📣 Ayol ustozlar va maktabgacha ta’lim xodimlari oʻrtasida voleybol boʻyicha “Vazir kubogi” musobaqasiga start berilmoqda!

✅ Musobaqada Maktabgacha va maktab ta’limi vazirligi tizimidagi umumta’lim maktablari, ixtisoslashtirilgan maktablar, Prezident maktablari, ijod maktablari oʻqituvchilari hamda maktabgacha ta’lim tashkilotlarining ayol xodimlari ishtirok etishlari mumkin.

➡️ Musobaqaning asosiy maqsadi — ustozlar oʻrtasida sogʻlom turmush tarzini targʻib qilish, jismoniy tarbiya va sportni ommaviylashtirish hamda oʻquvchilarga shaxsiy namuna koʻrsatish orqali jamoada hamjihatlikni mustahkamlashdan iborat.

Musobaqa uch bosqichda oʻtkaziladi:

➖ Tuman (shahar) bosqichi — 20-30-aprel kunlari;
➖ Hududiy bosqich (Qoraqalpogʻiston Respublikasi, viloyatlar va Toshkent sh.) — 5-15-may kunlari;
➖ Respublika bosqichi — 17-20-iyun kunlari boʻlib oʻtadi.

🏆 Musobaqa gʻoliblari quyidagi yirik pul mukofotlari bilan taqdirlanadi:
🥇 1-oʻrin — 150 mln soʻm;
🥈 2-oʻrin — 100 mln soʻm;
🥉 3-oʻrin — 70 mln soʻm.

🎁 Bundan tashqari, ishtirokchi jamoalar uchun homiy tashkilotlarning maxsus qimmatbaho sovgʻalari ham tayyorlab qoʻyilgan.

Aziz ustozlar va xodimlar!
Oʻquvchilaringizga namuna boʻling, sportda ham oʻz mahoratingizni koʻrsating va gʻoliblik uchun kurashing!

✉️ Telegram 📱 Instagram 🗳 Facebook

“Kuch — adolatdadir!”
Amir Temur

Amir Temur bobomizning hayoti va faoliyati nafaqat xalqimiz, balki jahon davlatchiligi tarixida o‘chmas iz qoldirgan buyuk merosdir. U o‘zining mardligi, yuksak intellekti va siyosiy zakovati bilan parchalangan o‘lkalarni birlashtirib, dunyoni lol qoldirgan qudratli saltanatga asos soldi.

Sohibqironning “Temur tuzuklari” asari bugungi kunda ham davlat boshqaruvi, harbiy mahorat va yuksak ma’naviyat darsligi bo‘lib xizmat qilmoqda. Uning ijodiy va bunyodkorlik ruhi Samarqand, Shahrisabz va ko‘plab qadimiy shaharlarimizning mahobatli obidalarida, ilm-fan va madaniyat rivojida yashamoqda.

Amir Temur shaxsi jahon tarixchilari va adiblari tomonidan doimo yuksak e’tirof etib kelingan. Uning siymosi Yevropa va Osiyo xalqlari adabiyotida mardlik, adolat va bunyodkorlik ramzi sifatida gavdalanadi. Bugun biz o‘zligimizni anglashda, milliy g‘ururimizni yuksaltirishda Sohibqiron bobomizning o‘gitlaridan kuch olamiz.

Hurmatli ustozlar, aziz yurtdoshlar!

Bugun, 9-aprel — buyuk sarkarda, qudratli davlat arbobi va ilm-fan homiysi Amir Temur tavalludining 690 yilligi munosabati bilan barchangizni samimiy muborakbod etaman!

✉️ Telegram 📱 Instagram  🗳 Facebook

#Amir_Temur_tavalludining_690_yilligi

📸 Amir Temur siymosi sun’iy intellekt nigohida

Buyuk sarkarda, yirik davlat arbobi va markazlashgan davlat asoschisi Amir Temur tavalludining 690 yilligi munosabati bilan videorolik tayyorlandi.

Urganch davlat pedagogika instituti Axborot xizmati

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin