✏️✏️✏️✏️

Никита Макаренко ўз телеграм каналида ЖССТ Ҳиндистонда ишлаб чиқарилган йўтал сиропларидан болалар ўлими қайд этилганлиги юзасидан 5 октябр куни барча мамлакатларни мазкур дори воситаларидан (суратда кўрсатилган) фойдаланишни тўхтатишга чақирганлиги ҳақида пост қолдирди.

Шунингдек у, Фармацевтика тармоғини ривожлантириш агентлиги ва ССВ бу ҳақида юртдошларимизни огоҳлантирмаганлиги ҳақида ёзди.

Мазкур хабар юзасидан Фармацевтика тармоғини ривожлантириш агентлиги қуйидагиларни маълум қилди:

Октябрь ойининг аввалида тиббий маҳсулотларнинг қалбакилаштирилгани ҳақидаги ЖССТнинг 6/2022-сонли огоҳлантириш эълонида Maiden Pharmaceuticals Limited (Харьяна, Ҳиндистон) компанияси томонидан ишлаб чиқарилган 4 та препарат:

🗄 Promethazine Oral Solution (прометазин, перорал эритмаси);
🗄 Kofexmalin Baby Cough Syrup (“Кофексмалин” йўталга қарши болалар сиропи);
🗄 Makoff Baby Cough Syrup (“Макофф” йўталга қарши болалар сиропи);
🗄 ҳамда Magrip N Cold Syrup (“Магрип Н” шамоллашга қарши сиропи) ҳақида сўз юритилган.

ЖССТ томонидан огоҳлантириш эълон қилинган заҳоти “Дори воситалари, тиббий буюмлар ва тиббий техника экспертизаси ва стандартлаштириш давлат маркази” ДУК Фармакологик назорат бўлими мутахассислари Ўзбекистон Республикасида рўйхатдан ўтказилган дори воситалари реестрини ўрганиб чиқишди.

(Маълумот учун, "Дори воситалари ва фармацевтика фаолияти тўғрисида”ги Қонунига кўра, дори воситалари, тиббий буюмлари ва тиббий техниканинг тиббиёт амалиётида қўлланилишига, қоида тариқасида, улар давлат рўйхатидан ўтказилганидан кейин рухсат этилади)

Ушбу дори воситаларининг юртимизга кириб келган номи ва қадоғи огоҳлантиришдагидан фарқ қилиши мумкинлигини инобатга олган ҳолда, текширув препаратлар номи эмас, айнан ишлаб чиқарувчи компания номи асосида олиб борилди.

🔬 Ўрганишлар натижасида ЖССТ огоҳлантиришида хабар қилинган дори воситаларини ишлаб чиқарувчи Maiden Pharmaceuticals Limited (Харьяна, Ҳиндистон) компаниясининг бирорта маҳсулоти айни дамда Ўзбекистонда рўйхатдан ўтказилмагани маълум бўлди.

Айтиш жоиз, аҳоли саломатлигини сақлаш мақсадида Фармацевтика тармоғини ривожлантириш агентлиги ўз фаолиятини ЖССТ ҳамда фармацевтика соҳасига алоқадор бўлган халқаро ташкилотлар билан узвий ҳамкорликда олиб боради.

Шунингдек, Фармакологик назорат бўлими ЖССТ хабарлари, АҚШ, Буюк Британия, Австралия, ЕИ ва ЕОИИ давлатларининг тартибга солувчи органлари сайтларини мунтазам равишда кузатиб боради ҳамда мазкур ташкилотлар, шу жумладан ЖССТнинг ҳар бир тавсиясини доимий тартибда ўрганиб чиқиб уларга ўз вақтида тегишли муносабат билдириб боради.

