Замонавий тиббиёт тақдим этаётган имкониятлардан бири – ЭКУнинг самарадорлиги қандай? Бу усулга мурожаат қилмоқчи бўлган жуфтликлар нималарга тайёр туриши керак?

Гинеколог ва репродуктолог Спартак Клычевнинг шифокорлар доим ҳам очиқлайвермайдиган фактлар тўғрисидаги мақоласини тақдим этамиз.

http://uz.hook.report/2022/07/bola-qani/

@uzhookreport

Бугун, 20 июль – Ҳалқаро шахмат куни. Шахмат – спорт, илмий тафаккур ва санъат элементларини ўзида мужассам этган энг қадимги стратегик ва маданий ўйинлардан бири. Кичкина шахмат тахтаси сон-саноқсиз комбинациялар учун улкан майдондир.

Муроджон Нажмиддиновнинг мақоласида шахматнинг шаклланиши, Ўзбекистон ва жаҳон миқёсида тарқалиши ва халқаро даражада эътироф этилиши тўғрисида ўқинг.

http://uz.hook.report/2022/07/shaxmat/

@uzhookreport

Бугун, 21 июль буюк муҳаддис Муҳаммад ибн Исмоил Ал Бухорийнинг туғилган куни. Ал Бухорий умри давомида минглаб ҳадисларнинг ишончлилигини текшириб, жамлаган шаҳс сифатида мусулмонлар учун аҳамият касб этади. Шу билан бирга, ўз даврида Бухорий шаҳси атрофида айрим зиддиятлар ҳам бўлган.

Шарқшунослик институти илмий ходими Жаҳонгир Остонов мақоласида Бухорийнинг ҳаёти билан танишамиз.

http://uz.hook.report/2022/07/buxoriy/

@uzhookreport

Ёқилғи экспортининг чеклови, Президент администрацисида янги бошлиқ, муддатидан аввал тугаган фавқулодда ҳолат, аномал иссиқ туфайли электр тармоғида авариялар ва ҳафтанинг бошқа танланган янгиликлари Хук дайджестида.

http://uz.hook.report/2022/07/digest-240722/

@uzhookreport

Қўлингизга янги китобни олганингизда у сизгача қандай йўл босиб келганини ҳеч ўйлаб кўрганмисиз? Китоб қандай танланиши, таржимон (ёки муаллиф) қўлёзмасидан босма китобгача қандай босқичлар борлиги, нима ишлар қилинишини биласизми?

Дилбар Ҳайдарова китобнинг нашр жараёни ҳақида Asaxiybooks мисолида батафсил сўзлаб берди:

http://uz.hook.report/2022/07/asaxiybooks/

@uzhookreport

31 март куни бизнинг Youtube-каналда ўзбек тили ва унинг муаммолари тўғрисидаги давра сухбати эълон килинган эди. Ўшандан бери махсус ўргатилган таржимонлар бир дангаса одам сухбатни ўзбек тилида субтитрлаб келаётган эди.

Бугун бу меҳнат ўз нихоясига етди! Ўзбек тили ҳақидаги сухбатнинг энди ўзбек тилидаги субтитрлари бор! Марҳамат, кўринг:

https://youtu.be/cT7GAtGtwS4

Субтитрлар матнида техник хатолар бўлиши мумкин, лекин мазмунни бузмай узатишга ҳаракат қилдик.

@uzhookreport

Ҳозирда дунёда деярли 46 миллион киши замонавий қуллик қурбонига айланган. Булардан 10 миллиони – болалар. 15 миллиондан ортиқ шахс мажбурий никоҳда, ақалли 5 миллион одам эса мажбурий жинсий эксплуатация қилинмоқда.

Бугун, 30 июль – Умумжаҳон одам савдосига қарши кураш куни. Ноила Нурмаматованинг мақоласида одам савдоси, унинг кўринишлари, воситалари ва унга қарши курашувчи ташкилотлар тўғрисида ўқинг:

http://uz.hook.report/2022/07/odam-savdosi/

@uzhookreport

Зўравонликниг энг кенг тарқалган ва мураккаб кўриниши – бу болаларга нисбатан зўравонликдир. Бундaй зўравонлик ҳар жойда: мактабда, оилада, тенгдошлар орасида содир бўлиши мумкин. Аммо, энг кенг тарқалган кўриниши – бу оиладаги зўравонлик. У боланинг яқин қариндошлари томонидан амалга оширилади. 2018-йилда АҚШда болаларга нисбатан зўравонликларнинг 76 фоизи жабрдийдаларнинг ота-оналари томонидан содир этилган. Яна бир манбага таянадиган бўлсак, АҚШда ҳар куни ўртача 5 нафар бола зўравонлик ва қаровсизлик оқибатида вафот этади. Халқаро Меҳнат Ташкилотининг ҳисоботида эса ҳар йили 1,2 миллион нафар вояга етмаган бола одам савдоси қурбони бўлиши таъкидланган.

