- Сертификатдаги QR-код истеъмолчиларга қандай қулайлик тақдим этади?

- Хориждан кириб келган ва юртимизда ишлаб чиқарилган дори воситалари қай тартибда текширувдан ўтказилади?

- Яроқсиз деб топилган фармацевтика маҳсулотларидан аҳоли қандай хабардор бўлади?

- Харидорда бирор дори воситасининг яроқлилигига шубҳа уйғонса, буни қандай текшириши мумкин?

Ушбу саволлар бўйича Дори воситалари, тиббий буюмлар ва тиббий техника экспертизаси ва стандартлаштириш Давлат маркази масъул ходими Шерали Эшимов жавоб беради.

🕊@uzpharmcontrol

⚡️ Тайинлов

Президентнинг тегишли қарори билан Баходир Юсупалиев ССВ ҳузуридаги Санитария-эпидемиологик осойишталик ва жамоат саломатлиги қўмитаси раиси лавозимига тайинланди.

🕊@uzpharmcontrol

Қалбаки дори воситаларини қандай фарқлаш мумкин?

Шоира Назарова,
Дори воситалари, тиббий буюмлар ва тиббий техника экспертизаси ва стандартлаштириш Давлат маркази бўлим бошлиғи:

Ўзбекистон Республикасининг 2016 йил 4 январдаги "Дори воситалари ва фармацевтика фаолияти тўғрисида"ги қонуни 3-моддасида:

“Қалбакилаштирилган дори воситаси ва тиббий буюм — таркиби ёки хусусияти тўғрисида ёхуд ишлаб чиқарувчиси ҳақида ёлғон ахборот илова қилинган дори воситаси ва тиббий буюм” деб таъриф берилган.

Қалбакилаштириш ҳам товар номига (савдо номи), ҳам женерик дори воситаларига тегишли бўлиши мумкин. Бунда, таркибида тегишли ёки тегишли бўлмаган ингредиентлар киритилган, фаол моддалар бўлмаган ёки етарли бўлмаган ҳамда соҳта қадоқланган маҳсулотларни кузатишимиз мумкин. Уларни эса лаборатория таҳлил натижалари бўйича сифатли ёки сифатсизлиги аниқланади ва тегишли ҳулоса берилади.

☝️ Юқоридагилардан келиб чиқиб, дори воситасини харид қилаётганда қуйидагиларга эътибор беришимиз керак:

💰 Нарх – қалбаки дори воситалари дорихоналарда оригинал дори нархига нисбатан арзон бўлади.

💊 Маҳсулот қадоғи – ундаги ҳарфлар ва рақамлар ноаниқ, тасвирлар хира ва картон қутининг ўзи юпқа ва шаклини яхши ушламайди.

📊 Серия, рақам, штрих-код, ишлаб чиқариш санаси тушуниб бўлмайдиган даражада ноаниқ бўлади.

📝 Қўллаш йўриқнома варағи босмахонада босилмаган, худди нусхаланганга ўхшайди. Қадоқдаги ва дорининг ўз қолипидаги ишлаб чиқарилган сана ва сақлаш муддатлари бир бирига мос келмаслиги мумкин.

Харид қилаётган дори воситасида юқорида санаб ўтилган белгилар сизни шубҳалантирса, дорихона томонидан мазкур дори воситасига тегишли мувофиқлик сертификатини сўранг. Агарда бундай сертификат мавжуд бўлмаса ушбу ҳолат юзасидан Рақобатни ривожлантириш ва истеъмолчилар ҳуқуқларини ҳимоя қилиш қўмитасига мурожаат қилишингиз мумкин.

Дори воситалари, тиббий буюмлар ва тиббий техника экспертизаси ва стандартлаштириш Давлат маркази Ахборот хизмати

🕊@uzpharmcontrol

"Реклама дори воситасини норационал буюрилишига туртки бўлиши мумкин" - мутахассис

"Ўзбекистон" телеканалида эфирга узатилган "Муносабат" кўрсатувида, Давлат маркази Фармакология қўмитаси раиси Саидамир Саидов дори воситалари ва биологик фаол қўшимчалар рекламасида аҳамият бериш лозим бўлган жиҳатларни санаб ўтди.

🕊@uzpharmcontrol

Аҳолини қалбаки дори воситаларидан ҳимоя қилиш, яширин ишлаб чиқариш фаолияти ва қалбаки маҳсулотлар тарқалишига қарши курашиш мақсадида мамлакатимизда дори воситаларини мажбурий рақамли маркировкалаш тизими йўлга қўйилаётганлиги ҳақида маълум қилган эдик.

Ҳўш, бу тизимнининг афзаллиги нимада ва уни жорий этиш қандай босқичларда амалга оширилди?

Саволга Давлат марказининг Рақамли технологияларни жорий этиш ва ахборот хавфсизлиги бошқармаси бош мутахассиси Азизхон Асқаров жавоб берди.

🕊@uzpharmcontrol

Антибиотиклар қабулида унинг қўллаш даврийлиги қанчалик аҳамиятга эга?

Саволга Дори воситалари, тиббий буюмлар ва тиббий техника экспертизаси ва стандартлаштириш Давлат маркази Фармакологик назорат бўлими етакчи мутахассиси Равшан Абдуллаев жавоб беради.

🕊@uzpharmcontrol

🟦🟦🟦🟦

Дорихонада бериладиган товар ва касса чеки нима учун керак?

Музаффар Ражабов
Тошкент вилояти Солиқ бошқармаси мутахассиси:

"Дори воситаларини ва тиббий буюмларни чакана реализация қилиш тартиби тўғрисида"ги низомда, дорихонада дори воситалари ва тиббиёт буюмлари билан бирга сотиб олувчига:

🦠 идентификация маълумотлари (номи, дозаси, қадоқлаш, миқдори),
🦠 дори воситалари ёки тиббиёт буюмларининг номи, уларни берувчи шахсга оид маълумотлар,
🦠 бериш санаси ва нархи кўрсатилган товар чеки берилиши белгиланган.

Харид учун чек бериш мажбурийми?

Юртимизда 2020 йилнинг январ ойидан онлайн назорат-касса машиналари ва виртуал кассаларга ўтиш жараёни бошланди.

Дорихоналарда ҳар бир харид QR кодли чек бериш билан бирга амалга оширилиши лозим. Бундай чеклар қонуний фаолиятдан гувоҳлик беради. Улар фақат онлайн назорат-касса машиналари ва виртуал кассалардан берилади.

📎 Маълумот ўрнида, Ўзбекистон Республикаси Президентининг тегишли фармонига мувофиқ:

🦠 тўлов терминали орқали қабул қилинган тўловлар учун харидорларга терминал чеки билан бирга онлайн назорат-касса машиналари ёки виртуал касса чеки ҳам берилиши шарт;

🦠 харид чекида товарлар (ишлар, хизматлар) номи, миқдори, қиймати (нархи), суммаси, қўшилган қиймат солиғи ставкаси, шунингдек QR код ва фискал белги мажбурий тартибда акс эттирилади. Ушбу маълумотлар акс эттирилмаган чеклар ҳақиқий ҳисобланмайди.

Ўзбекистон Республикаси Солиқ кодексининг 221-моддасига кўра:

Назорат-касса техникасининг ва (ёки) ҳисоб-китоб терминалларининг қўлланилиши мажбурий бўлгани ҳолда, уларни қўлламасдан савдо қилиш ва хизмат кўрсатиш, чек бермаслик, тўловни ҳисоб-китоб терминали орқали қабул қилишни рад этиш беш миллион сўм миқдорида жарима солишга сабаб бўлади.

❗️Ҳурматли истеъмолчилар.

Агар дорихонада товар чеки биришни рад этиш ҳолатига дуч келсангиз, шунингдек Сизга QR кодли чек берилмаса ва пластик карта орқали харид қилганингизда нарх оширилса, Cолиқ қўмитасининг (71) 244-98-98 ишонч телефонига ёки Рақобатни ривожлантириш ва истеъмолчилар ҳуқуқларини ҳимоя қилиш қўмитасининг 1159 ишонч телефонига мурожаат қилишингиз мумкин.

Товар чекларининг аҳамиятли томони шундаки, агар истеъмолчида дори воситасининг нархи оширилганлиги хусусида шубҳа юзага келса, уни аниқлаш товар чеклари орқали амалга оширилади.

Дори воситалари, тиббий буюмлар ва тиббий техника экспертизаси ва стандартлаштириш Давлат маркази Ахборот хизмати

🕊@uzpharmcontrol

🟥🟥🟥

Дори воситаларини хавфсиз қўллашда нималарга эътибор бериш керак?

Ушбу анимацион видеороликда дори воситаларини қўллашда кузатиладиган хатолар ва уларнинг олдини олишга қаратилган зарур тавсиялар берилган.

🔔 Ҳурматли юртдошлар!

Дори воситаларни қўллаш чоғида ножўя реакциялар аниқланган ҳолатда Соғлиқни сақлаш вазирлигининг Дори воситалари, тиббий буюмлар ва тиббий техника экспертизаси ва стандартлаштириш Давлат марказига мурожаат қилинг.

Қуйидаги ҳаволада кўрсатилган шаклдаги хабарномани farmakonadzor@ssv.uz электрон почтасига ёки 100002, Тошкент ш., Озод кўчаси, К. Умаров тор кўчаси, 16-уй манзилига жўнатинг.

Мурожаат учун: (71) 203-01-01 | 4144

Дори воситалари, тиббий буюмлар ва тиббий техника экспертизаси ва стандартлаштириш Давлат маркази Ахборот хизмати

🕊@uzpharmcontrol

🟦🟦🟦🟦

Дори воситалари нега мажбурий рақамли маркировкаланмоқда?

Азиз Абдумаликов,
Дори воситалари, тиббий буюмлар ва тиббий техника экспертизаси ва стандартлаштириш Давлат маркази мутахассиси:

— Маркировкалашнинг асосий мақсади — аҳолини қалбаки дори воситаларидан ҳимоя қилиш, унинг тарқалишига қарши курашишдан иборат.

Халқаро тажриба шуни кўрсатадики, ушбу механизмнинг жорий этилиши дори воситаларини нафақат ишлаб чиқариш, балки уларнинг импортидан то охирги истеъмолчи қўлига етиб бориши ҳамда муомаладан чиқарилишигача бўлган ҳаётий циклини кузатиш ва назорат қилиш имконини беради.

☝️ Тизим орқали, истеъмолчи сотиб олаётган дори воситасининг қалбаки эмаслиги, уни ҳаёти ва саломатлиги учун хавфсизлигига ишонч ҳосил қилиши мумкин бўлади.

Айтиш жоиз, Вазирлар Маҳкамасининг тегишли қарорига кўра, Ўзбекистонда ҳам фармацевтика маҳсулотларини босқичма-босқич мажбурий рақамли маркировкалаш тизимига ўтилмоқда. Давлат ва хусусий шериклик асосида яратилган миллий тизим орқали эндиликда дори воситаларини маркировкалаш ва мониторинг қилиш ҳамда кузатиш имкони яратилмоқда.

Ушбу тизим истеъмолчиларга нима беради?

Бундай рақамли белгиларни қўллаш истеъмолчилар учун дори воситаси ҳақидаги барча маълумотларни олиш имконини яратади.

Энди сиз дорихонадан бирор дори воситасини харид қилишдан аввал, ишлаб чиқарувчи ва уни импорт қилган компания номи, ишлаб чиқарилган жой, реализация қилаётган шахс, стандарт рақам каби маълумотларни дори воситасининг қадоғидаги махсус кодни сканерлаш орқали билиб оласиз. Бу маълумотлар эса давлат ахборот тизимида сақланади.

Дори воситалари, тиббий буюмлар ва тиббий техника экспертизаси ва стандартлаштириш Давлат маркази Ахборот хизмати

🕊@uzpharmcontrol

🟥🟥🟥🟥

“Цефтриаксон” препаратлари туфайли содир бўлган ножўя таъсирлар дори воситасининг сифати билан боғлиқ эмас

Ижтимоий тармоқларда Қирғизистонда январ ойи давомида 9 киши цефтриаксон туфайли анафилактик шокка учраганлиги, улардан бир нафарида эса ўлим ҳолати кузатилганлиги шунингдек, аллергик реакциялар 7 та давлатда, хусусан Ўзбекистонда ишлаб чиқарилган "цефтриаксон"ни қўллаш оқибатида юз берганлиги ҳақида хабарлар тарқалди.

Ҳўш, аслида вазият қандай бўлган?

Юртдошларимизни хавотирга солаётган мавзуга "Замон" информацион дастурида аниқлик киритилди.

🕊@uzpharmcontrol

⚡️ Расмий муносабат

Ижтимоий тармоқларда юртимиздаги дорихоналарда Ҳиндистоннинг "Marion Biotech Pvt. Ltd" компаниясига тегишли “Травамакс” ва “Цинепар Кид” сиропи ҳали ҳам сотилаётгани ҳақида хабарлар тарқалди.

