Марказда AFDA вакиллари билан учрашув бўлиб ўтди

Фармацевтика маҳсулотлари хавфсизлиги маркази директори Алишер Темиров, Афғонистон озиқ-овқат ва фармацевтика идораси раҳбари Заҳид Ҳамдуллаҳ бошчилигидаги делегацияни қабул қилди.

Маълумот учун, AFDA - Афғонистон ҳукуматининг соғлиқни сақлаш ва озиқ-овқат хавфсизлигини назорат қилиш учун масъул бўлган органидир. Бу идора соғлиққа зарарли маҳсулотларнинг бозорга чиқишининг олдини олиш ҳамда фуқаролар саломатлигини асраш ва таъминлаш мақсадида фаолият юритади.

Учрашувда марказ раҳбари Алишер Темиров, фармацевтика маҳсулотларини Ўзбекистон Республикасида рўйхатдан ўтказиш ҳамда сертификатлаш тартиби, шунингдек, уларнинг сифатини назорат қилиш тўғрисида тушунтириш берди.

Афғонистон регулятор орган раҳбари Заҳид Ҳамдуллаҳ, Ўзбекистондан Афғонистонга импорт қилинаётган дори воситаларининг юқори сифатли эканлигини алоҳида эътироф этиб, мамлакат худудига кириб келаётган фарммаҳсулотларнинг ноқонуний айланмасига қарши бирга курашиш лозимлигини таъкидлади.

Шунингдек, меҳмонлар Афғонистон озиқ-овқат ва фармацевтика идораси фаолиятини такомиллаштиришда Ўзбекистон тажрибасини ўрганиш, хусусан референт нарх шакллантириш тизими, дори воситалари сифатини текширишда лаборатория таҳлил усуллари, соҳага халқаро стандартларни жорий қилиш бўйича ўзларини қизиқтирган саволларга жавоб олди.

Telegram | Facebook | Instagram | Youtube

В центре прошла встреча с представителями AFDA

Директор Центра безопасности фармацевтической продукции Алишер Темиров принял делегацию во главе с главой Управления продовольствия и фармацевтики Афганистана Захидом Хамдуллахом.

Для справки: AFDA — это агентство правительства Афганистана, занимающееся надзором за здоровьем и безопасностью пищевых продуктов. Работа этого ведомства направлена на предотвращение попадания на рынок вредной для здоровья продукции, а также на защиту и обеспечение здоровья граждан.

На встрече руководитель центра Алишер Темиров разъяснил порядок регистрации и сертификации фармацевтической продукции в Республике Узбекистан, а также контроля ее качества.

Глава афганского регулирующего органа Захид Хамдуллах признал высокое качество импортируемых из Узбекистана в Афганистан лекарств и подчеркнул необходимость совместной борьбы с незаконным оборотом фармацевтической продукции, попадающей на территорию страны.

Также гости получили ответы на интересующие их вопросы, касающиеся изучения опыта Узбекистана для совершенствования деятельности Учреждения продовольствия и фармацевтики Афганистана, в частности, системы референтного ценообразования, методов лабораторного анализа для проверки качества лекарственных средств, внедрение международных стандартов в этой области.

Telegram | Facebook | Instagram | Youtube

Марказ маъсуллари Қашқадарёда

Раҳбарлар томонидан жисмоний ва юридик шахслар билан жойларда сайёр қабуллар ўтказиш амалиётини давом эттириш, муаммоларни жойида ҳал этиш ва бу борада талабчанликни янада оширилишини таъминлаш бўйича Соғлиқни сақлаш вазирлигининг тегишли кўрсатмасига мувофиқ, Марказ масъуллари Қашқадарё вилоятида бўлди.

Ташриф давомида Фармацевтика маҳсулотлари хавфсизлиги маркази директори ўринбосари Нозим Бердиев бошчилигидаги ишчи гуруҳ, "Қашқадарё Дори-Дармон" МЧЖ, “Азиз-М” МЧЖ, “New gold med” МЧЖ, “Тероб фарм” ХК, "Абдурасул бобо" ХК, "Меҳр шифо" ХК, "Аслонов Шахзодбек" ХК тадбиркорлик субъектлари вакиллари билан учрашди.

Учрашувда вилоятда фармацевтика маҳсулотларини чакана реализация қилиш фаолияти билан шуғулланувчи тадбиркорлар дуч келаётган муаммолар, жумладан, фаолиятни лицензиялаш масалалари бўйича мурожаатлар тингланди. Ҳамда муаммоларни ҳал этиш юзасидан маъсулларга тегишли топшириқлар берилди.

