Ҳурматли юртдошлар, қадрли халқ таълим тизими ходимлари!
 
Аввало, барчангизни бугунги унутилмас кун – Ўзбекистон Республикаси Конституцияси қабул қилинганлигининг 30 йиллиги байрами муносабати билан самимий табриклайман!

Айтиш лозимки, жонажон Ватанимизда истиқомат қилаётган ҳар бир инсон, ҳар бир фуқаро учун бу қутлуғ сана чексиз ғурур ва ифтихор билан нишонланадиган унутилмас кундир.

Сабаби Ўзбекистон ўтган вақт давомида ўз Конституцияси ва мустақиллигига эга суверен давлат сифатида катта тараққиёт йўлини босиб ўтди, жаҳонда ўзининг муносиб ўрнига эга бўлди, халқаро ҳамжамият доирасида қўлга киритган ютуқларимиз муносиб эътироф этилмоқда.

Бош Қомусимиз мамлакатимизда инсон қадрини улуғлаш, эркин ва фаровон жамият барпо этиш, инсон ҳуқуқ ва манфаатларини ҳимоя қилиш каби эзгу мақсадларни ўзида мужассам этган адолат рамзи сифатида халқ фаравонлигини таъминлашда мустаҳкам ҳуқуқий асос бўлиб хизмат қилди.
 
Муҳтарам устозлар ва соҳа ходимлари!
 
Бугунги кунда Халқ таълими тизимидаги 10 мингдан ортиқ умумтаълим мактабида таълим олаётган 6 млндан зиёд ўқувчиларга 500 мингга яқин сиз каби фидойи ўқитувчилар таълим-тарбия бериб келмоқда. Азиз фарзандларимизнинг ўз ҳуқуқларини тўла англаган ҳолда, ҳар томонлама баркамол авлод бўлиб вояга етишида сиз — қадрли инсонларнинг ўрнингиз беқиёс.

Бу борада умумтаълим мактабларида ўқитилаётган “Ўзбекистон давлати ва ҳуқуқи”, “Конституциявий ҳуқуқ асослари” фанлари ҳамда тегишли фанлар таркибидаги мавзуларга сингдирилган ҳолда ўтиб келинаётган ‘‘Конституция алифбоси”, “Конституция оламига саёҳат” курсларидаги зарур билим ва маълумотларнинг аҳамияти катта.
Сизларга ушбу машаққатли фаолиятингизни шараф билан амалга оширишда сўнмас шижоат ва катта муваффақиятлар тилайман.
 
Азиз ватандошлар, қадрли халқ таълим тизими фидойилари!
 
Фурсатдан фойдаланиб, сизларни яна бир бор Бош Қомусимиз қабул қилинганининг 30 йиллиги байрами билан чин қалбимдан қутлайман ҳамда барчангизга сиҳат-саломатлик, оилангизга тинчлик-хотиржамлик, бахт-саодат тилайман!
 

Фуқаролар мурожаати назоратга олинган!

Ҳурматли ота-оналар!
Қадрли устозлар, азиз ўқитувчилар!

Қишнинг совуқ кунлари давом этмоқда. Умумий ўрта таълим мактабларида амалга оширилган куз-қиш мавсум ҳозирлигидан кўнглингиз тўлмаётган бўлса ёки халқ таълими тизимида сизни ташвишлантираётган муаммо ва камчиликларга дуч келаётган бўлсангиз, Қашқадарё вилояти халқ таълими бошқармасига ёки туман(шаҳар) халқ таълими бўлимларининг масъулларига мурожаат қилишингиз мумкин.

Қашқадарё вилояти туман(шаҳар)лари халқ таълими бўлимлари масъуллари билан бу ерда боғланишингиз мумкин (алоқа телефонлари қайд этилган).
👉Батафсил

Қўшимча тартибда Қашқадарё вилояти халқ таълими бошқармасида ташкил этилган штабнинг телеграм мессенжеридаги @VTIKASHKADARYORegAXO_PreSS_URL га юборишингиз мумкин.

