🖥🖥🖥

Узбекистан - Польша: сотрудничество в сфере фармацевтики

Состоялась встреча директора Центра безопасности фармацевтической продукции Узбекистана Алишера Темирова с президентом Управления по регистрации лекарственных средств, медицинских изделий и биоцидных продуктов Польши Гжегожем Чессаком.

Telegram | Facebook | Instagram | Youtube

🟦🟦🟦

Август ойи давомида "Фармацевтика маҳсулотлари хавфсизлиги маркази" давлат муассасаси фаолиятида рўй берган муҳим воқеалар дайжести:

✅ Беларусь Республикаси Соғлиқни сақлаш соҳасида экспертиза ва синовдан ўтказиш маркази экспертлари томонидан Фармацевтика маҳсулотлари хавфсизлиги марказ мутахассислари учун ўқув семинари ўтказилди

✅ Франциянинг дори воситалари ва тиббий буюмлар хавфсизлиги миллий агентлиги вакиллари билан учрашув бўлиб ўтди

✅ Тиббий буюмлар ва тиббий техника сифатини назорат қилиш лабораторияси аккредитация соҳаси кенгайтирилиб, 22 та халқаро ва 12 та миллий стандартлар асосида фармацевтика маҳсулотларини синовдан ўтказиш ҳуқуқига эга бўлди

✅ Ўзбекистон Республикаси Давлат фармакопеясининг биринчи нашри биринчи жилди иловаси тасдиқланди

✅ Марказ лабораториялари ЖССТнинг қайта малакалаш дастури асосида преквалификациядан ўтиш бўйича қизғин тайёргарлик кўрмоқда

✅ Марказ мутахассислари Жаҳон соғлиқни сақлаш ташкилотининг Европа минтақаваий бюроси томонидан ташкил этилган субминтақавий семинарда иштирок этди

✅ Марказ таркибидаги Дори воситаларини стандартлаштириш илмий маркази ўз фаолиятини қайта тиклади

✅ Марказ мутахассислари Сурхондарё вилоятининг Ангор тумани марказий шифохонасида бўлиб, муассасада янги ўрнатилган тиббиёт ускунасини синовдан ўтказди

✅ Тегишли буйруқ билан Бердиев Нозим Нусратиллаевич “Фармацевтика маҳсулотлари хавфсизлиги маркази” давлат муассасаси фармацевтика маҳсулотлари хавфсизлиги бўйича директор ўринбосари лавозимига тайинланди

✅ Марказ эскпертлари 10 га яқин маҳаллий телеканалларнинг фармацевтика мавзусидаги ток-шоуларида иштирок этди

✅ Марказ таркибидаги Дори воситаларини стандартлаштириш илмий маркази аккредитациядан ўтди

✅ Марказ мутахассислари Уфа шаҳрида IX "Бутунроссия GMP конференцияси"да иштрок этди

✅ Ҳуқуқни муҳофаза қилувчи органлар томонидан ҳудудларда ўтказилган тезкор тадбиларда олинган фармацевтика маҳсулотлари Марказ лабораторияларида экспертизадан ўтказилди

✅ Мутахассислар, истеъмолчилар ва соҳада фаолият юритаётган тадбиркорлар учун "uzpharmcontrol_bot" алоқа боти ишга туширилди

✅ Марказнинг Фармацевтика фаолиятини лицензиялаш бошқармаси томонидан, фаолият билан шуғулланиш учун “Лицензия” ахборот тизими орқали онлайн ариза бериш босқичлари бўйича услубий қўлланма ишлаб чиқилди

✅ Вазирлар Маҳкамасининг тегишли қарори ижросини таъминлаш юзасидан, Марказ директори ташаббуси билан, муассаса мутахассислари учун навбатдаги малака ошириш курси ташкил этилди

✅ Польша тартибга солувчи органи билан ҳамкорлик меморандуми имзоланди

Фармацевтика маҳсулотлари
хавфсизлиги маркази Матбуот хизмати

Telegram | Facebook | Instagram | Youtube

🖥🖥

Фарммаҳсулотлар хавфсизлиги бугунги кунда қай даражада таъминланган?

