2025 yilda O‘zbekistonni ko‘kalamzorlashtirish uchun 100 milliard so‘m ajratiladi

2025 yilda «Yashil makon» loyihasiga 100 milliard so‘m ajratiladi. Dasturga daraxtlarni uch yillik parvarishlash, kasallikdan saqlash va sug‘orish ham kiritiladi

Loyiha rejasiga ko‘ra, O‘zbekistonda 2030 yilga borib ko‘kalamzorlashtirish darajasini 30% ga yetkazish uchun har yili 200 million tup daraxt va buta ekish zarur. Hozirda 12% hududlar ko‘kalamzorlashtirilgan, yil boshidan beri mamlakat bo‘ylab 138 million ko‘chat ekilgan, 10 ming gektardan ortiq maydonda yashil belbog‘lar, 257 ta bog‘ barpo etilgan

Nukus, Arnasoy, Qorako‘l va Muborak tumanlarida suvsizlik va sho‘rga chidamli o‘simliklardan iborat bog‘lar barpo etiladi. Bir qancha hududlarda dronlar yordamida suv talab qilmaydigan urug‘lar ekiladi

«Mahalla yettiligi» ga o‘z hududlarida 100 tup manzarali daraxt ko‘chatlari yetishtirish vazifasi yuklatildi. Ko‘chalar, bo‘sh maydonlar va ko‘p qavatli uylar atrofiga yana 3 million ko‘chat ekish rejalashtirilgan. O‘rmon xo‘jaligi agentligi tomonidan yarmarkalar tashkil etilib, bozorga 30 millionga yaqin ko‘chat yetkazib beriladi

Hokimliklar 40 million dona, Mudofaa vazirligi 200 ming, Ichki ishlar vazirligi, Favqulodda vaziyatlar tizimlari va Milliy gvardiya 100 ming ko‘chat ekishi kerak

Prezident 2025 yilda sug‘orish tajribasi o‘tkazilishini ma’lum qildi. 27 ta tumanda bittadan quduq qazilishi mumkin bo‘ladi. 14 ta tumandagi tog‘ va adirlar yonbag‘irlarida qavat-qavat qilib daraxt ekiladi. Yerning bir qismi Veterinariya va chorvachilikni rivojlantirish qo‘mitasiga beriladi va u cho‘llarni degradatsiyadan chiqarish bo‘yicha uch yillik dastur tayyorlaydi

Bosh prokuratura avgust oyida «Yashil Makon» ning 2024 yil uchun hisobotida ekilmagan 1 milliondan ortiq ko‘chatlar borligini aniqlagandi

Bizni qo‘llab-quvvatlang | Bizning Instagram sahifamiz

@uzhookreport

Bolalarga nisbatan zo‘ravonlik holatlari yarashuv yo‘li bilan hal etilmaydi

Prezident Jinoyat va Ma’muriy javobgarlik to‘g‘risidagi kodekslarga bolalarga nisbatan oiladagi zo‘ravonlik bilan bog‘liq o‘zgartishlar kiritish to‘g‘risidagi qonunni imzoladi

Ilgari jazo ota-onalarga, turmush o‘rtoqlarga yoki sobiq turmush o‘rtoqlarga nisbatan qo‘llanilardi. Endi har bir oila a’zosi zimmasiga javobgarlik tushishi mumkin bo'ladi. Bolalarga nisbatan oilaviy zo‘ravonlik holatlari boshlang‘ich bosqichida yarashtirish imkoniyatiga ega bo‘lmaydi

Ma’muriy javobgarlik to‘g‘risidagi kodeksning 59-2 moddasiga ko‘ra, bolalarga nisbatan oiladagi zo‘ravonlik BHMning o‘n baravaridan yigirma baravarigacha miqdorda jarima solishga yoki 15 sutkagacha muddatga ma’muriy qamoqqa olishga sabab bo‘ladi