🕊@uzpharmcontrol

Давлат марказида “Уч авлод учрашуви” ташкил этилди

Мамлакатимизда давлатимиз раҳбари бошчилигида тинчликни мустаҳкамлаш, халқимиз фаровонлигини таъминлаш, кексаларни эъзозлаш, эртамиз эгаларини баркамол этиб вояга етказишга давлат сиёсатининг устувор йўналиши сифатида алоҳида эътибор қаратилаётганлиги таъкидлаш жоиз. Бинобарин, буюк аждодларга муносиб авлод бўлиш, юртимиз тараққиётига дахлдорлик ҳисси билан яшаш ҳар биримизнинг, айниқса, ёшларнинг муқаддас бурчидир.

Жорий йилнинг 21 декабр санасида “Дори воситалари, тиббий буюмлар ва тиббий техника экспертизаси ва стандартлаштириш давлат маркази”да ташкил этилган навбатдаги маърифий тадбир ўзида мана шундай маслакни ифода этди. Унда корхона тизимида кўп йиллар мобайнида хизмат қилган, фахрий ходимлар ва соҳадаги ёшлар иштирок этишди.

Учрашувда сўзга чиққан фармацевтика соҳаси фахрийлари бирма-бир ўзларининг ҳаётлари ва корхона тарихи билан боғлиқ маълумотлар билан бирга бугунги кунда юртимизда фахрийларга кўрсатилаётган эътибор, мустақиллик берган имкониятлар, мамлакатимизда миллатлараро тотувлик ва ҳамжиҳатлик хусусида ўзларининг дил сўзларини билдирдилар.

Шунингдек самимий суҳбат давомида, тизим нуфузи кўп жиҳатдан аҳоли соғлиғи билан юзма-юз ишловчи ходимларга боғлиқ эканлиги, ушбу хизмат вакилларининг соҳага оид билим ва савияларини ошириш, муомала маданиятини янада юксалтириш алоҳида таъкидланди.

🕊@uzpharmcontrol

2022 йил давомида 3523 дона тиббий ўлчаш воситалари қиёслаш ва синаш текширувларидан ўтказилди

"Дори воситалари, тиббий буюмлар ва тиббий техника экспертизаси ва стандартлаштириш Давлат маркази"нинг Қиёслаш лабораторияси томонидан 2022 йил давомида қиёслаш соҳасида амалга оширилган ишлар сарҳисоб қилинди.

Жумладан якунланаётган 2022 йил давомида лаборатория мутахассислари томонидан юртимиздаги 301 та тиббиёт муассасаларида умумий 3523 дона тиббий ўлчаш воситалари қиёслаш ва синаш текширувларидан ўтказилди.

Ўрганишлар давомида улардан 3192 таси сифатли ва меъёрий ҳужжатлар талабига жавоб бериши, 331 таси эса сифатсиз ва меъёрий ҳужжатлар талабига жавоб бермаслиги ҳамда яроқсизлиги аниқланди.

Текширув натижасига кўра, сифатсизлиги ва яроқсизлиги аниқланган тиббий ўлчаш воситалари (тўлиқ рўйхат) қайта таъмирлаш ёки ҳисобдан чиқариб қайта ишлатилмаслиги тўғрисида даволаш профилактика муассасаларининг маъсул ходимларига тегишли кўрсатмалар берилди.

Эслатиб ўтамиз, юртимизда фаолият юритаётган давлат ва нодавлат тиббиёт муассалари раҳбарлари, тиббий ўлчаш воситаларини қиёслашдан ўтказиш хизматлари бўйича қуйидаги рақамлар орқали мурожаат қилишлари мумкин:

Қиёслаш лабораторияси мудири
Абдуллаев Нодир Мир-Азимович
тел: 71-203-01-01 (2240) ёки 90-927-59-17

Маъсул ходим: Камилов Олимжон
тел: 71-203-01-01 (2240) ёки 97-001-44-77

🕊@uzpharmcontrol

✏️✏️✏️

Ҳиндистон ҳукумати «Док-1 Макс» ишлаб чиқарувчи компанияга нисбатан суриштирув бошлади

Ҳиндистоннинг «Marion Biotech» компанияси Ўзбекистонда болалар ўлимига сабаб бўлган «Док-1 Макс» сиропини чиқаришни тўхтатди. Бу ҳақда Reuters хабар бермоқда.

Унда айтилишича, Ҳиндистон ҳукумати бу борада суриштирув бошлаган ва тез орада ҳисобот берилади.

Суриштирув Уттар-Прадеш штатидаги наркотикларни лицензиялаш ва назорат қилиш бошқармаси томонидан олиб борилмоқда. Ўзбекистон миллий ахборот агентлигига кўра, суриштирув олиб борувчи томон Ўзбекистон ҳукуматидан ҳам вафот этган болалар ҳақида ҳисобот сўраган.

Эслатиб ўтамиз, мазкур дори воситаси савдоси юртимизда 2022 йил 22 декабрдан вақтинча тўхтатилган бўлиб, "QURAMAX MEDIKAL" МЧЖга реализация қилинган дорихоналардаги қолдиқ дори воситаларини қайтариб олиш ҳамда етказиб берувчи дистрибьюторга зудлик билан қайтариш чораларини кўриш бўйича тегишли кўрсатма берилган.

🕊@uzpharmcontrol

🟥🟥🟥🟥

Док-1 Макс" дори воситасининг ножўя таъсири бўйича бугун АОКАда брифинг ташкил қилинди. Унда аҳолидан келиб тушган муҳим саволларга жавоб берилди.

Cавол: Дори воситасининг Ўзбекистонга кириб келиш тартиби қандай?

Жавоб: Дори воситаси Ўзбекистон бозорига кириб келишидан олдин давлат рўйхатидан ўтказилиши лозим. Бунинг учун ушбу дори воситаси намуналари лаборатория синовлари, зарур ҳолларда эса клиник синовлардан ва 5 модулдан иборат рўйхатдан ўтказиш ҳужжатлари тегишли ва холис экспертлар томонидан экспертизадан ўтказилади.

Шунингдек, зарур ҳолларда ишлаб чиқариш шароитлари ҳам инспекторлар томонидан ўрганилади. Ҳамда санаб ўтилган экспертизанинг ижобий натижаларига биноан давлат рўйхатидан ўтказилади ва муддати 5 йил бўлган рўйхатдан ўтказилганлик гувоҳномаси берилади. Дори воситасининг ҳар бир серияси бозорга киришидан олдин лаборатория синовларидан ўтказилади.

🕊@uzpharmcontrol

🟥🟥🟥🟥

Савол: Лаборатория синовлари қай мақсадда ўтказилади?

Жавоб: Синовлар ишлаб чиқарувчининг норматив ҳужжатига мувофиқлигини баҳолаш мақсадида ўтказилади. Норматив ҳужжатда дори воситаси сифатига қўйиладиган талаблар белгиланган бўлиб, бунда асосан Халқаро фармакопея ва ривожланган давлат фармакопеялари талабларига мувофиқ асосан таъсир этувчи моддалар миқдори аниқланади.

Ёрдамчи моддаларни аниқлаш норматив ҳужжатда кўзда тутилмайди. Чунки ёрдамчи моддалар дори воситасининг дори шаклини шакллантирадиган моддалар ҳисобланиб, улар асосан индиффирент моддалардан ташкил топган бўлади. Яъни, организмга салбий таъсир кўрсатмайдиган моддалар ҳисобланади.

🕊@uzpharmcontrol

🟥🟥🟥🟥

Савол: Сўнгги воқеаларга қадар “Док-1 Макс” дори воситасининг бирор ножўя таъсири кузатилганмиди?

Жавоб: “Док-1 Макс” дори воситаси 2012 йилдан бери Ўзбекистон тиббиёт амалиётида қўлланилиб, жиддий ножўя таъсирлар берганлиги ҳақида “Дори воситалари, тиббий буюмлар ва тиббий техника экспертизаси ва стандартлаштириш давлат маркази”га мурожаат келиб тушмаган. Яъни, шу пайтгача таъсир этувчи моддалар ва қўшимча моддаларнинг организмга салбий таъсири аниқланмаган.

Ҳиндистоннинг “Док-1 Макс” дори воситасининг организмга салбий таъсири кузатилган сериясининг сертификатлаштириш жараёнидаги текширувлар натижалари ушбу дори воситасининг норматив ҳужжатлар талабларига мувофиқлигини кўрсатган.