"Sevimli" телеканалининг "Янги ҳаёт" ток шоусида иштирок этган Фармацевтика маҳсулотлари хавфсизлиги маркази еткачи менежери Камола Хакимова, мазкур масалада марказга юклатилган вазифалар ва амалга оширилаётган ишлар ҳақида маълум қилди. (манба)

Telegram | Facebook | Instagram | Youtube

💬 3-савол:

Яроқлилик (сақлаш) муддати ўтган дори воситасини сотганлик учун қандай жавобгарлик бор?

Саволга Фармацевтика маҳсулотлари хавфсизлиги маркази Постмаркетинг назорати бошқармаси бошлиғи Шоира Назарова жавоб берди.

💳 Жавоб:

"Дори воситалари ва фармацевтика фаолияти тўғрисида"ги қонуннинг 3-моддасида:

“Cифатсиз дори воситаси ва тиббий буюм — яроқсиз ҳолга келган ва (ёки) яроқлилик муддати ўтган дори воситаси ва тиббий буюм” деб таъриф берилган.

Сифатсиз дори воситаларини сотганлик учун қонунчиликда маъмурий ва жиноий жавобгарлик белгиланган. Жумладан:

"Маъмурий жавобгарлик тўғрисида"ги кодекснинг 165¹-моддасига мувофиқ, cифатсиз ёки қалбакилаштирилган дори воситаларини ёхуд тиббий буюмларни ўтказиш мақсадида ишлаб чиқариш, тайёрлаш, олиш, сақлаш, ташиш ёки ўтказиш, шунингдек дори воситаларини ёки тиббий буюмларни дорихоналардан ва уларнинг филиалларидан ташқарида реализация қилиш — мазкур ҳуқуқбузарликларни содир этиш қуроллари ва ашёларини мусодара қилиб, базавий ҳисоблаш миқдорининг эллик бараваридан юз бараваригача миқдорда жарима солишга сабаб бўлади.

Агарда бундай ҳаракатлар маъмурий жазо қўлланилганидан кейин содир этилган бўлса, жиноий жавобгарлик учун асос бўлади.

Шунингдек, “Махсус электрон тизим орқали айрим фаолият турларини лицензиялаш тартиби тўғрисидаги ягона низом”га мувофиқ, сифатсиз дори воситаларини реализация қилиш – лицензия талаб ва шартларининг қўпол равишда бузилиши ҳисобланиб, унинг амал қилишини ўрнатилган тартибда тугатиш учун асос бўлади.

Савол юбориш - @uzpharmcontrol_bot

Telegram | Facebook | Instagram | Youtube

✏️✏️✏️

“Ўзбекистон фармацевтик хабарномаси” илмий-амалий фармацевтика журнали ҳамкорликка таклиф этади

Соҳада фаолият юритаётган ҳурматли тадбиркорлар, қадрли мутахассислар, ўз фаолиятингиздаги муҳим янгиликлар, тадқиқотлар, илмий ишланмалар, хизматлар ва маҳсулотлар ҳақидаги маълумотларни кенг жамоатчиликка етказиш ниятида бўлсангиз, шошилинг!

Фармацевтика маҳсулотлари хавфсизлиги маркази "Ўзбекистон фармацевтик хабарномаси" журналининг 3-4 сонида эълон қилиш учун мақолалар қабули давом этаётганлигини маълум қилади.

Айтиш жоиз, ушбу журнал оммавий ахборот воситаси сифатида давлат рўйхатидан ўтказилган бўлиб, илк бор 1996 йилда чоп этилган. 2010 йилда журналга Миллий Савдо палатаси томонидан Халқаро стандарт серия рақами ISSN 2181-0311 берилган. Шунингдек, мазкур журнал Олий аттестация комиссияси томонидан “Диссертациялар асосий илмий натижаларини чоп этиш тавсия этилган илмий нашрлар рўйхати”га киритилган.

