🟦🟦🟦

Марказ мутахассислари Жанубий Кореяда малака оширмоқда

Фармацевтика соҳаси жадал ривожланиб бораётган бир даврда, мазкур соҳадаги ходимларнинг малакасини мунтазам ошириб бориш жуда муҳим аҳамиятга эга. Инновациялар ва технологик ютуқлар соҳани ўзгартириб, замонавий даволаш усулларини киритмоқда. Шунинг учун фармацевтлар ва бошқа соҳа вакиллари янги билим ва кўникмаларни эгаллаб, ўз малакаларини мунтазам равишда янгилаб боришлари талаб этилади.

Жанубий Кореянинг GTH-B (Global Training Hub for Biomanufacturing) марказида ўтказилаётган ўқув дастури ҳам айни шу мақсадга қаратилган. Унда 44 мамлакатдан саралаб танланган 140 иштирокчи малака оширмоқда. Улар орасида “Фармацевтика маҳсулотлари хавфсизлиги маркази" ДМининг икки нафар мутахассиси, Камола Ҳакимова ҳамда Дилафрўз Муйдиновалар ҳам бор.

ЖССТ ҳамкорлигида ҳар йили ташкил этиладиган мазкур ўқув курси – вакциналар, биотиббиёт маҳсулотларини хавфсизлиги ва самарадорлигини таъминлаш бўйича энг замонавий технологиялар, амалиётлар ва илмий тажрибаларни ўрганишга йўналтирилган.

Курс давомида иштирокчилар халқаро стандартлар асосида вакциналарни ишлаб чиқариш, сифат назорати ва лаборатория жараёнларини такомиллаштириш бўйича назарий ва амалий машғулотларда иштирок этишади.

Telegram | Facebook | Instagram | Youtube

💬 15-савол:

Асосий дорихонанинг тармоқ очишига лицензияси бўлмаса ҳам бу бино кўриб чиқилиб унга тармоқли дорихона сифатида GPP сертификати бериладими?

Саволга Фармацевтика маҳсулотлари хавфсизлиги марказининг Фармацевтика фаолиятини лицензиялаш бошқармаси бошлиғи ўринбосари Д. Мансурбеков жавоб берди.

💳 Жавоб:

Вазирлар Маҳкамасининг 2022 йил 21 февралдаги “Махсус электрон тизим орқали айрим фаолият турларини лицензиялаш тартиби тўғрисидаги ягона низомни тасдиқлаш ҳақида”ги 80-сонли қарорининг 29-илова 9-банд «в» қисмида:

дори воситалари ва фармацевтика фаолияти тўғрисидаги қонунчилик ҳужжатларига, жумладан, Зарур фармацевтика (дорихона) амалиёти давлат стандартларига, шунингдек, дори воситалари ва тиббий буюмлар муомаласини техник жиҳатдан тартибга солиш соҳасидаги норматив ҳужжатлар талабларига мажбурий риоя этиш кераклиги белгиланган ҳамда лицензия талаб ва шартларидан бири ҳисобланади.

Вазирлар Маҳкамасининг 2019 йил 19 сентябрдаги “Фармацевтика соҳасига зарур амалиётлар (GxP) талабларини жорий этиш бўйича қўшимча чора-тадбирлар тўғрисида”ги 788-сонли қарорининг 3-бандида:

фармацевтика маҳсулотларини чакана сотиш билан шуғулланувчи барча маҳаллий ташкилотлар Зарур фармацевтика (дорихона) амалиёти (GPP) миллий талабларига мувофиқ фармацевтик инспекциядан ўтказилиши белгиланган.

Савол юбориш - @uzpharmcontrol_bot

Telegram | Facebook | Instagram | Youtube

🟦🟦🟦🟦

Тиббиёт ва фармацевтика ходимларини мажбурий аттестациядан ўтказиш тартиби қандай?

Улар ўз хоҳишига кўра ҳам навбатдан ташқари малака тоифасини бериш бўйича аттестациядан ўтказилиши мумкинми?

Аттестациядан ўта олмаган ходимларнинг малака тоифаси туширилмайдими?

Навбатдаги мажбурий аттестациядан ўтиш учун шифокор ва фармацевтларни ким хабардор қилади?

