21-сентябрь тонгида Россия Федерациясида «қисман ҳарбий сафарбарлик» эълон қилинди. Россия конунчилигига кўра, сафарбарликдан бош тортиш жиноят ҳисобланади ва қамоқ билан жазоланади. Натижада, Россиянинг эркак аҳолисининг бир қисми қўшни давлатларга чиқиб кета бошлади, жумладан Ўзбекистонга ҳам.

Бу бир қатор саволларни кўтарди. Ўзбекистонда бўлиб турган Россия фуқароси хизматга чақирилса, у экстрадиция қилинадими? Икки фуқаролиги борларчи, уларнинг ҳоли не кечади?

Бугун тонгги 7:37 да Ўзбекистон Ташқи ишлар вазирлиги расмий баёнот эълон қилди. Унга кўра, Россия фуқароларининг Ўзбекистон ҳудудида бўлиши маҳаллий қонунчилигимиз ва халқаро шартномалар асосида тартибга солинади.

Ҳўш, қонунларимиз ва шартномаларда ўзи нима дейилган? Ҳуқуқшунос Муроджон Нажмиддиновнинг мақоласи айнан шу ҳақда:

http://uz.hook.report/2022/09/extradition/

@uzhookreport

Тарих ва у билан манипуляциялар кўп ҳолларда давлат сиёсатининг воситаларидан бирига айланади. Тарихдан айрим ҳаракатлар, ҳолатлар ёки иддаоларни оқлаш ва асослаш учун фойдаланилади. «Бизнинг тарихий ерларимиз» ёки «булар миллат сифатида атиги 100 йил аввал шаклланди» каби иддаоларни кўпчилик эшитиб бўлган. Шу нуқтаи назардан тарихнинг фан сифатида ривожи муҳим.

Бугунги мақоламизда Шарқшунослик институтининг таянч докторанти Жаҳонгир Остонов Ўзбекистон тарихининг муаммоларидан бири – уни даврлаштириш тўғрисида сўз юритади:

http://uz.hook.report/2022/10/tarix/

@uzhookreport

Руҳшунос Жавоҳир Эргашевнинг зўравонликка бағишланган аввалги икки мақоласида оилада аёллар ва болаларга нисбатан зўравонлик ҳақида сўз юритилган эди. Аммо, қанчалик ғалати туюлмасин, эркаклар ҳам оилада зўравонликки дуч келади. Ҳатто, баъзи тадқиқотларга кўра эркакларга нисбатан зўравонлик кўпроқ рўй беради.

Бугунги мақолада оилада эркакларга нисбатан зўравонлик, унинг ўзига хос томонлари ва у билан боғлиқ зиддиятлар тўғрисида ўқинг:

http://uz.hook.report/2022/10/eringni-urma/

@uzhookreport

Ҳар қандай ижтимоий институт каби оммавий ахборот воситаларининг фаолияти ҳам қонун томонидан тартибга солинади. Юртимизда оммавий аҳборот воситалари тўғрисидаги қонунлар нима дейди? ОАВ нинг қандай ваколат ва мажбуриятлари бор? Журналистик сир нима? ОАВ фаолиятидан жабрланган фуқаро нима қилиши мумкин?

Шу ва бошқа саволларга жавобни ҳуқуқшунос Ноила Нурмаматова матнида ўқинг:

http://uz.hook.report/2022/10/oav-qonun/

@uzhookreport

Салом! Сентябрь ойида биз Республика ихтисослаштирилган онкология ва тиббий радиология илмий-амалий тиббиёт маркази Халқаро алоқалар бўлими мудири ва хоспис ва паллиатив ёрдамни ривожлантириш гуруҳи раҳбари, онколог Яхъё Фазлитдинович Зияев билан Ўзбекистонда онкологиянинг холати ва хоспислар тўғрисида сухбатни эълон қилган эдик.

Бугун ушбу сухбатнинг давомини видео форматида сиз билан улашишни лозим топдик.

@uzhookreport

RADIO TAPOK концертига чипта ютиб олинг!

Бунинг учун:
1. Instagram тармоғида @uz.hook.report ва @iosis.show га обуна бўлинг
2. Бизнинг Instagram саҳифамиздаги мана бу постни сторисда улашинг ва @uz.hook.report билан @iosis.show ни ўша сторисда @ орқали белгиланг
3. Пост остидаги шархда учта дўстингизни белгиланг. Шархлар сони чегараланмаган.

Ғолиблар шанба – 15 октябрь куни Тошкент вақти билан 20:00да @lizaonair орқали аниқланади ва Instagram саҳифамизда эълон қилинади.