☎️ Тел: (71) 203-01-01 (ички 2360 - 2362)

Telegram | Facebook | Instagram | Youtube

🖥🖥🖥

Дори воситаларини харид қилиш ва уни қўллашда истеъмолчилар нималарга аҳамият бериш керак?

Тошкент телеканалида Фармацевтика маҳсулотлари хавфсизлиги маркази мутахассислари дори воситаларини харид қилишда юртдошларимиз эътибор бериши лозим бўлган жиҳатлар ҳамда уларнинг сифатидан шубҳаланганда, ножўя таъсирлар кузатилганда кимга мурожаат қилишлари бўйича муҳим маълумотлар билан бўлишди.

Telegram | Facebook | Instagram | Youtube

ЖССТ антибиотик чиқиндилари хавфини камайтириш бўйича қўлланма ишлаб чиқди

Дори-дармонларга чидамли бактериялар йилига дунё бўйича 5 миллион кишининг ўлимига сабаб бўлмоқда. Агар зарур профилактик чоралар кўрилмаса, 2050 бориб мазкур кўрсаткич 10 миллионга етиши мумкин. Бундай ўсиш динамикасида антибиотикларни ишлаб чиқариш жараёнида ҳосил бўладиган фармацевтика чиқиндиларининг ҳам сезиларли таъсири бор.

Чунки ушбу турдаги чиқиндилар нафақат атроф-муҳит ифлосланиши, балки мавжуд препаратларга чидамли микроблар пайдо бўлиши ҳамда уларнинг мутацияга учраши учун шароит яратади.

Шуни ҳисобга олиб, Жаҳон соғлиқни сақлаш ташкилоти халқаро экспертлар гуруҳи, илмий доиралар ва назорат органлари вакиллари билан ҳамкорликда антибиотик чиқиндиларини бошқаришга доир илк қўлланмани ишлаб чиқди.

🗂 Қўлланмани юклаб олиш

Ундан бактерияларга қарши препаратлар ишлаб чиқарувчи компаниялар, назорат қилувчи органлар ва экология инспекторлари учун қатор тавсиялар ўрин олган.

Қолаверса, қўлланма орқали оддий истеъмолчилар ҳам фойдаланилмаган, яроқлилик муддати ўтган ёки нотўғри сақланган антибиотикларни қандай утилизация қилиш бўйича аниқ маълумотга эга бўлишлари мумкин.

Telegram | Facebook | Instagram | Youtube

💬 4-савол:

Дорихона ходими дорихонадан харид қилинган дорини қайтариб олмаслиги ва алмаштириб берилмаслигини айтди. Aйтингчи, бу тўғрими?

Саволга Фармацевтика маҳсулотлари хавфсизлиги марказининг Фармацевтика фаолиятини лицензиялаш бошқармаси бош мутахассиси Дилноза Камалова жавоб берди.

💳 Жавоб:

Ўзбекистон Республикаси Вазирлар Маҳкамасининг 2017 йил 6 апрелдаги 185-сон қарори билан тасдиқланган (2-иловаси) Дори воситалари ва тиббий буюмларни чакана реализация қилиш қоидаларининг 39-бандига кўра:

Дорихоналардан реализация қилинган дори воситалари ва тиббий буюмлар кайтариб олинмайди ва шунга ўхшаш дори воситалари ва тиббий буюмларга алмаштирилмайди.

Савол юбориш - @uzpharmcontrol_bot

Telegram | Facebook | Instagram | Youtube

🟦🟦🟦🟦

Беморга бериладиган рецептда қандай маълумотлар акс этиши керак?