Лекин, минг афсуски, дори воситаси тегишли серияларининг организмга салбий таъсири кузатилган. Бу ҳақда сигнал келиб тушгандан кейин, дори воситасининг барча сериялари лаборатория текширувларидан ўтказилди.

Бунда нафақат таъсир этувчи моддалар, балки унинг таркибидаги ёрдамчи моддалар ҳам ўрганилди. Ва натижада дори воситаси таркибидаги ёрдамчи моддалардан бирининг ўзгарганлиги аниқланди.

🕊@uzpharmcontrol

🟥🟥🟥🟥

Савол: Ишлаб чиқарувчи компания дори воситасининг таркиби ўзгарганда бу ҳақида тегишли органларни огоҳлантириши зарурми?

Жавоб: Халқаро нормалар ва Ўзбекистон қонунчилигига биноан ишлаб чиқарувчи томонидан Давлат марказига дори воситаси таркибидаги ҳар қандай, ҳаттоки кичик ўзгартиришлар ва қўшимчалар ҳақида маълумот бериши зарур.

Бунда киритиладиган ўзгартириш ва қўшимча одам организмига салбий таъсир кўрсатадиган ҳолларда ушбу қўшимча ва ўзгартириш рад этилади. Минг афсуски, ишлаб чиқарувчи томонидан Давлат марказига бундай маълумот тақдим этилмаган.

🕊@uzpharmcontrol

🟥🟥🟥🟥

Савол: Ўзбекистонга сифатсиз дори воситалар кириб келишининг олдини олишда сертификатлаш органларининг аҳамияти қандай?

Жавоб: Ўзбекистон Республикасига кириб келаётган дори воситасининг ҳар бир серияси давлат томонидан текширувдан ўтказилади.

Хусусан сертификатлаштириш органлари томонидан 2020 йилда 2,5 миллиондан ортиқ шартли ўрамдаги, 2021 йилда 1,5 миллиондан ортиқ шартли ўрам, 2022 йилда эса 3.5 миллион шартли ўрамдаги дори воситалари меъёрий ҳужжатлар талабларига номувофиқ деб топилди. Яъни аҳоли шунча миқдордаги дори воситасининг салбий таъсиридан ҳимоя қилинди.

🕊@uzpharmcontrol

🟥🟥🟥🟥

Савол: Дори воситаларининг қўлланилиши чоғида ножўя реакциялар аниқланган ҳолатда кимга ва қандай тартибда мурожаат қилиш керак?

Жавоб: Ўзбекистон Республикасининг “Фармацевтика фаолияти ва дори воситалари тўғрисидаги” қонунига мувофиқ, даволаш-профилактика муассасалари, дорихоналар ҳамда дори воситаларини ишлаб чиқарувчи, реализация қилувчи ва қўлловчи ташкилотлар дори воситаларининг қўлланилиши чоғида ножўя реакциялар аниқланган барча ҳолатлар тўғрисида Ўзбекистон Республикаси Соғлиқни сақлаш вазирлигини ёзма шаклда хабардор қилиши шарт.

Соғлиқни сақлаш вазирлигининг 2018 йил 9 мартдаги 13-сонли “Дори воситаларини қўллашда аниқланган ножўя таъсирлар тўғрисида хабардор қилиш тартиби тўғрисидаги низомни тасдиқлаш ҳақида”ги буйруғига биноан, ножўя таъсир юзага келган тақдирда, аниқланган ҳолат тўғрисида белгиланган муддатда ёзма хабарнома тайёрланиши ва юборилиши керак.

⚡️ Шифокор беморда жиддий ножўя таъсир (анафилактик таъсир, Лайелл синдроми ёки Стивенс-Жонсон синдроми шунингдек, одамнинг ўлими) ҳолатлари айнан ушбу дорини қўллаш оқибатида вужудга келганлиги тўғрисида хулоса чиқарган ҳолда, бу ҳақда 1 кун ичида хабарнома расмийлаштирилади.

