O‘zbekiston falastinlik bolalar va ayollarni beg‘araz davolashga tayyor — Mirziyoyev

Arab-islom sammiti chog‘ida Shavkat Mirziyoyev Falastin va Livandagi mislsiz gumanitar inqirozning oldini olish uchun ishtirokchi davlatlar yordam ko‘lamini kengaytirishi kerakligini aytdi

Shu o‘rinda biz urushda jabrlangan falastinlik bolalar va ayollarni O‘zbekiston shifoxonalarida beg‘araz davolashga tayyorligimizni bildiramiz

Prezident Islom hamkorlik tashkiloti muqaddas Al-Aqso masjidi va Quddusning boshqa tarixiy-madaniy yodgorliklarining daxlsizligini ta’minlash hamda ularni beshikast saqlab qolishga katta e’tibor qaratish kerak, deb hisoblaydi

Bizni qo‘llab-quvvatlang | Bizning Instagram sahifamiz

@uzhookreport

Prezident global isish oqibatlari bilan kurashish yo‘llarini taklif qildi

Shavkat Mirziyoyev BMT konferensiyasida iqlim o‘zgarishlari asosiy global tahdidga aylanayotgani va geosiyosiy ziddiyatlar kuchayishiga ta’sir ko‘rsatayotganini aytdi

Prezidentning global isish oqibatlari bilan kurashish bo'yicha takliflari:

• Rivojlanayotgan mamlakatlarga iqlim xatarlarini aniqlash uchun yetakchi davlatlar va xalqaro institutlarning texnik ko‘magini kengaytirish. Buning uchun Iqlim tufayli yo‘qotish va zararlarni baholash bo‘yicha xalqaro markaz ta’sis etish

• Birlashgan Millatlar Tashkiloti shafeligida Daryo ekotizimlarining butunligi va ekologik xavfsizligini ta’minlash bo‘yicha majburiyatlar to‘g‘risidagi deklaratsiyani ishlab chiqish

• O‘simliklarning iqlim o‘zgarishlariga chidamliligini oshirish uchun Genetik resurslarning mintaqaviy bankini ishga tushirish

• Iqlim o‘zgarishlariga qarshi kurashda tajriba almashish uchun Jahon iqlim poytaxtlari alyansini tuzish. Prezident birinchi forumni Toshkentda o‘tkazishni taklif qildi

• Prezident kelasi yili Orolbo‘yi mintaqasida o‘tkaziladigan Raqamli “yashil” tashabbuslar global yoshlar festivaliga boshqa davlatlar vakillarini taklif qildi

Iyul oyida ekologiya bo‘yicha olim Metyu Fitspatrik 2084 yilga kelib dunyo iqlimi qanday o‘zgarishi mumkinligini ko‘rsatadigan interaktiv xaritani nashr etdi. Toshkentda o‘rtacha havo harorati 6,8 darajaga ko‘tariladi

Bizni qo‘llab-quvvatlang | Bizning Instagram sahifamiz

@uzhookreport

BAA kompaniyasi Navoiy viloyatida shamol elektr stansiyasini quradi

O‘zbekiston Energetika vazirligi va Masdar kompaniyasi (BAA) Navoiy viloyatida shamol elektr stansiyasini qurish bo‘yicha shartnoma tuzdi. Shamol stansiyasi yiliga 3,5 mlrd kVt⋅soat atrofida elektr energiyasi ishlab chiqaradi va 800 tagacha ish o‘rni yaratadi

Stansiya atmosferaga chiqariladigan chiqindilarni yiliga 1,4 mln tonnaga kamaytiradi va 1 mlrd kub metr tabiiy gazni tejash imkonini beradi. Energetika vazirligi ma’lum qiladi:

BAAning “Uch baravar ko‘p qayta tiklanuvchi energiya quvvatlarini yaratish” tashabbusi bilan birgalikda, biz ham dunyo miqyosida iqlim o‘zgarishiga qarshi kurashishga qaratilgan harakatlarga qo‘shilamiz. O‘zbekiston, o‘z navbatida, Parij shartnomasi maqsadlarini qo‘llab-quvvatlaydi va qayta tiklanuvchi energiya sohasidagi global hamkorlikni kengaytirishni maqsad qilgan