29 октябрьда RADIO TAPOK Туркистон санъат саройида ўзининг янги альбомини тақдим этади ва сиз севган хитларни ижро этади.

Очилиш 18:00да, концертнинг бошланиши 19:00да. Чипталарнинг нархи 200000 сўмдан 550000 сўмгача.

Чипталарни Туркистон саройи кассаларида, шунингдек iTicket.uz, ticketon.me ва myticket.uz да харид қилишингиз мумкин.

Шунингдек iticket.uz'да Meet and Greet сессия ва муҳлислар учун дастхатлар сессиясига чегараланган сонда ўринлар мавжуд.

Омад!

@uzhookreport

Аёллар ҳақ-ҳуқуқлари, гендер тенглиги, феминизм каби масалалар сўнгги вақтларда тез-тез муҳокама мавзусига айланмоқда. Қутблашган жамиятимиз бу борада ҳам турли фирқаларга бўлиниб кетганини кўришимиз мумкин. Айримлар ўзбек жамиятида феминизмга ҳожат йўқ деса, айримлар эса аёлларга нисбатан шу жамиятда содир этилаётган ўнлаб тажовузларни келтириб, аёллар ҳуқуқи ҳар қачонгидан ҳам долзарблигини таъкидлайди.

Мақолада Дилбар Ҳайдарова феминизмнинг моҳияти ва тарихи, ҳамда унинг Ўзбекистондаги ҳолати тўғрисида сўз юритади.

http://uz.hook.report/2022/10/feminism/

@uzhookreport

«Корзинка» ёки «Макро» га иккита нон олишга кириб, аравача тўла харидлар билан ҳеч чиқиб кетган вақтингиз бўлганми? Бирон нарсани сотиб олиб, эртаси куни у сизга ўзи нега кераклиги, нима учун олганингизни ўйлаган вақтингизчи?

Булар – беиҳтиёр, ёки импульсив харидлар. Улар шунчаки руҳиятингизнинг тасодифий ўзгариши эмас, балки замонавий маркетингнинг ютуқларидан бири ҳамдир.

Руҳшунос Жавоҳир Эргашевнинг мақоласида беиҳтиёр харидларга таъсир қилувчи турли омиллар, шу жумладан реклама ва маркетингдаги психологик найранглар тўғрисида ўқинг.

http://uz.hook.report/2022/10/sotib-ol/

@uzhookreport

Бугунги мақоламизни ўқувчини “қармоққа илинтирадиган” 3-4 жумлада қандай таърифлашни ўйлаб топа олмадик – мавзу жуда нозик.

Хуллас, гап мундоқ: бизнинг журналистимиз тунги клублар ва караоке-барларда ишловчи қизларнинг бир нечтаси билан аноним сухбатлашиб, уларнинг ҳикояларини тинглади. Улар бундай ишга қандай қилиб ва/ёки нега келгани, ўз фаолияти тўғрисида нима деб ўйлашлари ва уларнинг дунёқарашларини мақолада батафсил ўқишингиз мумкин.

http://uz.hook.report/2022/10/nightlife_secrets/

@uzhookreport

Ватанпарварлик ҳақида кўп эшитамиз, кўп гапирамиз. Лекин, унинг асослари нимада? Нега инсониятда ватанпарварликка эҳтиёж туғилган? Нега ватанпарварликни сингдиришга ҳар хил даврларда ҳар хил халқлар жиддий қараб келишган?

Бугунги мақолада файласуф Парвиз Курбанмамадов шундай саволларга жавоб излайди ва ватанпарварликнинг турли даврлардаги турлари билан бизни таништиради.

http://uz.hook.report/2022/10/patriotism/

@uzhookreport

“Сиз сукут сақлаш ҳуқуқига эгасиз!”, “Айтган гапларингиз судда ўзингизги қарши ишлатилиши мумкин!” — бу каби гапларни фильмларда кўп кўрганмиз. Бу куч ишлатар орган ходимлари томонидан қўлланиладиган сўзлардир. Бу улар томодан суҳбатга киришилганда ишлатиладиган дастлабки иборалардир.

Хўш, шу ибораларни фильмда эмас ҳаётда эшитсак қандай йўл тутишимиз лозим? Давлат органлари томонидан суҳбатга чақирилган одам ўзини қандай тутиши керак? Биз бу вазиятга тушсак нима қиламиз? Ҳуқуқшунос Мурод Нажмиддиновнинг бугунги маъқоласи шу каби саволларга жавоб беради.

http://uz.hook.report/2022/10/fbi/

@uzhookreport