#Инфографика

ХАЛҚ ТАЪЛИМИ ВАЗИРЛИГИ ТОМОНИДАН ЎТГАН ВАҚТ ДАВОМИДА 20 ДАН ОРТИҚ ЭЛЕКТРОН ТАЪЛИМ РЕСУРСЛАРИ ИШЛАБ ЧИҚИЛДИ

Халқ таълими вазирлиги томонидан умумтаълим мактаблари педагогларининг касбий маҳоратларини ошириш ва ўқувчиларнинг билим олиш кўникмаларини замонавийлаштириш борасидаги технологик жараёнлар давомий олиб борилмоқда.

Айтиш жоизки бугунги кунда республикадаги умумтаълим муассасаларида Ягона “Электрон таълим” тармоғи яратилиб, 2000 та мактабда тўлиқ жорий қилинди.

Жумладан, мамлакатимиздаги умумтаълим мактаблари ва “Баркамол авлод” болалар мактабларининг 12 мингдан ортиқ компьютер синфхоналари ва бошқа хизмат хоналари ички локал тармоғи ҳамда ўқитувчилар хоналари Wi-Fi қурилмалари билан таъминланди.

Мактабларда иш олиб бораётган информатика ўқитувчиларининг 6500 нафари ёки 41 фоизи Python, C++, Scratch каби замонавий дастурлаш тиллари бўйича ўқитилди. Шу билан бирга Жиззах, Наманган, Хоразм, Самарқанд вилоятларидаги 2500 та умумтаълим мактабларнинг директорлари жойлардаги IT-Park ўқув марказларида “АКТ саводхонлик” бўйича ўз малакаларини оширишди.

Яна бир хайрли ташаббус сифатида вазирлик томонидан ўтган вақт давомида Maktab.uz, Kitob.uz, Edukids, Smartland каби 20 дан ортиқ электрон таълим ресурслари ишлаб чиқилди.

Мазкур платформаларга мактаб ўқув дастурлари бўйича тайёрланган:

• 14 000 дан ортиқ видеодарслар;
• 4 000 дан ортиқ тақдимотлар;
• 4000 га яқин электрон ва аудио китоблар;
• 2 000 дан ортиқ интерактив кўринишдаги мантиқий ўйинлар тўплами жойлаштирилди.

Айни вақтда ўқувчиларнинг платформалардан кенг фойдаланишларини таъминлаш мақсадида доимий тарғибот ва тушунтириш ишлари олиб борилмоқда.


Халқ таълими вазирлигининг расмий саҳифаларига уланиш.
Telegram | Youtube | Facebook | Instagram

Taʼlim, sud, tadbirkorlik, tibbiyot va suv taʼminoti. O‘zbekiston Prezidenti Shavkat Mirziyoyev yaqin yillarda mamlakatni rivojlantirish strategiyasi etib, ana shu eng og‘riqli va asosiy yo‘nalishlarni tanladi. Ushbu sohalardagi muammolarni hal etishda Siz ham ishtirok etishingiz mumkin!

Agar Sizda ushbu sohalardagi muammolarni hal etishga qaratilgan yoki boshqa masalalarga oid takliflar bo‘lsa – biz bilan bog‘laning!

Takliflaringizni taklif2023.uz sayti hamda @taklif2023_bot manzili orqali yuboring.

Prezident Administratsiyasi takliflaringizni qabul qilishga tayyor! Yuborilgan takliflarning barchasi maxsus ishchi guruh tomonidan o‘rganib chiqiladi.

Unutmang Sizning taklifingiz – O‘zbekiston uchun muhim!

Ўзбекистонда таълим ислоҳоти нега биринчи ўринга қўйилди?

“Янги Ўзбекистон” газетасининг шу йил 22 сентябрь сонида журналист Баҳодир Жовлиевнинг халқ таълими вазири Бахтиёр Саидов билан суҳбати чоп этилди. Қуйида уни ўқишингиз мумкин.

Батафсил 👉 https://bit.ly/3LzFEKo


Халқ таълими вазирлигининг расмий саҳифаларига уланиш.
Telegram | Youtube | Facebook | Instagram

Raqamli avlod - qizlarni zamonaviy AKT sohasiga o’qitishdan boshlanadi!

Mamlakatimizda qizlarni raqamli texnologiyalarga o’qitish eng muhim va prioritet masala hisoblanadi.

IT sohasiga qiziqqan 120 nafar o’quvchi qizlar uchun dunyoda eng dolzarb bo’lgan Iqlim o’zgarishi muammosiga Sun’iy intellekt texnologiyalari yordamida yechimlarni topish bo’yicha amaliy o’quv seminarlar o’tkazildi.

