Бугун – матбуот ва оммавий ахборот воситалари ишчилари куни. Одатда бу куни мамлакатимизда ОАВ тарихи ва истиқболлари, ютуқ ва камчиликлари тўғрисида мақолалар чоп этилади. Биз ушбу материалимизда анъанани бир оз бузиб, ўзбек тилидаги ОАВни таҳлил қилишга қарор қилдик.

Лазиз Холиёров ўзбекзабон онлайн нашрларни ўрганиб чиқиб, улардаги умумий "тренд" мавзулар тўғрисида сўзлаб беради.

http://uz.hook.report/2022/06/media/

@uzhookreport

Тошкент Ботаника боғи, Мустақиллик майдони ва Жасорат Монументи атрофлари, Губкин номидаги Россия нефт ва газ университети филиалининг боғи ва бошқа айрим жойларда олмахонларни учратиш мумкин. Кўплар уларги кўникиб бўлган, гўё жониворлар доим шу ерларда яшагандек. Лекин аслида олмахонлар Тошкентга 70-йиллар Ғарбий Сибирдан кетирилган.

Зоолог Мария Грицинанинг матнида бу ёқимтой жониворларнинг Тошкентдаги ҳаёти тўғрисида батафсил ўқинг.

http://uz.hook.report/2022/06/olmaxonlar/

@uzhookreport

Маҳаллий телеканалларимизда «маънавиятга тўғри келмайди», «миллий менталитетимизга тўғри келмайди» кабилидаги сабабларни рўкач қилган ҳолда фильмлардан саҳналарни кесиб олиш урфи бор. Маҳаллий ва чет эл фильмлари эфирга кесиб узатилади, айрим ҳолларда саҳна кесилмасада, ундаги "кўзни қамаштирган" жойлар фильтрланади. Қонун нуқтаи назаридан бундай амалиёт қанчалар тўғри?

Телевидениедаги цензура ва муаллифлик ҳуқуқи тўғрисида ҳуқуқшунос Муроджон Нажмиддинов мақоласида ўқинг.

http://uz.hook.report/2022/06/uyat-manaviyat/

@uzhookreport

Хукнинг ҳажвиячиси, жаноб Профессордан навбатдаги ҳикоя.

Арулько қироллиги билан қонли уруш даврида Кракозия халқи нимадан нажот кутиб яшаётгани тўғрисида ўқинг.

http://uz.hook.report/2022/06/oynani-qoraytiring/

Рус тилида: https://hook.report/2022/06/stop-war-make-tonirovka/

@uzhookreport

⚡ Нукусдан хабар беришларича, ҳуқуқшунос ва мустақил журналист Даулетмурат Тажимуратовнинг ҳибсга олинишидан норозилар кўчаларга чиқишди.

Эслатиб ўтамиз, конституцияга киритиладиган ўзгаришлар лойиҳаси оммага эълон қилинганидан сўнг қорақалпоқ фаоллари республика суверенитетига тегишли ўзгаришларга қарши чиқишган эди.

Гувоҳлар республикада Миллий гвардия ва ички ишлар ходимлари сони ортгани ҳақида хабар беришди.

Бугун фаол Даулетмурат Тажимуратов 5 июль куни тинч митинг ўтказиш зарурлигини айтганидан сўнг, қўшнилар ва бошқа гувоҳлар айтишича, уни уйидан олиб чиқиб, автобусда қаергадир олиб кетишди.

@uzhookreport

Нокис O´райлық Дийхан Базары – Нукус марказий деҳқон бозори

Одамлар «Даулет» деб қичқирмоқда

UPD: бозорнинг қорақалпоқча номи тўғирланди.

@uzhookreport

⚡Айтишларича, Нукусдаги намойишга Жоқарғы Кенес раиси Мурат Камалов келди

@uzhookreport

⚡ Даулетмурат Тажимуратов қўйиб юборилди.

Соат 20:30лар атрофида Тажимуратов ва Жокарғы Кенес раиси Мурат Камалов бозорда намойишчилар олдида чиқиш қилишди.