Бошқа барча ҳолатларда, кузатилган ёки аниқланган ножўя таъсир, шунингдек қўлланилган дориларнинг самарадорлиги йўқлиги тўғрисида 10 кун ичида хабар бериш керак.

🕊@uzpharmcontrol

🟥🟥🟥🟥

Савол: "Док-1 Макс" дори воситасининг ножўя таъсири билан боғлиқ вазият юзасидан қандай чоралар амалга оширилмоқда?

Ножўя таъсири аниқланган “Док-1 Макс” дори воситасининг савдоси юртимизда 2022 йил 22 декабрдан вақтинча тўхтатилди. Ҳамда "Quramax medikal" МЧЖга реализация қилинган дорихоналардаги қолдиқ дори воситаларини қайтариб олиш шунингдек, дорихоналарга мазкур дори воситасини етказиб берувчи дистрибьюторга зудлик билан қайтариш чораларини кўриш бўйича тегишли кўрсатма берилди. Ва ушбу дори воситалари республикамиздаги барча дорихоналардан тезкорлик билан йиғиб олинди.

⚡️ Ҳиндистоннинг "Marion Biotech" компанияси томонидан ишлаб чиқарилган ва юртимизда рўйхатдан ўтказилган барча турдаги дори воситаларининг савдоси 2022 йил 30 декабрдан вақтинчалик тўхтатилди.

Маълумот ўрнида, "Marion Biotech" компанияси томонидан ишлаб чиқарилган "Док-1 Макс" дори воситаси таркибида қўшимча ёт моддалар аниқланганлиги боис, ҳозирда компаниянинг бошқа маҳсулотлари ҳам чуқур лаборатор текширувларидан ўтказилмоқда.

Аввал хабар берганимиздек, Ҳиндистон ҳукумати "Док-1 Макс" дори воситасини ишлаб чиқарган "Marion Biotech" компаниясига қарши суриштирув бошлади. Суриштирув Уттар-Прадеш штатидаги Наркотикларни лицензиялаш ва назорат қилиш бошқармаси томонидан олиб борилаяпти.

Ҳурматли юртдошлар, шу ўринда барчангизни яна бир бор огоҳликка чақириб, агарда сиз ҳам ушбу дори воситасини сотиб олган бўлсангиз ва ҳозирда бу препаратни уйингизда сақланаётган бўлсангиз, уни зинҳор қўлламасликни ва қайтариб бериш бўйича 71-203-27-77 телефон рақамига қўнғироқ қилишингизни сўраймиз.

🕊@uzpharmcontrol

💊 Фармаконазорат:

Турли тармоқларда "Ибуклин" препарати таъсири ҳақида аудио огоҳлантиришлар тарқалмоқда. Айтингчи, уни қандай пайтларда қўллаш лозим?

Саволга “Дори воситалари, тиббий буюмлар ва тиббий техника экспертизаси ва стандартлаштириш давлат маркази” Фармакологик назорат бўлими етакчи мутахассиси Равшан Абдуллаев жавоб берди.

🕊@uzpharmcontrol

🟥🟥🟥

⚡️ Чуқурлаштирилган сифат назорати натижаларига кўра, “Док-1 Макс” ҳамда “Амбронол” дори воситаларининг айрим серияларида пропиленгликоль моддаси ўрнига ёки у билан бирга этиленгликоль ва диэтиленгликоль моддалари мавжудлиги маълум бўлди.

Шуни инобатга олган ҳолда Соғлиқни сақлаш вазирлиги аҳоли саломатлигини муҳофаза қилиш ва қолган дориларни ҳам қўшимча текширувдан ўтказиш мақсадида эҳтиёт чораси сифатида “Quramax Medical” МЧЖ томонидан 2022 йил юртимиз ҳудудига олиб кирилган барча препаратлар сотувини тўхтатди.

Юқоридаги суратда ушбу препаратлар рўйхати келтирилган.
--
⚡️ Углублённый контроль качества показал, что в некоторых сериях препаратов “Док-1 Макс” и “Амбронол” вместо пропиленгликоля или вместе с ним имелись этиленгликоль и диэтиленгликоль.

