🟦🟦🟦🟦🟦

Ўтган ҳафта давомида "Фармацевтика маҳсулотлари хавфсизлиги маркази" давлат муассасаси фаолиятида рўй берган муҳим воқеалар дайжести:

😎 Соғлиқни сақлаш вазирининг буйруғи билан дори воситалари, тиббий буюмлар ва тиббий техниканинг хорижий ишлаб чиқарувчисининг (ёки унинг номидан ҳаракат қилувчи ишончли вакилнинг) аризасини кўриб чиқиш ва гувоҳнома бериш, унга ўзгартириш ва қўшимчалар киритиш, гувоҳноманинг амал қилиш муддатини узайтириш, уни қайта расмийлаштириш ва дубликат бериш тўғрисидаги аризасини кўриб чиқиш учун ундириладиган йиғим миқдорлари тасдиқланди

😎 Марказ мутахассислари Жанубий Кореянинг GTH-B (Global Training Hub for Biomanufacturing) марказида малака оширмоқда

😎 Марказда ISO 9001 халкаро стандартини жорий этиш буйича сертификатлаштириш аудити ўтказилди

😎 “Фармаконазоратнинг тегишли амалиёти - GVP” стандарти тасдиқланди

😎 Сурхондарё вилоятида кучли таъсир қилувчи моддалар муомиласини тартибга солишга бағишланган семинар ўтказилди

😎 Наркотикларни назорат қилиш миллий маркази директори Марказ фаолияти билан танишди

😎 Марказда соҳа тадбиркорлари билан учрашув бўлиб ўтди

😎 Марказ мутахассислари “Ренгалин” дори воситасини апробациядан ўтказиш жараёнларида иштирок этди

😎 3 номдаги 750 ўрам дори воситаси қалбакилаштирилганлиги аниқланди

😎 Марказ томонидан маҳаллий ва хорижий дори воситаларига нисбатан белгиланган чекланган нархлар тўғрисидаги маълумотлар янгиланди

Фармацевтика маҳсулотлари
хавфсизлиги маркази Матбуот хизмати

Telegram | Facebook | Instagram | Youtube

🟦🟦🟦

Марказда Экспертлар кенгашининг навбатдаги йиғилиши бўлиб ўтди

Фармацевтика маҳсулотлари хавфсизлиги марказида 26-сонли Экспертлар кенгаши йиғилиши бўлиб ўтди.

Унда маҳаллий ва хорижий давлатлар ишлаб чиқарувчилари тақдим этган:

↗️ 12 номдаги дори воситалари, 43 номдаги тиббий буюмлар ва тиббий техника давлат рўйхатидан ўтказилди. Ҳамда 20 номдаги дори воситалари ва 1 номдаги тиббий буюм ва тиббий техникани рўйхатдан ўтказиш рад этилди.

↗️ 29 номдаги дори воситалари, 2 номдаги тиббий буюмлар ва тиббий техниканинг рўйхатдан ўтказилганлик гувоҳномасини амал қилиш муддати узайтирилди. Ҳамда 12 номдаги дори воситасини рўйхатдан ўтказилганлик гувоҳномасини амал қилиш муддатини узайтириш рад этилди.

↗️ Давлат рўйхатидан ўтган 37 номдаги дори воситалари ва 1 номдаги тиббий буюмлар ва тиббий техникаларнинг рўйхатдан ўтказилганлик гувоҳномалари ҳамда рўйхатдан ўтказиш ҳужжатларига ўзгартириш ва қўшимчалар киритишга рухсат этилди. 3 номдаги дори воситасининг рўйхатдан ўтказилганлик гувоҳномаси ҳамда рўйхатдан ўтказиш ҳужжатига ўзгартириш ва қўшимчалар киритиш рад этилди.

↗️ 2 номдаги дори воситалари клиник тадқиқотлар ўтказишга тавсия этилди.