O’quv seminar 3 kun davomida davom etgan bo’lib, Xalq ta’limi vazirligi, AKT vazirligi, IT Park hamda ITS markazi hamkorligida tashkil qilindi.

G’oliblarga noutbuk va esdalik sovg’alari topshirildi.

Siz ham IT sohasiga qiziqsangiz va turli o’quv seminar va tanlovlarda ishtirok etmoqchi bo’lsangiz kanalga a’zo bo’lib qo’ying, sizlarni qiziqarli yangiliklar kutmoqda.

https://t.me/rkarimjonov

#Халқ_таълими_рақамларда

ЎТГАН БИР ЙИЛДА МАЛАКА ТОИФАСИГА ЭГА БЎЛГАН ЎҚИТУВЧИЛАР СОНИ ҚАРИЙБ 303 МИНГ НАФАРГА ЕТДИ

Таҳлилларга кўра, ўтган бир йилда малака тоифасига эга бўлган ўқитувчилар сони қарийб 303 минг нафарга етиб, бу жами педагогларнинг 62,5 фоизини ташкил этмоқда.

Ўтган йили бу кўрсаткич 45,2 фоизни ташкил қилган бўлса, уч йил олдин 30 фоизга ҳам етмаган. Шунингдек, жорий йилда олий ва биринчи малака тоифасига эга ўқитувчилар сони салкам 143 минг нафарга, яъни 30,1 фоизга етгани ҳолда олий малака тоифасига эга ўқитувчилар улуши 9,1 фоизни ташкил этмоқда.2021 йилда бу кўрсаткич 5,7 фоиз бўлган, холос.

Ўз навбатида, халқ таълими тизимида фаолият юритаётган ўрта маълумотли ўқитувчилар улуши ҳам 9,5 фоиздан 7,3 фоизга камайган.
Бу ҳам мактабларда олий маълумотли ўқитувчилар сафи йилдан­-йилга кенгайиб, педагог касбининг нуфузи ошиб бораётганига далилдир. 2021 йилдан хорижий тиллар ўқитувчиларига халқаро сертификат бериш тизими жорий қилиниб, уларнинг ўз билимини исботлаши асосида шаффоф тарзда ойлик маошини қўшимча ошириш имкони берилди.

Бу эса ўтган қисқа даврда халқаро стандартларга жавоб берадиган чет тил ўқитувчилари сони деярли уч баробар ошишига туртки бўлди.


Халқ таълими вазирлигининг расмий саҳифаларига уланиш.
Telegram | Youtube | Facebook | Instagram

#Diqqat_tanlov

Xalq ta’limi vazirligi esselar tanlovini e’lon qiladi

Xalq ta’limi vazirligi maktablarda o‘zbek tilining davlat tili sifatidagi nufuzini oshirish maqsadida “Ma’rifatli jamiyat – Uchinchi Renessans bunyodkori” esselar tanlovini o‘tkazmoqda.

Tanlovda Xalq ta’limi tizimidagi maktab o‘qituvchilari 2 ta yo‘nalish bo‘yicha ishtirok etishlari mumkin:

✅ Ta’lim o‘zbek tilida olib boriladigan maktablarning ona tili va adabiyoti fani o‘qituvchilari hamda ta’lim qardosh tillarda olib boriladigan maktablarning o‘zbek tili fani o‘qituvchilari.

✅ Ta’lim tilidan qat’iy nazar barcha fan o‘qituvchilari.

📝Tanlov 2022-yil 26-sentabrdan 21-oktabrga qadar bo‘lib o‘tadi.

Tanlovning maktab bosqichi 26-sentabr kuni bo‘lib o‘tadi.

Tanlov g‘oliblari 21-oktabr —O‘zbek tiliga davlat tili maqomi berilgan sana arafasida aniqlanadi.

Batafsil ma’lumotlar vazirlikning rasmiy sahifasida.

Tanlovda faol ishtirok eting!


Халқ таълими вазирлигининг расмий саҳифаларига уланиш.
Telegram | Youtube | Facebook | Instagram

Хушхабар

Олмазор тумани 106-сон заиф эшитувчи болалар учун ихтисослаштирилган мактаб-интернатимизнинг уч нафар бу йилги битирувчилари шахмат бўйича Варшавада бўлиб ўтган жахон чемпионатида қатнашиб фахрли иккинчи ўринни қўлга киритишди.

Ўқувчиларимизни ғалаба билан табриклаймиз. Ютуқлар бардавом бўлсин!