↗️ Юқоридаги саволларга Тиббиёт ва фармацевтика ходимларининг малакасини баҳолаш маркази бўлим бошлиғи Бобур Ҳамидов жавоб беради.

Telegram | Facebook | Instagram | Youtube

4 саволга 4 жавоб:
Муҳим маълумотлар эслатмаси

🦠 Дори воситаларини қабул қилишда энг кўп учрайдиган хатолар нималардан иборат? - Жавоб

🦠 Ҳар бир оиладаги дори қутисида қандай дори воситалари бўлиши керак? - Жавоб

🦠 Қандай ҳолларда таблеткаларни қисмларга бўлиб ичиш мумкин эмас? - Жавоб

🦠 Дори воситаларини қабул қилишда нималарга эътибор бериш керак? - Жавоб

Telegram | Facebook | Instagram | Youtube

🟦🟦🟦

Марказда ISO 9001 халкаро стандартини жорий этиш буйича сертификатлаштириш аудити ўтказилмокда

"Фармацевтика маҳсулотлари хавфсизлиги маркази" ДМ фаолиятида сифатни бошқариш ва хизматларнинг халқаро стандартларга мувофиқлигини таъминлаш мақсадида ISO 9001 сифат бошқарув тизимини жорий этиш бўйича сертфикатлаштириш аудитининг иккинчи босқичи бўлиб ўтмоқда.

Унда марказ фаолиятидаги иш усуллари, тизимлаштирилган ички жараёнлар ва ходимларнинг масъулиятлари ISO 9001 талабларига мос келиши бўйича ҳар томонлама ўрганилмоқда.

ISO 9001 стандарти - сифатни яхшилаш ва мижозларнинг талабларига жавоб беришда халқаро эътироф этилган стандарт бўлиб, Марказ фаолиятини янги босқичга олиб чиқишга хизмат қилади.

Telegram | Facebook | Instagram | Youtube

🟥 #Қонунчиликдаги_янгиликлар

“Фармаконазоратнинг тегишли амалиёти - GVP” стандарти тасдиқланди

Президентнинг 2024 йил 23 январдаги “Фармацевтика соҳасини тартибга солиш бўйича қўшимча чора-тадбирлар тўғрисида”ги ПФ-20-сон Фармонида дори воситаларидан фойдаланиш билан боғлиқ потенциал хавф-хатарларни тезкор аниқлаш ва уларга жавоб беришга қаратилган, халқаро стандартлар талаблари асосида “Зарур фармакологик назорат амалиёти — GVP” стандартини жорий этиш белгиланган эди.

Мазкур вазифа ижросини таъминлаш мақсадида "Фармацевтика маҳсулотлари хавфсизлиги маркази" ДМ томонидан Стандартлаштириш, сертификатлаштириш ва техник жиҳатдан тартибга солиш илмий - тадқиқот институти билан ҳамкорликда “Фармаконазоратнинг тегишли амалиёти - GVP" стандарти ишлаб чиқилди ва тасдиқланди. Бу стандарт жорий йил 1 ноябрдан амалга киритилади.

Маълумот учун “Фармаконазоратнинг тегишли амалиёти (GVP)” стандарти дори препаратларининг хавфсизлиги назорати, дори препаратларининг «фойда-хавф» нисбатидаги барча ўзгаришларни ўз вақтида аниқлаш, дори препаратларининг фойдаси хавфидан юқори бўлганда улардан фойдаланиш бўйича чора-тадбирларни ишлаб чиқиш ва тадбиқ этишга қаратилган фаолиятни амалга ошириш тартибини белгилайди.

Фармаконазорат бўлими

Telegram | Facebook | Instagram | Youtube

🟦🟦🟦

Сурхондарё вилоятида кучли таъсир қилувчи моддалар муомиласини тартибга солишга бағишланган семинар ўтказилди

Сурхондарё вилоятида "Фармацевтика маҳсулотлари хавфсизлиги маркази" ДМ Наркотикларни назорат қилиш қўмитаси томонидан Вазирлар Маҳкамасининг 2024 йил 4 октябрдаги "Ўзбекистон Республикасида алоҳида тоифадаги кучли таъсир қилувчи моддалар муомаласини тартибга солиш тўғрисидаги низомни тасдиқлаш ҳақида" 632-сонли қарори мазмун моҳиятига бағишланган семинар-учрашув ташкил қилинди.