Mart oyida prezident matbuot xizmati BAAning yana bir kompaniyasi Tepelen Grup Holding Limited Namangan viloyatida quyosh elektr stansiyasini qurishi haqida xabar bergan edi

Bizni qo‘llab-quvvatlang | Bizning Instagram sahifamiz

@uzhookreport

O‘zbekiston EF English Proficiyency Index 2024 tadqiqotida 98-o‘rinni egalladi, mamlakatdagi o‘rtacha ball 700 balldan 439 ball (CEFR shkalasi bo‘yicha B1 darajasi)

Eng yaxshi natijalar qayd etildi:

Andijonda — 461 ball
Toshkentda — ​​457 ball
Farg‘onada — 456 ball
Buxoroda — 436 ball
Samarqandda — 431 ball

Eng past ko‘rsatkichlar Jizzax (384), Qashqadaryo (404) va Xorazmda (405)

Hisobotga ko‘ra, global ingliz tilini bilish darajasi ham pasaygan, 60% mamlakatlarda natija o‘tgan yilga nisbatan pastroq. Ingliz tilini eng yaxshi Gollandiya, Norvegiya va Singapurda bilishadi

Bizni qo‘llab-quvvatlang | Bizning Instagram sahifamiz

@uzhookreport

Germaniya O‘zbekistonga «yashil» iqtisodiyot uchun €3 mln yevro ajratadi

Germaniya xalqaro hamkorlik jamiyati (GIZ) xususiy sektorni rivojlantirish uchun O‘zbekistonga €3 mln ajratadi. Loyiha davlat va xususiy sektorning yashil iqtisodiyotdagi imkoniyatlarini kengaytirishga imkon beradi

Tomonlar issiqxona gazlarini o‘lchash va sertifikatlash bo‘yicha tajriba almashishni rejalashtirmoqda. Xususiy sektor ekologik toza yechimlarni amalga oshirish va yashil sanoat parklarini yaratishda ko‘mak oladi

Loyiha bo‘yicha kelishuv o‘tgan yili BMTning Dubaydagi konferensiyasida imzolangan edi. O‘shanda GIZ O‘zbekistonga «yashil» iqtisodiy yechimlar va sanoat texnologiyalarini joriy qilish uchun 9 million yevro ajratgandi

Avgust oyida Osiyo taraqqiyot banki (OTB) O‘zbekiston uchun 5 yillik hamkorlikning yangi strategiyasini ishga tushirdi. OTB O‘zbekiston hukumati bilan yashil iqtisodiyotga o‘tish, xususiy sektorni rivojlantirish va inson kapitaliga investitsiyalarni rag‘batlantirish bo‘yicha hamkorlik qiladi

Bizni qo‘llab-quvvatlang | Bizning Instagram sahifamiz

@uzhookreport

Rivojlangan mamlakatlarda migratsiya bo‘yicha rekord daraja qayd etildi

Dunyoning eng rivojlangan mamlakatlariga qonuniy migratsiya 2023-yilda tarixiy maksimumiga yetdi. Migrantlar oqimi ushbu mamlakatlarga COVID pandemiyasi va Rossiyaning Ukrainaga bostirib kirishi sababli yuzaga kelgan inflyatsiya inqirozidan so‘ng tiklanishga yordam berdi

O‘tgan yili Iqtisodiy hamkorlik va taraqqiyot tashkilotiga kiruvchi 38 davlatga 6,5 ​​millionga yaqin odam ko‘chib o‘tdi. AQSH ulardan 1,2 millionini qabul qildi

Goldman Sachs ma’lumotlariga ko‘ra, 2023 yil boshidan buyon Kanada, Yangi Zelandiya, Norvegiya, Shvetsiya, Germaniya va Buyuk Britaniyada bandlikning deyarli barcha o‘sishi immigratsiya ta’minlagan

Ko‘pchilik saylovchilar immigratsiyaning ko‘payishidan norozi. AQSHda noqonuniy muhojirlarni deportatsiya qilishni va’da qilgan Tramp prezidentlik saylovlarida g‘alaba qozondi. Kanada, Avstraliya va Britaniya migratsiyani cheklash choralarini kiritdi. Britaniyada endilikda magistratura talabalariga o‘zlari bilan oila a’zolarini olib kelish taqiqlandi, Avstraliya va Kanadada esa o‘qish to‘lovlari oshirilgan va talabalar soniga cheklov kiritilgan