Руҳшунос Жавоҳир Эргашевнинг оилада болаларга нисбатан зўравонлик таҳлилини ўқинг:

http://uz.hook.report/2022/08/bolani-urma/

@uzhookreport

Каналлар шаҳардаги ёввойи табиат вакилларининг энг муҳим яшаш жойларидан бири ҳисобланади. Энг машҳур ва кўзга ташланадиган йиртқичлар – бу нутрия ва ондатра. Каналлар Тошкент ичида кўпайиш маскани, бошпана ва экологик йўлак вазифасини ўтайди ва уларни атрофдаги ҳудудлар билан боғлайди.

Зоолог Мария Грицина Тошкентда нутрия ва ондатралар қандай пайдо бўлганлиги, улар нима билан озиқланиши, аҳоли уларга қандай муносабатда бўлиши ва каналларнинг реконструкция қилиниши нима учун уларнинг ҳаётига ёмон таъсир кўрсатаётгани ҳақида гапириб беради.

http://uz.hook.report/2022/08/kalamush-ku/

@uzhookreport

77 йил аввал, айни шу дамда (Токио вақти билан 08:15, Тошкент вақти билан 04:15) АҚШ ҳаво кучларининг “Энола Гей” бомбардимончи самолёти Япониянинг Хиросима шаҳрига “Болакай” ядро бомбасини ташлади. Портлаш марказида ҳатто учаётган қушлар ҳам ёниб кул бўлди, асфальт эриб қора шишага айланди, зарб тўлқини 19 километр наридаги уйларнинг ҳам ойналарини синдирди.

Ҳозирда бу кун Хиросима куни ва Умумжаҳон ядро қуролларини таъқиқлаш учун кураш кунига айланган.

Муроджон Нажмиддиновнинг мақоласида ядро қуроллари яратилиши ва Хиросима фожеаси тўғрисида батафсил:

http://uz.hook.report/2022/08/hiroshima/

@uzhookreport

Бугун, 9-август дунё бўйлаб Китобсеварлар куни сифатида нишонланади. Шу муносабат билан, сизга китоблар тақризи рукнидаги биринчи материалимизни тақдим этамиз. Бу тақриз бироз ноодатий: унда алоҳида бир асар эмас, бутун бир жанр кўриб чиқилади.

Лазиз Холиёров мақоласида антиутопия жанри ва унинг энг машҳур наъмуналари тўғрисида ўқинг:

http://uz.hook.report/2022/08/antiutopia/

@uzhookreport

Айтишларича, Джеймс Ваттга ўзининг илк буғ машинаси босимини кузатиб ўтириб, ошиб кетганида ортиқча буғни чиқариб юборувчи ходим керак эди. Бу вазифа учун кунига бир шиллинг эвазига бола ёллаган. Бу жуда зерикарли иш, кузатувчи бола эса ё кўчада ўйнагиси, ё дам олгиси келади. Ана шундай болaлардан бири босим кўрсаткичини буғ чиқарувчи вентильга боғлаб қўйган, натижада босим ортиқча ошиб кетганида буғ вентили ўзи очилаверган. Шу йўсинда бир боланинг дангасалиги механизмларда тескари алоқа ихтиро қилинишига олиб келган.

10-август – дангасалар куни. Ноила Нурмаматова мақоласида бу кун тўғрисида батафсил ўқинг (агар эринмасангиз):

http://uz.hook.report/2022/08/dangasa/

P.S. Мақолани эртароқ чиқарардик, лекин дангасалигимиз йўл қўймади.

@uzhookreport

Сўнгги икки йил кўпчиликка оғир келди. Кетма-кет локдаунлар, ижтимоий масофа, дўконлардаги истерикалар, ёпиқ маҳаллалар-у, "қизил" ва "сариқ" ҳудудларни унча-мунча одам яхши гап билан эсламаса керак. Бироқ, у вақтлар ҳам ўтиб кетди, ҳаёт аста-секин ўз изига қайтмоқда. Вақти келиб, пандемия ҳотирамиздан изсиз ўчиб кетади.

Ёки ундай эмасми?

Лазиз Ҳолиёров мақоласида пандемия кундалик ҳаётимизга олиб келган ўзгаришлар тўғрисида ўқинг:

http://uz.hook.report/2022/08/pandemic/

@uzhookreport

Технологиялар тараққий этгани сари ҳаётимизнинг бошқа жабҳалари каби жиноятчилик ҳам “замон билан ҳамнафас” ўзгариб бормоқда. Жумладан, замонавий наркобизнес алоқа ва тижорат технологиялари ривожидан тўлиқ фойдаланиб бормоқда – олди-сотди аноним онлайн режимда амалга оширилади, бунда маркетинг ва СММнинг сўнгги ютуқларидан фойдаланиб келинади – турли акциялар, чегараланган таклифлар ва ҳатто, қанчалик мантиққа зид бўлмасин, Қурбон Ҳайити муносабати билан чегирмалар бор.

