Шовқин шаҳарларнинг ажралмас хусусиятларидан бири. Айниқса ҳозир унинг турлари ҳам анча кенгайган. Маълумотларга кўра келгусида шовқиндан азият чекувчилар сони дунё аҳолисининг салмоқли қисмини эгаллайди. Меьёридан ортиқ шовқин эса инсон соғлиғига зарарли.

Бугунги мақолада Мурод Нажмиддинов шовқин ва у билан боғлиқ бошқа ҳолатлар ҳақида сўз юритади.

http://uz.hook.report/2023/01/noise/

https://t.me/uzhookreport

Йўл ҳаракати хавфсизлиги бўйича Республика махсус комиссияси Тошкент шаҳридаги кичик транспорт ҳалқаси ичида, шунингдек, Нукус ва бошқа вилоят марказларининг айрим кўчаларида ҳамда Урганч ва Наманган шаҳарларининг барча йўлларида автотранспорт воситаларининг рухсат этилган максимал тезлигини 70 км/соатдан 60 км/соатгача пасайтирди.

Бу ҳақда Йўл ҳаракати хавфсизлиги ахборот хизмати хабар берди. Ҳаракат тезлигига чеклов киритилган ҳудудлар рўйхати билан ушбу ҳавола орқали танишишингиз мумкин.

https://t.me/uzhookreport

Тожикистондан қўшимча электр энергияси етказиб бериш  йўлга қўйилди

Бу ҳақда "Ҳудудий электр тармоқлари" АЖ Сурхондарё ҳудудий филиали матбуот хизмати ўз саҳифасида хабар берди. Маълум қилинишича, аномал совуқ даврида Сурхондарё вилоятида аҳоли ва ижтимоий соҳа объектларини узлуксиз электр энергияси билан  таъминлаш мақсадида қўшни Республикадан қўшимча электр энергияси етказиб бериш йўлга қўйилган.

https://t.me/uzhookreport

Толибон Ўзбекистонни мамлакатга электр энергиясини етказиб беришни тўхтатмасликка чақирди

Афғонистон ташқи ишлар вазири вазифасини бажарувчи Амир Хон Муттаки Ўзбекистонни мамлакатлар ўртасидаги келишувга мувофиқ электр энергияси етказиб беришга чақирди.

«[Ўзбекистон] Da Afghanistan Breshna Sherkat га 400 мегаваттдан ортиқ энергия етказиб бериш бўйича берган ваъдасига содиқ қолиши керак. Улар электрни ўчириб қўйишди, одамлар эса муаммоларга дуч келишмоқда», — дея билдирган Афғонистон ТИВ раҳбари.

Кобул аҳолиси хабарларига кўра, Афғонистон пойтахтида чироқлар сўнгги бир-икки ҳафтада кунига бир неча соатгина ёқилган.

https://t.me/uzhookreport

Ўзбекистон Россиянинг «Газпром» компанияси билан газ соҳасидаги ҳамкорлик бўйича «йўл харитаси»ни имзолади

«Газпром» матбуот хизматининг маълум қилишича, компания бошқаруви раиси ва директорлар кенгаши раисининг ўринбосари Алексей Миллер ва Ўзбекистон Республикаси энергетика вазири Жўрабек Мирзамахмудов ўртасида ишчи учрашув бўлиб ўтган.

Учрашув давомида томонлар ўзаро ҳамкорликнинг муҳим масалалари кўриб чиқишган ва якунда Алексей Миллер ва Журабек Мирзамахмудов газ саноатида ҳамкорлик тўғрисидаги «йўл харитаси» ни имзолашган.

https://t.me/uzhookreport

Энергетика вазирлиги «Газпром» компанияси билан имзоланган газ соҳасида ҳамкорлик бўйича «Йўл харитаси» ҳақида расмий маълумот берди

Билдирилишича, «Йўл харита» сига мувофиқ томонлар ўртасида тузилган ишчи гуруҳ Қозоғистон ва Ўзбекистон Республикалари ҳудудидан ўтувчи «Ўрта Осиё – Марказ» газ қувури орқали газ транзитини амалга ошириш учун зарур бўладиган техник чора-тадбирларни келишиб олган. Табиий газни етказиб бериш бўйича асосий шартлар эса ишчи гуруҳ техник жиҳатдан барча ишларни якунлагандан сўнг муҳокама қилиниши айтилган.

Вазирлик хабарида таъкидланишича, олиб борилган музокаралар ҳамда «Йўл харитаси» да Ўзбекистон Республикасининг мавжуд газ транспорти тизимига эгалик ҳуқуқини тўлиқ сақлаган ҳолда (бошқарув ҳуқуқини тўлиқ сақлаган ҳолда) ички бозорга табиий газни зарур миқдорларда етказиб бериш мақсадида қилинган.

Шунингдек, келгусида «ушбу йўналишдаги барча ишлар Ўзбекистон Республикасининг миллий манфаатларини тўлиқ ҳимоя қилган ҳолда» амалга оширилиши ва натижалар ҳақида доимий равишда жамоатчиликка маълум қилиб борилиши келтирилган Вазирлик хабарида.м

Бироқ, шуни таъкидлаб ўтиш керакки Энергетика Вазирлиги томонидан берилган ушбу хабарда барча тафсилотлар тўлиқ очиқланмаган.

https://t.me/uzhookreport

Тарихда ўтган буюк шахслар ҳақида кўп эсланади. Уларнинг қилган ишлари, қийин дамлардаги ташаббускорлиги ва мураккаб ҳаёт йўллари ўқувчини илҳомлантиради. Бу шахс аёл киши бўлганида эса, диққатимиз яна бир карра ошади. Бугунги мақола ана шундай диққатга сазовор шахслардан бири, аёл — Берта фон Зутнерга бағишланади.