OECD xalqaro migratsiya bo‘yicha rahbari Jan-Kristof Dyumonning ta’kidlashicha, migratsiya 2025-yilda qisqaradi, bu «keskinlikning oshishi»ga olib kelishi mumkin

OECD — rivojlangan mamlakatlarning xalqaro iqtisodiy tashkiloti bo‘lib, vakillik demokratiyasi va erkin bozor iqtisodiyoti tamoyillarini tan oladi. Tashkilotga 38 ta davlat a’zo, jumladan: Avstraliya, Avstriya, Belgiya, Buyuk Britaniya, Germaniya, Isroil, Kolumbiya, Meksika, AQSH, Turkiya, Janubiy Koreya, Yaponiya va boshqalar

Bizni qo‘llab-quvvatlang | Bizning Instagram sahifamiz

@uzhookreport

Saylangan senatorlar ichida 68% — parlamentning avvalgi tarkibi a’zolari

MSK hududlardan saylangan Senat a’zolari ro‘yxatini e’lon qildi. Ular 7-12 noyabr kunlari Qoraqalpog‘iston Jo‘qorg‘i Kengesi hamda viloyatlar va Toshkent shahri kengashlari deputatlarining qo‘shma majlislarida saylangan. Oliy Majlis Senatining birinchi majlisi 19 noyabrga belgilangan

Hududlardan 56 ta o‘rniga 51 ta senator saylandi. Konstitutsiyaga kiritilgan o‘zgartirishlardan so‘ng har bir hududdan 6 senator o‘rniga 4 senator bo‘lishi kerak edi, shu bois Senat a’zolarining umumiy soni 100 tadan 65 taga qisqargan

Shavkat Mirziyoyev qo‘shimcha ravishda 9 nafar senatorni tayinladi. Ulardan 6 nafari 2020 yilda ham tayinlangan

Saylangan senatorlarning 35 nafari (68%) bungacha ham Senat tarkibida bo‘lgan

Oktyabr oyida bo‘lib o‘tgan Oliy Majlis va xalq deputatlari kengashlariga saylovlarda ro‘yxatga olingan saylovchilarning 74,72%i ovoz berdi

Bizni qo‘llab-quvvatlang | Bizning Instagram sahifamiz

@uzhookreport

Probatsiya nazoratini buzganlarni hibsga olishga ruxsat etildi

Prezident ma’muriy va probatsiya nazoratini kuchaytirish bo‘yicha qonunni imzoladi. O‘zgartirishlar rejimni buzish holatlari ko‘payganligi sababli kiritildi

Ma’muriy nazorat qoidalarini buzganlik uchun BHMning 1 dan 3 baravarigacha jarima va 15 sutkagacha ma’muriy qamoq jazolari kiritilmoqda. Endilikda probatsiya xodimlari huquqni muhofaza qilish organlari nomidan ma’muriy huquqbuzarlik to‘g‘risidagi ishlarni ko‘rib chiqish va jazo choralarini, shu jumladan hibsga olish chorasini qo‘llash huquqiga ega bo‘lmoqda

Probatsiya — mahkumning xulq-atvorini va sud tomonidan unga yuklatilgan vazifalarni bajarishini, uning xulq-atvorining to‘g‘irlanishi, ijtimoiy moslashuviga ko‘maklashish va uni jamiyatdan ajratib qo‘ymagan holda takroran jinoyat sodir etishining oldini olish ustidan maxsus organlar tomonidan majburiy nazorat qilishdir

Bizni qo‘llab-quvvatlang | Bizning Instagram sahifamiz

@uzhookreport

OTB iqlim o‘zgarishi bilan kurashish uchun $250 mln ajratdi

Osiyo taraqqiyot banki O‘zbekistonga iqlim o‘zgarishiga moslashish va iqlim o‘zgarishi oqibatlarini yumshatish dasturi uchun $250 mln kredit beradi

Dastur uchta vazifani o‘z ichiga oladi:

