“Антикоррупция ҳафталиги” доирасида “Очиқ эшиклар куни” тадбири ўтказилади

Хабарингиз бор, “9 декабрь – Халқаро коррупцияга қарши курашиш куни” муносабати билан юртимизда ҳар йили кенг кўламли “Антикоррупция ҳафталиги” ўтказилиб келинмоқда.

Мазкур ҳафталик доирасида жорий йилнинг 6 декабрь санасида соат 10:00 дан 13:00 гача Фармацевтика тармоғини ривожлантириш агентлиги “Очиқ эшиклар куни” тадбирини ўтказади.

Ундан мақсад, Фармагентлик ва унинг тизимидаги ташкилотлар фаолиятининг очиқлиги, жамоатчилик ва фуқаролар олдида ҳисобдорлигини таъминлаш, Агентлик фаолиятида коррупцияга қарши курашиш масалалари бўйича амалга оширилаётган ишлар билан жамоатчиликни таништиришдан иборат.

Журналистлар, блогерлар, ОАВ ва кенг жамоатчилик вакилларини ушбу тадбирда фаол иштирок этишга таклиф этамиз.

Манзил: Давлат маркази биноси
Мурожаат учун: 94-642-16-01

🕊@uzpharmcontrol

“Fluke Biomedical” Америка компанияси вакили “Давлат маркази”га ташриф буюрди

Сўнги йилларда юртимизда метрология соҳасида кенг қамровли ислоҳотлар амалга оширилмоқда. Кундан кунга бу соҳа янада тез ривожланиб, тобора такомиллашиб бормоқда.

Таъкидлаш жоиз, Метрология фаолиятини жадал ривожланётганини тиббий ўлчаш воситаларини тиббиётда фойдаланилаётганлиги, соҳада ишлаб чиқарувчи маҳаллий ва хорижий корхоналарнинг сони кескин ошиб бораётганлиги ҳамда хусусий даволаш профилактика муассасаларининг замонавий тиббий ўлчов воситалари асосида ташхис қўйиб беморлар дардига малҳам бўлаётганлигида кўришимиз мумкин.

Мамлакатимизда тиббий ўлчаш воситаларини давлат рўйхатидан ўтказиш, фармацевтик маҳсулотларни сертификатлаштириш, қиёслаш хизматларига талаб ортиб бораётганлиги юзасидан жорий йилнинг 1 декабр куни “Дори воситалари, тиббий буюмлар ва тиббий техника экспертизаси ва стандартлаштириш Давлат маркази”да Қиёслаш лабораторияси фаолиятини янада ривожлантириш мақсадида Америкалик мутахассис билан учрашув ташкил қилинди.

Марказ таклифига биноан Ўзбекистонга ташриф буюрган, юқори аниқлик билан ўлчайдиган намунавий ўлчаш воситаларини ишлаб чиқарувчи “Fluke Biomedical” Америка компаниясининг маъсул ходими Ala Albadri билан ўтган учрашувда бир қатор масалалар муҳокама қилинди. Жумладан, тиббиётда метрология соҳасида қўлланиладиган намунавий ўлчаш воситаларини харид қилиш, Қиёслаш лабораторияси ходимларини малакасини ошириш ва янги замонавий қиёслаш-синаш методларини ҳамкорликда ишлаб чиқиш ишлари бўйича музокаралар ўтказилди.

Маълумот учун, 1948 йилда ташкил этилган “Fluke Biomedical” Америка компанияси ўлчаш ускуналари ва ўлчаш технологиялари соҳасида жаҳонда етакчи ҳисобланади.

Компания маҳсулотларидан дунёнинг 200 дан ортиқ мамлакатида 40 миллиондан ортиқ муҳандис ва техниклар фойдаланиб келмоқда. Шунингдек ушбу компания дунёдаги ягона ажратиб олинадиган дисплейли рақамли мултиметр “Fluke-233” ўлчов асбобини яратувчиси ҳисобланади.

