#1_октябр_Ўқитувчи_ва_мураббийлар_куни

✅ Bayram ishtirokchilari bugun Oliy Majlis Senati hamda senatorlar ish faoliyati bilan yaqindan tanishdi.

➖ Unda Maktabgacha va maktab taʼlimi vaziri oʻrinbosari Farhod Boqiyev, senatorlar — Alisher Aʼzamxoʻjayev, Erkin Gadoyev, Odiljon Mamatkarimov, mamlakatimizning turli hududlaridan kelgan mahoratli pedagoglar, uzoq yillar tizimda faoliyat yuritgan ustozlar, taʻlim fidoyilari ishtirok etdi.

📍 Oʻzaro muloqot shaklida tashkil etilgan tadbirda taʼlim tizimiga doir qonunchilik tizimida amalga oshirilayotgan oʻzgarishlar, sohani rivojlantirish borasida olib borilayotgan keng islohotlar xususida soʻz yuritildi.

➖ Tadbirda ishtirokchilar senatorlar faoliyati hamda boshqa yoʻnalishlardagi oʻzlarini qiziqtirgan savollarga atroflicha javob olishdi.

👉 Uchrashuv soʻnggida pedagoglar Senat kutubxonasida yaratilgan shart-shroitlarni koʻzdan kechirishdi.

➖ Bayram tadbirlari davom etmoqda.

🌍🌍🌍🌍🌍🌍

Bizni kuzating

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

📣 Namanganlik ustoz Nodira Nabiyevaga Prezident sovgʻasi — BYD CHAZOR avtomobili topshirildi

✅ Davlatimiz rahbari kuni kecha soha xodimlari bilan oʻtkazgan muloqot tadbirida Namangan viloyati, Toʻraqoʻrgʻon tumanidagi 37-maktabning ingliz tili fani oʻqituvchisi Nodira Nabiyevaning faoliyatini yuksak eʼtirof etgan edi.

➖ Bugun Prezident Shavkat Mirziyoyev Namangan viloyatiga tashrifi davomida ushbu oʻqituvchi bilan uchrashdi hamda uning pedagogik faoliyati bilan yaqindan tanishdi. Ustozning erishgan yutuqlari hamda oʻz kasbiga boʻlgan fidoyiligini alohida taʼkidlab oʻtdi.

👏 Shundan soʻng ustoz Nodira Nabiyevaga Prezident sovgʻasi — BYD CHAZOR avtomobili tantanali tarzda topshirildi.

➡️ Aytish lozimki, Nodira Nabiyeva yurtimizda “inglizcha-oʻzbekcha surdo lugʻat” yaratgan boʻlib, Germaniyaning “Lambert Academic Publishing» nashriyotida uning "Teaching English to deaf students" nomli kitobi chop etilgan. 8 ta tilda tarjima qilingan mazkur adabiyot AQSHning Galladet universitetida yordamchi oʻquv-uslubiy qoʻllanma sifatida foydalanilmoqda.

👉Hozirga qadar pedagogning 50 dan ortiq ilmiy maqolalari Germaniya, AQSH, Fransiya, Angliya, Hindiston, Chexiya kabi davlatlarning nufuzli nashrlarida chop etilgan.

🌍🌍🌍🌍🌍🌍

Bizni kuzating:

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

Buxorolik muallimaga Prezident sovg‘asi — BYD CHAZOR avtomobili topshirildi

➡️Prezidentimiz Shavkat Mirziyoyev O‘qituvchi va murabbiylar kuni arafasida soha xodimlari bilan o‘tkazilgan muloqotda Romitan tumanidagi 38-maktabning ingliz tili fani o‘qituvchisi Billura Ikromova boshlagan ezgu ishni alohida e’tirof etdi:

- Bugungi tadbirimizda o‘zi yosh bo‘lishiga qaramasdan, yuzlab o‘g‘il-qizlarimizni yuqori marralarga yetaklayotgan kogonlik qizimiz Billura Ikramova ham qatnashyapti.
Billura qizimiz top-200 talikka kiradigan Buyuk Britaniyaning Reding oliygohini bitirib, katta-katta idoralardan bo‘lgan takliflarni rad etib, Romitanning eng chekka qishlog‘idagi maktabda ingliz tilidan dars bermoqda.”

➖ Billura TESOL, ESOL va IELTS (C1) kabi nufuzli xalqaro sertifikatlar sohibi, qishloq qizlari uchun mentorlik loyihasi tashabbuskori.

➕Uning tashabbusi bilan yirik grantlar uchun loyihalar tayyorlanib, yuzlab yoshlar xorijda ta’lim olish va ijtimoiy dasturlarda ishtirok etish imkoniyatiga ega bo‘ldi.

⬇️Bugun bu fidoyi muallimaga yuksak ishonch ramzi va mehnatlarining e’tirofi sifatida Prezident sovg‘asi – BYD CHAZOR avtomobili tantanali tarzda topshirildi.

- Mamalakatimizda o‘qituvchilar uchun yaratilayotgan imkoniyatlar tufayli mening yuksak orzularim ro‘yobga chiqdi va men bugun bor salohiyatim va kuch-g‘ayratimni Ona Vatanim ravnaqi, taraqqiyotiga safarbar etishga bel bog‘laganman, - deydi Billura.

🌍🌍🌍🌍🌍🌍

Bizni kuzating

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin