02.02.2022

Әдемі күн, иә?! Алматыда күлімдеп күн шуағын шашып тұр. Бүгін бір ерекше іс жасаңызшы. Мейлі ол қайырымдылық болсын, мейлі жақсы көрген жаныңызға сезім білдіру болсын, мейлі ата-ана, бауырларыңызға қоңырау шалып, құшақтау болсын. Бәрібір, тек игі іс болса болғаны🤍

Әр күн - қайталанбас мүмкіндік. Әрине, осы күнге тіреліп тұрған ештеңе жоқ. Жай ғана әдемі күнді әдемі өткізіңіз🤍

Жаңадан қосылған оқырмандарымды құшақтадым☺️

Кейде ойымызға тіл бармайтын нәрселер келеді. "Жаман ой орға жығады" деп бекер айтпаймыз ғой. Одан арылуға тез әрекет етіңіз.

Негативтен арылудың да жолдары бар. Содан түйін жасап көрейік.
🕯Әр нәрседен проблема жасамаңыз. Болмайтын нәрсені қиындатсаңыз, өзге адамдар сізден аулақ жүруге тырысады. Бірақ жауапкершіліктен де айрылмаңыз.
🕯Жабысқақ ойдан арылудың ең жақсы жолы - бөлісу. Уайымыңызбен бөлісіңіз. Әңгімеңіз өзгенің өсегі мен төсегінің аралығын аңду болмасын.
🕯Жақсыны көре біліңіз. «Осы не ақылды болып көрінгісі келе ме?! Түрі жаман, сөзі нашар» деп өзгені сөккенше, ол кісінің айтқанынан ой түйіңіз.
🕯«Егер мен ешқашан» деген екі сөзді айтпаңыз.

«Саған бұйырған нәрсе, екі тау ары жатса да қолыңа тиеді». Бірақ әрекет те жасау керек. Асықпаңыз, сабыр етіңіз🤍

Өмірде ең жаманы өткенге өкіну шығар. Мезгілінде айтылмаған сезім, уақытында келмеген сенім шығар. Дос үмітін ақтамай, махаббаттың адалдығын тәрк ету шығар. Ата-анаға құшақ жаймай, бауырдың көңіліне кірбің түсіру шығар...

Өміріңіз өкіндірмесін🌄

Дәл 00:00-де таңдау жасаңыз. Бөліссеңіз де болады✈️

Бүгіннен бастап мен қолымда барға риза боламын. Қанағат етуді үйренемін. Өткенге өкінбеймін.

Бүгіннен бастап мен өз денсаулығыма мұқият қарайтын боламын.

Бүгіннен бастап жалқаулықтан арылып, пайдалы дүниемен шұғылданамын.

Бүгіннен бастап өзім құрған жоспар бойынша жұмыс жасаймын.

Бүгіннен бастап өзіме деген сенімсіздіктен арылуға тырысамын.

Бүгіннен  бастап бақытты болудан қорықпаймын.

Сіз лайықсыз! Себебі, мыңдаған шақырымдық сапар бір ғана адымнан басталады✨

Қыз – кітап. Қарапайым ашық тұрған кітап. Қытай тілінде жазылған. Электрохимия жайында. 5 томдық.

мына жазба өтті😀

Адам көңілі дәл қар түскен бұтақ секілді... өзіне түскен салмақты барынша көтеруге тырысады.

Ақтілек

Бақытты жан бола тұра, неге осы
Бақыттырақ болсақ дейміз өзгеден?...

Тауға көп шығатын және кітап оқитын жігіттердің күйеуім болу мүмкіншілігі әлдеқайда басым)

Мен жақсы көремін:
- КазГУ-дың алдында мұзға тұз сеуіп жүретін атайды;
- Филфакта гүл сүртіп жүретін апайды;
- Автобуста адам азайғанды;
- Тоңып келе жатса да, қолдарын жібермейтін ғашықтарды;
- Алматыны♥️

Философ ағай:
- Орындарыңыздан тұрып амандаспаяқ қойыңыздар, советтік заман емес қой. Келесі де тұрмай жауап бере беріңіздер.

1-курсқа тек орындарыңыздан тұрып жауап беріңдер деп жүрген мен:
- 🗿

Сіздің ойыңыз?
Жаңылтпаш болып кеттіго)

Ееең жақсы көріп тыңдайтын әндеріңізбен бөліссеңіздер. Прям осы музыкасыз өмір сүре алмайм дейтін🙈

Плейлист жаңартайын🎼

Көріп, көзің жетіп тұрып сенбеуден, сене алмаудан асқан ессіздік жоқ.

Тағы да күпірлік қылғаныма өкініп отырмын. Бүгін бір проектім өтпей қалды, бірақ басым аман, денім сау ғой. Ашу бірінші келеді деген шын.

Бүгін универде бір профессор айтқандай, біз бар жаманшылығымызды «пендешілікке» жаба саламыз, сосын дым болмағандай жүре береміз. Жаратқанның әр нығметіне шүкір етуді ұмыт қалдырамыз. Асып-тасып...

Түйін:
Жоғары қарап пікір ет,
Төмен қарап шүкір ет.

Бүгінгі күннің түйіні:

Адам баласы анда-санда шер тарқатып, сырласып тұру керек. Жылағың келген кезде жасты тыюдың қажеті жоқ. Мейлі, қанша жерден мықты болып көрінгің келсе де, кейде бір шегініс жасауға болады.

Адамсыз ғой, адамбыз ғой🤍

Қызық... Бұл өмірден қанша тағдыр өтті екен? Қанша арман орындалмай, қанша үміт үзілді екен? Бұл өмір өткінші жаңбыр секілді, бүгінгі басыңдағы бақытың да, қазіргі төбеңе қара бұлттай үйірілген қайғың да өтпелі. Бәрі тумақ, өспек, қартаймақ, өлмектің қамымен жүр. Сырғумен өтер сағым жыл, құсқанат ғұмыр деген шын, иә?!