• davlat moliya boshqaruvini mustahkamlash
• suv va yer boshqaruvi, qishloq xo‘jaligi va ijtimoiy himoyada iqlim o‘zgarishiga chidamlilikni oshirish
• transport va energetika sohasida kam uglerodli iqtisodiyotga o‘tishni jadallashtirish

OTB ma’lumotlariga ko‘ra, O‘zbekiston dunyoning energiyani ko‘p iste’mol qiladigan iqtisodlari qatoriga kiradi, shu bois dastur hukumatni issiqxona gazlari chiqindilarini kamaytirishda qo‘llab-quvvatlaydi. Bunga erishish uchun qayta tiklanadigan energiya manbalari rivojlantiriladi va energiya samaradorligi oshiriladi

OTB joriy yilda O‘zbekistonga yana qanday qarzlar berdi?

• Moliyaviy bozorlarni mustahkamlash va barqaror energetika sektorini rivojlantirish uchun iyul oyida umumiy qiymati $400 mlnlik ikkita qarz ma’qullandi
• Shu bilan birga, O‘zbekiston perinatal xizmatlarni yaxshilash uchun $100 mln miqdorida imtiyozli qarzni oldi
• Avgust oyida bank O‘zbekiston uchun 5 yillik hamkorlikning yangi strategiyasini ishga tushirdi
• Sentyabr oyida mikromoliyani rivojlantirish uchun $300 mln dollar ajratildi

Bizni qo‘llab-quvvatlang | Bizning Instagram sahifamiz

@uzhookreport

Inflyatsiyani pasaytirish, turistlar oqimini ko‘paytirish va JSTga a’zo bo‘lish — yangi hukumatning vazifalari

Shavkat Mirziyoyev Oliy Majlis Qonunchilik palatasining Bosh vazirning lavozimiga tayinlanishiga bag‘ishlangan majlisida nutq so‘zladi. Prezident 2019-yildan buyon kambag‘allik darajasi 23% dan 11% ga tushgani, bu yil esa 9% ga tushishi kutilayotganini aytdi

Mirziyoyev 5 yil ichida mamlakat iqtisodiyoti 2 barobarga oshganini aytib o‘tdi: YAIM ilk bor 100 milliard dollardan oshdi. Joriy yilda rasmiylar YAIM 110 milliard dollargacha oshishini, 2030 yilga borib esa bu ko‘rsatkich 200 milliard dollarni tashkil etishini kutmoqda. Jahon banki O‘zbekistonni Yevropa va Markaziy Osiyodagi eng tez rivojlanayotgan iqtisodiyotlar uchligiga kiritdi

Aholi jon boshiga o‘rtacha daromad, prezidentning ta’kidlashicha, 3000 dollarga yaqinlashmoqda. Eksport qariyb ikki baravar ortib, 25 milliard dollardan, oltin-valyuta zaxiralari 40 milliard dollardan oshdi. Xorijiy investitsiyalar hajmi 6 barobar oshib, 1,5 million ish o‘rni yaratildi

Yangi hukumatning vazifasi — inflyatsiyani — 5-6% ga, budjet taqchilligini esa — 3% gacha tushurishni o‘z ichiga oladi. Investitsiyalar hajmi 2030-yilgacha 100 milliard dollarga yetishi kerak. Chet ellik sayyohlarning yillik oqimini 15 million kishiga yetkazish, shu bilan birga turizm xizmatlari eksportini 5 milliard dollarga olib chiqish. Onlayn tranzaksiyalarning ulushi barcha to‘lovlarning 60% gacha yetishi kerak

Prezident O‘zbekiston yaqin yillarda Jahon savdo tashkilotiga a’zo bo‘lishi kerakligini ta’kidladi

Noyabr oyi boshida O‘zbekiston AQSh bilan Jahon savdo tashkilotiga a’zo bo‘lish bo‘yicha muzokaralarni yakunladi

Shu haftada Shavkat Mirziyoyev parlamentdagi muxolifat huquqlarini kengaytirish to‘g‘risida aytib o‘tgan edi