Тажимуратов намойишчиларга қуйидагича ундов йўллади: «Мен сизларга ишонгандим. Сиз бирлашиб, ишончимни оқладингиз. Мен халқим билан биргаман»

@uzhookreport

Ағамыз Д.Тажимуратов, мамлекет басшысы Марат Камалов пенен бирге.

Д.Тажимуратов халыққа ундеу жоллады. Халық сиз бенен бирге. Халқым мениң. Сизлерди жақсы көремен. Исенимди ақладынызлар.

https://t.me/maman_advokat_byurosi

Hook.report таҳририятининг Қорақалпоғистондаги ҳодисалар юзасидан баёноти

Хук таҳририяти мамлакатимизнинг ҳудудий дахлсизлигига ташқи ва ички тажовузларга бутунлай қарши.

ЎзР Конституциясининг 3-моддасига кўра, Ўзбекистон Республикаси ўзининг миллий-давлат ва маъмурий-ҳудудий тузилишини, давлат ҳокимияти ва бошқарув органларининг тизимини белгилайди, ички ва ташқи сиёсатини амалга оширади.

Ўзбекистоннинг давлат чегараси ва ҳудуди дахлсиз ва бўлинмасдир. 

Шундай қилиб, Қорақалпоғистоннинг ажралиб чиқишига чақириқлар қонунга зид. 

Бироқ Хук таҳририяти мамлакат қонунларига аҳолининг айрим гуруҳлари ва ҳудудларига таъсир этувчи ўзгартиришлар фақат шу гуруҳларни хабардор қилган холда ва уларнинг қатнашчилигида қабул этилиши керак деб ҳисоблайди.

Шу билан бирга, бизнинг журналистик бурчимиз – мамлакатда рўй бераётган ҳодисаларни ўз вақтида аниқ ва холис ёритиш, айниқса бу ҳодисалар мамлакатнинг бутун аҳолисига таъсир этса.

http://uz.hook.report/2022/07/qqston/

@uzhookreport

⚡️ Намойиш тугаяпти, одамлар уйларига қайтяпти.

Намойишчилар айтишича Даулетмурат Тажимуратов 5 июль куни соат 17:00 да Жокарғы Кенес биноси рўпарасида тинч намойиш ўтказилишини эълон қилди. Шу намойишда Жокарғы Кенес депутатлари Қорақалпоғистон Республикасининг ҳуқуқий холати тўғрисидаги якуний қарорни эълон қилишади.

@uzhookreport

⚡ Нукус ва Хўжайли аҳолиси уларда стационар интернет ишламаятганидан хабар беряпти

@uzhookreport

⚡ Нукусдаги намойишчиларнинг бир қисми Жокарғы Кенес биноси томон йўл олди.

Кенес биноси ёнида оломонни тарқатувчи воситалар: водомётлар ва кўз-ёш гази қўлланилётгани ҳақида иддаолар бор.

@uzhookreport

⚡️ Маҳаллий аҳоли Қорақалпоғистонга Атырау (Қозоғистон) ва Хоразм вилояти орқали кириш ёпилганини айтмоқда.

@uzhookreport

Нукусдаги ҳодисалар тўғрисида нималарни биламиз?

Кечка яқин намойишчилар Даулетмурат Тажимуратовни кутиб, Нукус марказий деҳқон бозоридаги ер ости ўтиш йўли ёнида тўпланишди. Соат 19:00 атрофида у келди. Тажимуратов Жоқарғы Кенес раиси Мурат Камалов билан бирга Камалов автомобилининг устига чиқиб, микрофон ва карнайлар келтирилишини кутдилар. Аппаратура келмади.

Тўпланганлар орасида агрессия, зўравонлик ёки талончилик кузатилмади. ИИВ махсус отрядлари ҳам шу ерда бўлган, лекин ҳеч қандай фаолият кўрсатишмаган. Намойишчилар уларга ўз жонлари учун хавотирда эканликларини айтиб, улардан каска, қалқон ва тўқмоқларини беришларини сўраган. ИИВ ходимлари рози бўлган, намойишчилар эса бозордан кетаётганида буюмларни уларга қайтиб берган.

Бир оз вақт ўтиб, Даулетмурат Тажимуратов ва Мурат Камалов машинага минишди, намойишчилар эса уни Жоқарғы Кенес биноси томон турта бошлади. Машина бинога етиб боргач, Тажимуратов ва Камалов ичкарига кириб кетдилар, намойишчилар эса кўчада кутиб турди.