🧾 Рецепт — шифокорнинг фармацевтик маълумотга эга бўлган мутахассисга дори препаратларини тайёрлаш ва (ёки) бериш ҳамда унинг қўлланилиш усули тўғрисидаги электрон ёки ёзма шаклдаги кўрсатмаси ҳисобланади.

Telegram | Facebook | Instagram | Youtube

✏️✏️✏️✏️

Ижтимоий тармоқларда фуқарода "ЦЕФТРИАКСОН-БХФЗ" дори воситасини қўллаш натижасида ножўя таъсирлар кузатилгани ҳақида хабарлар тарқалди.

🇺🇿 Фармацевтика маҳсулотлари хавфсизлиги маркази мазкур ҳолат юзасидан қуйидагиларни маълум қилади.

Тошкент шаҳрининг Яшнобод туманида яшовчи фуқаро А.Х. ўзида 3 кун давомида иситма, ҳолсизлик кузатилгандан сўнг, уй шароитида даволаниш мақсадида шифокор тавсиясисиз, ўзбошимчалик билан "Цефтриаксон" ва "Лидокаин" дори воситалари аралашмасини онаси ёрдамида мушак орасига қабул қилади. Орадан чамаси 10 дақиқа ўтгач, беморда бадан қақшаши, кучли ҳолсизлик, нафас сиқиши ва қон босимининг меъёридан ошиб кетиши кузатилади.

Шундан сўнг фуқаро "Тез ёрдам" машинасида дислокация бўйича дастлаб И.Эргашев номли 4-сон шаҳар клиник шифохонаси, кейин эса ихтисослашган ёрдам кўрсатиш мақсадида Ибн Сино номли 1-сон шаҳар клиник шифохонасига олиб келиниб, стандарт бўйича даво чоралари қўлланилади.

Бажарилган муолажалар натижасида беморда тошмалар, иситма, ҳолсизлик каби симптомлар бартараф этилиб, фуқаронинг аҳволи яхшилангандан кейин уйига жавоб берилади.

Дастлабки ўрганишлар беморда кузатилган ножўя реакция мазкур дори воситасининг сифати билан боғлиқ эмаслигини кўрсатмоқда.

Ушбу препарат қонунда белгиланган тартибда Ўзбекистон Республикасида давлат рўйхатидан ўтган ҳамда лаборатор текширувлар натижасида сертификатлаштирилиб, тиббиёт амалиётида қўллаш учун рухсат этилган. Шунга қарамасдан, бемордан қабул қилиб олинган препаратлар айни дамда Марказ лабораторияларида қайта текширувдан ўтказилмоқда.

Эслатиб ўтмиз, "Цефтракцион" дори препарати кенг таъсир доирасига эга бўлган антибиотиклар оиласининг учинчи авлодига мансуб бўлиб, у бактериал инфекцияларни даволашда қўлланилади.

Лекин шамоллаш, грипп ва бошқа вирусли инфекциялар муолажасида таъсир кўрсатмайди. Бу препарат шифокор рецепти асосида берилади ва шифокор назорати остида қўлланилади. Ундан уй шароитида ўзбошимчалик билан фойдаланиш мутлақо мумкин эмас!

Фармацевтика маҳсулотлари хавфсизлиги маркази Матбуот хизмати

Telegram | Facebook | Instagram | Youtube

💬 5-савол:

Дорихоналарда газланган ва энергетик ичимликлар сотиш мумкинми?

Саволга Фармацевтика маҳсулотлари хавфсизлиги марказининг Фармацевтика фаолиятини лицензиялаш бошқармаси бошлиғи ўринбосари Дониёрбек Мансурбеков жавоб берди.

💳 Жавоб:

"Дори воситаларини ва тиббий буюмларни чакана реализация қилиш тартиби тўғрисида"ги низомга мувофиқ:

Дорихоналар санитария ва гигиена ашёларини, шифобахш озиқлантириш маҳсулотларини, маъданли сувларни, шунингдек даволаш-косметика маҳсулотларини, биологик фаол қўшимчаларни реализация қилишни уларнинг қўлланиши ва реализация қилиниши учун тегишли ҳужжатлар мавжуд бўлган тақдирдагина амалга ошириши мумкин.

