🟦🟦🟦

2024 йил август ойи давомида Тиббий маҳсулотларни сертификатлаштириш марказий органи томонидан:

🔍 239 та сериядаги 94 497 487 шартли ўрамдаги маҳсулотга 117 та мувофиқлик сертификати расмийлаштирилди.

🔍 9 та сериядаги 1 140 068 шартли ўрамдаги фармацевтика маҳсулотлари лаборатория синовлари натижасида норматив хўжжатлар талабларига номувофиқ деб топилиб, сертификатлаштириш рад этилди.

Telegram | Facebook | Instagram | Youtube

2024 йилнинг I ярим йиллигида 975 та корхонага фаолият учун лицензия берилди

2024 йил 6 ойи давомида, Фармацевтика маҳсулотлари хавфсизлиги марказининг Фармацевтика фаолиятини лицензиялаш бошқармаси томонидан license.gov.uz тизими орқали келиб тушган аризалар ўрганилиб, қонунчиликда белгиланган тартибда жами 1224 та аризадан 975 та корхонага лицензия берилди.

❌ Шунингдек, фармацевтик фаолият юритиш учун талабгорларнинг лицензия талаблари ва шартларига мувофиқ эмаслиги сабабли 249 та аризага рад жавоби берилди. (Лицензиятлар реестри)

Эслатиб ўтамиз, Президентнинг тегишли қарорига мувофиқ, фармацевтика фаолиятини лицензиялаш йули билан давлат томонидан бошқаришни, постмаркетинг назоратини амалга оширишни таъминлаш "Фармацевтика маҳсулотлари хавфсизлиги маркази" давлат муассасасининг асосий вазифаларидан бири ҳисобланади.

Telegram | Facebook | Instagram | Youtube

💬 2-савол:

Дорихонада рақамли маркировкасиз дори воситаларини сотиш тақиқланди. Аввал олинган маркировкасиз дори воситаларининг тақдири нима бўлади?

Саволга Фармацевтика маҳсулотлари хавфсизлиги марказининг Махсус рақамли маркировкалашни жорий этиш бўлими бош мутахассиси Азизхон Асқаров жавоб берди.

💳 Жавоб:

Вазирлар Маҳкамасининг тегишли қарорига асосан, Республикамизда ишлаб чиқариладиган ҳамда Республика худудига импорт қилинадиган дори воситалари ва тиббий буюмларни гуруҳларга бўлинишини назарга тутган ҳолда идентификация воситалари орқали мажбурий рақамли маркировкалаш тизими 2022–2025 йиллар давомида босқичма-босқич жорий қилиниши белгиланган.

Шунингдек, мазкур қарорнинг 1-иловасига асосан, ТИФ ТН коди позицияси 3003 ва 3004 бўлган дори воситалари мажбурий рақамли маркировкаланиши лозим.

Юқоридаги қарорнинг 3-бандига асосан, дори воситаларини мажбурий рақамли маркировкалаш тартиби жорий қилинган кундан (2022 йил 1 сентябр, 2022 йил 1 ноябр, 2023 йил 1 март) бошлаб уч йилдан кўп бўлмаган муддатда рақамли маркировкалаш тартиби жорий қилинган кунга қадар ишлаб чиқарилган дори воситаларини, уларнинг яроқлилик муддати тугагунга қадар, рақамли идентификациялаш воситаларисиз реализация қилишга рухсат берилган.

Шу билан бирга, ушбу қарорнинг 4-иловасига асосан, дорихоналар 2025 йилнинг 1 августига қадар маркировкаланмаган дори воситаларини қолдиқларини сотилишини ва (ёки) учинчи шахсларга сотилиши билан боғлиқ бўлмаган сабабларга кўра муомаладан чиқарилишини таъминлаши керак.