Ушбу ҳолат юзасидан қуйидагилар маълум қилинади.

Соғлиқни сақлаш вазирининг 2023 йил 2 январдаги 24-41821-сон кўрсатма хатига биноан, “Quramax Medical” МЧЖ томонидан 2022 йил мамлакатимиз ҳудудига олиб кирилган Ҳиндистоннинг "Marion Biotech Pvt. Ltd" компаниясига тегишли барча дори воситаларининг сотилиши вақтинчалик тўхтатилган.

Айни кунларда ушбу препаратларни вақтинча қўлламаслик юзасидан барча зарур чоралар кўрилмоқда.

Қолаверса, мазкур дори воситалари чуқур лаборатор текширувларидан ўтказилмоқда. Таҳлил натижалари бўйича қўшимча маълумот тақдим қилинади.

Дори воситалари, тиббий буюмлар ва тиббий техника экспертизаси ва стандартлаштириш Давлат маркази Ахборот хизмати

🕊@uzpharmcontrol

🟦🟦🟦🟦

Дори воситаларининг референт нархи ҳақида эшитганмисиз?

Равшан Ҳамидов,
Референт нарх шакллантириш тизими доирасида дори воситаларига чекланган нархларни қайд этиш бўлими бошлиғи:

— Ривожланган мамлакатларда муваффақиятли қўлланилаётган дори воситалари нархни шакллантиришнинг шаффоф ва самарали механизмларини жорий этиш, уларнинг нархлари чегарадош мамлакатларга нисбатан юртимизда асоссиз ўсишини олдини олиш мақсадида, Ўзбекистон Республикаси Президентининг 2019 йил 30 декабрдаги ПҚ-4554-сон қарорига мувофиқ, 2020 йил 1 июлдан бошлаб маҳаллий ва хорижий дори воситаларига нисбатан референт нарх шакллантириш тизими босқичма-босқич жорий этилди.

Референт нарх шакллантириш тизими қандай тизим?

— Референт нарх шакллантириш тизими — дори шакли, қадоқдаги сони, дозаси, концентрацияси, ҳажми ва қадоқланишини ҳисобга олган ҳолда айни бир ишлаб чиқарувчининг ҳудди шундай фаол моддага эга дори воситаларини ишлаб чиқарувчи мамлакатда, референт мамлакатларда ва Ўзбекистон Республикасида сотиш нархларини таҳлил қилиш натижаси асосида ҳар бир савдо номи учун чекланган нархларни қайд этиш тизими тушунилади.

Дори воситасининг чекланган нархлари деганда нима тушунилади?

— Дори воситаларининг чекланган нархлари — дори шакли, қадоқдаги сони, дозаси, концентрацияси, ҳажми ва қадоқланишини ҳисобга олган ҳолда дори воситаларининг ҳар бир савдо номи учун референт нарх шакллантириш тизими доирасида қайд этиладиган ва қайд этилган қийматдан юқори нархларда Ўзбекистон Республикасига етказиб бериш (импорт дори воситалари учун) ва маҳаллий ишлаб чиқарувчилар томонидан сотилиши (маҳаллий дори воситалари учун) мумкин бўлмаган нарх тушунилади.

Қандай мамлакатлар референт мамлакатлар ҳисобланади?

— Жаҳон банкининг аҳоли жон бошига нисбатан ялпи ички маҳсулотнинг ҳисобланган даромадлар даражасидан юқори, ўртачадан юқорироқ ва ўртачадан пастроқ бўлган давлатлар гуруҳига кирувчи Ўзбекистон Республикаси билан макроиқтисодий жиҳатдан таққосланадиган мамлакатлар - референт мамлакатлар ҳисобланади.

Бизда қайси референт мамлакатлар танланган?

— Cоғлиқни сақлаш вазирининг 2020 йил 24 мартдаги 115-сонли (рўйхат рақами 3242, 11.09.2020) буйруғи билан тасдиқланган низомга асосан қўйидаги мамлакатлар референт мамлакатлар сифатида танлаб олинган:

▪️ Венгрия
▪️ Россия Федерацияси
▪️ Украина
▪️ Польша Республикаси
▪️ Тожикистон Республикаси
▪️ Словения Республикаси
▪️ Қозоғистон Республикаси
▪️ Болгария Республикаси
▪️ Беларусь Республикаси
▪️ Қирғизистон Республикаси
—
Эслатма: Референт нарх шакллантириш тизими доирасида қайд этилган дори воситаларининг нархлари билан қуйидаги ҳавола орқали танишишингиз мумкин.