Замонавий наркосавдо ва тақиқланган воситаларнинг юртимиздаги ҳолати ҳақида Муроджон Нажмиддиновнинг мақоласида батафсил ўқинг:

http://uz.hook.report/2022/08/narco/

@uzhookreport

Оммавий тартибсизликлар, рок-концертлар ва футбол ўйинлари томошасида бир нарсани сезишингиз мумкин: оломон шунчаки бир нечта одамнинг бирлашмаси эмас. У гўёки кўп танадан ташкил топган бир организмга ўхшайди. Оломон билан мулоқот қилиш ёки уни бошқаришда алоҳида шахсларга таъсир этадиган усуллар ишламайди, унинг ўз қонуниятлари бор.

Руҳшунос Жавоҳир Эргашев мақоласида оломон психологияси тўғрисида ўқинг:

http://uz.hook.report/2022/08/olomon/

@uzhookreport

Хукда янги ҳамкорлик!
Энди биз олим Рустам Ашуровнинг Fancast лойиҳаси доирасида ўтказиладиган сухбатлардан қизиқ лавҳаларни матн кўринишида сизларга тақдим этиб борамиз.

Бугунги матнимизда биолог Баҳтиёр Шералиев билан бўлиб ўтган сухбатдан янги турларнинг аниқланиши ва қайд этилиши тўғрисидаги парча билан танишинг:

http://uz.hook.report/2022/08/fancast-bs1/

Тез кунларда ушбу сухбатдан яна икки лавҳани сиз билан улашамиз.

@uzhookreport

Ётоқхонадан жой ололмаган талаба, янги иш учун шаҳарга яқинда кўчиб келган оила, ота-онасидан ажралиб чиқиб мустақил хаёт бошлаётган фарзандлар – буларниг барчаси учун ижарага уй ё хона олиш масаласи катта аҳамият касб этади. Тошкентда бу билан боғлиқ қатор муаммолар (масалан ўта баланд нарх) ва ғалати ҳолатлар (“биз фақат чет элликларни ижарага қўямиз”) бор.

Лазиз Холиёровнинг мақоласида ижара турар жой бозорининг холати ҳақида батафсил ўқинг:

http://uz.hook.report/2022/08/ijara/

@uzhookreport

“Уруш тинимсиз кўз ёшлар ва битмас бахтсизлик олиб келди. Aммo, урушдан аввал бундан ҳам ёмон эди: чунки ҳамма ўз яқини учун кўз ёш тўкишга мажбур, аммо буни ҳеч кимга кўрсата олмас эди.”

Дмитрий Шостаковичнинг ушбу сўзлари Совет тузумининг энг дахшатли даври – Катта террор йиллари, Сталин қатағонлари тўғрисида ёзилган. Биз ушбу ҳафтани айнан қатағонлар мавзуга бағишлашга қарор қилдик.

Қатағон қурбонлари хотираси куни арафасида мавзунинг дебочаси сифатида Жаҳонгир Остоновнинг Сталин қатағонлари тўғрисидаги матнини ўқинг:

http://uz.hook.report/2022/08/qatagon/

@uzhookreport.

“Бугун менинг номимга айтилаётганлар бўҳтон ва ёлғон эканини ҳужжатларимсиз қандай қилиб исботлайман?! Тўғри, судда менга қанча бўҳтон айтишса ҳам индамадим. Хўш, нимани гапираман? Кимгадир мен ҳам туҳмат қилайинми? Виждонсиз яшагандан мен учун пок виждон билан ўлим афзал.”

Саъдулла Қосимов, 1920 йилларда Ўзбекистон ССР Олий судининг раиси.

Одатда қатағон ҳақида сўз кетганда кўпроқ ундан жабр кўрган адиблар ва театр ҳодимларини эслаймиз. Бироқ, қатағон қатор ҳуқуқшунослар ва сиёсий арбобларни ҳам четлаб ўтмаган.

Муроджон Нажмиддиновнинг мақоласида “Қосимовчилар”, “18лар гуруҳи” ва “Иноғомовчилар” ишлари тўғрисида ўқинг:

http://uz.hook.report/2022/08/qosimovchilar/

@uzhookreport

Салом!

Бугун, 3 сентябр, соат кечки 6да бизнинг Youtube-каналимизда Хукнинг навбатдаги жонли эфирини томоша қилинг.

Меҳмонимиз – Asaxiy.uz асосчиси Фируз Аллаев. Китоблар, китобхонлик ва китоб бизнеси тўғрисида суҳбатлашамиз.

Эфир бошланиши билан унга ҳавола шу ерда ва бизнинг Instagram-саҳифамизда эълон қилинади.

@uzhookreport

Китоблар ва китобхонликка бағишланган жонли эфиримиз бошланди! Марҳамат, томоша қилинг:

https://youtu.be/R1lzqVcrlSc

Ўзингизни қизиқтирган саволларни ушбу постнинг шарҳларига ёки Youtube-даги чатга ёзиб қолдиришингиз мумкин.

@uzhookreport