С учетом этого, Министерство здравоохранения в целях охраны здоровья населения и дополнительной проверки остальных лекарственных средств приостановил реализацию всех препаратов, ввезенных в нашу страну ООО “Quramax Medical” в 2022 году. 

На картинке выше приведен список этих препаратов.

🕊@uzpharmcontrol

💊 2022 йилда умумий қиймати 90.57 млрд сўм бўлган дори воситаларига сертификат бериш рад этилди

Республикамиздаги Фармацевтика маҳсулотларини сертификатлаштириш органларига бўлган мурожаатлар асосида 2022 йил давомида тақдим қилинган дори воситалари белгиланган тартибда сертфикатлаштириш учун текширувдан ўтказилди.

Таҳлиллар натижасига кўра 24 та давлатда жумладан, Австрия, Аргентина, Арманистон, Бангладеш, Белоруссия, Болгария, Венгрия, Германия, Грузия, Испания, Италия, Македония, Голландия, Покистон, Польша, Россия, Румыния, Словакия, Туркия, Украина, Франция, Хитой, Ҳиндистон, Швейцария давлати ҳамда юртимизда ишлаб чиқарилган 271 турдаги 3 382 502 шартли ўрам, умумий қиймати 90.57 млрд сўм бўлган дори воситалари сертификатлаштириш жараёнида номувофиқлиги аниқланиб қўллаш учун яроқсиз деб топилди ҳамда сертификатлаштирилиши рад этилиб, мазкур сифатсиз дори воситаларининг муомалага чиқарилишини олди олинди.

Маълумот учун, «Мувофиқлик сертификати» — сертификатланган маҳсулотнинг белгиланган талабларга мувофиқлигини тасдиқлаш учун сертификатлаштириш тизими қоидаларига биноан берилган ҳужжат ҳисобланади.

Эслатиб ўтамиз, “Махсус электрон тизим орқали айрим фаолият турларини лицензиялаш тартиби тўғрисида”ги ягона низом (рўйхат рақами 80-сон 21.02.2022)га кўра, дори воситалари ва тиббий буюмларни мувофиқлик сертификатларисиз сақлаш ва (ёки) реализация қилиш, фаолият учун берилган лицензиянинг амал қилиши белгиланган тартибда тўхтатилишига олиб келадиган, лицензия талаблари ва шартларини қўпол равишда бузилиши ҳисобланади!

🕊@uzpharmcontrol

🟦🟦

Дори воситаларини харид қилишда унинг мувофиқлик сертификати қай даражада муҳим?

Ушбу долзарб мавзу бўйича "Sevimli" канали ижодкорлари юртдошларимиз ва мутахассисларимиз фикри билан қизиқди. Батафсил репортажда танишамиз.

🕊@uzpharmcontrol

Ноқонуний муомалада бўлган 1 319 230 ўрам фармацевтика маҳсулотларининг айланмасига чек қўйилди

«Дори воситалари, тиббий буюмлар ва тиббий техника экспертизаси ва стандартлаштириш Давлат маркази»га 2022 йил давомида Ўзбекистон Республикаси Бош прокуратураси ва Бош прокуратура ҳузуридаги Иқтисодий жиноятларга қарши курашиш департаменти, унинг ҳудудий бўлинмалари, Давлат хавфсизлик хизмати, Ички ишлар вазирлиги, Солиқ қўмитаси, Божхона қўмитаси ва унинг ҳудудий бўлинмалари мурожаатлари асосида тақдим қилинган ноқонуний муомалада бўлган дори воситалари ва тиббий буюмлар бўйича жами 1343 та мурожаат келиб тушди.

🔬Ушбу мурожаатлар асосида олиб борилган экспертиза ҳулосасига кўра, 7731 турдаги 1 319 230 ўрам сифатсиз, контрафакт, яроқлилик муддати тугаган фармацевтика маҳсулотлари тиббиёт амалиётида қўллаш мумкин эмаслиги аниқланди ҳамда лаборатория таҳлиллари бўйича барча маълумотлар тегишли органларга тақдим қилинди.