Дори воситалари, тиббий буюмлар ва тиббий техника экспертизаси ва стандартлаштириш Давлат маркази Ахборот хизмати

🕊@uzpharmcontrol

🆘 Ноқонуний муомалада бўлган 568 турдаги 10002 ўрам фармацевтика маҳсулотлари экспертизадан ўтказилди

Ҳуқуқни муҳофаза қилиш органлари билан ҳамкорликда юртимизда дори воситаларининг ноқонуний айланмасига қарши кураш ва унинг олдини олишга қаратилган бир қатор тадбирлар амалга ошириб келинмоқда.

Хусусан, 2023 йил январь ойи давомида Дори воситалари, тиббий буюмлар ва тиббий техника экспертизаси ва стандартлаштириш Давлат марказига келиб тушган 133 та мурожаат асосида тақдим қилинган фармацевтика маҳсулотлари ўрнатилган тартибда лаборатория текширувидан ўтказилди.

Таҳлил натижаларига кўра, 568 турдаги 10002 ўрам, жумладан:

🦠 100 турдаги 2115 ўрам давлат рўйхатидан ўтган;
🦠 200 турдаги 3500 ўрам давлат рўйхатидан ўтмаган;
🦠 20 турдаги 318 ўрам мувофиқлик сертификати мавжуд бўлган;
🦠 200 турдаги 3500 ўрам мувофиқлик сертификати мавжуд бўлмаган;
🦠 25 турдаги 319 ўрам ёрлиқлаш кўрсаткичи бўйича (ғайриқонуний нусха);
🦠 20 турдаги 115 ўрам яроқлик муддати тугаган (сифатсиз);
🦠 3 турдаги 135 ўрам қалбакилаштирилган фармацевтика маҳсулотлари тиббиёт амалиётида қўллаш мумкин эмаслиги бўйича ҳулоса берилди. Ҳамда чора кўриш мақсадида маълумотлар тегишли органларга тақдим қилинди.

Ҳурматли юртдошлар, харид қилган дори воситасининг сифатига нисбатан сизда бирор шубҳа пайдо бўлса, Дори воситалари, тиббий буюмлар ва тиббий техника экспертизаси ва стандартлаштириш Давлат марказига мурожаат қилинг.

🕊@uzpharmcontrol

🟥🟥🟥

Антибиотиклар вирусни, жумладан шамоллаш ва гриппни даволамайди!

Антибиотикларни қачонки шикофор сизга рецепт билан тайинласа, шундагина унинг назорати остида қўллашингиз мумкин.

Қўллаётган антибиотикларингизни бошқа инсонларга (хусусан оила аъзоларингизга ҳам) берманг!

Инфекция юқишини олдини олиш мақсадида қўлларингизни ювиб юринг.

Дори воситалари, тиббий буюмлар ва тиббий техника экспертизаси ва стандартлаштириш Давлат маркази Ахборот хизмати

🕊@uzpharmcontrol

🟦🟦🟦🟦

Дорихоналарда қайси турдаги дори воситалари ва тиббий буюмлар бўлиши мажбурий ҳисобланади?

Муҳаббат Ибрагимова, Фармацевтика тармоғини ривожлантириш агентлиги директори маслаҳатчиси:

Соғлиқни сақлаш вазирининг тегишли буйруғи билан, юртдошларимизнинг дори воситаларига бўлган талабини ҳамда кенг тарқалган касалликларни даволашга мўлжалланган маҳаллий арзон ва сифатли дори воситларига бўлган эҳтиёжини қондириш шунингдек, муҳимлиги жиҳатдан дорихоналарда бўлиши мажбурий бўлган дори воситалари ва тиббий буюмлар рўйхати тасдиқланган.

Мазкур рўйхатда 26 номдаги (халқаро патентланмаган ва савдо номидаги) дори воситалари ҳамда 6 хил тиббий буюмлар, жумладан:

▪️Шприцлар
▪️Инфузион системалар
▪️Тиббий пахта
▪️Бинт
▪️Тиббиёт докаси
▪️Тиббий қўлқоп ўрин эгаллаган.

(Тўлиқ рўйхат билан қуйидаги манзилда батафсил танишасиз.)