↗️ Унда вилоят соғлиқни сақлаш бошқармаси, шаҳар ва туман тиббиёт бирлашмалари, хусусий клиника масъуллари ҳамда дорихона мудирлари ва бошқа мутахассислар иштирок этди.

Тадбирда қўмита мутахассислари юқоридаги қарорнинг мазмун моҳияти ҳақида тўхталиб, алоҳида тоифадаги кучли таъсир қилувчи моддаларни тиббиёт амалиётида қўллаш, сақлаш, уларнинг ноқонуний муомаласини чеклаш, жисмоний шахслар томонидан улардан фойдаланиш ҳамда уларни йўқ қилиш тартиблари ҳамда қонунчиликдаги ўзгаришлар ҳақида батафсил тушунтириш берди.

❗️ Шунингдек, ташриф доирасида вилоятдаги тиббиёт муассасаларининг гиёҳвандлик воситалари, психотроп моддалар ва прекурсорларга бўлган йиллик эҳтиёжлари, уларнинг миқдорий ҳисобини олиб бориш ҳамда ушбу моддаларнинг сақлаш шароитларини назорат қилиш бўйича ўрганиш ишлари амалга оширилди. Текширув давомида аниқланган хато ва камчиликларни бартараф этиш бўйича масъулларга тегишли кўрсатмалар берилди.

Telegram | Facebook | Instagram | Youtube

Кучли таъсир қилувчи дори воситаларини муомалага киритилишининг олди олинди

Фармрейд: Бош прокуратура ҳузуридаги Департаментнинг Касби тумани бўлими, ИИБ ва солиқ инспекцияси ходимлари ҳамкорлигида тумандаги “Тинчлик” МФЙ ҳудудида ўтказилган тезкор тадбирда "A.F" МЧЖ раҳбари О.З. МЧЖга қарашли дорихонада ноқонуний дори воситалари савдоси билан шуғулланиб келганлиги аниқланиб, ушбу дорихонадан инсон руҳиятига кучли таъсир қилувчи турли номдаги жами 1 280 дона умумий баҳоси 74,8 млн сўмлик дори воситалари ашёвий далил сифатида олинган.

↗️ Мазкур ҳолат юзасидан Жиноят кодексининг 251¹-моддаси (кучли таъсир қилувчи ёки заҳарли моддаларни қонунга хилоф равишда муомалага киритиш) билан жиноят иши қўзғатилиб, тергов ҳаракатлари ўтказилмоқда.

Telegram | Facebook | Instagram | Youtube

🟦🟦🟦

Наркотикларни назорат қилиш миллий маркази директори Марказ фаолияти билан танишди

Ўзбекистон Республикаси Президенти Администрацияси ҳузуридаги Наркотикларни назорат қилиш миллий маркази директори Равшан Маматов "Фармацевтика маҳсулотлари хавфсизлиги маркази" давлат муассасасига ташриф буюрди.

Меҳмонлар марказ лабораторияларида бўлиб, унинг илмий ва техник салоҳияти, замонавий ускуналар ёрдамида олиб борилаётган таҳлил жараёнлари, хусусан, турли хил биологик ва кимёвий таҳлил усуллари ёрдамида дори воситалари таркибида кучли таъсир қилувчи моддаларни аниқлаш ва уларни классификация қилиш, шунингдек, бу йўналишда қўлланилаётган илғор методлар билан яқиндан танишди.

Ташриф давомида, Ўзбекистонда гиёҳвандлик ва наркожиноятларга қарши курашиш бўйича 2024-2028 йилларга мўлжалланган Миллий стратегиядаги вазифаларни амалга оширишда марказ фолиятига илғор хорижий тажрибаларни ўрганган ҳолда янги инновацион тадқиқот усулларини жорий қилиш, гиёҳвандлик воситаларининг қонуний муомаласи билан боғлиқ фаолиятни лицензиялаш жараёнини тўлиқ рақамлаштириш масалалари муҳокама қилинди.

↗️ Шунингдек, янги турдаги синтетик гиёҳвандлик воситалари ва кучли таъсир қилувчи моддаларни сотиш ва уларнинг ноқонуний муомаласи, шу жумладан дори воситаларининг нотиббий мақсадларда истеъмол қилинишини олдини олиш юзасидан самарали ҳамкорликни йўлга қўйиш бўйича режалар белгилаб олинди.