Журналистимиз Гулираъно Мусаева бизни Бертанинг ҳаёт йўли, ундаги қарама-қаршиликлар ва уни катта шахсга айлантирган ишлари билан таништиради.

http://uz.hook.report/2023/01/bertha-von-suttner/

Ўзбекистон Россиядан АИ-80 бензинини импорт қилишни бошлади

28 январдан бошлаб «Ўзбекнефтегаз» компаниясининг UNG Petro ёқилғи қуйиш шохобчаларида АИ-80 русумли бензин сотуви бошланди. Бу ҳақда «Газета.uz» компаниядан олган маълумотларига таяниб хабар бермоқда. Ҳозирда ёқилғи Ўзбекистон бўйлаб 69 та ёқилғи шоҳобчасига етказиб берилмоқда, улардан 30 таси Тошкент шаҳридаги шоҳобчалардир.

https://t.me/uzhookreport

Нукус воқеалари иштирокчиларига нисбатан суд ҳукми ўқилди

Бухоро вилоятида бўлиб ўтаётган суд жараёнларида судя Елубай Абибуллаев судланувчиларга нисбатан суд ҳукмини ўқиб эшиттирди. Унга кўра, судланувчи Даулетмурат Тажимуратов Жиноят кодексининг бир неча моддалари билан айбли деб топилиб, ЖКнинг 59-моддаси тартибида 16 йилга озодликдан маҳрум қилиш жазосига ҳукм қилинган. Судланувчи жазонинг 2 йилини қамоқхонада, қолган қисмини эса қаттиқ тартибли колонияда ўташи белгиланган.

Судланувчи Лолагул Каллиханова ҳам ЖКнинг бир неча моддалари билан айбли деб топилиб, ЖКнинг 62-моддасига асосан дастлабки қамоқда ўтирган 6 ой 24 куни тайинланган жазодан чегирилиб, ўташ учун 7 йил 5 ой 6 кун озодликдан маҳрум қилиш жазоси қолдирилиб, ЖКнинг 72-моддаси қўлланилиб, жазо 3 йил синов муддати билан шартли деб белгиланиб, суд залида қамоқдан озод қилинган.

Шунингдек, озодликни чеклаш жазосига судланган Азамат Нуратдинов, Ахмет Сметуллаев ва Азамат Турданов суд залида қамоқдан озод қилинган.

https://t.me/uzhookreport

Қорақалпоғистон воқеалари бўйича суд якунларига кўра судланувчилар яхшигина муддатларга ҳукм қилинишди. Айбловдаги холислик ва жазо муддатлари масаласи ҳали очиқлигича қолмоқда. Асаида, иштирокчиларнинг ҳар бири ўз мамлакати фуқароси бўлиб қолгани ва сиёсий фаолият кўрсатганлиги учун судланган.

Қизиғи шундаки, айбланувчиларнинг айримлари ўзларининг сиёсатчи эмасликларини таъкидлашган. Аммо сиёсатчи бўлиш ўзи нимани англатади? Мамлакатингиз келажаги билан қизиқиб, сиёсий жараёнларда қатнашишингиз учун махсус дипломга эга бўлишингиз ёки «сиёсатчи» деган номингиз бўлиши керакми? Агарда сиёсат ёпиқ манфаатлар клуби бўлса, Шавкат Мирзиёев мунтазам равишда қайси фуқаролик жамияти ҳақида гапиради ва сўнгги йилларда бутун мамлакат интилаётган «янги Ўзбекистон» қандай кўринишга эга?

Hook таҳририяти ўз мақоласида нега сиёсий фаоллигингиз учун ўзингизни оқлашингиз керакмаслиги ва нима сабабдан мамлакатдаги асосий сиёсатчилар — сиз ва биз эканлигимизни муҳокама қилади.

http://uz.hook.report/2023/02/politics/

https://t.me/uzhookreport

Аномал совуқ натижасида қийинчилик кўрган тадбиркорларга енгилликлар берилади — ЎзА бош директори ўринбосари Хушнудбек Худойбердиев

Бу ҳақда бугун Шавкат Мирзиёевнинг Наманган вилоятида тадбиркорлар билан бўлиб ўтаётган учрашувида маълум қилинган.

«Бу йил қиш ниҳоятда совуқ келди. Кўплаб тадбиркорлар бундан қийналганини билиб турибман», — дея таъкидлаган Президент.

Маълум бўлишича, республикамизда 3 мингта ҳудудий саноат корхонасида 7 триллион сўмлик маҳсулот ишлаб чиқарилмаган (уларда 350 минг аҳоли банд). Бунинг натижасида эса биринчи чоракдаги ялпи маҳсулот ўсиши 1,5 фоизгача пасайиши мумкин. Шу боисдан иқтисодиётда йўқотишлар ўрнини қоплаш ва бизнесни қўллаб-қувватлаш учун бугун алоҳида Президент қарори имзоланган дейилади хабарда.

https://t.me/uzhookreport