Туркиянинг "Ant Yapi" холдинги Россиядаги лойиҳалари учун ишчи кучини Ўзбекистондан жалб қилмоқчи

Вазирлар Маҳкамаси ҳузиридаги Миграция агентлиги раҳбарияти Туркиянинг йирик қурилиш компанияси асосчиси Hayri Tokman билан учрашув ўтказди.

Холдинг асосчисининг таъкидлашича, бугунги кунда "Ant Yapi" компаниясида 20 000 га яқин юртдошимиз фаолият олиб боради. Миграция агентлигида бўлиб ўтган учрашувда яна 2000 нафар қурилиш мутахассисига талаб борлигини маълум қилди. Шунингдек, бепул авиачипта, ётоқ жой, яшаш манзилига рўйхатга қўйиш, 3 маҳал иссиқ овқат ва яхши маош кафолатланишини билдирди.

Агентлик мутасаддилари ушбу таклифни маъқуллади ва хорижда ишлаш истагидаги юртдошларимизни иш берувчи талаби асосида тайёрлашга келишиб олди.

@uzmigration

Кореяга Е-9 ишчи визаси асосида яна 115 нафар ҳамюртимиз юқори маошли ишларга таклиф этилди. Улар Тошкент халқаро аэропортидан кузатиб қўйилди.

Декабрь ойининг ўтган даврида 323 нафар юртдошимиз Кореядаги нуфузли компанияларга ишга жойлаштирилди.

@uzmigration

#тайинлов

Ўзбекистон Республикаси Вазирлар Маҳкамаси ҳузуридаги Миграция агентлиги директори буйруғи билан Холиқова Нозима Неъматиллоевна Миграция агентлигининг Бухоро ҳудудий филиали бошлиғи лавозимига тайинланди.

Н. Холиқова 1992 йилда Бухоро шаҳрида таваллуд топган. Тайинловга қадар, Бухоро вилояти мактабгача ва мактаб таълими бошқармаси бошлиғи ўринбосари лавозимида фаолият юритган. Шунингдек, олдинроқ Вазирлар Маҳкамаси ҳузуридаги Хорижий тилларни ўрганишни оммалаштириш агентлигининг Бухоро вилояти вакиллиги раҳбари лавозимида ҳам ишлаган.

Н. Холиқова "Зулфия" номидаги давлат мукофоти (фан йўналиши) соҳибаси, PhD илмий даражаси ва профессор унвонига эга.

Уларга янги лавозимда ҳам муваффақиятлар тилаймиз!

@uzmigration

#тайинлов

Ўзбекистон Республикаси Вазирлар Маҳкамаси ҳузуридаги Миграция агентлиги директори буйруғи билан Абдалиев Набижон Жўрабоевич Миграция агентлигининг Сирдарё ҳудудий филиали бошлиғи лавозимига тайинланди.

Н.Абдалиев 1982 йилда Сирдарё вилоятида таваллуд топган. Тайинловга қадар, давлат идораларида турли масъул лавозимларда фаолият юритган. Гулистон давлат университетини тамомлаган, инглиз, рус тилларини билади.

Набижон Жўрабоевичга янги лавозимда ҳам муваффақиятлар тилаймиз!

@uzmigration

2023-йил сентябрдан 2024-йил сентябргача АҚШ иммиграция ва божхона хизмати мамлакатдан 572 нафар Ўзбекистон фуқаросини депортация қилди. Бу ўтган йилга нисбатан 6,5 баравар кўп.

АҚШ Иммиграция ва божхона назоратининг ҳисоботига кўра, депортация қилинганлар сонининг кўпайиши Марказий Осиёдан АҚШга кўчиб ўтишни режалаштираётган одамлар сонининг кўпайиши билан боғлиқ. Улар кўпинча Мексика, Колумбия, Боливия ва бошқа мамлакатлар орқали мураккаб ва ноқонуний йўллардан фойдаланадилар.

Америка расмийларининг ҳисоб-китобларига кўра, 2021-йилдан 2023-йилгача Ўзбекистоннинг 13 600 га яқин фуқароси Мексика орқали АҚШга киришга уринган. Ўтган йили чегаранинг ушбу қисмида 50 мингдан ортиқ Марказий Осиё вакиллари ҳибсга олинган.

Кўриниб турибдики, бутун дунёда миграция жараёнлари мураккаблашиб бормоқда. Энг яхшиси ва энг тўғри йўл - қонуний, ташкилий миграцияни танлаш!

@uzmigration

#таҳлил

Миграция агентлигининг расмий телеграм каналида “Қайси сабабларга кўра хориждаги иш фаолиятингизни тўхтатиб, мамлакатга қайтдингиз” деган мавзуда сўровнома ўтказилди.

Унда қатнашган 3 600 нафар иштирокчининг энг кўпи, яъни
41% “оила ва яқинларим учун” жавобини танлашган.

Энг паст, 3% иштирокчилар “жамиятга мослаша олмаганлик” жавобини кўрсатишган.

Расмда тўлиқ натижалар билан танишишларингиз мумкин.

Эслатиб ўтамиз, хориждаги иш фаолиятингизни ижобий якунлашингиз учун доимо ташкиллаштирилган ва қонуний меҳнат миграциясини танланг!

@uzmigration