Мустақиллигимиз 33 йиллик байрами билан табриклаймиз!

Мамлакатимиз мустақиллиги, айниқса, охирги йиллардаги ўзгаришлар ёшларимизга ўзларининг салоҳиятларини намоён қилиш учун жуда катта имкониятлар очиб берди. Хусусан:

1. Аввал пахта ва қишлоқ хўжалиги экинлари учун мажбурий меҳнат оддий ҳол эди, унга тўлиқ барҳам берилди ва натижада барча ижтимоий соҳа ходимлари ўзининг бевосита иши билан шуғулланишига имконият яратилди;

2. Оддий кундалик эҳтиёжлар учун зарур бўлган нарсалар ҳам доим дефицит ҳолатида бўлар эди, ҳозир эса барча нарсаларни бемалол дўконлардан ёки онлайн харид қилиш имконияти пайдо бўлди;

3. Чет элликлар билан мулоқот қилиш ёки четга чиқиш худди давлатга қарши жиноят қилгандек баҳоланадиган шароитдан, барча учун очиқ бўлган мамлакатга айландик;

4. Тадбиркорлик билан шуғулланувчи инсонларни шубҳа остига олиб, жиноятчи сифатида қарашдан, уларга тадбиркорлигини кенгайтиришга ва қўшимча ишчи ўринларини яратишга имкониятлар очилди;

5. Ёшларимиз халқаро даражадаги билим олишлари учун нафақат юртимизда хорижий таълим муассасалари кўпайди, балки ёшларимизнинг чет элдаги нуфузли таълим муассасаларида ўқиш имкониятлари ҳам кенгайди;

6. Бутун дунёдан юртимизга туристлар оқими ҳам кенгайиб, қўшимча ишчи ўринлари яратилишига имкониятлар очилди. Халқимизда ҳам нафақат юртимиз ичида туризм масканлари кўпайиб, уларда дам олиш имкониятлари кенгайди, балки чет эл давлатларига турист бўлиб келишлари учун ҳам имкониятлар очилди;

7. Хорижий инвестициялар ва чет эл капитали иштирокидаги компаниялар сони ортиб бормоқда;

8. Пахта яккаҳокимлиги натижасида қуриган Орол денгизи тубида ўрмонлар барпо этилди, тоза ичимлик сувига эга бўлмаган миллионлаб аҳоли учун ичимлик суви тизими яратилди. Бу каби муаммолар ёпиқ бўлиб келган ҳудудларни обод қилиш ва аҳолининг турмушини яхшилаш бўйича тизимли ишлар йўлга қўйилди.

Натижада, замонавий касблар ва хорижий тилларни ўрганган ҳамда доим ўз устида ишлаб, ҳаракат қиладиган ёшлар ўз истеъдодларини рўёбга чиқариш учун кундан кунга кўпроқ имкониятларга эга бўлмоқда. Ушбу имкониятлардан фойдаланиб, мамлакатимиз мустақиллигини мустаҳкамлаш ва унинг обрўсини ошириш йўлида доимо ҳаракатда бўлайлик!

Эски расмларни “жонлантириш” да сунъий интеллектдан фойдаланилган

Buxoro.uz | Facebook | Instagram | YouTube

#Биласизми

⚡️Қонунчиликка кўра, тадбиркорларни пул маблағларини ҳамда бошқа моддий қимматликларни ажратиш билан боғлиқ ҳомийликка ва бошқа тадбирларга мажбурий жалб этганлик учун маъмурий ҳамда жиноий жавобгарлик белгиланган.

➡️ Расмий саҳифаларимизга уланинг