Яъни мажбурий рақамли маркировкалаш тартиби жорий қилинган кунга (2022 йил 1 сентябр, 2022 йил 1 ноябр, 2023 йил 1 март) қадар ишлаб чиқарилган ва рақамли маркировкаланмаган ТИФ ТН коди позицияси 3003 ва 3004 бўлган дори воситаларини 2025 йил 1 августга қадар реализация қилиш мумкин.

Савол юбориш - @uzpharmcontrol_bot

Telegram | Facebook | Instagram | Youtube

🖥🖥🖥

Узбекистан - Польша: сотрудничество в сфере фармацевтики

Состоялась встреча директора Центра безопасности фармацевтической продукции Узбекистана Алишера Темирова с президентом Управления по регистрации лекарственных средств, медицинских изделий и биоцидных продуктов Польши Гжегожем Чессаком.

Telegram | Facebook | Instagram | Youtube

🟦🟦🟦

Август ойи давомида "Фармацевтика маҳсулотлари хавфсизлиги маркази" давлат муассасаси фаолиятида рўй берган муҳим воқеалар дайжести:

✅ Беларусь Республикаси Соғлиқни сақлаш соҳасида экспертиза ва синовдан ўтказиш маркази экспертлари томонидан Фармацевтика маҳсулотлари хавфсизлиги марказ мутахассислари учун ўқув семинари ўтказилди

✅ Франциянинг дори воситалари ва тиббий буюмлар хавфсизлиги миллий агентлиги вакиллари билан учрашув бўлиб ўтди

✅ Тиббий буюмлар ва тиббий техника сифатини назорат қилиш лабораторияси аккредитация соҳаси кенгайтирилиб, 22 та халқаро ва 12 та миллий стандартлар асосида фармацевтика маҳсулотларини синовдан ўтказиш ҳуқуқига эга бўлди

✅ Ўзбекистон Республикаси Давлат фармакопеясининг биринчи нашри биринчи жилди иловаси тасдиқланди

✅ Марказ лабораториялари ЖССТнинг қайта малакалаш дастури асосида преквалификациядан ўтиш бўйича қизғин тайёргарлик кўрмоқда

✅ Марказ мутахассислари Жаҳон соғлиқни сақлаш ташкилотининг Европа минтақаваий бюроси томонидан ташкил этилган субминтақавий семинарда иштирок этди

✅ Марказ таркибидаги Дори воситаларини стандартлаштириш илмий маркази ўз фаолиятини қайта тиклади

✅ Марказ мутахассислари Сурхондарё вилоятининг Ангор тумани марказий шифохонасида бўлиб, муассасада янги ўрнатилган тиббиёт ускунасини синовдан ўтказди

✅ Тегишли буйруқ билан Бердиев Нозим Нусратиллаевич “Фармацевтика маҳсулотлари хавфсизлиги маркази” давлат муассасаси фармацевтика маҳсулотлари хавфсизлиги бўйича директор ўринбосари лавозимига тайинланди

✅ Марказ эскпертлари 10 га яқин маҳаллий телеканалларнинг фармацевтика мавзусидаги ток-шоуларида иштирок этди

✅ Марказ таркибидаги Дори воситаларини стандартлаштириш илмий маркази аккредитациядан ўтди

✅ Марказ мутахассислари Уфа шаҳрида IX "Бутунроссия GMP конференцияси"да иштрок этди

✅ Ҳуқуқни муҳофаза қилувчи органлар томонидан ҳудудларда ўтказилган тезкор тадбиларда олинган фармацевтика маҳсулотлари Марказ лабораторияларида экспертизадан ўтказилди

✅ Мутахассислар, истеъмолчилар ва соҳада фаолият юритаётган тадбиркорлар учун "uzpharmcontrol_bot" алоқа боти ишга туширилди

✅ Марказнинг Фармацевтика фаолиятини лицензиялаш бошқармаси томонидан, фаолият билан шуғулланиш учун “Лицензия” ахборот тизими орқали онлайн ариза бериш босқичлари бўйича услубий қўлланма ишлаб чиқилди

✅ Вазирлар Маҳкамасининг тегишли қарори ижросини таъминлаш юзасидан, Марказ директори ташаббуси билан, муассаса мутахассислари учун навбатдаги малака ошириш курси ташкил этилди

✅ Польша тартибга солувчи органи билан ҳамкорлик меморандуми имзоланди

Фармацевтика маҳсулотлари
хавфсизлиги маркази Матбуот хизмати

Telegram | Facebook | Instagram | Youtube

🖥🖥

Фарммаҳсулотлар хавфсизлиги бугунги кунда қай даражада таъминланган?

