2023-yil 18-avgust kuni o‘tkazilgan O‘zbekiston Respublikasi Prezidentining tadbirkorlar bilan ochiq muloqoti doirasida tadbirkorlarga yanada qulay shart-sharoitlar yaratish va ularni rag‘batlantirish maqsadida Tadbirkorlik subyektlarining barqarorlik reytingi joriy etish vazifasi belgilangan.

Хo'sh, barqarorlik reytingi joriy qilingandan so'ng nimalar o'zgardi❓

📈 Mazkur tartib joriy qilinganda reytingning yuqori “AAA”, “AA” va “A” ko‘rsatkichidagi tadbirkorlar soni 727 nafar bo‘lgan bo‘lsa, hozirda ularning soni 4 398 tani tashkil etmoqda. O'rta “BBB”, “BB” va “B” reytinga ega tadbirkorlik subyektlari soni esa 36 853 tadan 87 922 taga oshgan.

🪙 Reytingning eng yuqori “AAA” pog‘onasidagi tadbirkorlik subyektlariga tizim joriy qilingandan bugungi kunga qadar 213 ta holatda 213,5 mlrd so‘mlik qo‘shilgan qiymat solig‘idan bo‘lgan ortiqcha mablag‘lar bir kun muddatda tekshiruvlarsiz qaytarib berilgan.

🫂 Reytingdagi qo‘shimcha rag‘batlardan foydalanish maqsadida tadbirkorlar tomonidan yangi ish o‘rinlari yaratilishi hamda legallashtirilishi hisobiga rasmiy band fuqarolar soni 5 351 ming nafardan (235 mingtaga ortib) 5 586 ming nafarga yetdi.

Shuningdek, sohalar kesimida ishchi xizmatchilarning o‘rtacha ish haqi miqdori tahlil qilinganda tizim joriy qilingandan keyingi davrda 2023-yilgi o‘rtacha ko‘rsatkichga nisbatan sezilarli darajada ortganligi ham kuzatilmoqda.

Jumladan, sanoatda 1 050,0 ming so‘mdan 1 575,0 ming so‘mga (o‘sish 1,5 barobar), qurilishda 1 622,3 ming so‘mdan 2 072 ming so‘mga (o‘sish 1,3 barobar), savdoda 1 045,0 ming so‘mdan 1 394,0 ming so‘mga (o‘sish 1,4 barobar) oshgan.

📞 O‘z navbatida, tizim yuzasidan maslahatlar berish hamda ularning mavjud muammolarni bartaraf etish maqsadida Savdo-sanoat palatasida tunu-kun ishlovchi +998781506007 CALL-markazi doimiy ishlab kelmoqda.

🕊Telegram 📱Instagram 📱Facebook 📺Youtube

🗣🔊🗣🗣🗣🗣🗣

O‘zbekiston Respublikasi Prezidentining tadbirkorlar bilan ochiq muloqoti doirasida 15-iyundan 9 ta Ekspert guruhi tadbirkorlarni qiynayotgan masalalarga yechim izlashga kirishadi:

🫥 1-guruh — Tadbirkorlikni moliyaviy qo‘llab-quvvatlash masalalari bilan shug‘ullanadi

🫥 2-guruh — Soliq tizimini takomillashtirishga mas’ul

🫥 3-guruh — Ishlab chiqarish maydonlari bilan ta’minlashga oid barcha masalalarni qamrab oladi

🫥 4-guruh — Infratuzilma bilan ta’minlashga qaratilgan masalalarga yechim topadi

🫥 5-guruh — Transport-logistika,

🫥 6-guruh — Tadbirkorlar mahsulotlariga bozor topish yo‘nalishida ishlaydi.

🫥 7-guruh — Eksport-import masalalari,

🫥 8-guruh — Tadbirkorlikni tartibga solishni soddalashtirishga mas’ul.

🫥 9-guruh — Tadbirkorlarning huquqiy himoyasini kuchaytirish masalalarini qamrab oladi.

Еkspert guruhlari tadbirkorlar murojaatlari asosida aniqlangan tizimli muammolarni tahlil qilib, ularning yechimi bo‘yicha takliflarni Respublika shtabiga kiritib boradi.

🕊Telegram 📱Instagram 📱Facebook 📺Youtube