Telegram | Facebook | Instagram | Youtube

#Қонунчиликдаги_янгиликлар

Вазирлар Маҳкамасининг 2024-йил 31-октябрдаги "Гиёҳвандлик воситалари, психотроп моддалар ва прекурсорларнинг муомалада бўлиши билан боғлиқ фаолиятни лицензиялаш тартиб-таомиллари такомиллаштирилиши муносабати билан Ўзбекистон Республикаси Вазирлар Маҳкамасининг 2022 йил 21 февралдаги 80-сон қарори билан тасдиқланган Махсус электрон тизим орқали айрим фаолият турларини лицензиялаш тартиби тўғрисидаги ягона низомга ўзгартириш ва қўшимча киритиш ҳақида”ги 725-сон қарори қабул қилинди.

↗️ Мазкур қарор билан Вазирлар Маҳкамасининг 2022 йил 21 февралдаги 80-сон қарорига “Гиёҳвандлик воситалари, психотроп моддалар ва прекурсорларнинг муомалада бўлиши билан боғлиқ фаолиятни лицензиялаш паспорти” 37-илова сифатида киритилди.

Ушбу ҳужжатга мувофиқ, гиёҳвандлик воситалари, психотроп моддалар ва прекурсорларнинг муомалада бўлиши билан боғлиқ фаолият билан шуғулланиш учун юридик шахсларга бериладиган лицензия талабларини белгиловчи паспорт тасдиқланди. Эндликда мазкур фаолиятни лицензиялаш махсус электрон тизим орқали расмийлаштирилади.

Қарор расмий эълон қилинган кундан эътиборан уч ой ўтгач кучга кириши белгиланган.

Telegram | Facebook | Instagram | Youtube

🟦🟦🟦

“PQM+" дастури доирасида "Аналитик усулларни ишлаб чиқиш, тасдиқлаш ва технологиялар трансфери" мавзусидаги тренинг бўлиб ўтмоқда.

Унда “Фарамацевтика маҳсулотлари хавфсизлиги маркази”, Фармацевтика тармоғини ривожлантириш агентлиги, Тошкент фармацевтика институти ва соҳа мутахассислари иштирок этмоқда.

Ушбу тренинг фармацевтика маҳсулотларини ишлаб чиқаришда юқори сифат ва хавфсизлик стандартларига риоя қилиш учун зарур бўлган аналитик усулларни ривожлантириш, уларни тасдиқлаш ва амалиётга жорий этишда мутахассисларга катта тажриба беради.

Бу нафақат дори воситалари сифатини таъминлаш, балки янги технологияларни тезкор ва самарали тарзда миллий фармацевтика секторига интеграция қилишда муҳим аҳамият касб этади.

Telegram | Facebook | Instagram | Youtube

🟦🟦🟦

USP АҚШ Фармакопеяси томонидан вебинар ташкил этилмоқда

USP томонидан “АҚШ Фармакопеясининг эталон стандартини ишлаб чиқиш ва хавфларни камайтириш усуллари” мавзусида вебинар ўтказилмоқда. Ушбу вебинар фармацевтика маҳсулотларини сифати ва хавфсизлигини таъминлаш бўйича халқаро стандартлар билан танишиш имконини беради.

☑️ Сана: 7 ноябрь 2024 йил
☑️ Вақти: 13:00 (Тошкент вақти билан)
☑️ Формат: Онлайн (вебинар)

Иштирокчиларга вебинар давомида АҚШ Фармакопеясининг эталон стандартларини яратиш жараёнлари, уларнинг афзалликлари ҳамда хавфларни камайтиришнинг самарали усуллари ҳақида батафсил маълумот берилади. Ушбу мавзу, айниқса, фармацевтика соҳасидаги мутахассислар, сифат назорати ходимлари ва фармакопея стандартларига қизиқиш билдирганлар учун долзарбдир.

Вебинарда иштирок этиш учун қўйидаги ҳавола орқали олдиндан рўйхатдан ўтиш талаб этилади.

Қўшимча маълумот учун: 90-020-90-00

Барча қизиқувчиларни ушбу муҳим тадбирга таклиф қиламиз!