Oilaviy zo‘ravonlik bo‘yichaJinoyat kodeksining 126-1-moddada oiladagi zo‘ravonlik uchun BHMning o‘ttiz baravarigacha jarima yoki ikki yilgacha axloq tuzatish ishlari ko‘zda tutilgan. Qisqa muddatli sog‘liq muammolariga olib kelgan kaltaklashlar uchun bazaviy hisoblash miqdorining o‘ttiz baravaridan yetmish baravarigacha jarima, majburiy jamoat ishlari, cheklash yoki bir yildan ikki yilgacha ozodlikni cheklash yoki mahrum qilish ko'zda tutilgan. Sog‘lig‘ining uzoq muddat buzilganligi uchun uch yilgacha ozodlikni cheklash yoki mahrum qilish. 5 yil — bir nechta bolalarni kaltaklash uchun

Oxirgi ikki yarim yil ichida 1800 dan ortiq ayol va voyaga yetmagan qizlar zo‘ravonlikning turli shakllariga duchor bo‘ldi

Bizni qo‘llab-quvvatlang | Bizning Instagram sahifamiz

@uzhookreport

Tadbirkorlardan ortiqcha hisobot talab qilganlik uchun jarima belgilanadi

Shavkat Mirziyoyev tadbirkorlardan ortiqcha hisobot talab qilganlik uchun davlat organlarining javobgarligi haqidagi qonunni imzoladi. Birinchi qoidabuzarlik uchun jarima miqdori — 15 million so‘mgacha. Takroriy qoidabuzarlik uchun — 22,5 million so‘mgacha

Hisobotlar va statistik ma’lumotlarning yagona ro‘yxatiga kiritilmagan statistik, moliyaviy, soliq va boshqa hisobotlarni talab qilganlik uchun mansabdor shaxslar jarimaga tortiladi. Shuningdek, belgilangan muddatlar va taqdim etish tartibiga zid hisobotni talab qilish mumkin emas

Yil boshida prezident biznes uchun hisobot va statistik ma’lumotlarni taqdim etishni soddalashtirish haqidagi hujjatni imzolagan edi

Bizni qo‘llab-quvvatlang | Bizning Instagram sahifamiz

@uzhookreport

Ombudsmanning vakolatlari kengaytiriladi

Senat Ombudsmanning inson huquq va erkinliklarini ta’minlash bo‘yicha vakolatlarini kengaytiruvchi qonunni ma’qulladi. Endilikda Ombudsmanning Oliy Majlis quyi palatasida qonunchilik tashabbusi huquqiga ega bo‘lishi joriy etilmoqda

Ombudsman va uning o‘rinbosariga «yuklatilgan vazifalarning muammosiz va samarali bajarilishi qonunda mustahkamlanmoqda». Jazoni ijro etish muassasalari va tergov hibsxonalarida mahkumlarning murojaatlari uchun «ombudsman qutisi» tashkil etiladi

Ombudsman Prezidentga, Oliy Majlis palatalariga va Vazirlar Mahkamasiga fuqarolarning huquq va erkinliklarini himoya qilish yuzasidan takliflar bilan maxsus ma’ruzalar taqdim etishi mumkin bo‘ladi

Bizni qo‘llab-quvvatlang | Bizning Instagram sahifamiz

@uzhookreport

Prezident davlat mulkini «nol» qiymatda sotish amaliyotini bekor qildi

Shavkat Mirziyoyev davlat mulkini «nol» qiymatda sotishni bekor qilish to‘g‘risidagi qonunni imzoladi. Davlat mulkini garovga qo‘yish to‘g‘risida qaror endi Vazirlar Mahkamasi tomonidan qabul qilinadi. Xususiylashtirishga oid bo‘lmagan mol-mulkni garovga qo‘yish mumkin emas

Shuningdek, qonun «Baholash faoliyati to‘g‘risida»gi, «Homiylik to‘g‘risida»gi va «Qimmatli qog‘ozlar bozori to‘g‘risida»gi qonunlar tahrirlariga aniqliklar kiritmoqda

O‘tgan hafta prezident davlat mulkini xususiylashtirish qoidalarini takomillashtirish haqida farmonni imzolagandi

Bizni qo‘llab-quvvatlang | Bizning Instagram sahifamiz

@uzhookreport

O‘zbekiston aholisi 1 oktabr holatiga ko‘ra 37,355 million kishiga yetdi. Ko'rsatkich yil davomida 2,1% ga o'sdi

Mamlakatda 18,5 million ayol va 18,8 million erkak istiqomat qiladi. Erkaklarning o'rtacha yoshi — 28,5 yosh, ayollar — 30 yosh