🕊@uzpharmcontrol

Давлат марказида "Очиқ эшиклар" куни ташкил этилди

Ўзбекистон Республикаси Коррупцияга қарши курашиш миллий кенгаши мажлисининг 2022 йил 17 августдаги 8-сонли баённомаси билан “9 декабрь - Халқаро коррупцияга қарши курашиш куни”га бағишланган Аксилкоррупция ҳафталиги доирасида ўтказиладиган тадбирлар режаси” тасдиқланган.

Мазкур режанинг 13-бандига мувофиқ, декабрь ойида вазирлик ва идоралар томонидан ўз фаолиятлари очиқлигини таъминлаш, коррупцион хатарларни олдини олиш ва бартараф этиш, соҳада замонавий коррупцияга қарши курашиш тизимларни жорий этиш каби масалаларга бағишланган “Очиқ эшиклар куни” тадбири ўтказилиши белгиланган.

Шу муносабат билан кеча Фармацевтика тармоғини ривожлантириш агентлигида Аксилкоррупция ҳафталиги доирасида “Очиқ эшиклар куни” тадбири ташкил этилди.

🕊@uzpharmcontrol

✏️✏️✏️

Дори воситаларини маркировкалаш мавзусида “очиқ мулоқот” ўтказилади

Жорий йилнинг 12 декабр санасида соат 15:00да соҳада фаолият олиб борувчи тадбиркорлик субъектлари томонидан дори воситаларини рақамли маркировкалаш жараёнида юзага келаётган муаммо ва таклифларни ўрганиш мақсадида, “Дори воситалари, тиббий буюмлар ва тиббий техника экспертизаси ва стандартлаштириш давлат маркази” ДУКда навбатдаги очиқ мулоқот ўтказилиши режалаштирилган.

Ҳурматли тадбиркорлар! Тадбирда ўзингизни қизиқтирган саволлар ва таклифлар билан қатнашиш учун қуйидаги телефон/телеграмм (99) 822-09-99 (Искандар Иногамов) рақами бўйича рўйхатдан ўтишингиз сўралади.

🕊@uzpharmcontrol

Тиббий буюмлар ва тиббий техника сифатини назорат қилиш лабораторияси фаолияти кенгайтирилди

Дори воситалари, тиббий буюмлар ва тиббий техника экспертизаси ва стандартлаштириш Давлат марказининг Тиббий буюмлар ва тиббий техника сифатини назорат килиш лабораторияси Ўзбекистон Аккредитация маркази томонидан навбатдаги инспекцион назорат текширувидан ўтди.

🕊@uzpharmcontrol

Давлат маркази мутахассислари ҳалқаро конференцияда иштирок этишди

Жорий йилнинг 8 декабр куни Беларусь Республикасининг Минск шаҳрида “Дори воситаларига нисбатан референт нарх шакллантириш. Тажриба ва муаммоларни ўрганиш” мавзусида халқаро конференция бўлиб ўтди.

Унда Дори воситалари, тиббий буюмлар ва тиббий техника экспертизаси ва стандартлаштириш Давлат маркази мутахассислари Агзам Нартаев ҳамда Равшан Ҳамидовлар иштирок этишди.

Конференция доирасида дори воситаларига чекланган нархларни қайд этиш ва қайта қайд этиш, шу билан бирга нарх белгилашдаги ёндашувлар, референт нарх шакллантириш тизимининг натижадорлиги, Белоруссия Республикасида чекланган нархларни қайта қайд этишнинг долзарб масалалари муҳокама қилинди.

Шунингдек, Давлат маркази мутахассислари дори воситаларини ишлаб чиқариш жараёнларида маркировкалаш тизимини жорий қилган Белоруссиянинг “Лекфарм” МЧЖ корхонасига ташриф буюришди ҳамда иккиламчи ва бирламчи қадоқларда ишлаб чиқарилган дори воситаларини маркировкалаш жараёни билан яқиндан танишишди.

🕊@uzpharmcontrol

Давлат маркази Қиёслаш лабораторияси ўз фаолиятни кенгайтирди

Хабарингиз бор, “Дори воситалари, тиббий буюмлар ва тиббий техника экспертизаси ва стандартлаштириш Давлат маркази”да Қиёслаш лабораторияси фаолиятини янада ривожлантириш мақсадида Америкалик мутахассис билан учрашув ташкил қилинган эди. Мазкур масалада Давлат маркази томонидан яна бир қадам ташланди.

