Қишки таътил даврида ўқитувчиларга касбий маҳоратларини оширишлари тавсия этилади

Умумтаълим мактабларида қишки таътил кунларидан самарали фойдаланиш, фан ўқитувчилари ўз устида ишлашлари ва касбий маҳоратларини оширишларини ташкил этиш мақсадида Халқ таълими вазирлиги томонидан махсус дастур ишлаб чиқилди.
Мазкур дастур асосида фан ўқитувчилари 2021 йилнинг 4-9-январь кунлари давомида ўзи фаолият кўрсатаётган мактабларда ўзининг касбий маҳоратини ошириш учун қуйидаги ишлар билан шуғулланишлари тавсия этилади:

✅ иш тажрибаси оммалашган, изланувчан, ташаббускор ва ижодкор ўқитувчиларнинг замонавий дарс ўтиш усуллари билан танишади, иқтидорли ва ўзлаштириши қийин бўлган ўқувчилар билан ишлаш усулларини устоз-шогирд анъаналарига мувофиқ тажрибали устозлардан ўрганади;

✅ малака ошириш курсида ўрганган янгиликларини ўқув жараёнида қўллаш, мураккаб мавзуларни осонроқ тушунтириш йўллари, фанга оид турли хил дидактик қуролларни ишлаб чиқишни бошқа фан ўқитувчилар билан муҳокама қилади;

✅ чет тили (инглиз тили)ни ўрганиш бўйича хорижлик мутахасислар томонидан тайёрланган элементар босқич (basic English) бўйича дарсларни томоша қилиб, чет тиллар бўйича саводхонлигини оширади;

✅ ўз фани йўналиши бўйича ўқув режалар, дастурлар, дарсликлардаги ўзгаришларни ўрганиб чиқади, тизимга доир меъёрий, методик ҳужжатлар ва улардаги имтиёзлар билан танишади;

✅ “Кундалик” электрон журнал ва электрон кундалик тизими билан танишиш мақсадида “Кундалик” жамоаси томонидан тайёрланган роликларни, халқаро тадқиқотлар (PISA, PIRLS, TIMSS) бўйича дарслар, “Таълим технологияси”, “Тарбия” фани бўйича видеодарсларни томоша қилади;

✅ таълимга оид онлайн-ресурсларда янгилик ва видеодарслар билан танишади, ўз фани бўйича қўшимча маълумотлар тўплайди, замонавий педагогик технологиялар, ўқитиш методларини излаб топади.

✅ 2020-2021 ўқув йилининг 3-чораги давомида тақвим-мавзу режалари асосида ўтадиган дарсларига тайёргарлик кўради, мавзуларга оид қўшимча материаллар тўплайди, тақдимотлар тайёрлайди.

Маълумот учун:

Ўқитувчиларнинг касбий маҳоратларини ривожлантиришга қаратилган видеодарслар 4-9 январь кунлари соат 14:00дан бошлаб “Онлайн мактаб” рукнидаги телевизион дарслар бериб бориладиган телеканалларда ўзбек ва рус тилларида эфирга узатилади. Эфирга бериш жадвали Халқ таълими вазирлиги томонидан ҳар куни “онлайн мактаб” телеграм каналида бериб борилади.

Педагог-ходимларни Директор жамғармаси орқали моддий рағбатлантириш тизими такомиллаштирилди

Маълумки, умумий ўрта таълим муассасаларининг ўрнак кўрсатган ходимларини моддий рағбатлантириш, жумладан Директор жамғармасидан фойдаланиш Вазирлар Маҳкамасининг 2019 йил 30 сентябрдаги 823-сон қарори асосида ташкил этилиб келинган.

Ўтган ўқув йили давомида қарор билан тасдиқланган Низом талабларини амалиётга қўллаш жараёнида устамларни белгилаш бўйича ортиқча қоғозбозлик, ўқитувчилар фаолиятини баҳолаш мезонларида бир қатор ноаниқликлар яққол кўзга ташланди.

Айрим нормалардаги мавҳумликларга аниқлик киритиш лозимлиги умумий ўрта таълим муассасаларининг ўрнак кўрсатган ходимларини моддий рағбатлантириш тартибига тегишли ўзгартириш ва қўшимчалар киритиш заруратини юзага келтирди.