Telegram | Facebook | Instagram | Youtube

🟦🟦🟦🟦

Ўзбекистон регулятор органи ICH'га кузатувчи мақомида қабул қилинди

Монреал шаҳрида фармацевтика маҳсулотларига қўйиладиган техник талабларни уйғунлаштириш бўйича халқаро кенгаш Ассамблеяси ICH'нинг навбатдаги йиғилиши бўлиб ўтмоқда.

Унда мамлакатимиздан Соғлиқни сақлаш вазирлиги ҳузуридаги “Фармацевтика маҳсулотлари хавфсизлиги маркази” ДМ директори Алишер Темиров иштирок этмоқда. Бу Ўзбекистоннинг ушбу нуфузли ташкилот йиғилишидаги илк қатнашуви.

Маълумот учун, ICH (International Council for Harmonisation of Technical Requirements for Pharmaceuticals for Human Use) 1990 йилда ташкил этилган бўлиб, дори воситаларининг сифатини, хавфсизлигини ва самарадорлигини таъминлаш учун фармацевтика маҳсулотлари учун халқаро илмий ва техник талабларни мувофиқлаштирувчи кенгаш ҳисобланади. Бугунги кунда ICH таркибида 19 та тўлақонли аъзо ва 36 та кузатувчи мақомидаги иштирокчи мавжуд бўлиб, улардан асосийлари АҚШ, Европа Иттифоқи, Япония, шунингдек, бир нечта халқаро ташкилотларнинг тартибга солувчи органларидир.

Кенгашда ўз тақдимоти билан нутқ сўзлаган Алишер Темиров, Ўзбекистон миллий регулятор органи ва унинг вазифалари ҳамда аҳолини сифатли фармацевтика маҳсулотлари билан таъминлашда муассаса томонидан амалга оширилаётган ишлар ҳақида батафсил маълумот берди. Бу эса ICH аъзолари томонидан юқори эътироф этилиб, йиғилишда “Фармацевтика маҳсулотлари хавфсизлиги маркази” давлат муассасасини ICH’га расмий равишда кузатувчи мақомида қабул қилиниши бир овозда маъқулланди.

Айтиш жоиз, ICH’да кузатувчи мақомини олиш Ўзбекистон Республикасининг жаҳон фармацевтика ҳамжамиятига интеграциялашуви жараёнидаги муҳим қадам бўлиб, маҳаллий тартибга солиш стандартларини халқаро талаблар билан уйғунлаштириш имконини яратади.

Telegram | Facebook | Instagram | Youtube

🟦🟦🟦

Лицензиялаш юзасидан аризаларни онлайн йўллаш бўйича қўлланма ишлаб чиқилди

Фармацевтика фаолияти билан шуғулланиш ҳуқуқини берувчи лицензия олиш, лицензиянинг муддатини узайтириш, қайта расмийлаштириш, ўзгартириш юзасидан аризаларни Махсус электрон “Лицензия” ахборот тизими орқали онлайн йўллаш бўйича услубий қўлланма ишлаб чиқилди.

Унда электрон платформа орқали ариза топшириш ва керакли ҳужжатларни юклаш билан боғлиқ барча босқичлар батафсил тушунтирилган.

Қўлланмани қуйидаги ҳавола орқали юклаб олишингиз мумкин.

Telegram | Facebook | Instagram | Youtube

🟦🟦🟦

Республикада фаолият юритаётган фармацевтика маҳсулотларини сертификатлаштириш органлари томонидан жорий йил октябрь ойида:

☑️ 4084 та сериядаги 74 127 184 шартли ўрамдаги маҳсулотга 1032 та мувофиқлик сертификати расмийлаштирилди.

☑️ 43 сериядаги 475 315 шартли ўрамдаги фармацевтика маҳсулоти лаборатория синовлари натижасида норматив хўжжатлар талабларига номувофиқ деб топилди.

Telegram | Facebook | Instagram | Youtube

🟦🟦🟦

Қадрли ва ҳурматли тиббиёт ходимлари!

Сизлар ўз касбингиз орқали минглаб инсонлар қалбида умид ва ҳаёт нурлари уйғотаётган қаҳрамонларсиз.