Жорий йилнинг 15-16 ноябрь кунлари Ўзбекистон аккредитация маркази ходимлари томонидан Қиёслаш лабораторияси фаолияти навбатдаги инспекция (баҳолаш) назоратидан ўтказилди.

Баҳолаш натижаларига кўра, Давлат марказининг Қиёслаш лабораторияси 2022 йил 12 декабрдан бошлаб, тиббиётда ва саноатда ўлчашларни амалга ошириш учун фойдаланиладиган тиббиёт ва лаборатор термометр, кичик ва юқори босимли манометрлар ҳамда лаборатор тарозиларни қиёслаш ваколатига эга бўлди.

Маълумот учун, Қиёслаш лабораторияси инспекция (баҳолаш) назоратидан ўтганга қадар, 23 турдаги тиббий ўлчаш воситаларни қиёслаш ваколатига эга эди.

Эслатиб ўтамиз, юртимизда фаолият юритаётган давлат ва нодавлат тиббиёт муассалари раҳбарлари, тиббий ўлчаш воситаларини қиёслашдан ўтказиш хизматлари бўйича қуйидаги рақамлар орқали мурожаат қилишлари мумкин:

Қиёслаш лабораторияси мудири
Абдуллаев Нодир Мир-Азимович
тел: 71-203-01-01 (2240) ёки 90-927-59-17
Маъсул ходим: Камилов Олимжон
тел: 71-203-01-01 (2240) ёки 97-001-44-77

🕊@uzpharmcontrol

Аккредитация тизими баҳоловчилари ва техник экспертларнинг 2022 йилги фаолияти якунлари бўйича анжуман ташкил этилди

Шу йилнинг 20 декабрь куни “Ўзбекистон аккредитация маркази” ДК томонидан ILAC MRA ва IAF MLA кўп томонлама тан олиш битимларига қўшилиши натижалари ва баҳоловчи ҳамда техник экспертларнинг 2022 йилги фаолияти якунлари бўйича анжуман ташкил этилди.

Унда миллий аккредитация тизимини APAC, IAF ва ILAC миқёсда тан олишга эришишда алоҳида ҳисса қўшган, намунали ва юқори самарага эришган, 2022 йилда APAC экспертлари томонидан ўтказилган папритет баҳолашдаги фаол иштирок этган баҳоловчи ва техник экспертлар ҳамда мувофиқликни баҳолаш органларининг фаол иштироки эътироф қилинди.

Шу жумладан, “Дори воситалари, тиббий буюмлар ва тиббий техника экспертизаси ва стандартлаштириш Давлат маркази”нинг Андижон вилоят шўъба корхонаси Сертификатлаштириш органи “Ўзбекистон аккредитация маркази”да 2022 йилда APAC экспертлари томонидан ўтказилган паритет баҳолашдаги витнес аудитлардаги фаол иштироки учун ташаккурнома билан тақдирланди.

🕊@uzpharmcontrol

✏️✏️✏️

“Док-1 Макс” таблетка ва сироп дори воситалари билан боғлиқ вазият ўрганилмоқда

Ижтимоий тармоқларда Самарқанд шаҳридаги дорихоналардан харид қилинган “Док-1 Макс” таблетка ва сироп дори воситаларини қабул қилгандан сўнг беморларда турли ножўя таъсирлар кузатилгани ҳақида хабарлар тарқалди.

Фармацевтика тармоғини ривожлантириш агентлиги ушбу вазиятни дарҳол назоратга олди. Беморлар аҳволини ўрганиш ва ҳолат сабабларини аниқлаш мақсадида тезкор мутахассислар гуруҳи тузилди.

Унинг таркибига агентлик ҳамда Дори воситалари, тиббий буюмлар ва тиббий техника экспертизаси ва стандартлаштириш Давлат марказининг малакали мутахассислари киритилди.