"Sevimli" телеканалининг "Янги ҳаёт" ток шоусида иштирок этган Фармацевтика маҳсулотлари хавфсизлиги маркази еткачи менежери Камола Хакимова, мазкур масалада марказга юклатилган вазифалар ва амалга оширилаётган ишлар ҳақида маълум қилди. (манба)

Telegram | Facebook | Instagram | Youtube

💬 3-савол:

Яроқлилик (сақлаш) муддати ўтган дори воситасини сотганлик учун қандай жавобгарлик бор?

Саволга Фармацевтика маҳсулотлари хавфсизлиги маркази Постмаркетинг назорати бошқармаси бошлиғи Шоира Назарова жавоб берди.

💳 Жавоб:

"Дори воситалари ва фармацевтика фаолияти тўғрисида"ги қонуннинг 3-моддасида:

“Cифатсиз дори воситаси ва тиббий буюм — яроқсиз ҳолга келган ва (ёки) яроқлилик муддати ўтган дори воситаси ва тиббий буюм” деб таъриф берилган.

Сифатсиз дори воситаларини сотганлик учун қонунчиликда маъмурий ва жиноий жавобгарлик белгиланган. Жумладан:

"Маъмурий жавобгарлик тўғрисида"ги кодекснинг 165¹-моддасига мувофиқ, cифатсиз ёки қалбакилаштирилган дори воситаларини ёхуд тиббий буюмларни ўтказиш мақсадида ишлаб чиқариш, тайёрлаш, олиш, сақлаш, ташиш ёки ўтказиш, шунингдек дори воситаларини ёки тиббий буюмларни дорихоналардан ва уларнинг филиалларидан ташқарида реализация қилиш — мазкур ҳуқуқбузарликларни содир этиш қуроллари ва ашёларини мусодара қилиб, базавий ҳисоблаш миқдорининг эллик бараваридан юз бараваригача миқдорда жарима солишга сабаб бўлади.

Агарда бундай ҳаракатлар маъмурий жазо қўлланилганидан кейин содир этилган бўлса, жиноий жавобгарлик учун асос бўлади.

Шунингдек, “Махсус электрон тизим орқали айрим фаолият турларини лицензиялаш тартиби тўғрисидаги ягона низом”га мувофиқ, сифатсиз дори воситаларини реализация қилиш – лицензия талаб ва шартларининг қўпол равишда бузилиши ҳисобланиб, унинг амал қилишини ўрнатилган тартибда тугатиш учун асос бўлади.

Савол юбориш - @uzpharmcontrol_bot

Telegram | Facebook | Instagram | Youtube

✏️✏️✏️

“Ўзбекистон фармацевтик хабарномаси” илмий-амалий фармацевтика журнали ҳамкорликка таклиф этади

Соҳада фаолият юритаётган ҳурматли тадбиркорлар, қадрли мутахассислар, ўз фаолиятингиздаги муҳим янгиликлар, тадқиқотлар, илмий ишланмалар, хизматлар ва маҳсулотлар ҳақидаги маълумотларни кенг жамоатчиликка етказиш ниятида бўлсангиз, шошилинг!

Фармацевтика маҳсулотлари хавфсизлиги маркази "Ўзбекистон фармацевтик хабарномаси" журналининг 3-4 сонида эълон қилиш учун мақолалар қабули давом этаётганлигини маълум қилади.