Тиббиёт ходимлари куни – нафақат сиз азиз шифокорларни касбингизни, балки қалбингиздаги меҳрни, фидойилигингизни ва чексиз меҳнатингизни қадрлайдиган байрамдир. Чунки ҳар бир инсон учун саломатликнинг аҳамияти беқиёс ва бу бойликни айнан сизлар қўриқлаяпсиз.

Сизлар, чин маънода, соғлиқни сақлаш соҳасининг таянч пойдевори ва жасорат намунасиз. Кечаю кундуз беморларнинг олдида туриб, ҳаётни асраш ва уларнинг қалбларига қувонч улашаётганингиз – бу шарафли вазифа!

Барчангизга чексиз миннатдорлик билдириб, ўз ишларингизда доимо омад ва зафар ёр бўлишини тилакдошиман. Юртимизда соғлом ва бахтли ҳаётни таъминлашда қўшаётган улкан ҳиссангиз учун чин дилдан ташаккур!

Ҳар бирингизга мустаҳкам соғлиқ, бахт ва оилавий фаровонлик тилайман.

Тиббиёт ходимлари куни муборак бўлсин!

Алишер Темиров,
Фармацевтика маҳсулотлари хавфсизлиги маркази директори

Telegram | Facebook | Instagram | Youtube

🟦🟦🟦🟦🟦

Ўтган ҳафта давомида "Фармацевтика маҳсулотлари хавфсизлиги маркази" давлат муассасаси фаолиятида рўй берган муҳим воқеалар дайжести:

😎 Марказда Экспертлар кенгашининг навбатдаги йиғилиши бўлиб ўтди

😎 ЖССТнинг Уппсала Мониторинг маркази томонидан ҳар йили ўтказиб келинадиган глобал тадбир MedSafetyWeek - 2024 хафталиги ўтказилди

😎 Вазирлар Маҳкамасининг 2022 йил 21 февралдаги 80-сон қарорига “Гиёҳвандлик воситалари, психотроп моддалар ва прекурсорларнинг муомалада бўлиши билан боғлиқ фаолиятни лицензиялаш паспорти” 37-илова сифатида киритилди

😎 "Аналитик усулларни ишлаб чиқиш, тасдиқлаш ва технологиялар трансфери" мавзусидаги тренинг бўлиб ўтди

😎 USP АҚШ Фармакопеяси томонидан вебинар ташкил этилди

😎 Ўзбекистон регулятор органи ICH'га кузатувчи мақомида қабул қилинди

😎 Соғлиқни сақлаш тизимида масъул лавозимларда ишлаган фидойи инсон, ташкилотчи раҳбар, фармацевтика фанлари номзоди, соғлиқни сақлаш аълочиси М.Ибрагимова 67 ёшда вафот этди

😎 Лицензиялаш юзасидан аризаларни онлайн йўллаш бўйича қўлланма ишлаб чиқилди

😎 Октябрь ойида расмийлаштирилган мувофиқлик сертификатлари ҳақида маълумот берилди

😎 "Фармацевтика маҳсулотлари хавфсизлиги маркази" ДМ Халқаро фармацевтика регуляторлари дастурига (IPRP) аъзо бўлди

😎 "Фармацевтика маҳсулотлари хавфсизлиги маркази" ДМ директори Алишер Темиров Тиббиёт ходимлари куни муносабати билан соҳа ходимларига табрик йўллади

Фармацевтика маҳсулотлари
хавфсизлиги маркази Матбуот хизмати

Telegram | Facebook | Instagram | Youtube

💬 16-савол:

Шамоллашда “Терафлю” ва “Нимесил” дори воситаларини бирга қўшиб ичса бўладими?

Саволга "Фармацевтика маҳсулотлари хавфсизлиги маркази" ДМнинг Фармакология қўмитаси раиси Саидислом Абдуллаев жавоб берди.