Самарқанддаги дорихоналардан харид қилинган Ҳиндистонинг Marion Biotech Pvt. Ltd компаниясига тегишли “Док-1 Макс” таблетка ва лимон ва асал таъмли сироп дори воситалари ўрнатилган тартибда экспертизадан ўтказилмоқда. Лаборатория таҳлиллари якунлангач, унинг натижалари ҳақида эълон қилинади.

Ушбу дори воситаларининг юртимиздаги савдоси 2022 йил 22 декабрдан вақтинча тўхтатилди ва бу ҳақда “Quramax Medical” МЧЖ томонидан реализация қилинган ташкилотларга хабар юборилди.

Фармацевтика тармоғини ривожлантириш агентлиги
Матбуот хизмати

🕊@uzpharmcontrol

🟢 Изучается ситуация, связанная с лекарственными средствами в виде таблеток и сиропа "Doк-1 Maкс".

В социальных сетях распространилась информация о том, что после приема больными лекарственных средств "Док-1 Макс" в форме таблеток и сиропа, купленных в аптеках города Самарканда, у них наблюдалось непредвиденное нежелательное явление - анурия.

Агентство по развитию фармацевтической отрасли незамедлительно взяло эту ситуацию под контроль. В целях изучения состояния больных и выяснения причин случившегося, создана оперативная группа. В ее состав входят квалифицированные специалисты Агентства, а также ГУП "Государственный центр по экспертизы и стандартизации лекарственных средств, изделий медицинского назначения и медицинской техники".

Лекарственные средства "Док-1  Макс" в форме таблеток и сиропа с вкусом меда компании Marion Biotech Pvt.Ltd (Индия), купленные в аптеках Самарканда, проходят экспертизу в установленном порядке.

Продажа данных лекарственных средств в нашей стране временно приостановлена с 22 декабря 2022 года и со‌ответствующее уведомление об этом направлено всем организациям, кому были реализованные выше указанные лекарственные средства со стороны ООО "Quramax Medical".

Пресс-служба Агентства по развитию фармацевтической отрасли.

🕊@uzpharmcontrol

✏️✏️✏️✏️

Никита Макаренко ўз телеграм каналида ЖССТ Ҳиндистонда ишлаб чиқарилган йўтал сиропларидан болалар ўлими қайд этилганлиги юзасидан 5 октябр куни барча мамлакатларни мазкур дори воситаларидан (суратда кўрсатилган) фойдаланишни тўхтатишга чақирганлиги ҳақида пост қолдирди.

Шунингдек у, Фармацевтика тармоғини ривожлантириш агентлиги ва ССВ бу ҳақида юртдошларимизни огоҳлантирмаганлиги ҳақида ёзди.

Мазкур хабар юзасидан Фармацевтика тармоғини ривожлантириш агентлиги қуйидагиларни маълум қилди:

Октябрь ойининг аввалида тиббий маҳсулотларнинг қалбакилаштирилгани ҳақидаги ЖССТнинг 6/2022-сонли огоҳлантириш эълонида Maiden Pharmaceuticals Limited (Харьяна, Ҳиндистон) компанияси томонидан ишлаб чиқарилган 4 та препарат:

🗄 Promethazine Oral Solution (прометазин, перорал эритмаси);
🗄 Kofexmalin Baby Cough Syrup (“Кофексмалин” йўталга қарши болалар сиропи);
🗄 Makoff Baby Cough Syrup (“Макофф” йўталга қарши болалар сиропи);
🗄 ҳамда Magrip N Cold Syrup (“Магрип Н” шамоллашга қарши сиропи) ҳақида сўз юритилган.

ЖССТ томонидан огоҳлантириш эълон қилинган заҳоти “Дори воситалари, тиббий буюмлар ва тиббий техника экспертизаси ва стандартлаштириш давлат маркази” ДУК Фармакологик назорат бўлими мутахассислари Ўзбекистон Республикасида рўйхатдан ўтказилган дори воситалари реестрини ўрганиб чиқишди.

(Маълумот учун, "Дори воситалари ва фармацевтика фаолияти тўғрисида”ги Қонунига кўра, дори воситалари, тиббий буюмлари ва тиббий техниканинг тиббиёт амалиётида қўлланилишига, қоида тариқасида, улар давлат рўйхатидан ўтказилганидан кейин рухсат этилади)

Ушбу дори воситаларининг юртимизга кириб келган номи ва қадоғи огоҳлантиришдагидан фарқ қилиши мумкинлигини инобатга олган ҳолда, текширув препаратлар номи эмас, айнан ишлаб чиқарувчи компания номи асосида олиб борилди.