Шунингдек, дорихона сотув зали пештахталарининг камида 10 фоизида доривор ўсимликлар хом ашёсидан тайёрланган биологик фаол қўшимчалар ва дори воситалари жойлаштирилишига йўл қўйилиши белгиланган.

❌ Юқоридагилардан келиб чиқсак, энергетик ичимликларни дорихонада сотиш мумкин эмас.

Асос: ЎРҚ-399-сон 04.01.2016

Telegram | Facebook | Instagram | Youtube

🟦🟦🟦

Тезкор тадбирларда олинган 10668 ўрам фармацевтика маҳсулотлари экспертиза қилинди

Ҳуқуқни муҳофаза қилиш органлари билан ҳамкорликда юртимизда дори воситаларининг ноқонуний айланмасига  қарши кураш ва унинг олдини олишга қаратилган бир қатор тадбирлар амалга ошириб келинмоқда.

Хусусан, 2024 йил август ойи давомида Фармацевтика маҳсулотлари хавфсизлиги маркази келиб тушган 175 та мурожаат асосида тақдим қилинган фармацевтика маҳсулотлари ўрнатилган тартибда лаборатория текширувларидан ўтказилди.

Таҳлил натижаларига кўра, 1742 турдаги 10668 ўрам, жумладан:

☑️ 644 турдаги 3702 ўрам — давлат рўйхатидан ўтган ва мувофиқлик сертификати мавжуд бўлган;
☑️ 965 турдаги 6530 ўрам — давлат рўйхатидан ўтмаган ва мувофиқлик сертификати мавжуд бўлмаган;
☑️7 турдаги 20 ўрам — ёрлиқлаш кўрсаткичи бўйича (контрафакт);
☑️125 турдаги 263 ўрам — яроқлилик муддати тугаган (сифатсиз), шунингдек, бир неча марта қалбакилаштирилганлиги аниқланган "Зардекс" 300 мг капсула (153 ўрам) - фармацевтика маҳсулотлари тиббиёт амалиётида қўллаш мумкин эмаслиги бўйича хулоса берилди.

Ҳамда сифати кафолатланмаган мазкур дори воситалари ва тиббий буюмларнинг ноқонуний айланмасига чек қўйилди.

Фармацевтика маҳсулотлари хавфсизлиги маркази Постмаркетинг назорати бошқармаси

Telegram | Facebook | Instagram | Youtube

🖥🖥

Ҳар қандай дори воситаси аллергия бериши мумкин. Бу унинг сифатига боғлиқ эмас - шифокор

"Sevimli" телеканалида эфирга узатилган "Янги хаёт" кўрсатувида, мутахассислар ўзбошимчалик билан даволанишнинг салбий оқибатлари хусусида сўз юритди.

Telegram | Facebook | Instagram | Youtube

Янги тиббий техника қўмитаси Илмий ва эксперт кенгаши йиғилиши бўлиб ўтди

Фармацевтика маҳсулотлари хавфсизлиги марказида Янги тиббий техника қўмитаси раиси ўринбосари бошчилигида қўмита Илмий ва эксперт кенгашининг 17-сонли мажлиси бўлиб ўтди.

🖋 Унда маҳаллий ва хорижий ишлаб чиқарувчиларнинг умумий 68 та тиббий буюм ва тиббий техникаларини қонунда белгиланган тартибда давлат рўйхатидан ўтказишга, қайта рўйхатдан ўтказишга, шунингдек, рўйхатдан ўтказилганлик гувоҳномаларига ўзгартириш киритишга тавсия этиш бўйича тегишли масалалар кўриб чиқилди.

Telegram | Facebook | Instagram | Youtube