Prezident Migratsiya agentligini tashkil etish to‘g‘risidagi farmonni imzoladi

Shavkat Mirziyoyev Tashqi mehnat migratsiyasi agentligi faoliyatini tugatuvchi farmonni imzoladi. Uning o‘rniga Vazirlar Mahkamasi huzurida Migratsiya agentligi tashkil etiladi

Xorijda mehnat faoliyatini amalga oshiruvchi shaxslarni qo‘llab-quvvatlash hamda ularning huquq va manfaatlarini himoya qilish jamg‘armasi Agentlikka o‘tkazilib uning negizida Migratsiya jamg‘armasi tashkil etiladi

Migratsiya agentligi davlat organlarining tashqi mehnat migratsiyasi sohasidagi faoliyatini muvofiqlashtiradi. 2025 yil 1 yanvardan boshlab agentlik xususiy bandlik agentliklari faoliyati bo‘yicha tekshirishlar o‘tkazish huquqiga ega bo‘ladi. Tekshirishlarda aniqlangan natijalar va qonunbuzarliklar to‘g‘risida ma’lumotlar 5 kun ichida e’lon qilib borilishi shart

Bizni qo‘llab-quvvatlang | Bizning Instagram sahifamiz

@uzhookreport

Oliy Majlisga saylovning ilk natijalari

Oliy Majlis deputatlari va xalq deputatlari Kengashlari deputatlari saylovida ro‘yxatga olingan saylovchilarning 74,72 foizi ovoz berdi

Saylovda boshqaruvdagi partiya O‘zLiDeP yetakchilik qilmoqda:

• O‘zLiDeP — parlament ro‘yxatlari bo‘yicha 34,75% ovoz va to‘g‘ridan to‘g‘ri saylangan 38 nafar deputat
• «Milliy tiklanish» — 18,82% va 15 deputat
• O‘zXDP — 17,11% va 7 deputat
• Ekopartiya — 13,12% va 6 deputat
• «Adolat» — 16,20% va 9 deputat

Qonunchilik palatasidagi o‘rinlarning taqsimlanishi:

• O‘zLiDeP — 64 o‘rin
• «Milliy tiklanish» — 29 o‘rin
• «Adolat» — 21 o‘rin
• O‘zXDP — 20 o‘rin
• Ekopartiya — 16 o‘rin

YXHT Demokratik institutlar va inson huquqlari bo‘yicha byurosi (DIIHB) missiyasi rahbari Duglas Veykning aytishicha, saylovlarni butun mamlakat bo‘ylab 14 xalqaro ekspert, 26 uzoq muddatli va 200 dan ortiq qisqa muddatli kuzatuvchilar kuzatgan. Missiya ovoz berish, ovozlarni hisoblash va natijalarni chiqarish jarayonini baholaydi. YXHT dastlabki xulosalari haqida bugungi matbuot anjumanida aytiladi

O‘quvchilarimiz bizga nimalarni xabar qilishdi:

• Gubkin nomidagi Rossiya davlat universiteti talabalari majburan saylovga olib borilgan: yotoqxonada talabalarning uylariga qaytishlari taqiqlangan, kuratorlar guruhlarni yig‘ib, saylov uchastkasiga olib borgan
• 517-saylov uchastkasida (Toshkent moliya instituti) «saylovchilar ommaviyligi uchun yig‘ilgan» yoshlar ko‘p bo‘lgan
• Shu saylov uchastkasida komissiya a’zosi ID-kartaning telefondagi suratini qabul qilib, saylovchiga byulleten bergan
• O‘quvchimizga boshqa shaxs ismi tagiga imzo qo‘yishni taklif qilishgan va u ro‘yxatda bo‘lmagan fuqaro qanday ovoz berganiga guvoh bo‘lgan
• Uyda ovoz berishda ba’zi saylovchilar byulleten yetishmasligiga duch keldi: komissiya a’zolari to‘rtta o‘rniga bitta byulleten bergan

Agar siz qoidabuzarlikka guvoh bo‘lgan va uni suratga yoki videoga qayd etgan bo‘lsangiz, @hook_infobot ga yuboring. Biz sizning xabaringizni anonim tarzda qayta ishlaymiz va tekshiramiz

Bizni qo‘llab-quvvatlang | Bizning Instagram sahifamiz

@uzhookreport

YXHT saylov bo‘yicha kuzatuv natijalarini sarhisob qildi

YXHT vakillari matbuot anjumanida kecha O‘zbekistonda bo‘lib o‘tgan parlament saylovlari kuzatuvlari bo‘yicha dastlabki natijalarini taqdim qildi

YXHT Doimiy Assambleyasi maxsus muvofiqlashtiruvchisi va rahbari Asad Kadirning ma’lum qilishicha, missiya tarkibida butun saylov kampaniyasi va ovoz berish kunida ham mamlakatda bo‘lib turgan 300 ga yaqin kuzatuvchi qatnashdi

Saylov islohotlar, jumladan, Konstitutsiyaga kiritilgan o‘zgartirishlar fonida o‘tdi, biroq siyosiy vaziyat saylovchilarga to‘laqonli tanlov imkoniyatini ta’minlamadi

Saylovdagi asosiy muammolar moliyalashtirishning shaffofligi, fuqarolar kuzatuvi va uchastkalarda natijalarni e’lon qilish bilan bog‘liq bo‘ldi. Yig‘ilishlar, uyushmalar va fikrni ifoda etish erkinligi sezilarli darajada cheklanganligicha qolyapti

Shuningdek, Asad Kadir ayollar nomzodlar orasida ham, saylov ma’muriyati tarkibida ham keng namoyon bo‘lganini ta’kidladi

Armaniston parlamenti a’zosi, YXHT Parlament Assambleyasi delegatsiyasi rahbari Arif Iskander ro‘yxatdan o‘tgan besh partiya umumiy siyosiy pozitsiyalarni qo‘llab-quvvatlaganini qo‘shimcha qildi — bu saylovdagi raqobatlilikni cheklab qo'ydi

YXHT Aloqalarni optimallashtirish komissiyasi rahbari Duglas Ueykning aytishicha, missiya partiyalar kampaniyalari, ommaviy axborot vositalari ishi va texnik tayyorgarlikni kuzatgan. Uning so‘zlariga ko‘ra, dekabrdagi saylov qonunchiligiga kiritilgan o‘zgartirishlar saylovga tayyorgarlikni murakkablashtirgan, biroq bunga qaramasdan saylov munosib darajada o‘tdi

Kuzatuvchilar qoidabuzarliklarni qayd qildilar:

12% saylov uchastkalarida ovoz berish jarayonida muammolar kuzatilgan, 43% holatda ovozlarni sanab chiqish jarayoni salbiy baholar olgan. [...] Ayrim saylov uchastkalarida saylovchilar ro‘yxatlarida bir xil imzolar va natijalarni uzatishda qoidabuzarliklar kuzatilgan

YXHT vakillarining ma’lum qilishicha, jiddiy shikoyat va baxslar kuzatilmadi. Mutaxassislar uyda ovoz berish jarayonini kuzatdilar, biroq kuzatuvchilarning imkoniyatlari cheklangan edi

Bizni qo‘llab-quvvatlang | Bizning Instagram sahifamiz

@uzhookreport

Avtomobil importi uchun bojxona to‘lovlari 70% gacha yetishi mumkin — KMPG

KPMG Uzbekistan konsalting kompaniyasi O‘zbekistondagi avtomobil bozori holati haqidagi hisobotini e’lon qildi. Bozor iqtisodiy o‘sish va davlat tomonidan qo‘llab-quvvatlash tufayli rivojlanmoqda, ammo unga importga yuqori soliqlar va avtokreditlarning yetishmasligi to‘sqinlik qilmoqda. Avtomobil bozoriga, shuningdek, fuqarolarni shaxsiy avtoulovlarni sotib olishga undaydigan «yuqori rivojlanmagan» jamoat transporti ham yordam beryapti

Bank stavkalari va davlat bojlari avtomobillarni qimmatroq qilyapti. Bojxona to‘lovlarining umumiy miqdori avtomobil narxining 70% gacha yetishi mumkin. Tahlilchilarning fikriga ko‘ra, bo‘lib to‘lash avtomobil narxini 10-15 foizga oshiradi, dilerlarning umumiy foydasi 15 foizga yetadi

O‘zbekistonning JSTga a’zo bo‘lishi eksport hajmini 7,3-9,2 foizga oshirishi va import bojlarini 10,8 foizga tushirishi mumkin, biroq import avtomobillari bilan raqobat mahalliy kompaniyalarning ish unumdorligini 4,7 foizga kamaytirishi mumkin

Bizni qo‘llab-quvvatlang | Bizning Instagram sahifamiz

@uzhookreport

Elektr samokat haydovchilari yo‘l harakati qoidalarini buzganlik uchun jarimaga tortiladi

Prezident skuterlar, elektr skuterlar, elektr skeytbordlar, segveylar unisikllar va bir g‘ildirakli transport vositalarida yo‘l harakati qoidalarini buzganlik holatlari uchun tuzatishlar kirituvchi qonunni imzoladi

Yo‘l harakati qoidalarini buzganlik uchun BHMning 1/3 qismi (125 ming so‘m) miqdorida jarima belginadi. Avtotransport vositalarida reflektor va chiroqlar bo‘lishi shart, qoidabuzarlik uchun — jarima 0,5 BHM (187,5 ming so‘m). Ikki kishi bo‘lib harakatlanish uchun ham xuddi shunday jarima

Mast holda transport vositasini boshqarganlik uchun — BHM 3 baravari (1,125 million so‘m) miqdorida jarima solinadi. Xuddi shunday jarima mastlik tekshiruvidan bosh tortish uchun ham qo‘llaniladi

Barcha yo‘l harakati qoidalari buzilish holatlari bo'yicha ma’muriy bayonnomalar tuzila boshlaydi. Ilgari mazkur kodeks harakat vaqtida salondan tana qismlari chiqib turishi hamda mast holatda velosiped yoki moped haydash uchun bayonnoma tuzmaslik imkonini berar edi

Bizni qo‘llab-quvvatlang | Bizning Instagram sahifamiz

@uzhookreport

Iqtisodiyot va moliya vazirligi 2025 yil uchun davlat budjeti to‘g‘risidagi qonun loyihasini taqdim etdi

Iqtisodiyot va moliya vazirligi 2025 yilgi budjet loyihasini e’lon qildi. Prognoz qilinayotgan davlat daromadlari miqdori – 308,5 trillion so‘m, xarajatlari – 344,6 trillion so‘m

Rasmiylar sanoatda ishlab chiqarishning — 6,1 foizga, qishloq xo‘jaligida — 4,1 foizga o‘sishi hisobiga YAIM 6 foizga o‘sishini kutmoqda. Bozor xizmatlari sohasi 14,5 foizga o‘sishi mumkin

Soliq-budjet siyosatining asosiy yo‘nalishlari:

• soliq bazasini kengaytirish, soliq va bojxona imtiyozlarini bosqichma-bosqich bekor qilish
• soliq va budjet siyosatini Jahon savdo tashkiloti talablariga muvofiqlashtirish
• davlat qarzini yalpi ichki mahsulotning 50 foizidan ko‘p bo‘lmagan darajada ushlab turish
• inflyatsiya bilan kurashish uchun ish haqi va pensiyalarni oshirish

2024-yilning birinchi olti oyida O‘zbekistonning davlat qarzi 37 milliard dollarni (yalpi ichki mahsulotga nisbatan 33,2 foiz) tashkil etdi

Maqsadli jamg‘armalarning kutilayotgan daromadlari — 66,5 trln so‘m, xarajatlari — 117,2 trln so‘m. Budjetdan qo‘shimcha ravishda 54,4 trln so‘m ajratiladi

Budjetdan tashqari Pensiya jamg‘armasining daromadlari 58,9 trln so‘m, xarajatlari 74,9 trln. Budjetdan qo‘shimcha ravishda 18,5 trln so‘m ajratiladi

Davlat dasturlari bo‘yicha xarajatlar — 18,8 trln. Kelgusi yil uchun budjet taqchilligining maksimal miqdori — YAIMning 3 foizini (49,3 trln. so‘m) tashkil etadi. Davlat budjeti va maqsadli jamg‘armalarning taqchilligi ichki va tashqi qarzlar, davlat aktivlarini xususiylashtirish va boshqa manbalar hisobidan qoplanadi

Bizni qo‘llab-quvvatlang | Bizning Instagram sahifamiz

@uzhookreport

Rossiya Federatsiyasida noqonuniy migratsiyani tashkil etish o‘ta og‘ir jinoyatga aylandi

Rossiya Federatsiyasining Jinoyat va Jinoyat-protsessual kodekslariga 4 ta yangi qonun kiritildi. Ular noqonuniy migratsiya uchun jazoni kuchaytirmoqda

Noqonuniy migratsiyani tashkil etish endilikda o‘ta og‘ir jinoyat hisoblanadi. Jazo — 8 yildan 15 yilgacha ozodlikdan mahrum qilish, 3 million rubldan 5 million rublgacha jarima ($30 800 dan $51 300 gacha), 10 yilgacha muayyan lavozimlarni egallash huquqidan mahrum qilish

Hujjatlarni soxtalashtirish yoki soxta hujjatlar aylanishi, soxta ro‘yxatdan o‘tkazish uchun 2 yildan 6 yilgacha ozodlikdan mahrum qilish

Jinoyat sodir etilgan taqdirda, migrantning noqonuniy maqomi og‘irlashtiruvchi holat deb hisoblanadi

Mehnat muhojirlari uchun imtihon topshirish vositachilar ishtirokisiz amalga oshiriladi — Rossiya hukumati imtihon narxini belgilaydi, shunda uning o‘tkazilishi yashirin bozor uchun foydasiz bo‘ladi

Migrantlar uchun noqonuniy xizmatlarni va soxta hujjatlarni taklif qiluvchi internet resurslari suddan tashqari tartibda ham bloklanishi mumkin

«Endi nazorat va huquqni muhofaza qiluvchi organlar hamda tegishli vazirliklar xorijiy fuqarolarning noqonuniy xatti-harakatlariga qarshi samarali kurashish uchun barcha imkoniyatlarga ega», — Davlat Dumasi raisi Vyacheslav Volodin

Bizni qo‘llab-quvvatlang | Bizning Instagram sahifamiz

@uzhookreport

Davlat tashkilotlarida xodimlar 5,2% ga qisqartiriladi

Prezident vazirlik va idoralardagi xodimlarni 5,2% ga (2845 nafar) qisqartirish to‘g‘risidagi farmonni imzoladi

Hujjatga ko‘ra, davlat organlari xodimlarining maksimal soni — 53 560 nafarni tashkil etadi. Iqtisodiyot va moliya vazirligida — 580 nafar, Investitsiyalar, sanoat va savdo vazirligida — 336 nafar, Kambag‘allikni qisqartirish va bandlik vazirligida — 1416 nafar xodim qisqartirishga tushgan

Bojxona qo‘mitasida xodimlar soni — 693 nafarga, Oila va xotin-qizlar qo‘mitasida — 433 nafarga oshgan

Mahallabay ishlash va tadbirkorlikni rivojlantirish agentligi tugatilishi munosabati bilan hokimliklarda xodimlar soni kamayadi

2023-yil boshida vazirlik va idoralar soni 61 tadan 28 taga qisqartirildi. Shu bilan birga, davlat xizmatchilari soni 30% ga kamaytirilgan

Bizni qo‘llab-quvvatlang | Bizning Instagram sahifamiz

@uzhookreport

AQSh ikki o‘zbek kompaniyasiga qarshi sanksiyalar kiritdi

Qo‘shma Shtatlar 275 nafar jismoniy va yuridik shaxsni sanksiyalar ro‘yxatiga kiritdi. Ular orasida O‘zbekistondan ikki kompaniya — Uzstanex va The Elite Investment Group ham bor. Amerika rasmiylari bu kompaniyalar Rossiya mudofaa majmuasiga aloqador deb hisoblaydi

Uzstanex 2018 yilda ro‘yxatdan o‘tgan va stanoklar sotadi. The Elite Investment Group 2024 yil yanvar oyida tashkil etilgan bo‘lib, ulgurji noixtisoslashgan savdo bilan shug‘ullanadi

Uzstanex, AQSh ma’lumotlariga ko‘ra, Yevropadan stanoklar olib, keyinchalik Rossiya hududiga yetkazib berish uchun Shanxayga jo‘natgan

Davlat departamenti The Elite Investment Group joriy yilning bahorida $190 minglik elektr transformatorlarini yetkazib berganini ma’lum qildi. Bunday texnika Rossiya qurol tizimlari uchun o‘ta muhim bo‘lgan G‘arbda ishlab chiqarilgan tovarlar ro‘yxati — Yuqori ustuvorlikdagi tovarlarning umumiy ro‘yxatiga (CHPL) kiritilgan

Kompaniyalar va ularning egalarining Qo‘shma Shtatlardagi barcha mulklari bloklanib, tranzaksiyalarni amalga oshirish taqiqlanadi. Bunday kompaniyalar bilan ishlaydigan xorijiy moliyaviy tashkilotlar sanksiyalarga duchor bo‘lishi mumkin

Bizni qo‘llab-quvvatlang | Bizning Instagram sahifamiz

@uzhookreport

O‘zbekistonga pul o‘tkazmalari hajmi uchdan birdan ko‘proqqa oshdi

Markaziy bank ma’lumotlariga ko‘ra, yanvardan sentyabrgacha xorijdan pul o‘tkazmalari hajmi — 11,3 milliard dollarni tashkil etgan. Bu o‘tgan yilning 9 oyidagi ko‘rsatkichdan 34,8 foizga ko‘proq

O‘tkazmalarning aksariyati Rossiyadan — ulush 77% dan yuqori ($8,75 mlrd). Ro‘yxatda yetakchilik qilayotgan boshqa davlatlar:

• Qozog‘iston — $625 mln
• Janubiy Koreya — $420 mln
• AQSh — $415 mln
• Turkiya — $291 mln
• Buyuk Britaniya — $93 mln
• Polsha — $48 mln

Dastlabki 6 oyda O‘zbekistonga $6,5 ​​mlrd o‘tkazilgandi

Bizni qo‘llab-quvvatlang | Bizning Instagram sahifamiz

@uzhookreport

AQSH bilan JSTga kirish bo‘yicha muzokaralar yakunlandi

O‘zbekiston AQSH bilan Jahon savdo tashkilotiga (JST) a’zo bo‘lish bo‘yicha muzokaralarni yakunladi

Amerika Qo‘shma Shtatlari O‘zbekiston tashkilotga kirish bo‘yicha muzokaralarni yakunlagan 21-a’zo. Mamlakatlar bozorga kirish bo‘yicha bayonnomani imzolashga tayyorlanmoqda

Sentyabr oyida O‘zbekiston Braziliya va Shri-Lanka bilan bozorga kirish bo‘yicha muzokaralarni yakunladi

May oyida Bosh vazir o‘rinbosari Jamshid Xodjayev O‘zbekiston 2026-yilgi vazirlar konferensiyasigacha JSTga a’zo bo‘lishni rejalashtirayotganini ma’lum qilgandi

Bizni qo‘llab-quvvatlang | Bizning Instagram sahifamiz

@uzhookreport

2025 yilda tadbirkorlarning huquqiy himoyasi kuchaytiriladi

Prezidentga tadbirkorlarning huquqiy himoyasini kuchaytirish bo‘yicha takliflar taqdim etildi. 2025-yilning 1-yanvaridan boshlab bitta huquqbuzarlik uchun faqat bitta jazo belgilanadi

Rasmiylar tomonidan yakka tartibdagi tadbirkor sifatida ro‘yxatdan o‘tmasdan faoliyatni amalga oshirganlik uchun moliyaviy jarimani, raqamli markirovkalash qoidalarini buzish va xodimlar sonini yashirish uchun javobgarlikni bekor qilish rejalashtirilmoqda

2025-yil 1-martdan sudda ish yuritish taraflar kelishuvi bilan tugatilgan taqdirda, davlat bojining bir qismini qaytarish tartibi joriy etiladi

Barcha davlat tekshiruvlari “Yagona davlat nazorati” axborot tizimida biznes ombudsmanni xabardor qilingan holda roʻyxatdan oʻtkazilishi kerak boʻladi

2025-yil 1-yanvardan boshlab tekshiruvlar Hisob palatasi va Biznes ombudsman platformalarini birlashtiruvchi Xavfni tahlil qilish tizimi asosida o‘tkaziladi. Ushbu tekshiruvlar uchun tadbirkorlar 3 ta toifasiga bo‘linadi. Tadbirkorlar qanday ko‘rsatkichlar bo‘yicha bo‘linishi — hozircha aniqlashtirilmagan

Bizni qo‘llab-quvvatlang | Bizning Instagram sahifamiz

@uzhookreport