Тез орада оломон орасида низо чиқди. Кучишлатар тизим ходимлари тутун чиқарувчи шашкаларни ота бошлади, намойишчиларнинг баъзилари уларни ходимларга қайтариб отишди.

ИИВ махсус мобил отрядлари (ММО) ходимлари шовқинли таъсир воситаларини қўллай бошлади. Шашкаларнинг бири намойишчининг бошига тегди. Гувоҳлар унинг вафот этгани ҳақида айтишмоқда, аммо маълумот ҳали тасдиқланмади.

Ҳуқуқни мухофаза қилиш органлари ходимлари намойишчиларга қарши резина ўқлардан фойдаланишди. Ўқлар икки намойиш иштирокчисининг оёғига тегди. Улардан бирини Damas русумли автомобил, иккинчисини эса ЙҲХББ машинаси олиб кетди.

Гувоҳлар айтишича, кўп вақт ўтмай ходимлар кўзни ёшлантирувчи газ ва водомётларни ишга солган. Одамлар қоча бошлаган.

Намойшчиларнинг бир қисми Тажимуратовнинг уйи томон йўл олган.

Айни дамда журналистнинг уйи ёнида одамлар бор. Тажимуратов Жоқарғы Кенес биносини қачон тарк этгани номаълум, лекин, айтишларича у ҳозир ўз уйида.

Республикада интернет ишламаётгани сабабли ушбу маълумотни фото- ва видеоматериаллар билан тўлдириш имкони йўқ.

@uzhookreport

Қорақалпоғистон Республикаси ҳукумати Нукусдаги ҳодисалар юзасидан баёнот берди.

Айтишларича, намойишлар давомида бир гуруҳ шахслар намойишчиларга таянган холда республиканинг маъмурий биноларини эгаллаб олишга уринишган.

Ҳозирда тергов-суриштирув ишлари олиб борилмоқда.

Баёнот матни: https://joqargikenes.uz/oz/11171.html

@uzhookreport

2 июль 14:00 да Нукусдаги холат

Хабарларга кўра, эрталаб соат 4 атрофида Даулетмурат Тажимуратовни уйи ёнига автобуслар келиб, Тажимуратов ва унинг уйи ёнида тўпланган одамларни бир қисмини олиб кетишди.

Эрта тонгда одамлар Марказий бозорда тўпланган. Бозорнинг ўзи ёпиқ, намойишчилар чиқарилмаган. Кета олганларнинг бир қисми уйларига қайтган.

Аҳоли чорраҳаларда блокпостлар навбатчилик олиб бораётганини айтяпти.

Ҳуқуқни сақлаш органлари ходимлари намойишчиларни бозор яқинидаги 27 кичик даҳага жўнатган.

Туман аҳолиси ходимлар резина ўқлари ва шовқинли таъсир воситаларидан фойдаланаётгани тўғрисида хабар берди. Намойишчилар ва атрофдан ўтиб кетаётганларнинг бир қисмини ушлаб, кўк рангдаги фургонларга ўтқазишяпти.

Нукус аҳолиси шаҳарда мобил ва стационар интернет ва нақд пулсиз тўлов воситалари ишламаётгани, банкоматлардан пул ечиб бўлмаётганини хабар қилишди.

Нукусга кириш Тахятош, Хўжайли, Ўроқ Болға шаҳарлари томонидан ёпиб қўйилгани айтилмоқда.

@uzhookreport

⚡ Президент Шавкат Мирзиёев ва бош вазир Абдулла Арипов Нукусга учмоқда.

Бу ҳақда Gazeta.uz нашри Flightradar хизмати маълумотларига таяниб ҳабар берди: https://t.me/gazetauz/32826

@uzhookreport

⚡ Президент матбуот котиби Шерзод Асадов хабар беришича, Шавкат Мирзиёев Нукусдаги чиқишида Конституциянинг Қорақалпоғистон Республикаси тўғрисидаги моддаларини амалдаги кўринишда, ўзгартиришларсиз сақлаб қолиш зарурлигини таъкидлади.

@uzhookreport