Salom, sahifamiz o‘quvchilari!

Sezgan bo‘lsangiz kerak, bizning o‘zbek tilidagi tahririyatimiz qisqa fursat “uyquda” bo‘ldi.

Ochig‘ini tan olamiz, savodli mutaxassislarni izlab topish juda qiyin. Lekin biz o‘z imkoniyatlarimizni sinab ko‘rmoqchimiz va ishni boshlaymiz.

Kichik yangilanish:

• Аyni paytda biz poytaxt va viloyatlarning yanada ko‘proq aholisi muhim matnlarni o‘qishi uchun ularni o‘zbek tiliga tarjima qilyapmiz. Umid qilamizki, tez orada bu sahifada qiziqarli materiallar joy oladi.

• Matnlar lotin alifbosidagi o‘zbek tilida chop etiladi. Bu alifboda ishlash bizning muharrirlarimiz va saytimiz uchun juda qulay.

Umid qilamizki, siz materiallarimizning keng tarqalishida bizga ko‘mak berasiz. Marhamat, ularni do‘stlaringiz va tanishlaringiz bilan bo‘lishing. Xuk yanada yaxshiroq bo‘lishiga hissa qo‘shing!

@uzhookreport

1978-yilda Amerika yozuvchisi Merilin Loden tomonidan "shisha shift" atamasi paydo bo'ldi — bu ayollarning karyerada o'sishiga to'sqinlik qiladigan stereotiplarga nisbatan qo'llaniladi.

O'zbekistonda mehnat bozorida gender tengligini ta'minlovchi bir qator hujjat va qonunlar qabul qilinsa-da, mamlakatda ayollarning ahvoli hanuz zaifligicha qolmoqda. "Shisha shift" o'zi nima va tenglik uchun muvaffaqiyatli kurasha olayotgan qaysi davlat tajribasini o'zimizda qo'llashimiz mumkinligini ko'rib chiqamiz.

Batafsil: https://uz.hook.report/2024/04/shisha-shift/

@uzhookreport

22-mart kuni Moskva yaqinidagi Krasnogorsk shahrida terrorchilar “Krokus Siti Xoll” kontsert zaliga bostirib kirdilar. Terakt uchun masʼuliyatni “Islom davlati” o‘z zimmasiga oldi

Teraktdan so‘ng Rossiyada antimigrant kayfiyati va ksenofobiya kuchaydi. Ekspertlarning qayd etishicha, migrantlarni RFdan majburiy deportatsiya qilish boʼyicha ishlar soni o‘nlab baravarga ortdi

XUK huquq himoyachilari bilan Markaziy Osiyolik migrantlarni endilikda nimalar kutayotgani xususida suhbatlashdi

Batafsil: https://uz.hook.report/2024/04/ksenofobiya/

@uzhookreport

So'nggi yillarda o'zbek kinematografiyasiga qiziqish anchagina kuchaydi: Toshkentda va Samarqandda xalqaro kinofestivallar o'tkazilmoqda, o'zbek hujjatli filmlar yaratuvchilari esa Yevropa tanlovlariga o'z ishlarini yuborishmoqda.

Biroq, ommaviy kino o'zimizning mahalliy tomoshabinlar uchun unchalik ham qiziq emas, rejissor va prodyuserlar esa moliyaviy ko'makka muhtoj.

O'zbek kinematografiyasi qay holatda? Bu borada Hook jurnalisti Anastasiya Galimova ekspertlar bilan suhbatlashdi hamda ushbu masalaga yechim topishga harakat qilib ko'rdi.

Maqolani bu yerda o'qiymiz: https://uz.hook.report/2024/04/filmed-in-uzb/

@uzhookreport

Video-kuzatuv kameralari, harbiy kiyimdagi qattiqqo'l kimsalar, qulflangan eshiklar va "javobgarlik" darslari — yo'q, bu qamoqxonalardagi holat tasviri emas, balki endilikda maktablardagi ta'lim jarayonining odatiy bir qismi.

O'zbekiston Milliy Gvardiyasi xodimlari maktablarda o'quv jarayonini nazorat qila boshlashdi. Nima uchun bu zarur ekanligini, shuningdek, boshqa davlatlarda o'quvchilarning xavfsizligi qanday ta'minlanayotganini ko'rib chiqamiz.

Batafsil: https://uz.hook.report/2024/05/milliy-gvardiya/

@uzhookreport

"Global Ong" ("Global Mind") loyihasining "Dunyo mental holati" yillik hisoboti bizga zamonaviy dunyoda ruhiy salomatlik qay darajada ekanligini ko‘rsatib berdi. Qiziq, O‘zbekiston aholisi ushbu ro‘yxatning eng quyi pog'onasida joylashib, eng past ko‘rsatkichlarni qayd etdi.

Nima sababdan bunday bo‘ldi? Nima bunday vaziyatga ta'sir ko‘rsatdi va hisobotning qaysi jihatlariga ahamiyat bermoq lozim? Keling, birgalikda tahlil qilib ko‘ramiz.

Barchasi shu yerda: https://uz.hook.report/2024/05/mental-health/

Bizni qo‘llab-quvvatlang | Bizning Instagram sahifamiz

@uzhookreport

World Prison Brief reytingi maʼlumotlariga koʻra, 2022-yilda Oʻzbekistonda 54 ta axloq tuzatish muassasasida 29 000 mahbus saqlangan.

"Ozodlikdan" turib, qamoqxonalardagi tartiblarni tushunish mushkul. Biroq, koloniyalar va qamoqlar qonunga muvofiq qanday ishlashi kerakligini aniqlab olish mumkin.

Qamoq jazosining mohiyati nimada, mahkumlar huquq va majburiyatlari qanday, ular ozodlikka chiqar ekanlar, qay holatda boʻladilar va zamonaviy jamiyatda qamoqxonalar oʻzi kerakmi – keling, oʻrganib chiqamiz.

Barchasi shu yerda: https://uz.hook.report/2024/05/prisons/

Bizni qoʻllab-quvvatlang │ Bizning YouTube sahifamiz

@uzhookreport

Shahar qiyofasining o‘zgarishi aholi tomonidan har doim turlicha qarshi olinadi, xatto og‘riqli ham bo‘lishi mumkin — shaharliklar tarixiy inshootlarning buzilishi va ko‘p asrlik daraxtlarning kesilishiga juda keskin munosabatda bo‘lishmoqda.

Nega Toshkentda, uning boy tarixiga qaramasdan, shunchalik kam qadimiy binolar saqlanib qolgan? Me'moriy yodgorliklar o‘tgan asr mobaynida qanday yo‘q qilingan? Hozirda esa nimalar sodir bo‘lmoqda? Poytaxt tarixini qisqa bayon qilib berishga urinib ko‘rdik.

Batafsil shu yerda: https://uz.hook.report/2024/05/eski-toshkent/

Bizni qo‘llab-quvvatlang

@uzhookreport

“Norozilik ayollarga xos” - bu shunchaki ibora emas, balki butun dunyoda, hatto Oʻzbekistonda ham ayollar ijtimoiy harakatlar va norozilik namoyishlarining asosiy yetakchilariga aylanib borayotganining aksidir.

Ular nafaqat o‘z huquqlari uchun, balki ijtimoiy adolat, ekologiya hamda jamiyat manfaatlari va boyliklarini himoya qilish uchun ham kurashmoqdalar.

Keling, O‘zbekistondagi bunday namoyishlarning misollarini ko‘rib chiqamiz va ayollar, haqiqatan ham, tez-tez norozilik bildirishadimi-yoʻqmi, muammolarni ochiqroq muhokama qilishadimi-yoʻqmi – psixolog bilan suhbatlashib koʻramiz.

Havola: https://uz.hook.report/2024/07/norozilik-ayollarga-xos/

Bizni qo‘llab-quvvatlang | Bizning YouTube sahifamiz

@uzhookreport

O‘zbekiston Global ochlik indeksida (GHI) natijasi 5 balldan past bo‘lgan 22 davlat qatoriga kirdi. Bu ochlikning eng past darajasidir

Indeks 127 mamlakat ko‘rsatkichlarini baholaydi. O‘zbekistonning GHI natijasi to‘rtta ko‘rsatkichga asoslangan:

• aholining 2,5 % dan kamrog‘i to‘yib ovqatlanmaslikdan aziyat chekadi
• besh yoshgacha bo‘lgan bolalarning 6,5 % i bo‘y o‘sishida ortda qolmoqda
• 2,4 % ida ozib ketish holati kuzatilmoqda
• 1,3 % i 5 yoshgacha vafot etmoqda

Bizni qo‘llab-quvvatlang | Bizning Instagram sahifamiz

@uzhookreport

Qoraqalpog‘istonlik faollarga AQShda boshpana berildi

Qoraqalpog‘istonlik faollar Jangeldi Jaqsimbetov, Tleubike Yuldasheva va Raysa Xudaybergenovaga AQSH boshpana bergan. Yana ikki qoraqalpog‘istonlik faol – Ziuar Mirmanbetova va Qo‘shqarbay To‘remuratovning uchib ketishi kutilmoqda.

Faollar Qozog‘istonda 2022-yil yozida Nukusda bo‘lib o‘tgan mitinglardan so‘ng hibsga olingan. Hibsga olinganlar ularga qochqin maqomi berilishini so‘rashgan, ular hibsga olinganidan bir yil o‘tib qo‘yib yuborilgan

Ozodlikka chiqqach, faollar Qozog‘istondan ularga boshpana berilishini so‘rashgan, biroq ularga rad javobi berilgan. O‘zbekiston bu vaqtda qochqinlarni qaytarishga intilgani aytiladi. Hozirda yana uch nafar qoraqalpog‘istonlik Qozog‘istondagi tergov hibsxonasida saqlanmoqda

Bizni qo‘llab-quvvatlang | Bizning Instagram sahifamiz

@uzhookreport

Toshkentda pulli avtoturargohlar paydo bo‘ladi

Toshkentda avtoturargohlar pulli bo‘ladi. To‘lov — tarif zonasiga qarab soatiga 5-12 000 so‘m bo‘lishi mumkin

Tashkent Invest kompaniyasi 2025-yil 1-yanvarga qadar pulli avtoturargohlarni boshqarishning avtomatlashtirilgan tizimini yaratadi. Shahar beshta tarif zonasiga bo‘linadi. Avtomobil qo‘yish joylarining 5 foizi imtiyozga ega bo‘lganlar uchun bepul qilinadi: Ikkinchi Jahon urushi qatnashchilari, I yoki II guruh nogironlari, favqulodda vaziyatlar xizmatlari va maxsus xizmatlar xodimlari

Hokimliklar va boshqa yer egalari pulli avtoturargohlarni tashkil etish uchun «Tashkent Invest» kompaniyasiga murojaat qilishlari mumkin. Kompaniya murojaatlarni 20 kun ichida ko‘rib chiqib, hokimlikka taqdim etadi

Amaldorlar yil boshida Toshkentning 10 ta ko‘chasida pullik avtoturargohlar tashkil qilishni rejalashtirgandi

Bizni qo‘llab-quvvatlang | Bizning Instagram sahifamiz

@uzhookreport

O‘zbekiston mintaqadagi eng tez o‘sayotgan iqtisodiyotlardan biri — JB

Jahon banki O‘zbekistonni Yevropa va Markaziy Osiyodagi eng tez rivojlanayotgan iqtisodiyotlar uchligiga kiritdi. Bir qator inqirozlardan so‘ng rivojlanayotgan Markaziy Osiyo mamlakatlari iqtisodiy o‘sish barqarorlashgan

2024-yilda YAIMning eng katta o‘sishi Gruziya (7,5 %), Tojikiston (7,2 %), O‘zbekiston (6 %), Qirg‘iziston Respublikasi (5,8 % va Armanistonda (5,5 % kuzatilmoqda

2025-yilda O‘zbekiston mintaqada iqtisodiy o‘sish bo‘yicha yetakchiga aylanishi mumkin. Mamlakat yalpi ichki mahsuloti 5,8 % ga oshishi kutilmoqda

Yevropa va Markaziy Osiyoda iqtisodiy o‘sish 3,3 % gacha sekinlashishi mumkin (2023 yilda 3,5 %). 2025-yilda o‘sish 2,6 % gacha yetishi kutilmoqda

Tahlilchilarning fikricha, mamlakatlar yuqori inflyatsiya, Rossiyaning Ukrainaga bostirib kirishi oqibatlari va Yevropa Ittifoqidagi iqtisodiy faollikning sekin o‘sishi bilan muvaffaqiyatli kurasha olishgan

Yevropa va Markaziy Osiyoda iqtisodiy o‘sishning asosi ish haqi, davlat tomonidan aholiga to‘lanadigan to‘lovlar va inflyatsiya sekinlashuviga asoslangan shaxsiy iste’moldir

Ukrainada urush va elektr ta’minotidagi uzilishlar bilan bog‘liq muammolar tufayli iqtisodiy o‘sish sekinlashishi kutilmoqda. Rossiyada pul-kredit siyosatining keskinlashuvi va mehnat resurslari yetishmasligi tufayli iqtisodiy o‘sish pasayishi mumkin

Mutaxassislar mahsuldorlik o‘sishini tezlashtirish uchun Markaziy Osiyo mamlakatlariga o‘rta va oliy ta’lim sifatini oshirishni tavsiya qiladi. So‘nggi 10 yil ichida Markaziy Osiyodan bo‘lgan talabalarning Xalqaro talabalarni baholash dasturi (PISA) testlarida to‘plagan ballari kamaygan. Muammolar qatorida: universitetlardagi eskirgan o‘quv dasturlari, uskunalar va infratuzilmaga sarmoya kiritilmasligi, bilim va ko‘nikmalarning bozor talablari bilan mos kelmasligi

Bizni qo‘llab-quvvatlang | Bizning Instagram sahifamiz

@uzhookreport

Hukumat 2025 yil uchun davlat byudjeti loyihasini muhokama qildi

Shavkat Mirziyoyev rasmiylar bilan joriy yilning kutilayotgan iqtisodiy natijalari va 2025 yil uchun davlat byudjeti loyihasini muhokama qildi. To‘qqiz oyda mamlakat iqtisodiyoti 6,6%, sanoat 7% ga o‘sgan. Yil oxirigacha rasmiylar YaIM o‘sishi kamida 6% bo‘lishini kutmoqda. Oltin-valyuta zaxiralari 40 milliard dollardan oshgan, aholining milliy valyutadagi depozitlari esa 50% ga

Jahon banki O‘zbekistonni Yevropa va Markaziy Osiyodagi eng tez rivojlanayotgan iqtisodiyotlar uchligiga kiritdi

Prezident har bir sohada mehnat unumdorligini oshirish bo‘yicha uch yillik dasturini ishlab chiqish bo‘yicha topshiriq berdi

Mirziyoyevning fikricha, soliq ma’murchiligini takomillashtirish biznesga aralashmasdan, balki raqamlashtirish, sun’iy intellekt texnologiyalarini joriy etish va yashirin iqtisodiyotni qonuniylashtirish orqali amalga oshirilishi kerak

YaIM o‘sishini ta’minlash uchun rejalashtirilgan loyihalarni ishga tushirish, transport va logistika, axborot texnologiyalari, qishloq xo‘jaligi va moliyaviy xizmatlarni rivojlantirish talab qilinadi

Kelgusi yilda 78 ta tuman byudjet xarajatlarini o‘zi qoplashga o‘tkaziladi. Yer solig‘i, mol-mulk solig‘i, aylanma solig‘i to‘liq va daromad solig‘ining 50 foizi mahalliy byudjetlarda qoladi

Ta’lim va sog‘liqni saqlashga 20% ko‘proq mablag‘ ajratilishi nazarda tutilgan. 2025 yilga borib rasmiylar 1 million odamni kambag‘allikdan chiqarishni rejalashtirmoqda

Kelgusi yilda O‘zbekistonda 500 ming fuqaroga yordam ko‘rsatish uchun “Kambag‘allikdan farovonlik sari” dasturi ishga tushiriladi

Bizni qo‘llab-quvvatlang | Bizning Instagram sahifamiz

@uzhookreport

Davlat mulkini xususiylashtirish qoidalari soddalashtirildi

Prezident davlat mulkini xususiylashtirishni takomillashtirish haqidagi farmonni imzoladi. Hujjat davlat aksiyalarini xorijiy investorlarga sotishda xorijiy valyutada hisob-kitob qilish imkonini beradi

Sanoat zonalarida yer uchastkalarini kim oshdi savdolari orqali sotib olayotganda xaridorlarga infratuzilmaga ega yer uchastkalari taklif etiladi. Doimiy investorlarga sanoat zonalaridagi obyektlarda infratuzilma ishlarini amalga oshirishga ruxsat beriladi. Xarajatlar sanoat zonalari direksiyalari tomonidan qoplanadi

Qiyin hududlardagi davlat aktivlarini miqdoridan qat’i nazar, 5 yil muddatga bo‘lib to‘lashga sotib olishga ruxsat beriladi. Agar dastlabki to‘lov 35% dan kam bo‘lsa, unda foizlar olinmaydi. Yerni sotishda bu qoida qo‘llanmaydi

Hook yaqinda O‘zbekistonda xususiy investitsiyalar qanday ishlashini ko‘rib chiqqan edi

Bizni qo‘llab-quvvatlang | Bizning Instagram sahifamiz

@uzhookreport

Hokimliklar 2023-yilda qabul qilingan qarorlarning uchdan biridan ko‘prog‘ini noqonuniy yopgan — Korrupsiyaga qarshi kurashish agentligi

Korrupsiyaga qarshi kurashish agentligining xabariga ko‘ra, 2023-yilda hokimliklar tomonidan 43 mingta (37,3 %) qaror noqonuniy ravishda yopiq formatga o‘tkazilgan. Yopiq formatga o‘tkazilgan «ko‘plab qarorlar» davlat xaridlari yoki davlat byudjeti xarajatlari bilan bog‘liq

Agentlik rahbari Akmal Burxonov ma’lum qilishicha:

Ma’lumotlar shaxsiy ma’lumotlarga yoki vasiylik va homiylik masalalariga tegishli bo‘lsa, yopiq hisoblanadi. Afsuski, ayrim mansabdor shaxslar shu bahona bilan yopiq ravishda ko‘plab qarorlar qabul qiladi

Amaldor yopish mumkin bo‘lishidan oldin yopiq qarorlarni muassasa bilan majburiy tasdiqlashni kiritishni taklif qiladi:

Agar qaror haqiqatan ham yangi qoidalarga ko‘ra yopiq holda qabul qilinishi kerak bo‘lsa, uni yopishdan oldin Korrupsiyaga qarshi kurashish agentligidan xulosa olishni taklif qilamiz. O‘ylaymanki, agar takliflar yaqin kunlarda qabul qilinsa, qonunchilikka ham mos o‘zgartirishlar kiritiladi

Korrupsiyaga qarshi kurashish agentligi tomonidan may oyida davlat xaridlari bo‘yicha 8,1 milliard so‘mlik qonunbuzarliklar aniqlandi

Bizni qo‘llab-quvvatlang | Bizning Instagram sahifamiz

@uzhookreport

Yashil energetika joriy yilda 1,2 milliard kub metr gazni tejash imkonini berdi

Energetika vazirligining ma’lum qilishicha, quyosh va shamol manbalari 2024 yilda 4 milliard kVt/soat elektr energiyasi ishlab chiqargan

O‘zbekistonning yetti viloyatida to‘qqizta quyosh va bitta shamol elektr stansiyasi mavjud bo‘lib, ular toza yashil energiya ishlab chiqaradi

Jami ishlab chiqarish 1,2 milliard kub metr tabiiy gazni tejash va atmosferaga 1 ming 680 tonna zararli gaz chiqishining oldini olish imkonini berdi. Olingan muqobil energiya bir yil davomida 1,67 million xonadonni ta’minlash uchun yetarli bo‘ladi

Oktyabr oyi boshida energetika vaziri qish mavsumi uchun gaz omborlarida 5,1 milliard kub metrdan ortiq gaz to‘planganini ma’lum qilgan edi

Bizni qo‘llab-quvvatlang | Bizning Instagram sahifamiz

@uzhookreport

2025 yilda O‘zbekistonni ko‘kalamzorlashtirish uchun 100 milliard so‘m ajratiladi

2025 yilda «Yashil makon» loyihasiga 100 milliard so‘m ajratiladi. Dasturga daraxtlarni uch yillik parvarishlash, kasallikdan saqlash va sug‘orish ham kiritiladi

Loyiha rejasiga ko‘ra, O‘zbekistonda 2030 yilga borib ko‘kalamzorlashtirish darajasini 30% ga yetkazish uchun har yili 200 million tup daraxt va buta ekish zarur. Hozirda 12% hududlar ko‘kalamzorlashtirilgan, yil boshidan beri mamlakat bo‘ylab 138 million ko‘chat ekilgan, 10 ming gektardan ortiq maydonda yashil belbog‘lar, 257 ta bog‘ barpo etilgan

Nukus, Arnasoy, Qorako‘l va Muborak tumanlarida suvsizlik va sho‘rga chidamli o‘simliklardan iborat bog‘lar barpo etiladi. Bir qancha hududlarda dronlar yordamida suv talab qilmaydigan urug‘lar ekiladi

«Mahalla yettiligi» ga o‘z hududlarida 100 tup manzarali daraxt ko‘chatlari yetishtirish vazifasi yuklatildi. Ko‘chalar, bo‘sh maydonlar va ko‘p qavatli uylar atrofiga yana 3 million ko‘chat ekish rejalashtirilgan. O‘rmon xo‘jaligi agentligi tomonidan yarmarkalar tashkil etilib, bozorga 30 millionga yaqin ko‘chat yetkazib beriladi

Hokimliklar 40 million dona, Mudofaa vazirligi 200 ming, Ichki ishlar vazirligi, Favqulodda vaziyatlar tizimlari va Milliy gvardiya 100 ming ko‘chat ekishi kerak

Prezident 2025 yilda sug‘orish tajribasi o‘tkazilishini ma’lum qildi. 27 ta tumanda bittadan quduq qazilishi mumkin bo‘ladi. 14 ta tumandagi tog‘ va adirlar yonbag‘irlarida qavat-qavat qilib daraxt ekiladi. Yerning bir qismi Veterinariya va chorvachilikni rivojlantirish qo‘mitasiga beriladi va u cho‘llarni degradatsiyadan chiqarish bo‘yicha uch yillik dastur tayyorlaydi

Bosh prokuratura avgust oyida «Yashil Makon» ning 2024 yil uchun hisobotida ekilmagan 1 milliondan ortiq ko‘chatlar borligini aniqlagandi

Bizni qo‘llab-quvvatlang | Bizning Instagram sahifamiz

@uzhookreport

Bolalarga nisbatan zo‘ravonlik holatlari yarashuv yo‘li bilan hal etilmaydi

Prezident Jinoyat va Ma’muriy javobgarlik to‘g‘risidagi kodekslarga bolalarga nisbatan oiladagi zo‘ravonlik bilan bog‘liq o‘zgartishlar kiritish to‘g‘risidagi qonunni imzoladi

Ilgari jazo ota-onalarga, turmush o‘rtoqlarga yoki sobiq turmush o‘rtoqlarga nisbatan qo‘llanilardi. Endi har bir oila a’zosi zimmasiga javobgarlik tushishi mumkin bo'ladi. Bolalarga nisbatan oilaviy zo‘ravonlik holatlari boshlang‘ich bosqichida yarashtirish imkoniyatiga ega bo‘lmaydi

Ma’muriy javobgarlik to‘g‘risidagi kodeksning 59-2 moddasiga ko‘ra, bolalarga nisbatan oiladagi zo‘ravonlik BHMning o‘n baravaridan yigirma baravarigacha miqdorda jarima solishga yoki 15 sutkagacha muddatga ma’muriy qamoqqa olishga sabab bo‘ladi

Oilaviy zo‘ravonlik bo‘yichaJinoyat kodeksining 126-1-moddada oiladagi zo‘ravonlik uchun BHMning o‘ttiz baravarigacha jarima yoki ikki yilgacha axloq tuzatish ishlari ko‘zda tutilgan. Qisqa muddatli sog‘liq muammolariga olib kelgan kaltaklashlar uchun bazaviy hisoblash miqdorining o‘ttiz baravaridan yetmish baravarigacha jarima, majburiy jamoat ishlari, cheklash yoki bir yildan ikki yilgacha ozodlikni cheklash yoki mahrum qilish ko'zda tutilgan. Sog‘lig‘ining uzoq muddat buzilganligi uchun uch yilgacha ozodlikni cheklash yoki mahrum qilish. 5 yil — bir nechta bolalarni kaltaklash uchun

Oxirgi ikki yarim yil ichida 1800 dan ortiq ayol va voyaga yetmagan qizlar zo‘ravonlikning turli shakllariga duchor bo‘ldi

Bizni qo‘llab-quvvatlang | Bizning Instagram sahifamiz

@uzhookreport

Tadbirkorlardan ortiqcha hisobot talab qilganlik uchun jarima belgilanadi

Shavkat Mirziyoyev tadbirkorlardan ortiqcha hisobot talab qilganlik uchun davlat organlarining javobgarligi haqidagi qonunni imzoladi. Birinchi qoidabuzarlik uchun jarima miqdori — 15 million so‘mgacha. Takroriy qoidabuzarlik uchun — 22,5 million so‘mgacha

Hisobotlar va statistik ma’lumotlarning yagona ro‘yxatiga kiritilmagan statistik, moliyaviy, soliq va boshqa hisobotlarni talab qilganlik uchun mansabdor shaxslar jarimaga tortiladi. Shuningdek, belgilangan muddatlar va taqdim etish tartibiga zid hisobotni talab qilish mumkin emas

Yil boshida prezident biznes uchun hisobot va statistik ma’lumotlarni taqdim etishni soddalashtirish haqidagi hujjatni imzolagan edi

Bizni qo‘llab-quvvatlang | Bizning Instagram sahifamiz

@uzhookreport

Ombudsmanning vakolatlari kengaytiriladi

Senat Ombudsmanning inson huquq va erkinliklarini ta’minlash bo‘yicha vakolatlarini kengaytiruvchi qonunni ma’qulladi. Endilikda Ombudsmanning Oliy Majlis quyi palatasida qonunchilik tashabbusi huquqiga ega bo‘lishi joriy etilmoqda

Ombudsman va uning o‘rinbosariga «yuklatilgan vazifalarning muammosiz va samarali bajarilishi qonunda mustahkamlanmoqda». Jazoni ijro etish muassasalari va tergov hibsxonalarida mahkumlarning murojaatlari uchun «ombudsman qutisi» tashkil etiladi

Ombudsman Prezidentga, Oliy Majlis palatalariga va Vazirlar Mahkamasiga fuqarolarning huquq va erkinliklarini himoya qilish yuzasidan takliflar bilan maxsus ma’ruzalar taqdim etishi mumkin bo‘ladi

Bizni qo‘llab-quvvatlang | Bizning Instagram sahifamiz

@uzhookreport