Шунингдек, мулоқот давомида Зарур амалётлари маркази вакили томонидан ҳудуддаги дорихоналар Зарур дорихона амалиёти (GPP) миллий талабларига мувофиқ мажбурий сертификатлаштирилиши лозимлиги юзасидан атрофлича тушунтириш берилиб, бу борада тадбиркорларни қизиқтирган саволларга жавоб берилди.

Telegram | Facebook | Instagram | Youtube

Дори воситалари норматив ҳужжатларини ишлаб чиқишда Давлат фармакопеяси устувор ҳисобланади

Хабарингиз бор, Соғлиқни сақлаш вазирининг 2024 йил 6 августдаги 258-сон буйруғига мувофиқ, Ўзбекистон Республикаси Давлат фармакопеясининг биринчи нашри биринчи жилди иловаси тасдиқланган эди.

Мазкур буйруқнинг аҳамияти ва унда белгиланган вазифалар юзасидан Ўзбекистон Республикаси Давлат фармакопеяси бош муҳаррири, ф.ф.д профессор Х. Джалилов шарҳ берди.

Батафсил қуйидаги ҳаволада танишасиз.

Telegram | Facebook | Instagram | Youtube

"Самарқанд дори воситалари, тиббий буюмлар ва тиббий техника экспертизаси ва стандартлаштириш" ШК фаолияти ўрганилди

Аҳолини хавфсиз, безарар ва сифатли дори воситалари билан таъминлаш, шунингдек, юртдошларимиз саломатлигини асрашда, Фармацевтика маҳсулотлари хавфсизлиги маркази ва унинг тизимида фаолият юритаётган лабораториялар мувофиқлиги, ходимлар малакаси муҳим аҳамият касб этади.

Шу боис, фаолиятни мунтазам равишда такомиллаштириш, ходимлар малакасини ошириш ҳамда лабораторияларни зарур асбоб ускуналар билан таъминлаш долзарб ҳисобланади. Айни шу масалаларни ўрганиш мақсадида Марказ директори ўринбосари Нозим Бердиев бошчилигидаги ишчи гуруҳ Марказнинг Самарқанд ҳудудий филиалида бўлди.

Ташриф давомида Самарқанд филиали лабораторияларининг илмий-техник кўрсаткичлари, ускуналарнинг ишлаш ҳолати, сифат назорати ҳамда ходимларнинг билим ва кўникмалари ўрганилди. Шунингдек, жорий ҳолатини чуқур таҳлил қилиш ва фаолиятни янада ривожлантиришга доир чора-тадбирлар ишлаб чиқиш бўйича масъулларга тегишли топшириқлар берилди.

Telegram | Facebook | Instagram | Youtube

Дори воситаларини Ўзбекистонда давлат рўйхатидан ўтказишда фақат USP ва EDQM ишлаб чиқарувчиларининг референс стандарт намуналари талаб этиладими?

Ўзбекистонда дори воситаларини давлат рўйхатидан ўтказиш жараёнида сифат назорати учун фойдаланиладиган стандарт намуналарга алоҳида эътибор қаратилмоқда.

Метрологик кузатувчанлик талабларига риоя қилиш учун стандарт намуналар асосланган метрологик процедурага мувофиқ тавсифланиши ва уларнинг хоссалари қиймати, шу билан боғлиқ ноаниқлик ва метрологик кузатувчанликни тасдиқловчи сертификат билан бирга тақдим этилиши лозим.

Метрологик кузатувчанлик "O‘zDst ISO/IEC 17025:2019" стандартининг 6.5 банди талабларига киритилган бўлиб, бу Фармацевтика маҳсулотлари хавфсизлиги марказининг (аккредитациядан ўтган) фармацевтика маҳсулотлари сифати назоратини амалга оширувчи синов лабораториялари учун мажбурийдир.

Юқоридагилардан келиб чиқиб, Ўзбекситон Республикасида дори воситаларини давлат рўйхатидан ўтказиш жараёнига муваффақиятли эришиш учун аризачилар томонидан ноаниқлиги ва ишонч даражасини тасдиқловчи ҳужжатлар билан бирга сертификатланган стандарт наъмуналар - CRS, фармакопея стандарт намуналари, давлат стандарт наъмунаси (ГСО), ISO/IEC 17034:2021 стандартига мувофиқ аккредитация қилинган ишлаб чиқарувчиларнинг стандарт наъмуналари тақдим этилиши талаб этилади.

Telegram | Facebook | Instagram | Youtube