🇺🇿🇺🇸 КЕЙИНГИ МАНЗИЛ — АҚШ

Миграция агентлиги раҳбари Беҳзод Мусаев АҚШнинг USA Farm Labor ташкилоти раҳбари Manuel Fick билан музокара олиб борди.

🔰 Маълумот ўрнида: мазкур ташкилот 22 йилдан буён H-2A дастури доирасида Қўшма Штатлардаги қишлоқ хўжалиги соҳасидаги мавсумий ишларга хорижий ишчиларни жалб қилиш билан шуғулланади. Ҳозирда Шимолий Америка ҳудудида 1 400 дан ортиқ фермер хўжаликлари ва ранчолар билан ҳамкорлик шартномасига эга.

🖥 Онлайн тарзда ўтган мулоқотда ўзбекистонлик номзодларни илк бор АҚШдаги мавсумий ишларга жалб этиш тартиблари муҳокама қилинди.

▪️ Иш муддати: 9–10 ой;
▪️ Ўртача ойлик: 3 500 $;
▪️ Турар жой: иш берувчи ҳисобидан;
▪️ Малакали мутахассисларга устуворлик берилади.

🤝 Учрашув якунида ўзаро келишув имзоланди, ҳамда ҳамкорликни кейинги босқичларини энг тез муддатларда амалга оширишга келишиб олинди.

📢 Хабарни тарқатинг!
👉 Сўнгги янгиликлар учун — @uzmigration

БУЮК БРИТАНИЯ, АҚШ, ЭНДИ ЭСА — ИТАЛИЯ!

🇺🇿🇮🇹 Миграция Агентлиги раҳбари Беҳзод Мусаев, Қишлоқ хўжалиги вазири Иброҳим Абдураҳмонов, Италия Қишлоқ хўжалиги вазири Franchesko Lollobrijida, шунингдек, “Confagricoltura” ташкилоти вице-президенти Luka Brondelli иштирокида учрашув бўлиб ўтди.

✍️Унда ҳамюртларимизни Италиянинг аграр соҳасига ишга жалб этиш бўйича муҳим келишувларга эришилди.

🤝 Хусусан, Миграция агентлиги ҳамда Италиянинг “Associazione Imprese Ortofrutticole“ ташкилоти ўртасида ҳамкорлик битими имзоланди.

Келишувга кўра, юртдошларимиз Италияга 3 ойдан 9 ойгача бўлган мавсумий ишларга жалб этилади.

🌱Маълумот учун: ушбу ассоциация Италияда мева-сабзавот соҳасидаги 35 дан ортиқ йирик компанияни бирлаштириб, фермерликдан тортиб қайта ишлаш, логистика ва экспортгача бўлган тўлиқ агросаноат занжирини қамраб олади. Асосий маҳсулотлари: олма, киви, анор, қулупнай каби мевалар.

👤 Ассоциация президенти Marco Salvi жорий йилнинг ўзида пилот лойиҳа доирасида 100 нафар ўзбекистонликни иш билан таъминлашга тайёр эканлигини билдирди.

📢 Хабарни тарқатинг!
👉 Сўнгги янгиликлар учун — @uzmigration

🇺🇿🇷🇺Жорий йилнинг 24–25 март кунлари миграция соҳасидаги вазиятни ўрганиш бўйича Ўзбекистон–Россия идоралараро ишчи гуруҳининг иккинчи йиғилиши бўлиб ўтди.

📋 Шунингдек, Россия Федерацияси Бош прокурори ўринбосари П. Городов бошчилигида — Ички ишлар, Ташқи ишлар, Соғлиқни сақлаш, Фан ва олий таълим ҳамда Меҳнат вазирликлари масъулларидан иборат делегация Тошкент шаҳридаги Касбий кўникмалар марказида бўлди.

Расмийлар, хорижда ишлаш истагидаги ҳамюртларимизни касб ва тилга тайёрлаш, шунингдек, рус тили сертификатини бериш жараёнлари билан танишди.

✍️ Шу куни марказда бўлиб ўтаётган Россия иш берувчилари танлови иштирокчилари билан ҳам суҳбатлашиб мавжуд муаммолар ўрганилди.

Видеода батафсил

📢 Хабарни тарқатинг!
👉 Сўнгги янгиликлар учун — @uzmigration