Telegram | Facebook | Instagram | Youtube

🟦🟦🟦🟦🟦

Марказда соҳа тадбиркорлари билан учрашув бўлиб ўтди

Бугун "Фармацевтика маҳсулотлари хавфсизлиги маркази" ДМ директори Алишер Темиров, фармацевтика соҳасида фаолият юритаётган табиркорлар билан учрашув ўтказди. Унда “Дармон” ахборот тизими дастурий таъминотида тадбиркорлар учун қулайлик яратиш мақсадида амалга оширилаётган ўзгаришлар ҳақида тушунтириш берилди.

Шунингдек, Адлия вазирлиги томонидан тасдиқланган (Рўйхат рақами 3563, 24.10.2024) дори воситалари, тиббий буюмлар ва тиббий техниканинг хорижий ишлаб чиқарувчисининг аризасини кўриб чиқиш ва гувоҳнома бериш, унга ўзгартириш ва қўшимчалар киритиш, гувоҳноманинг амал қилиш муддатини узайтириш, уни қайта расмийлаштириш ва дубликат бериш тўғрисидаги аризасини кўриб чиқиш учун ундириладиган янгиланган йиғим миқдорлари ҳақида маълумот берилди.

Telegram | Facebook | Instagram | Youtube

🟦🟦🟦

3 номдаги 750 ўрам дори воситаси қалбакилаштирилганлиги аниқланди

Ҳуқуқни муҳофаза қилувчи органлар томонидан Тошкент шаҳри ҳамда Тошкент, Наманган, Андижон ва Самарқанд вилоятида ўтказилган тезкор тадбирларда олинган фармацевтика маҳсулотлари "Фармацевтика маҳсулотлари хавфсизлиги маркази" ДМ лабораторияларида экспертиза қилинди.

Жорий йил 21-25 октябрь кунлари ўтказилган таҳлил натижаларига кўра, 399 номдаги 8308 ўрам жумладан:

✔️ 146 номдаги 2133 ўрам — давлат рўйхатидан ўтган ва мувофиқлик сертификати мавжуд бўлган;
✔️ 214 номдаги 4645 ўрам — давлат рўйхатидан ўтмаган ва мувофиқлик сертификати мавжуд бўлмаган;
✔️ 36 номдаги 780 ўрам — яроқлилик муддати тугаган, сифатсиз;
✔️ 3 номдаги 750 ўрам (Зардекс 300 mg kapsula, Regapen 300 mg kapsula, Тропикамид) қалбакилаштирилган фармацевтика маҳсулотларини тиббиёт амалиётида қўллаш мумкинмаслиги бўйича хулоса берилди.

Ҳамда сифати кафолатланмаган мазкур дори воситалари ва тиббий буюмларнинг ноқонуний айланмасига чек қўйилди.

Постмаркетинг назорати бошқармаси

Telegram | Facebook | Instagram | Youtube

🟦🟦🟦🟦🟦

Ўтган ҳафта давомида "Фармацевтика маҳсулотлари хавфсизлиги маркази" давлат муассасаси фаолиятида рўй берган муҳим воқеалар дайжести:

😎 Соғлиқни сақлаш вазирининг буйруғи билан дори воситалари, тиббий буюмлар ва тиббий техниканинг хорижий ишлаб чиқарувчисининг (ёки унинг номидан ҳаракат қилувчи ишончли вакилнинг) аризасини кўриб чиқиш ва гувоҳнома бериш, унга ўзгартириш ва қўшимчалар киритиш, гувоҳноманинг амал қилиш муддатини узайтириш, уни қайта расмийлаштириш ва дубликат бериш тўғрисидаги аризасини кўриб чиқиш учун ундириладиган йиғим миқдорлари тасдиқланди

😎 Марказ мутахассислари Жанубий Кореянинг GTH-B (Global Training Hub for Biomanufacturing) марказида малака оширмоқда

😎 Марказда ISO 9001 халкаро стандартини жорий этиш буйича сертификатлаштириш аудити ўтказилди

😎 “Фармаконазоратнинг тегишли амалиёти - GVP” стандарти тасдиқланди

😎 Сурхондарё вилоятида кучли таъсир қилувчи моддалар муомиласини тартибга солишга бағишланган семинар ўтказилди