Қашқадарё вилояти халқ таълими бошқармаси ахборот хизмати

https://t.me/qashqadaryo_vxtb

ESHITISHDA NUQSONI BO‘LGAN BOLALAR UCHUN ZAMONAVIY ESHITISH MOSLAMALARI TARQATILMOQDA — NATIJALAR O‘ZINI KO‘RSATA BOSHLADI (VIDEO)

Bugungi kunda Xalq ta'limi tizimida 100 dan ortiq maktablarda inklyuziv ta'lim sinflari tashkil etilgan bo‘lib, u yerda alohida ta'limga ehtiyoji bor 500 nafarga yaqin o‘quvchi o‘z sog‘lom tengqurlari bilan birgalikda ta'lim olmoqda.

Inklyuziv sinflarning tashkil etilishi, oldinlari ayrim kattalar tomonidan “nogiron” deb belgilangan bolalar uchun o‘z tengdoshlari bilan an'anaviy maktabda ta'lim olish imkoniyatini ochib berdi. Qayd etilayotgan natijalar esa, bunday sinflarning kelajagi katta ekanligini ko‘rsatmoqda. Bunday format barchamiz uchun yangilik, aynan shunday kichik sinfdagi jarayon va muhit orqali jamiyatimizda yillar davomida shakllangan stereotiplarni yo‘q qilishimiz mumkin.

✅ Eshitishda nuqsoni bo‘lgan bolalar uchun ham maxsus dastur yo‘lga qo‘yildi. Bolalarga zamonaviy eshitish apparatlari tarqatilmoqda. Natijalar o‘zini tezda ko‘rsata boshladi. O‘quvchilarning bu moslamalar orqali nutqidagi o‘zgarishlarini keltirilgan videodan ko‘rish mumkin. Shu o‘rinda loyihada yordam berayotgan «Zamin» xalqaro jamoat fondi va Tibbiy-ijtimoiy xizmatlarni rivojlantirish agentligiga alohida minnatdorchilik bildirish kerak, deb o‘ylayman.

✅ Ko‘zi ojiz bolalar uchun darsliklar masalasi ham muhim masala. Brayl alifbosidagi darsliklar ta'minoti bosqichma-bosqich yechimini topmoqda, 2022-yilda 41 ming nusxa darslik chop etildi, bu 2021-yilga nisbatan 4 karra ko‘proq (2021-yilda – 10 ming).

Maktabdan so‘ng ko‘zi ojiz shaxslar oliy o‘quv yurtida yoki har kungi hayotida mutolaa qila oladigan kitoblar masalasi dolzarbligi saqlanib qolmoqda. Respublikada bunday texnologiyalar asosida ishlab chiqarish quvvatlarining cheklanganligi sababli oliy o‘quv yurtlari uchun darsliklar, badiiy va publitsistik adabiyotlarning Brayl alifbosidagi nusxalarini ko‘paytirish imkoniyatlari cheklangan.

✅ Shu o‘rinda joriy yilda boshlangan yana bir muhim yo‘nalish bo‘lgan, darsliklarning audiokitob shakllarini yaratilishi haqida to‘xtalmoqchiman. Bu ham yangi tajriba. Audiokitoblar orqali ko‘zi ojiz bolalar uchun ta'lim olish imkoniyatlarini yanada kengaytirish maqsad qilingan. Umuman olganda nogironligi bor bolalar uchun ta'lim olish sharoitlarini kengaytirib borish va ularni jamiyatning to‘laqonli a'zosi bo‘lishlari uchun imkoniyat berish ishlari hech qachon to‘xtab qolmagan, qilinishi kerak bo'lgan ishlar hali ko'p va ular doimiy ravishda e'tibor markazida.

Xalq ta'limi vazirining birinchi o'rinbosari Усман Шарифходжаев

Видеодаги болалар Бухоро вилоятидаги эшитишида нуқсони бўлган болалар учун ихтисослаштирилган 123-сонли мактаб-интернат ўқувчилари