Эслатиб ўтамиз, «Дори воситалари ва фармацевтика фаолияти тўғрисида»ги қонунга мувофиқ cифатсиз, қалбакилаштирилган, Ўзбекистон Республикасида рўйхатдан ўтказилмаган дори воситаларини ва тиббий буюмларни, шунингдек Ўзбекистон Республикасида рўйхатдан ўтказилган дори воситаларининг ғайриқонуний нусхаларини харид қилиш, чакана реализация қилиш ва улардан фойдаланиш тақиқланади!

☝️Ҳурматли юртдошлар! Aгарда Сиз сифатсиз ёки қалбакилаштирилган дори воситалари айланмаси билан боғлиқ ноқонуний ҳаракатларга дуч келсангиз, Иқтисодий жиноятларга қарши курашиш департаментиниг (71) 233-1007 ишонч телефонига мурожаат қилинг!

🕊@uzpharmcontrol

Сифатли дори воситаси ҳам ножўя таъсир кўрсатиши мумкинми?

Мазкур саволга “Дори воситалари, тиббий буюмлар ва тиббий техника экспертизаси ва стандартлаштириш давлат маркази” ДУК Фармакологик назорат бўлими етакчи мутахассиси Равшан Абдуллаев Тошкент телеканалида эфирга узатилган "Гап чиқти" ток-шоусида жавоб берди.

🕊@uzpharmcontrol

🟦🟦🟦🟦

Тиббий буюмлар рўйхатига нималар киради?

Ўзбекистон Республикаси Соғлиқни сақлаш вазирининг 2016 йил 29 июндаги 60-сон буйруғи (рўйхат рақами 2809-сон, 12.07.2016) билан Тиббий буюмлар рўйхати тасдиқланган.

Мазкур рўйхатда 27 тўпламдаги тиббий буюмлар жамланмаси ўрин олган:

🗄 Тиббиёт боғлов материаллари;
🗄 Тиббиёт тикув материаллари;
🗄 Тешиш, инъекция, трансфузия, сўриб олишга мўлжалланган тиббий буюмлар;
🗄 Ангиография, ангиопластика, диализ, гемодиализ, плазмоферез, сунъий қон айланишида қўлланиладиган тиббий буюмлар;
🗄 Стоматология ва ортодонтия тиббий буюмлари;
🗄 Офтальмология тиббий буюмлари;
🗄 Акушерлик, гинекология ва урология тиббий буюмлари;
🗄 Оториноларингология тиббий буюмлари;
🗄 Анестезиология ва реанимация учун тиббий буюмлар;
🗄 Протез-ортопедия буюмлари ва имплантант воситалари;
🗄 Маҳаллий қўллаш учун мўлжалланган тиббий буюмлар;
🗄 Ташхис воситалари;
🗄 Резина, резинаматоли, латексли ва полимер тиббий буюмлар;
🗄 Контрацептивлар;
🗄 Биринчи тиббий ёрдам буюмлари;
🗄 Беморларни парваришлаш тиббий буюмлари;
🗄 ин витро ташхис буюмлари.

📎 Изоҳ:

👉 Мазкур Рўйхатда назарда тутилган тиббий буюмлар белгиланган тартибда Ўзбекистон Республикасида давлат рўйхатидан ўтказилгандан сўнг тиббиёт амалиётида қўлланилишига рухсат этилади.
👉 Мазкур Рўйхатда назарда тутилган тиббий буюмлар алоҳида тўплам ҳолатида, тиббий техниканинг сарф қисми сифатида ёки тиббий техниканинг тўплами таркибида бўлиши мумкин.

🕊@uzpharmcontrol

🟦🟦

Дори воситаларини сақлашда нималарга эътибор бериш керак?

"Yoshlar" телеканалининг "Янги давр" дастурида мутахассисимиз айнан шу мавзуда сўз юритди.

🕊@uzpharmcontrol