Шунингдек, дори воситалари ва тиббий буюмларни чакана реализация қилиш фаолиятини лицензиялаш талабига кўра, дорихона сотув зали пештахталарининг камида 10 фоизи доривор ўсимликлар хом ашёсидан тайёрланган биологик фаол қўшимчалар ва дори воситалари учун ажратилган бўлиши керак.

Дори воситалари, тиббий буюмлар ва тиббий техника экспертизаси ва стандартлаштириш Давлат маркази Ахборот хизмати

🕊@uzpharmcontrol

50 номдаги 813815 ўрам фармацевтика маҳсулотларига сертификат бериш рад этилди

Дори воситалари, тиббий буюмлар ва тиббий техника экспертизаси ва стандартлаштириш давлат марказининг Тиббий маҳсулотларни сертификатлаштириш марказий органига бўлган мурожаатлар асосида, жорий йилнинг январ ойи давомида юртимизга импорт қилинган ва мамлакатимизда ишлаб чиқарилган фармацевтика маҳсулотлари ўрнатилган тартибда сертфикатлаштириш учун текширувдан ўтказилди.

🦠 Экспертиза натижасига кўра, Германия, Ҳиндистон, Венгрия, Греция, Италия, Жанубий Корея, Хитой ҳамда Ўзбекистонда ишлаб чиқарилган 50 номдаги 813815 ўрам, умумий қиймати 27 млрд сўмдан ортиқ фармацевтика маҳсулотлари сертификатлаштириш жараёнида номувофиқлиги аниқланиб қўллаш учун яроқсиз деб топилди ва сертификатлаштирилиши рад этилди.

Таъкидлаш жоиз, Соғлиқни сақлаш вазирлиги томонидан дори воситалари ва тиббий буюмларнинг сертификатлаш жараёнлари қатъий назоратга олинган бўлиб, ҳар бир серия алоҳида лаборатор текширувлардан ўтказилиб, сифатсизлиги аниқланган фармацевтика маҳсулотларининг эркин муомалага чиқарилишини олди олинмоқда.

Дори воситалари, тиббий буюмлар ва тиббий техника экспертизаси ва стандартлаштириш Давлат маркази Ахборот хизмати

🕊@uzpharmcontrol

Дори воситаларининг референт нархи

Хабарингиз бор, республикамизда 2020 йилнинг 1 июлидан бошлаб маҳаллий ва хорижий дори воситаларига нисбатан референт нарх шакллантириш тизими босқичма-босқич жорий этилди.

Юқоридаги видеода ушбу тизим ва дори воситасининг референт нархи ҳақида батафсил маълумот берамиз.

Дори воситалари, тиббий буюмлар ва тиббий техника экспертизаси ва стандартлаштириш Давлат маркази Ахборот хизмати

🕊@uzpharmcontrol

ССВ: Вазир турк қардошларимизга ҳамдардлик билдирди

Туркияда юз берган кенг кўламли табиий офат ва унинг оқибатлари бутун дунёни ларзага солди. Вайроналар остида қолган инсонлар ҳаётини сақлаб қолиш ва зилзила талафотларини бартараф этишга ўзбек қутқарувчилари, хусусан, бир гуруҳ тиббиёт ходимларимиз ҳам алоҳида ҳисса қўшмоқда.

Қардошларимиз бошига тушган оғир синов ва йўқотишлардан халқимиз чуқур қайғуда. Давлатимиз томонидан жўнатилаётган гуманитар ёрдам юкларига қўшимча равишда жамоатчилик вакиллари ҳам ўз ташаббуси билан инсонпарварлик кўмагини кўрсатиш ҳаракатида.

Шундай дамларда Соғлиқни сақлаш вазири Амрилло Иноятов бошчилигидаги бир гуруҳ тизим масъуллари Туркия Республикасининг Ўзбекистондаги элчихонасига бориб, қардошларимиздан кўнгил сўради ва бу ерда очилган ҳамдардлик китобига ўз тасалли сўзларини ёзиб қолдирди.

🕊@uzpharmcontrol

Дори воситаларини маркировкалаш учун 2022 йилда 125 247 859 та рақамли маркировка кодлари тақдим этилди

Азиз Абдумаликов, Дори воситалари, тиббий буюмлар ва тиббий техника экспертизаси ва стандартлаштириш Давлат маркази мутахассиси:

Бугунги кунда ТИФ ТН коди позициясига мувофиқ, рақамли маркировкаланиш тизимига ўтиши лозим бўлган дори воситаларини ишлаб чиқарувчи 59 та маҳаллий корхона юртимизда фаолият юритмоқда.

