги шиори шундай. Барчанинг соғлом бўлиши учун ҳаммамиз интилайлик, қайғурайлик, деган глобал мақсад бор замирида.

📅 Бугун — Жаҳон соғлиқни сақлаш ташкилоти 75 ёшда. Ташкилотга 1948 йилнинг 7 апрелида асос солинган. Ўшандан буён ҳар йили мазкур сана Бутунжаҳон саломатлик куни сифатида кенг нишонланади. Жумладан, Ўзбекистонда ҳам!

🕊@uzpharmcontrol

Салоҳиятли кадрлар тайёрлаш — замон талаби

Халқимиз саломатлигини мустаҳкамлаш, аҳолини сифатли ва арзон дори воситалари, тиббий буюмлар ва тиббий техника билан таъминлаш шунингдек, соҳада инновацион янгиликлар ва замонавий технологияларни қўллашда салоҳиятли кадрларнинг ўз ўрни бор.

Шу боис, Дори воситалари, тиббий буюмлар ва тиббий техника экспертизаси ва стандартлаштириш давлат маркази директори Мирзохиджон Қодиров раҳбарлик лавозимига киришар экан, ишни айнан шу масалага эътибор қаратишдан бошлади.

📈 Айни кунларда Марказ директори ташаббуси билан “Triple Point Engineering” МЧЖ билан ҳамкорликда Қиёслаш лабораторияси мутахассислари учун ташкиллаштирилган "Ўлчаш воситаларини қиёслаш ва калибрлаш (ўлчаш турлари бўйича) курси" мавзусида ўқув семинари бўлиб ўтмоқда.

Дори воситалари, тиббий буюмлар ва тиббий техника экспертизаси ва стандартлаштириш Давлат маркази Ахборот хизмати

🕊@uzpharmcontrol

Ўзбекистоннинг хорижий давлатларда жойлашган референдум участкалари харитаси яратилди

Хабарингиз бор, юртимизда Ўзбекистон Республикаси Конституциясини ўзгартириш бўйича умумхалқ сайлови — референдум 30 апрел куни бўлиб ўтади. Янги таҳрирга асосан, конституциясидаги моддалар сони ҳозирги 128 тадан 155 тага, ундаги нормалар эса 275 тадан 434 тага ошириляпти.

Қуйидаги ҳавола орқали хорижда яшовчи ўзбекистонликлар интерактив харита ёрдамида референдум ўтказиладиган 55 та участка ҳақида маълумот олишлари мумкин.

🕊@uzpharmcontrol

🟥🟥🟥

Ҳурматли Ҳиндистон давлатининг фармацевтика соҳа вакиллари!

2023 йил 13-14 апрель кунлари Тошкент шаҳрида Ўзбекистон ва Ҳиндистон ўртасида биринчи соғлиқни сақлаш форуми бўлиб ўтади. Мазкур нуфузли анжуманга Ҳиндистоннинг соғлиқни сақлаш ва фармацевтика соҳасидаги барча мутахассислар ва корхоналар вакиллари таклиф этилади.

Анжуманда:

☑️ республикамизда фармацевтика соҳасида амалга оширилаётган ислоҳотлар;
☑️ фармацевтика маҳсулотлари муомаласинининг ҳолати ва уни такомиллаштириш;
☑️ фармацевтика маҳсулотларини стандартлаштириш, лаборатория синовларини ташкил этиш ва амалга оширишнинг долзарб масалалари;
☑️ фармацевтика фаолияти билан шуғилланувчи корхоналарни GMP стандарти талаблари асосида инспекция жараёнини амалга ошириш каби масалалар муҳокама этилади.

Манзил: Ҳилтон меҳмонхонаси
Вақти: 13 апрель, соат 09:30

Мурожаат учун: +998909209588
murotxonsulaymonov@gmail.com
--
Dear representatives of the pharmaceutical industry in India!

On April 13-14, 2023, the first Health forum between Uzbekistan and India will be held in Tashkent. We invite representatives of all Indian professionals and companies in the field of healthcare and the pharmaceutical industry to this prestigious conference.