Шунинг учун, Ўзбекистон Республикаси Вазирлар Маҳкамасининг 2020 йил 31 декабрдаги “Вазирлар Маҳкамасининг “Умумий ўрта таълим муассасаларининг ўрнак кўрсатган ходимларини моддий рағбатлантириш тартибини такомиллаштириш тўғрисида” 2019 йил 30 сентябрдаги 823-сон қарорига ўзгартириш ва қўшимчалар киритиш ҳақида” 831-сонли қарори қабул қилинди.

Киритилган ўзгартириш ва қўшимчалар асосида қуйидагилар кўзда тутилган:

🔹умумтаълим мактабларидаги педагог, психолог ва кутубхона ходимлари фаолиятини очиқ маълумотлар орқали баҳолаш;
🔹халқаро фан олимпиадаларга ўқувчиларни тайёрлаб бориш учун ўқитувчиларда мотивацияни орттириш;
🔹ўқувчиларни халқаро баҳолаш тадқиқотларига тизимли равишда тайёрлаб борадиган ўқитувчиларга ҳар ойлик 100 фоизлик устамалар белгилаш;
🔹мактабларда таълим сифатини оширишга қаратилган методик хизматни яхшилашни рағбатлантириш мақсадида фан метод бирлашмалари раҳбарлари учун ҳар ойлик устамаларни 5 фоизда 10 фоизга ошириш;
🔹битирувчиларни олий таълим муассасаларига ўқишга киришга пухта тайёрлаш, касбга йўналтириш ва бандлигини таъминлаш борасида мактаб раҳбарларини рағбатлантириш;
🔹педагогик жамоалар ва таълим муассасалари ўртасида соғлом рақобат муҳитини яратишга эришиш кўзда тутилган.

Бундан ташқари, янги қарорга асосан:

✅умумтаълим мактабларидаги психолог ва кутубхона ходимларига устама белгилашда ушбу устамага лойиқ кўрилган ходимлар 50 фоиздан ошмаслик чеклови бекор қилинди;
✅мактабларнинг фан йўналишлари бўйича услубий бирлашмалари раҳбарлари базавий тариф ставкаларига устама белгилашда аниқ 6 турдаги мезон белгиланди;
✅баҳолаш мезонларининг шаффофлашуви ва қисқариши натижасида жами мезонлар сони мақбуллаштирилиб, 20 фоизга камайди;
✅устама олиш учун талабгорлар томонидан тўлдирилиши керак бўлган ҳужжатлар сони 60 фоизга камайиб, эндиликда талабгор фақатгина 3 номдаги ҳужжатни тўлдириши назарда тутилмоқда.

Ўйлаймизки, Директор жамғармасидан фойдаланиш тартибига киритилган ўзгартириш ва қўшимчалар мактабларда фаолият кўрсатаётган ходимлар, жумладан, ўқитувчилар меҳнатини муносиб рағбатлантиришга хизмат қилади.

Ўқувчилар 7-синфдан бошлаб касб-ҳунар ўрганади (+видео)

📍http://uza.uz/posts/230328

🔻Ўзбекистоннинг ягона расмий ахборот агентлиги

Тelegram | Facebook | Instagram | Twitter

2021 йил 4 январь куни қишки таътил даврида ФАН ЎҚИТУВЧИЛАРИНИНГ маҳоратини ошириш дастурини эфирга бериш жадвали

👉 “Маҳорат машғулотлари”

14:00 ― Математик саводхонлик
14:21 ― Табиий фанлар бўйича саводхонлик
14:35 ― Ўқиш саводхонлиги
14:48 ― Таълим технологияси
15:01 ― Таълим технологияси
15:15 ― Инглиз тили
15:28 ― Инглиз тили
15:47 ― 1- синф “Тарбия” фани
15:56 ― 2- синф “Тарбия” фани


Расписание трансляции программы повышения квалификации УЧИТЕЛЕЙ в период зимних каникул 4 января 2021 года

👉 “Мастер класс”

16:04 ― Математическая грамотность
16:19 ― Естественнонаучная грамотность
16:32 ― Читательская грамотность
16:47 ― Технологии образования
16:51 ― Технологии образования
17:07 ― Английский язык
17:21 ― Английский язык
17:39 ― 1- класс “Тарбия”
17:51 ― 2- класс “Тарбия”

Изоҳ: мазкур машғулотлар “ONLINE-MAKTAB” рукни остида 8:30 дан бошлаб (18:00 дан бошлаб такрорий) эфирга узатилади