🔬 Ўрганишлар натижасида ЖССТ огоҳлантиришида хабар қилинган дори воситаларини ишлаб чиқарувчи Maiden Pharmaceuticals Limited (Харьяна, Ҳиндистон) компаниясининг бирорта маҳсулоти айни дамда Ўзбекистонда рўйхатдан ўтказилмагани маълум бўлди.

Айтиш жоиз, аҳоли саломатлигини сақлаш мақсадида Фармацевтика тармоғини ривожлантириш агентлиги ўз фаолиятини ЖССТ ҳамда фармацевтика соҳасига алоқадор бўлган халқаро ташкилотлар билан узвий ҳамкорликда олиб боради.

Шунингдек, Фармакологик назорат бўлими ЖССТ хабарлари, АҚШ, Буюк Британия, Австралия, ЕИ ва ЕОИИ давлатларининг тартибга солувчи органлари сайтларини мунтазам равишда кузатиб боради ҳамда мазкур ташкилотлар, шу жумладан ЖССТнинг ҳар бир тавсиясини доимий тартибда ўрганиб чиқиб уларга ўз вақтида тегишли муносабат билдириб боради.

🕊@uzpharmcontrol

Давлат марказида “Уч авлод учрашуви” ташкил этилди

Мамлакатимизда давлатимиз раҳбари бошчилигида тинчликни мустаҳкамлаш, халқимиз фаровонлигини таъминлаш, кексаларни эъзозлаш, эртамиз эгаларини баркамол этиб вояга етказишга давлат сиёсатининг устувор йўналиши сифатида алоҳида эътибор қаратилаётганлиги таъкидлаш жоиз. Бинобарин, буюк аждодларга муносиб авлод бўлиш, юртимиз тараққиётига дахлдорлик ҳисси билан яшаш ҳар биримизнинг, айниқса, ёшларнинг муқаддас бурчидир.

Жорий йилнинг 21 декабр санасида “Дори воситалари, тиббий буюмлар ва тиббий техника экспертизаси ва стандартлаштириш давлат маркази”да ташкил этилган навбатдаги маърифий тадбир ўзида мана шундай маслакни ифода этди. Унда корхона тизимида кўп йиллар мобайнида хизмат қилган, фахрий ходимлар ва соҳадаги ёшлар иштирок этишди.

Учрашувда сўзга чиққан фармацевтика соҳаси фахрийлари бирма-бир ўзларининг ҳаётлари ва корхона тарихи билан боғлиқ маълумотлар билан бирга бугунги кунда юртимизда фахрийларга кўрсатилаётган эътибор, мустақиллик берган имкониятлар, мамлакатимизда миллатлараро тотувлик ва ҳамжиҳатлик хусусида ўзларининг дил сўзларини билдирдилар.

Шунингдек самимий суҳбат давомида, тизим нуфузи кўп жиҳатдан аҳоли соғлиғи билан юзма-юз ишловчи ходимларга боғлиқ эканлиги, ушбу хизмат вакилларининг соҳага оид билим ва савияларини ошириш, муомала маданиятини янада юксалтириш алоҳида таъкидланди.

🕊@uzpharmcontrol

2022 йил давомида 3523 дона тиббий ўлчаш воситалари қиёслаш ва синаш текширувларидан ўтказилди

"Дори воситалари, тиббий буюмлар ва тиббий техника экспертизаси ва стандартлаштириш Давлат маркази"нинг Қиёслаш лабораторияси томонидан 2022 йил давомида қиёслаш соҳасида амалга оширилган ишлар сарҳисоб қилинди.

Жумладан якунланаётган 2022 йил давомида лаборатория мутахассислари томонидан юртимиздаги 301 та тиббиёт муассасаларида умумий 3523 дона тиббий ўлчаш воситалари қиёслаш ва синаш текширувларидан ўтказилди.