Айтиш жоиз, ушбу журнал оммавий ахборот воситаси сифатида давлат рўйхатидан ўтказилган бўлиб, илк бор 1996 йилда чоп этилган. 2010 йилда журналга Миллий Савдо палатаси томонидан Халқаро стандарт серия рақами ISSN 2181-0311 берилган. Шунингдек, мазкур журнал Олий аттестация комиссияси томонидан “Диссертациялар асосий илмий натижаларини чоп этиш тавсия этилган илмий нашрлар рўйхати”га киритилган.

☎️ Тел: (71) 203-01-01 (ички 2360 - 2362)

Telegram | Facebook | Instagram | Youtube

🖥🖥🖥

Дори воситаларини харид қилиш ва уни қўллашда истеъмолчилар нималарга аҳамият бериш керак?

Тошкент телеканалида Фармацевтика маҳсулотлари хавфсизлиги маркази мутахассислари дори воситаларини харид қилишда юртдошларимиз эътибор бериши лозим бўлган жиҳатлар ҳамда уларнинг сифатидан шубҳаланганда, ножўя таъсирлар кузатилганда кимга мурожаат қилишлари бўйича муҳим маълумотлар билан бўлишди.

Telegram | Facebook | Instagram | Youtube

ЖССТ антибиотик чиқиндилари хавфини камайтириш бўйича қўлланма ишлаб чиқди

Дори-дармонларга чидамли бактериялар йилига дунё бўйича 5 миллион кишининг ўлимига сабаб бўлмоқда. Агар зарур профилактик чоралар кўрилмаса, 2050 бориб мазкур кўрсаткич 10 миллионга етиши мумкин. Бундай ўсиш динамикасида антибиотикларни ишлаб чиқариш жараёнида ҳосил бўладиган фармацевтика чиқиндиларининг ҳам сезиларли таъсири бор.

Чунки ушбу турдаги чиқиндилар нафақат атроф-муҳит ифлосланиши, балки мавжуд препаратларга чидамли микроблар пайдо бўлиши ҳамда уларнинг мутацияга учраши учун шароит яратади.

Шуни ҳисобга олиб, Жаҳон соғлиқни сақлаш ташкилоти халқаро экспертлар гуруҳи, илмий доиралар ва назорат органлари вакиллари билан ҳамкорликда антибиотик чиқиндиларини бошқаришга доир илк қўлланмани ишлаб чиқди.

🗂 Қўлланмани юклаб олиш

Ундан бактерияларга қарши препаратлар ишлаб чиқарувчи компаниялар, назорат қилувчи органлар ва экология инспекторлари учун қатор тавсиялар ўрин олган.

Қолаверса, қўлланма орқали оддий истеъмолчилар ҳам фойдаланилмаган, яроқлилик муддати ўтган ёки нотўғри сақланган антибиотикларни қандай утилизация қилиш бўйича аниқ маълумотга эга бўлишлари мумкин.

Telegram | Facebook | Instagram | Youtube

💬 4-савол:

Дорихона ходими дорихонадан харид қилинган дорини қайтариб олмаслиги ва алмаштириб берилмаслигини айтди. Aйтингчи, бу тўғрими?

Саволга Фармацевтика маҳсулотлари хавфсизлиги марказининг Фармацевтика фаолиятини лицензиялаш бошқармаси бош мутахассиси Дилноза Камалова жавоб берди.

💳 Жавоб:

Ўзбекистон Республикаси Вазирлар Маҳкамасининг 2017 йил 6 апрелдаги 185-сон қарори билан тасдиқланган (2-иловаси) Дори воситалари ва тиббий буюмларни чакана реализация қилиш қоидаларининг 39-бандига кўра:

Дорихоналардан реализация қилинган дори воситалари ва тиббий буюмлар кайтариб олинмайди ва шунга ўхшаш дори воситалари ва тиббий буюмларга алмаштирилмайди.

Савол юбориш - @uzpharmcontrol_bot

Telegram | Facebook | Instagram | Youtube