The conference will be discussed issues such as:

☑️ reforms carried out in the field of pharmaceuticals in the Republic of Uzbekistan;
☑️ state of circulation of pharmaceutical products and their improvement;
☑️ topical issues of standardization of pharmaceutical products, organization, and conduct of laboratory tests;
☑️ implementation of the process of inspection of pharmaceutical enterprises based on the requirements of the GMP standard.

Address: Tashkent City, Hilton Hotel.
Event Start: April 13, 2023, at 9:30.
Contact numbers for participation: murotxonsulaymanov@gmail.com, WhatsApp, Telegram, +998909209588.

🕊@uzpharmcontrol

🆘 Фармрейд: Кучли таъсир қилувчи дори воситаларининг ноқонуний айланмасига чек қўйилди

Қорақалпоғистон Республикаси божхона бошқармаси Контрабандага қарши курашиш ва божхона аудити бўлими ходимлари томонидан ДХХ, ИИВ ЙПХ ходимлари билан ҳамкорликда Тўрткул туманида ўтказилган тезкор тадбир давомида “Cobalt” русумли автотранспорт воситасида йўловчи бўлиб кетаётган фуқаро А.Ж холислар иштирокида текширилди.

Натижада, фуқаро шимининг ўнг чўнтагидан 1 дона конвалютада 5 дона “Regapen 300mg” ёзувли капсулалар ва унга тегишли бўлган қора рангли сумкаси ичидан 30 конвалютада 419 дона “Regapen 300mg” ёзувли ҳамда 225 дона флаконда “Тропикамид” ёзувли дори воситалари борлиги аниқланди.

Ҳозирда мазкур ҳолат юзасидан божхона органлари томонидан суриштирув ҳаракатлари давом эттирилмоқда.

🕊@uzpharmcontrol

🟦🟦🟦🟦

Дори воситаларининг рекламаси бўйича қонунда қандай талаблар мавжуд?

Юқоридаги видеода Адлия вазирлиги дори воситалари рекламасида эътибор бериш керак бўлган муҳим жиҳатларга тўхталиб ўтган.

Эслатиб ўтамиз, “Реклама тўғрисида” қонунига мувофиқ, қуйидагилар:

👨‍⚕️ фақат шифокор рецепти бўйича бериладиган дори воситалари;
💊 таркибида гиёҳвандлик воситалари ёки психотроп ва кучли таъсир қилувчи моддалар мавжуд дори воситалари;
❌ Юртимизда тиббиётда қўлланиш учун рухсат этилмаган ва Соғлиқни сақлаш вазирлигида давлат рўйхатидан ўтмаган дори воситалари рекламаси тақиқланади.

🕊@uzpharmcontrol

🇮🇳 Уважаемые представители фармацевтической промышленности Индии!

13-14 апреля 2023 года в Ташкенте состоится первый форум здравоохранения между Республикой Узбекистан и Индией.

В связи с этим приглашаем всех индийских представителей, специалистов и компаний в сфере здравоохранения и фармацевтической промышленности на эту престижную конференцию.

На конференции будут обсуждены такие вопросы, как:

☑️ реформы, проводимые в сфере фармацевтики в нашей Республике;
☑️ состояние обращения фармацевтической продукции и его совершенствование;
☑️ актуальные вопросы стандартизации фармацевтической продукции, организации и проведения лабораторных исследований;
☑️ внедрение процесса инспектирования фармацевтических предприятий на основе требований стандарта GMP.

Адрес: город Ташкент, гостиница Hilton.
Начало Мероприятия: 13 апреля 2023 года в 9:30.

Контактные данные для координации: murotxonsulaymanov@gmail.com, WhatsApp, Telegram, +998909209588.

Пресс-служба
Государственный центр экспертизы и стандартизации лекарственных средств, изделий медицинского назначения и медицинской техники

🕊@uzpharmcontrol

🗓 9 апрель: Буюк саркарда, соҳибқирон Амир Темур таваллуд топган кун

Aмир Темур яратган давлат, Марказий Осиё минтақасида сўнгги ва энг қудратли империя бўлганини биласизми ёки Темурийлар империяси инсоният тарихида яратилган империялар ичида, майдони бўйича 26-ўринда туришини-чи..?

🕊@uzpharmcontrol