Ўрганишлар давомида улардан 3192 таси сифатли ва меъёрий ҳужжатлар талабига жавоб бериши, 331 таси эса сифатсиз ва меъёрий ҳужжатлар талабига жавоб бермаслиги ҳамда яроқсизлиги аниқланди.

Текширув натижасига кўра, сифатсизлиги ва яроқсизлиги аниқланган тиббий ўлчаш воситалари (тўлиқ рўйхат) қайта таъмирлаш ёки ҳисобдан чиқариб қайта ишлатилмаслиги тўғрисида даволаш профилактика муассасаларининг маъсул ходимларига тегишли кўрсатмалар берилди.

Эслатиб ўтамиз, юртимизда фаолият юритаётган давлат ва нодавлат тиббиёт муассалари раҳбарлари, тиббий ўлчаш воситаларини қиёслашдан ўтказиш хизматлари бўйича қуйидаги рақамлар орқали мурожаат қилишлари мумкин:

Қиёслаш лабораторияси мудири
Абдуллаев Нодир Мир-Азимович
тел: 71-203-01-01 (2240) ёки 90-927-59-17

Маъсул ходим: Камилов Олимжон
тел: 71-203-01-01 (2240) ёки 97-001-44-77

🕊@uzpharmcontrol

✏️✏️✏️

Ҳиндистон ҳукумати «Док-1 Макс» ишлаб чиқарувчи компанияга нисбатан суриштирув бошлади

Ҳиндистоннинг «Marion Biotech» компанияси Ўзбекистонда болалар ўлимига сабаб бўлган «Док-1 Макс» сиропини чиқаришни тўхтатди. Бу ҳақда Reuters хабар бермоқда.

Унда айтилишича, Ҳиндистон ҳукумати бу борада суриштирув бошлаган ва тез орада ҳисобот берилади.

Суриштирув Уттар-Прадеш штатидаги наркотикларни лицензиялаш ва назорат қилиш бошқармаси томонидан олиб борилмоқда. Ўзбекистон миллий ахборот агентлигига кўра, суриштирув олиб борувчи томон Ўзбекистон ҳукуматидан ҳам вафот этган болалар ҳақида ҳисобот сўраган.

Эслатиб ўтамиз, мазкур дори воситаси савдоси юртимизда 2022 йил 22 декабрдан вақтинча тўхтатилган бўлиб, "QURAMAX MEDIKAL" МЧЖга реализация қилинган дорихоналардаги қолдиқ дори воситаларини қайтариб олиш ҳамда етказиб берувчи дистрибьюторга зудлик билан қайтариш чораларини кўриш бўйича тегишли кўрсатма берилган.

🕊@uzpharmcontrol

🟥🟥🟥🟥

Док-1 Макс" дори воситасининг ножўя таъсири бўйича бугун АОКАда брифинг ташкил қилинди. Унда аҳолидан келиб тушган муҳим саволларга жавоб берилди.

Cавол: Дори воситасининг Ўзбекистонга кириб келиш тартиби қандай?

Жавоб: Дори воситаси Ўзбекистон бозорига кириб келишидан олдин давлат рўйхатидан ўтказилиши лозим. Бунинг учун ушбу дори воситаси намуналари лаборатория синовлари, зарур ҳолларда эса клиник синовлардан ва 5 модулдан иборат рўйхатдан ўтказиш ҳужжатлари тегишли ва холис экспертлар томонидан экспертизадан ўтказилади.

Шунингдек, зарур ҳолларда ишлаб чиқариш шароитлари ҳам инспекторлар томонидан ўрганилади. Ҳамда санаб ўтилган экспертизанинг ижобий натижаларига биноан давлат рўйхатидан ўтказилади ва муддати 5 йил бўлган рўйхатдан ўтказилганлик гувоҳномаси берилади. Дори воситасининг ҳар бир серияси бозорга киришидан олдин лаборатория синовларидан ўтказилади.

🕊@uzpharmcontrol

🟥🟥🟥🟥

Савол: Лаборатория синовлари қай мақсадда ўтказилади?