Bizni qo‘llab-quvvatlang | Bizning Instagram sahifamiz

@uzhookreport

O‘zbekistonning tashqi savdosi yil davomida 6,7% ga o‘sdi

Statistika agentligi xabar qilishicha, O‘zbekistonning tashqi savdo aylanmasi 10 oyda 54,36 mlrd dollarni tashkil etdi, bu o‘tgan yilning shu davriga nisbatan 6,7% ga ko‘proq

Eksport 9,6% ga, import — 4,7% ga o‘sdi. Xitoy Oʻzbekiston bilan savdo boʻyicha birinchi oʻrinda, umumiy aylanmasi — 10,23 mlrd dollar, tovar yetkazib berish hajmi — 8,51 mlrd dollar, Rossiya 9,69 mlrd dollar bilan savdo bo'yicha ikkinchi o‘rinda

Birinchi beshlik tashqi savdo hamkorlari qatoriga kiruvchi boshqa davlatlar:

◦ Qozog‘iston — 3,42 mlrd dollar
◦ Turkiya — 2,42 mlrd dollar
◦ Janubiy Koreya - 1,65 mlrd dollar

O‘zbekiston eksportining asosini sanoat (3,4 mlrd dollar) va oziq-ovqat mahsulotlari (1,7 mlrd dollar) tashkil etadi. Importda mashinasozlik (11,21 mlrd dollar) va sanoat mahsulotlari (4,96 mlrd dollar) ustunlik qiladi

O‘zbekiston oltin sotishda davom etmoqda. Oktyabr oyida mamlakat yil boshidan buyon 833,4 mln dollar daromad oldi, qimmatbaho metallar eksporti hajmi — 6,6 mlrd dollarni (yil uchun -3,5%) tashkil qildi

Bizni qo‘llab-quvvatlang | Bizning Instagram sahifamiz

@uzhookreport

Rivojlangan mamlakatlarga 200 mingdan ortiq migrant yuboriladi

Bosh vazir Abdulla Aripovning ma’lum qilishicha, prezident hukumatga mehnat migrantlarini ijtimoiy qo‘llab-quvvatlash, ularning ish haqi yuqori bo‘lgan mamlakatlarda bandligini ta’minlash bo‘yicha topshiriq bergan. Migrantlarni ish bilan ta’minlash — «O‘zbekiston-2030» strategiyasining bir qismidir

«2025-yilning o‘zida Germaniya, Buyuk Britaniya, Yaponiya, Koreya Respublikasi, Isroil, Kanada, Polsha, Turkiya, Saudiya Arabistoni, BAA va shu kabi boshqa iqtisodiy rivojlangan 21 davlatda 200 mingdan ortiq fuqaroni ish bilan ta’minlash choralarini ko‘rish rejalashtirilmoqda», — Aripov

Kelgusida mutasaddilar tomonidan fuqarolarning xorijda ishlash uchun kasbiy ko‘nikma va chet tillarini o‘rganishlari uchun shart-sharoitlar yaratiladi

Joriy yilda hukumat tashkillashtirilgan migratsiya dasturlari bo‘yicha fuqarolarga ketish uchun hujjatlarni rasmiylashtirish xarajatlarini qoplashni boshladilar

Bizni qo‘llab-quvvatlang | Bizning Instagram sahifamiz

@uzhookreport

Xorijdagi vatandoshlarga «Vatandosh» guvohnoma va kartalari beriladi

Prezident xorijdagi vatandoshlarga O‘zbekistonga vizasiz kirish, ko‘chmas mulk sotib olish va mehnat faoliyati bilan shug‘ullanish uchun «Vatandosh» kartalarini berish tartibini tasdiqladi. O‘zbekistonning boshqa davlatlar bilan do‘stona munosabatlarini mustahkamlashga hissa qo‘shayotgan, iqtisodiy va ijtimoiy hayotda faol ishtirok etayotgan yoki xayriya faoliyatini amalga oshirayotganlar guvohnomadan foydalanishi mumkin bo‘ladi

Guvohnomalarni berish bo‘yicha qaror maxsus komissiya tomonidan qabul qilinadi

Karta 5 yilgacha amal qiladi. Karta egalari quyidagi huquqlarga ega bo‘lishadi:

• O‘zbekiston Respublikasiga hududiga vizasiz kirish va chiqish
• mamlakat hududida ko‘chmas mulk sotib olishda chet el fuqarolariga nisbatan belgilangan ko‘chmas mulkning miqdorlari tatbiq etilmaydi va O‘zbekiston Respublikasida yashash guvohnomasi talab qilinmaydi
• xorijiy fuqaroga beriladigan mehnat faoliyatiga bo‘lgan huquqni tasdiqlovchi hujjatlarsiz mehnat faoliyati bilan shug‘ullanish;
• O‘zbekiston Respublikasi fuqarolari uchun belgilangan shartlarda tibbiy, ta’lim va boshqa davlat xizmatlaridan foydalanish

Bizni qo‘llab-quvvatlang | Bizning Instagram sahifamiz

@uzhookreport

Xususiy maktablar va bolalar bog‘chalari 2030 yilgacha soliqlardan ozod qilinadi

Shavkat Mirziyoyev xususiy maktablar va bolalar bog‘chalarini 2030-yil 1-yanvarga qadar ijtimoiy soliqdan tashqari barcha turdagi soliq va yig‘imlardan ozod qilish to‘g‘risidagi qarorni imzoladi

Bundan tashqari, xususiy muassasalar o‘quv uskunalari, kompyuter texnikasi, dasturiy mahsulotlar, ilmiy-metodik adabiyotlar va boshqa materiallarni olib kirishda bojxona to‘lovlarini to‘lamaydi

2025-yil 1-yanvardan boshlab chet ellik o‘qituvchilar uchun ishlashga tasdiqnoma olish yig‘imi miqdori BHMning 30 baravaridan 1 baravarigacha kamaytiriladi. Chet elliklar jismoniy shaxslardan olinadigan daromad solig‘i va ijtimoiy soliqdan ozod qilinadi. Bunday xodimlarga qo‘shimcha ravishda o‘qituvchilik vizalari beriladi, ular avvallari faqat davlat idoralari yoki xorijiy universitetlar filiallari xodimlariga berilgan

Maktablar qurilishi uchun davlat tomonidan imtiyozli kreditlar va soliq imtiyozlari taqdim etiladi

Bizni qo‘llab-quvvatlang | Bizning Instagram sahifamiz

@uzhookreport

Dunyo bo‘ylab har kuni 140 nafar ayol va qiz partnyori yoki yaqin qarindoshi qo‘lidan vafot etadi

BMT Ayollar tashkiloti va BMTning Narkotiklar va jinoyatchilik bo‘yicha boshqarmasi ayollarga nisbatan zo‘ravonlik haqida hisobot e’lon qildi. Dunyoda o‘rtacha 1 ayol oiladagi zo‘ravonlikdan vafot etadi

2023-yilda 85 ming ayol va qiz qasddan odam o‘ldirish qurboni bo‘ldi. Ushbu jinoyatlarning 60% i partnyor yoki oila a’zolari tomonidan sodir etilgan

O‘z partnyorlari tomonidan o‘ldirilgan ayollarning 22% dan 37% gachasi jismoniy, jinsiy yoki psixologik zo‘ravonlik haqida xabar bergan

Bizni qo‘llab-quvvatlang | Bizning Instagram sahifamiz

@uzhookreport

Parlament istirohat bog‘lari, sayilgoh va xiyobonlarni xususiylashtirishni taqiqlovchi qonun loyihasini ko‘rib chiqmoqda

«Adolat» partiyasi deputatlari tegishli taklif bilan chiqishdi

Hujjat mualliflari ta’kidlashicha, umumiy foydalanishdagi bog‘lar, sayilgohlar hududida binolarni qurish amaliyoti juda keng tarqalgan. Bu nafaqat ko‘p yillik daraxtlarning kesilishiga, balki atrof-muhit ifloslanishiga olib keladi. Prezident tashabbusni ma’qullagan

Qonun loyihasi bog‘larni hokimliklar zaxirasiga o‘tkazishni to‘xtatishi mumkin bo‘lib, bu ular hududining qisqarishiga olib keladi. Shuningdek, Botanika bog‘lari hududlarda bino-inshootlar qurish yoki qurilish osti maydonlarini kengaytirishni taqiqlash ham rejalashtirilmoqda

Avvalroq deputatlar bugungi kunga qadar 184 bog‘da 940 ta noqonuniy imorat qurilganini ma’lum qilgan edi

Bizni qo‘llab-quvvatlang | Bizning Instagram sahifamiz

@uzhookreport

Statistika agentligi ma’lumotlariga ko‘ra, bugungi kunda O‘zbekistonda 18 842 127 nafar erkak va 18 579 598 nafar ayol istiqomat qiladi

1 oktyabrda aholi soni 37,355 million kishiga yetdi. Yil davomida bu ko‘rsatkich 2,1% ga o‘sdi

Bizni qo‘llab-quvvatlang | Bizning Instagram sahifamiz

@uzhookreport

Nuroniylar sog‘lom turmush tarzini targ‘ib qilish va kambag‘allikdan chiqishga yordamlashadi

Oilalarni kambag‘allikdan chiqarish, sog‘lom turmush tarzini qaror toptirishga mahallalarda hurmatga ega nuroniylar jalb etiladi. Faollar «Nuroniy» jamg‘armasi va O‘zbekiston mahallari uyushmasi tomonidan Kambag‘allikni qisqartirish va bandlik vazirligi ko‘magida tanlanadi

Nuroniylarning vazifalari:

◦ xonadon tomorqasidan foydalanishda yordamlashish
◦ kichik ishlab chiqarish uskunalari ijaraga olishga yordam berish
◦ oila farzandlarini hunarmand va ustalarga shogirdlikka biriktirish
◦ ijtimoiy shartnoma majburiyatlarining bajarilishini nazorat qilish

Nuroniylar piyoda yurishni ommalashtirishi, aholiga yomon odatlardan voz kechishni taklif etishi, ularni jismoniy tarbiya va sport bilan shug‘ullanishga undashi, musobaqalar tashkil etishi kerak bo‘ladi

Imkoniyatlari cheklangan shaxslar, muammoli oilalar ommaviy tadbirlarga jalb etiladi

Nuroniylar kambag‘al oilalarga olti oyga biriktiriladi. Ularga MHTEKMning 50% i — 577,5 ming so‘m miqdorida rag‘bat to‘lanadi. Musobaqalarni tashkil etish va transport xarajatlari «Nuroniy» jamg‘armasi hisobidan qoplanadi. Iqtisodiyot va Moliya vazirligi tomonidan 2025-yil uchun byudjetdan 504 milliard so‘m ajratilib, bu mablag‘ oqsoqollarni ijtimoiy ishlarga jalb etishga yo‘naltiriladi

Hukumat fuqarolarning ortiqcha vazni bilan qanday kurashishga harakat qilgani haqida — bizning materialimizda

Bizni qo‘llab-quvvatlang | Bizning Instagram sahifamiz

@uzhookreport

Korrupsiyaga qarshi kurashish agentligi va BMT TD korrupsiyaga qarshi dasturlarni ishga tushirmoqda

Korrupsiyaga qarshi kurashish agentligi va BMT Taraqqiyot dasturi davlat organlarida korrupsiyaga qarshi kurashish maqsadida «Shaffof shaharlar» va «Halol tumanlar» dasturlarini yo‘lga qo‘ymoqda. Dastlabki bosqichda dastur Toshkent shahrining Mirzo Ulug‘bek tumani, Jizzax shahri va Buxoro viloyatining Vobkent tumanida amalga oshiriladi

«Shaffof shaharlar» va «Halol tumanlar», ularda «korrupsiyaning har qanday ko‘rinishini istisno etadigan halollik, shaffoflik va axloqning yuqori standartlari amal qiladigan» maxsus yaratilgan hududlardir. Metodologiya 2011-yilda davlat xizmatini rivojlantirishga qo‘shgan hissasi uchun BMT mukofotiga sazovor bo‘lgan

Dasturlarning maqsadi — korrupsiyani aniqlashning mavjud usullarini tahlil qilish va «xalqaro standartlarni O‘zbekiston xususiyatlariga moslashtirish»dir. Asosiy tamoyillar: shaffoflik, javobgarlik, ta’lim va madaniyat, texnologiyalar va innovatsiyalar, o‘z-o‘zini boshqarish

Agentlik mansabdor shaxslar korrupsiyani kamaytirishda aniq qanday yo‘l tutishi va qaysi xalqaro standartlarga murojaat qilishiga aniqlik kiritmagan

Davlat organlari tuzilmasida ichki audit xizmatlari tashkil etiladi. Bundan tashqari, 2025-yil 1-yanvardan boshlab moliyaviy va boshqa risklarning oldini olish uchun risklarni boshqarish qo‘mitalari tashkil etiladi

Bizni qo‘llab-quvvatlang | Bizning Instagram sahifamiz

@uzhookreport

Prezident fermerlikni rivojlantirish masalalarini muhokama qildi

Shavkat Mirziyoyev meva-sabzavot yetishtirish, qayta ishlash va eksport qilishni ko‘paytirish masalalariga bag‘ishlangan yig‘ilish o‘tkazdi. Joriy yilda oziq-ovqat eksporti 2 milliard dollardan oshdi. O‘zbekiston o‘rik eksporti bo‘yicha dunyoda uchinchi o‘rinni egallamoqda

Prezident 650 ming gektar yerlardan oqilona foydalanish, ularni yangi «Agroplatforma» raqamli tizimiga kiritilishini ta’kidladi. Aholi va fermerlarga sifatli urug‘ tanlash, dori va o‘g‘itni qo‘llash, saqlash texnologiyasidan foydalanishda yordam beriladi

Fermerlarni qo‘llab-quvvatlash maqsadida fitosanitariya sertifikatlari bepul beriladi, yer solig‘i ikki yilga bo‘lib to‘lanadi hamda 100 million so‘mgacha kredit olish osonlashadi

Organik yer maydonlarini 2025 yilga borib 10 ming gektarga, kelgusi uch yil ichida esa 100 ming gektarga yetkazish kerak. Organik maydon tashkil qilgan fermer va dehqonlarga yerni lazer bilan tekislash xarajati davlat tomonidan qoplanadi

Kelgusi yil har bir vazirlik, viloyat va tumandagi ishlarning tizimli hisobi olib boriladi. Bu elektron platformaga o‘tkazilib, so‘rov ham, maosh ham shunga bog‘lanadi
Mutasaddilar ushbu chora-tadbirlar kelgusi yilda meva-sabzavot eksportini 3,5 milliard dollarga yetkazishi mumkinligini ma’lum qildi

2025-yilda O‘zbekistonda ko‘kalamzorlashtirish loyihasiga 100 milliard so‘m ajratiladi

Bizni qo‘llab-quvvatlang | Bizning Instagram sahifamiz

@uzhookreport

Markaziy bank jismoniy shaxslar uchun bank kartalari limitini belgilashi mumkin

MB bank kartalari bo‘yicha jismoniy shaxslarga limit joriy etish masalasini ko‘rib chiqmoqda. Shubhali operatsiyalarning oldini olish va firibgarlik sxemalarida hisobvaraqlar va kartalarning ishtirokini kamaytirish uchun har bir fuqaro 20 tagacha kartani rasmiylashtirishi mumkin bo‘ladi

Talab chet el valyutasida ochilgan bank kartalariga ta’sir qilmaydi

Jismoniy shaxslarning taxminan 97 foizi 5 tagacha, 3 foizi 5 dan 20 tagacha, 0,03 foiz esa 20 dan ortiq kartaga ega. Ayrim hollarda bank kartalaridan (aksar hollarda egasining xabarisiz) firibgarlik maqsadlarida foydalaniladi

Muhokama qilinayotgan me’yorlar aholining bank kartalari orqali to‘lovlarni amalga oshirishda noqulayliklar keltirib chiqarmaydi va ushbu talablar tijorat banklarining bank kartalarini emissiya qilish faoliyatini tartibga solishga qaratilgan

Markaziy bank tegishli talablar tayyor bo‘lgach, ularni jurnalistlar va keng jamoatchilik muhokamasiga havola qilishini ma’lum qildi

1 noyabrdan MB mobil ilova orqali jismoniy shaxslarga kredit rasmiylashtirishda 48 soatlik «muzlatish davri»ni joriy qildi. Rejim firibgarlikning oldini olish uchun kerak

Bizni qo‘llab-quvvatlang | Bizning Instagram sahifamiz

@uzhookreport