💳 Жавоб:

Ҳозирда шамоллаш касалликлари, ОРВИ, ГРИПП билан боғлиқ мавсумий касалликлар билан хасталаниш ҳолатлари кўп учраётган даврда албатта дори воситаларига эҳтиёж ортиши табиий. Лекин ҳар бир дори воситасини қабул қилишдан олдин албатта шифокор билан маслаҳатлашиш, унинг кўрсатмаларига қатьий амал қилиш талаб этилади.

Бунда шифокор беморга тайинлаётган дори воситасини неча ёшдан бошлаб ичиш мумкинлиги, қачон ва қандай дозаларда, овқатдан олдин ёки овқатдан кейин қабул қилиш, ва айниқса қайси дори воситалари билан биргаликда ичиш мумкин ёки мумкин эмаслиги тўғрисида маьлумот беради.

Зеро, шамоллаш касалликлари, ЎРВИ ва ГРИПП симптомларини бартараф этувчи дори воситалари рецептсиз сотиладиган дори воситалари тоифасига кирганлиги туфайли, улар беморлар томонидан мустақил равишда шифокор назоратисиз қабул қилинади. Шу боисдан ҳам бундай дори воситаларини қабул қилишдан аввал уларнинг қўлланилишига доир йўриқномалари ва улардаги кўрсатмалар билан албатта яхшилаб танишиб чиқиш зарур. Айниқса, қўллаш йўриқномасидаги “дори воситаларини ўзаро таъсири” бўлимига жуда катта эътибор бериш, уни пухта ва батафсил ўрганиб чиқиш лозим.

Чунки, мазкур дори воситаларининг таъсир этувчи моддалари “Ностероид яллиғланшга қарши воситалар” гуруҳига мансуб бўлиб, аксарият ҳолларда улар бир вақтда қўлланганда, албатта, таъсири кучаяди ва кутилганидан ҳам ортиқ самара кузатилади. Бироқ, бу гуруҳ дори воситалари бирга бир вақтда қўлланганда уларнинг ножўя таъсирлари ҳам ҳаддан зиёд ортиб, ўта нохуш ҳолатларга олиб келиши мумкин.

Саволда айтилган дори воситаларини бир вақтда қабул қилиш орқали уларнинг таъсир самараси кучайгани билан бирга ножўя таъсирлар жуда кучайиб кетади. Яъни, дори воситалари бирга қабул қилинганда бир бирини таьсирини кучайтириши ёки самарадорлигини пасайтириши ҳамда бири иккинчисининг токсиклигини ошириши мумкин. Шунинг учун ҳам уларни қабул қилишда албатта шифокорга мурожаат қилиш лозим.

Савол юбориш - @uzpharmcontrol_bot

Telegram | Facebook | Instagram | Youtube

🟦🟦🟦

8 номдаги 1360 ўрам дори воситаси қалбакилаштирилганлиги аниқланди

Ҳуқуқни муҳофаза қилувчи органлар томонидан республикамиз ҳудудида ўтказилган тезкор тадбирларда олинган дори воситалари "Фармацевтика маҳсулотлари хавфсизлиги маркази" ДМ лабораторияларида экспертиза қилинди.

🟥 Жорий йил октябрь ойида ўтказилган таҳлил натижаларига кўра, 1365 номдаги 25332 ўрам жумладан:

✔️ 560 номдаги 7874 ўрам — давлат рўйхатидан ўтган ва мувофиқлик сертификати мавжуд бўлган;
✔️ 713 номдаги 14750 ўрам — давлат рўйхатидан ўтмаган ва мувофиқлик сертификати мавжуд бўлмаган;
✔️ 10 турдаги 36 ўрам — ёрлиқлаш кўрсаткичи бўйича (контрафакт);
✔️ 74 номдаги 1312 ўрам — яроқлилик муддати тугаган, сифатсиз;
✔️ 8 номдаги 1360 ўрам — қалбакилаштирилган дори воситалари тиббиёт амалиётида қўллаш мумкин эмаслиги бўйича хулоса берилди.

Ҳамда сифати кафолатланмаган мазкур дори воситалари ва тиббий буюмларнинг ноқонуний айланмасига чек қўйилди.

Постмаркетинг назорати бошқармаси

Telegram | Facebook | Instagram | Youtube