Жавоб: Синовлар ишлаб чиқарувчининг норматив ҳужжатига мувофиқлигини баҳолаш мақсадида ўтказилади. Норматив ҳужжатда дори воситаси сифатига қўйиладиган талаблар белгиланган бўлиб, бунда асосан Халқаро фармакопея ва ривожланган давлат фармакопеялари талабларига мувофиқ асосан таъсир этувчи моддалар миқдори аниқланади.

Ёрдамчи моддаларни аниқлаш норматив ҳужжатда кўзда тутилмайди. Чунки ёрдамчи моддалар дори воситасининг дори шаклини шакллантирадиган моддалар ҳисобланиб, улар асосан индиффирент моддалардан ташкил топган бўлади. Яъни, организмга салбий таъсир кўрсатмайдиган моддалар ҳисобланади.

🕊@uzpharmcontrol

🟥🟥🟥🟥

Савол: Сўнгги воқеаларга қадар “Док-1 Макс” дори воситасининг бирор ножўя таъсири кузатилганмиди?

Жавоб: “Док-1 Макс” дори воситаси 2012 йилдан бери Ўзбекистон тиббиёт амалиётида қўлланилиб, жиддий ножўя таъсирлар берганлиги ҳақида “Дори воситалари, тиббий буюмлар ва тиббий техника экспертизаси ва стандартлаштириш давлат маркази”га мурожаат келиб тушмаган. Яъни, шу пайтгача таъсир этувчи моддалар ва қўшимча моддаларнинг организмга салбий таъсири аниқланмаган.

Ҳиндистоннинг “Док-1 Макс” дори воситасининг организмга салбий таъсири кузатилган сериясининг сертификатлаштириш жараёнидаги текширувлар натижалари ушбу дори воситасининг норматив ҳужжатлар талабларига мувофиқлигини кўрсатган.

Лекин, минг афсуски, дори воситаси тегишли серияларининг организмга салбий таъсири кузатилган. Бу ҳақда сигнал келиб тушгандан кейин, дори воситасининг барча сериялари лаборатория текширувларидан ўтказилди.

Бунда нафақат таъсир этувчи моддалар, балки унинг таркибидаги ёрдамчи моддалар ҳам ўрганилди. Ва натижада дори воситаси таркибидаги ёрдамчи моддалардан бирининг ўзгарганлиги аниқланди.

🕊@uzpharmcontrol

🟥🟥🟥🟥

Савол: Ишлаб чиқарувчи компания дори воситасининг таркиби ўзгарганда бу ҳақида тегишли органларни огоҳлантириши зарурми?

Жавоб: Халқаро нормалар ва Ўзбекистон қонунчилигига биноан ишлаб чиқарувчи томонидан Давлат марказига дори воситаси таркибидаги ҳар қандай, ҳаттоки кичик ўзгартиришлар ва қўшимчалар ҳақида маълумот бериши зарур.

Бунда киритиладиган ўзгартириш ва қўшимча одам организмига салбий таъсир кўрсатадиган ҳолларда ушбу қўшимча ва ўзгартириш рад этилади. Минг афсуски, ишлаб чиқарувчи томонидан Давлат марказига бундай маълумот тақдим этилмаган.

🕊@uzpharmcontrol

🟥🟥🟥🟥

Савол: Ўзбекистонга сифатсиз дори воситалар кириб келишининг олдини олишда сертификатлаш органларининг аҳамияти қандай?

Жавоб: Ўзбекистон Республикасига кириб келаётган дори воситасининг ҳар бир серияси давлат томонидан текширувдан ўтказилади.

Хусусан сертификатлаштириш органлари томонидан 2020 йилда 2,5 миллиондан ортиқ шартли ўрамдаги, 2021 йилда 1,5 миллиондан ортиқ шартли ўрам, 2022 йилда эса 3.5 миллион шартли ўрамдаги дори воситалари меъёрий ҳужжатлар талабларига номувофиқ деб топилди. Яъни аҳоли шунча миқдордаги дори воситасининг салбий таъсиридан ҳимоя қилинди.

🕊@uzpharmcontrol

🟥🟥🟥🟥

Савол: Дори воситаларининг қўлланилиши чоғида ножўя реакциялар аниқланган ҳолатда кимга ва қандай тартибда мурожаат қилиш керак?

