🇺🇿 Namanganda tadbirkor ayollar bilan ochiq muloqot o'tkazildi

✔️ O‘zbekiston Respublikasi Prezidentining tadbirkorlar bilan Ochiq muloqotiga tayyorgarlik ko‘rish doirasida Namangan viloyatida O’zbekiston Savdo-sanoat palatasi raisining birinchi o’rinbosari v.v.b. N.Umarova hamda mutasaddi tashkilotlar vakillari ishtirokida turli sohalarda faoliyat olib borayotgan 120 nafar xotin-qizlar bilan ochiq muloqot tashkil etildi.

Uchrashuvda biznes vakillari o‘zlarini qiziqtirgan masalalar, tashvishga solayotgan muammolari yuzasidan mas’ullarga to‘g‘ridan-to‘g‘ri murojaat qilib, savollariga amaliy javoblar olishdi.

Bildirilgan masalalarni yechim sari yetkazish, tadbirkorlarga ko‘makdosh bo‘lish harakatlari yo‘lga qo‘yildi. Jumladan, 2 nafar tadbirkorning muammosi joyida o'z yechimini topdi.

Aniqlangan muammo va takliflar yuzasidan mutasaddilarga topshiriq berilib, aniq vazifalar yuklandi, ijrosi nazoratga olindi. Hududning investitsion salohiyatini oshirish, tashqi iqtisodiy faoliyatiga ko'maklashish, tadbirkorlikni yanada rivojlantirish borasida ham taklif va tavsiyalar berildi.

🕊Telegram 📱Instagram 📱Facebook 📺Youtube

"Oʻzbekiston Respublikasi Prezidentining tadbirkorlar bilan ochiq muloqotini tashkil qilish chora-tadbirlari toʻgʻrisida"gi qarori bo'yicha yig'ilish o'tkazildi

Ma'lumki, joriy yilning 30-may kuni Oʻzbekiston Respublikasi Prezidentining "Oʻzbekiston Respublikasi Prezidentining tadbirkorlar bilan ochiq muloqotini tashkil qilish chora-tadbirlari toʻgʻrisida"gi qarori qabul qilingan bo'lib, mazkur qaror ijrosini ta'minlash maqsadida, Oʻzbekiston Savdo-sanoat palatasi tashabbusi bilan tadbirkorlik faoliyatini rivojlantirish yuzasidan "PREZIDENTGA TAKLIFLAR" dasturi doirasida tashkil etilgan shtab binosida yig'ilish o'tkazildi.

Yig'ilishda Jizzax viloyat hokimi birinchi o'rinbosari A.Mustanov, O'zbekiston Savdo-sanoat palatasi raisi o'rinbosari v.v.b. U.Pazilxanov, Biznes Ombudsmanning Jizzax viloyati bo'limi bosh inspektori S.Usmanov, Savdo-sanoat palatasi Jizzax viloyat boshqarmasi boshlig'i A.Bokiyev hamda boshqa tegishli idoralar xodimlari ishtirok etdi.

Yig'ilishni Jizzax viloyat hokimi birinchi o'rinbosari A.Mustanov ochib berib, u o'z nutqida tadbirkorlar murojaatlari va takliflarini qabul qilish va umumlashtirish, tizimli muammolarni aniqlash va ularni bartaraf etish bo‘yicha takliflar ishlab chiqish, shuningdek, tadbirkorlarning alohida masalalarini joylarda tezkorlik bilan hal qilishni tashkil etish bo'yicha o'z fikr va mulohazalarini bildirdi.

Shundan so'ng, O'zbekiston Savdo-sanoat palatasi raisi o'rinbosari U.Pazilxanov so'zga chiqib, Oʻzbekiston Savdo-sanoat palatasi tashabbusi bilan tadbirkorlik faoliyatini rivojlantirish yuzasidan "PREZIDENTGA TAKLIFLAR" dasturi doirasida tashkil etilgan shtab ish faoliyati, vazifalari va mazkur shtabda tashkil etilgan call-markazi xizmatlari bo'yicha yig'ilish ishtirokchilariga tushunchalar berdi.

Shuningdek, yig'ilishda qaror ijrosini samarali tashkil etish uchun mas'ul bo'lgan tegishli idoralarga topshiriq va vazifalari belgilab berildi.

🕊Telegram 📱Instagram 📱Facebook 📺Youtube