Бухоро шаҳридаги МТТлар O’zLiDeP депутати назоратида

Олий Мажлис Қонунчилик палатаси депутати М. Баратова, депутат ёрдамчиси М.Джураева, O’zLiDeP шаҳар Кенгаши аппарат рахбари Р.Загритдинов ҳамда Бухоро шаҳар умумтаълим мактаблари ҳамда мактабгача таълим ташкилоти масъул ходими томонидан вилоят марказидаги бир қатор мактабгача таълим ташкилотларининг ҳолати ўрганилди.

Бухоро шаҳридаги 65-давлат МТТ биноси 1983 йилда қурилган бўлиб 2 қавватдан иборат. У шу  вақтгача бирор марта ҳам таъмирланмаганлиги боис таъмирталаб ҳолга келиб қолган. Болалар боғчаси 150 ўринга мўлжаланган бўлиб ҳозирги кунда 80 нафар болажонлар тарбияланмоқда.

Маълум бўлишича, ушбу бино 2025 йилги таъмирлаш режасига киритилган бўлиб, шу тариқа тарбияланувчилар сонини оширишга эътибор берилади.

#O’zLiDeP_ депутати_назорати

 Парламент  қуйи палата депутати М.Баратова бундан ташқари давлат хусусий шерикчилик асосидаги “KIDS PALACE” МТТ фаолияти билан ҳам яқиндан танишди. Бу ерда кичкинтойлар учун барча шароитлар яратиб берилган, уларнинг ўз вақтида овқатланиши, турли тўгарак ва ўйинларда иштирок этишлари учун етарли имкониятлар бор.

Ушбу тарбия масканида 40 нафардан зиёд педагог ва тарбиячилар ўғил-қизларнинг келажагимизга муносиб кишилар бўлиб етиши учун бор имкониятларини ишга солиб, талаб даражасида фаолият олиб бормоқдалар.