Жавоб: Ўзбекистон Республикасининг “Фармацевтика фаолияти ва дори воситалари тўғрисидаги” қонунига мувофиқ, даволаш-профилактика муассасалари, дорихоналар ҳамда дори воситаларини ишлаб чиқарувчи, реализация қилувчи ва қўлловчи ташкилотлар дори воситаларининг қўлланилиши чоғида ножўя реакциялар аниқланган барча ҳолатлар тўғрисида Ўзбекистон Республикаси Соғлиқни сақлаш вазирлигини ёзма шаклда хабардор қилиши шарт.

Соғлиқни сақлаш вазирлигининг 2018 йил 9 мартдаги 13-сонли “Дори воситаларини қўллашда аниқланган ножўя таъсирлар тўғрисида хабардор қилиш тартиби тўғрисидаги низомни тасдиқлаш ҳақида”ги буйруғига биноан, ножўя таъсир юзага келган тақдирда, аниқланган ҳолат тўғрисида белгиланган муддатда ёзма хабарнома тайёрланиши ва юборилиши керак.

⚡️ Шифокор беморда жиддий ножўя таъсир (анафилактик таъсир, Лайелл синдроми ёки Стивенс-Жонсон синдроми шунингдек, одамнинг ўлими) ҳолатлари айнан ушбу дорини қўллаш оқибатида вужудга келганлиги тўғрисида хулоса чиқарган ҳолда, бу ҳақда 1 кун ичида хабарнома расмийлаштирилади.

Бошқа барча ҳолатларда, кузатилган ёки аниқланган ножўя таъсир, шунингдек қўлланилган дориларнинг самарадорлиги йўқлиги тўғрисида 10 кун ичида хабар бериш керак.

🕊@uzpharmcontrol

🟥🟥🟥🟥

Савол: "Док-1 Макс" дори воситасининг ножўя таъсири билан боғлиқ вазият юзасидан қандай чоралар амалга оширилмоқда?

Ножўя таъсири аниқланган “Док-1 Макс” дори воситасининг савдоси юртимизда 2022 йил 22 декабрдан вақтинча тўхтатилди. Ҳамда "Quramax medikal" МЧЖга реализация қилинган дорихоналардаги қолдиқ дори воситаларини қайтариб олиш шунингдек, дорихоналарга мазкур дори воситасини етказиб берувчи дистрибьюторга зудлик билан қайтариш чораларини кўриш бўйича тегишли кўрсатма берилди. Ва ушбу дори воситалари республикамиздаги барча дорихоналардан тезкорлик билан йиғиб олинди.

⚡️ Ҳиндистоннинг "Marion Biotech" компанияси томонидан ишлаб чиқарилган ва юртимизда рўйхатдан ўтказилган барча турдаги дори воситаларининг савдоси 2022 йил 30 декабрдан вақтинчалик тўхтатилди.

Маълумот ўрнида, "Marion Biotech" компанияси томонидан ишлаб чиқарилган "Док-1 Макс" дори воситаси таркибида қўшимча ёт моддалар аниқланганлиги боис, ҳозирда компаниянинг бошқа маҳсулотлари ҳам чуқур лаборатор текширувларидан ўтказилмоқда.

Аввал хабар берганимиздек, Ҳиндистон ҳукумати "Док-1 Макс" дори воситасини ишлаб чиқарган "Marion Biotech" компаниясига қарши суриштирув бошлади. Суриштирув Уттар-Прадеш штатидаги Наркотикларни лицензиялаш ва назорат қилиш бошқармаси томонидан олиб борилаяпти.

Ҳурматли юртдошлар, шу ўринда барчангизни яна бир бор огоҳликка чақириб, агарда сиз ҳам ушбу дори воситасини сотиб олган бўлсангиз ва ҳозирда бу препаратни уйингизда сақланаётган бўлсангиз, уни зинҳор қўлламасликни ва қайтариб бериш бўйича 71-203-27-77 телефон рақамига қўнғироқ қилишингизни сўраймиз.

🕊@uzpharmcontrol