😎 Наркотикларни назорат қилиш миллий маркази директори Марказ фаолияти билан танишди

😎 Марказда соҳа тадбиркорлари билан учрашув бўлиб ўтди

😎 Марказ мутахассислари “Ренгалин” дори воситасини апробациядан ўтказиш жараёнларида иштирок этди

😎 3 номдаги 750 ўрам дори воситаси қалбакилаштирилганлиги аниқланди

😎 Марказ томонидан маҳаллий ва хорижий дори воситаларига нисбатан белгиланган чекланган нархлар тўғрисидаги маълумотлар янгиланди

Фармацевтика маҳсулотлари
хавфсизлиги маркази Матбуот хизмати

Telegram | Facebook | Instagram | Youtube

🟦🟦🟦

Марказда Экспертлар кенгашининг навбатдаги йиғилиши бўлиб ўтди

Фармацевтика маҳсулотлари хавфсизлиги марказида 26-сонли Экспертлар кенгаши йиғилиши бўлиб ўтди.

Унда маҳаллий ва хорижий давлатлар ишлаб чиқарувчилари тақдим этган:

↗️ 12 номдаги дори воситалари, 43 номдаги тиббий буюмлар ва тиббий техника давлат рўйхатидан ўтказилди. Ҳамда 20 номдаги дори воситалари ва 1 номдаги тиббий буюм ва тиббий техникани рўйхатдан ўтказиш рад этилди.

↗️ 29 номдаги дори воситалари, 2 номдаги тиббий буюмлар ва тиббий техниканинг рўйхатдан ўтказилганлик гувоҳномасини амал қилиш муддати узайтирилди. Ҳамда 12 номдаги дори воситасини рўйхатдан ўтказилганлик гувоҳномасини амал қилиш муддатини узайтириш рад этилди.

↗️ Давлат рўйхатидан ўтган 37 номдаги дори воситалари ва 1 номдаги тиббий буюмлар ва тиббий техникаларнинг рўйхатдан ўтказилганлик гувоҳномалари ҳамда рўйхатдан ўтказиш ҳужжатларига ўзгартириш ва қўшимчалар киритишга рухсат этилди. 3 номдаги дори воситасининг рўйхатдан ўтказилганлик гувоҳномаси ҳамда рўйхатдан ўтказиш ҳужжатига ўзгартириш ва қўшимчалар киритиш рад этилди.

↗️ 2 номдаги дори воситалари клиник тадқиқотлар ўтказишга тавсия этилди.

Telegram | Facebook | Instagram | Youtube

#Қонунчиликдаги_янгиликлар

Вазирлар Маҳкамасининг 2024-йил 31-октябрдаги "Гиёҳвандлик воситалари, психотроп моддалар ва прекурсорларнинг муомалада бўлиши билан боғлиқ фаолиятни лицензиялаш тартиб-таомиллари такомиллаштирилиши муносабати билан Ўзбекистон Республикаси Вазирлар Маҳкамасининг 2022 йил 21 февралдаги 80-сон қарори билан тасдиқланган Махсус электрон тизим орқали айрим фаолият турларини лицензиялаш тартиби тўғрисидаги ягона низомга ўзгартириш ва қўшимча киритиш ҳақида”ги 725-сон қарори қабул қилинди.

↗️ Мазкур қарор билан Вазирлар Маҳкамасининг 2022 йил 21 февралдаги 80-сон қарорига “Гиёҳвандлик воситалари, психотроп моддалар ва прекурсорларнинг муомалада бўлиши билан боғлиқ фаолиятни лицензиялаш паспорти” 37-илова сифатида киритилди.

Ушбу ҳужжатга мувофиқ, гиёҳвандлик воситалари, психотроп моддалар ва прекурсорларнинг муомалада бўлиши билан боғлиқ фаолият билан шуғулланиш учун юридик шахсларга бериладиган лицензия талабларини белгиловчи паспорт тасдиқланди. Эндликда мазкур фаолиятни лицензиялаш махсус электрон тизим орқали расмийлаштирилади.

Қарор расмий эълон қилинган кундан эътиборан уч ой ўтгач кучга кириши белгиланган.

Telegram | Facebook | Instagram | Youtube