🦠 Улардан 53 тасида маркировкалаш тизимини жорий этишда зурур бўлган ускуна ва дастурий маҳсулотлар сотиб олиш юзасидан шартномалар тузилган бўлиб, шундан 48 тасида дори воситалари рақамли маркировкаланган ҳолда ишлаб чиқарилиши йўлга қўйилди.

Шунингдек, яна 5 корхонада ускуна ва дастурий маҳсулотлар етказиб берилиши ва корхоналарнинг ишлаб чиқариш линияларига ўрнатилиши бўйича тегишли ишлар амалга оширилмоқда. Қолган 6 та маҳаллий корхона ҳам ўз фаолиятида мазкур тизимни жорий қилиш юзасидан музокаралар олиб бормоқда.

Маълумот учун, тизим оператори “CRPT TURON” МЧЖ томонидан 2022 йилнинг 1 апрелидан 31 декабрь санасига қадар, хорижий корхоналарга 37 977 367 та, маҳаллий корхоналар ҳамда Хорижий фармацевтика компаниялари ва ишлаб чиқарувчиларининг юртимиздаги ваколатхоналарига 87 270 492 та жами, 125 247 859 та рақамли маркировка кодлари тақдим этилган бўлиб, энди истеьмолчилар дори воситасини харид қилишда “ASL Belgisi” мобил иловаси орқали маркировка кодини сканерлаб харид қилинаётган маҳсулот ҳақида батафсил маълумотга эга бўлишади.
—
Эслатиб ўтамиз, 2022 йил 1 сентябрдан бошлаб юртимизда дори воситаларини мажбурий рақамли маркировкалаш бошланган бўлиб, жараён 2022–2025 йиллар давомида босқичма-босқич амалга оширилади.

Дори воситалари, тиббий буюмлар ва тиббий техника экспертизаси ва стандартлаштириш Давлат маркази Ахборот хизмати

🕊@uzpharmcontrol

Ўзбекистон Республикаси Давлат фармакопеясининг биринчи нашри учинчи жилди тасдиқланди

Фармакопея — бу алоҳида мамлакатда ёки маълум бир худудда ишлатиладиган дори воситалари сифатини таъминлаш учун қонунан риоя этилиши шарт бўлган стандартлар тўпламидир.

Замонавий фармакопеяларинг асосий вазифаси — дори воситалари сифатига умумий талабларни, шунингдек фаол фармацевтика субстанциялари, тайёр дори воситалари, ёрдамчи моддалар, реактивлар, реагентлар ва шу кабиларга қўйиладиган алоҳида сифат стандартларини белгилашдан иборатдир.

🌎 Бугунги кунда амалда бўлган ЖССТнинг “Жаҳон фармакопеялари ва фармакопея органлари индекси”га кирган мамлакатлар рўйхатида 57 та мамлакат, жумладан 3 та ҳудудий фармакопея органлари (ЕИ, ЕОИИ ва Африка мамлакатлари) ва 1 та ЖССТ (халқаро фармакопея) акс эттирилган бўлиб, 2021 йил декабрдан бошлаб Ўзбекистон Республикаси ҳам ушбу индексга киритилгандир.

Таъкидлаш жоиз, 2023 йил 07 феврал санасида Ўзбекистон Соғлиқни сақлаш вазирининг 26-сон буйруғи билан Ўзбекистон Республикаси Давлат фармакопеясининг биринчи нашри учинчи жилди тасдиқланди.

🦠 Мазкур жилддан ўрин эгаллаган фармакопея мақолалари ва бошқа маълумотлар ҳақида ушбу ҳаволада батафсил ўқишингиз мумкин.

Дори воситалари, тиббий буюмлар ва тиббий техника экспертизаси ва стандартлаштириш Давлат маркази Ахборот хизмати

🕊@uzpharmcontrol

⭕️⭕️⭕️⭕️

Психотроп дори воситаларини сурункали истеъмол қилиш оғир оқибатларга олиб келади

Тошкент вилоят ИИБ Ахборот хизмати томонидан тайёрланган видеолавҳада инсон организмига кучли таъсир қилувчи психотроп ва синтетик дори воситаларини мунтазам истеъмол қилиш оқибатлари мантиқан 4 босқичда намойиш этилади.

🕊@uzpharmcontrol